Baaghi TV

Tag: baaghitv

  • راجا پرویز اشرف کی زیرصدارت قومی سلامتی پر پارلیمانی کمیٹی کا اجلاس جاری، اہم فیصلے متوقع

    راجا پرویز اشرف کی زیرصدارت قومی سلامتی پر پارلیمانی کمیٹی کا اجلاس جاری، اہم فیصلے متوقع

    راجا پرویز اشرف کی زیرصدارت قومی سلامتی پر پارلیمانی کمیٹی کا اجلاس جاری، اہم فیصلے متوقع

    اسپیکر قومی اسمبلی راجا پرویز اشرف کی زیرصدارت قومی سلامتی پر پارلیمانی کمیٹی کا اہم اجلاس جاری ہے۔ اجلاس میں ملک کی مجموعی قومی سلامتی امور کا جائزہ لیا جارہا ہے۔ اجلاس میں وفاقی وزراء اور قائم مقام وزیراعظم آزاد کشمیر، چاروں صوبائی وزرائے اعلیٰ کو بھی مدعو کیا گیا ہے۔ جبکہ آرمی چیف قومی سلامتی کے امور پر خصوصی اجلاس کو بریفنگ دیں گے۔

    اجلاس میں دفاع، خزانہ، داخلہ، خارجہ اور اطلاعات کے سیکرٹریز ،چاروں صوبوں، جی بی اور آزاد کشمیر کے چیف سیکریٹریز اور آئی جیز کو بھی دعوت دی گئی۔ جبکہ وزیراعظم شہبازشریف کا کہنا ہے کہ پاکستان نے دہشتگردی کے خلاف جدوجہد میں اسی ہزار سے زائد قربانیاں دی ہیں،ہمارے شہدا کی عظیم قربانیوں سے امن بحال ہوا، یہ محنت چار سال میں ضائع کر دی گئی۔ ملک میں دہشت گردی واپس کیوں آئی اور کون لایا ؟
    مزید یہ بھی پڑھیں؛
    عامر شہزاد کی موت کو جے آئی ٹی نے طبعی قرار دے دیا
    عثمان بزدار کے خلاف محکمہ اینٹی کرپشن میں ایک اور انکوائری کا آغاز
    26 سال کے بعد بھی شاہ رخ خان کا کرشمہ قائم ہے شامک داور
    کرشنا ابھیشیک نے اپنے ماموں گووندا اور ممانی کے ساتھ جھگڑے کی خبروں پر رد عمل دیدیا
    سورو گنگولی نغمہ کے ساتھ اپنی دوستی چھپا کر رکھنا چاہتے تھے لیکن کیا ہوا؟‌
    سعودی عرب: حسن قرات کا دنیا کا سب سے بڑا مقابلہ ایرانی قاری نے جیت لیا
    کچے کے علاقے میں ڈاکوؤں کے خلاف آپریشن ،آئی جی پنجاب اور ڈی پی او پر فائرنگ
    پاکستان کیساتھ سٹاف لیول معاہدے پر جلد دستخط ہوجائیں گے. ڈائریکٹر آئی ایم ایف مڈل ایسٹ
    جناح انٹرنشنل ائیرپورٹ کے فوڈ کاؤنٹرز پر نامناسب پیپر پلیٹ میں کھانا دینے کا انکشاف
    اجلاس میں اعلیٰ عدلیہ سے متعلق قانون سازی و دیگراہم امورپربڑے فیصلوں کی منظوری دی جائے گی۔ واضح رہے کہ پارلیمنٹ سے منظورکردہ سپریم کورٹ پریکٹس اینڈ پروسیجر بل کو سپریم کورٹ میں چیلنج کردیا گیا ہے،جس پرسماعت کرتے ہوئے 8 رکنی بینچ نے پریکٹس اینڈ پروسیجربل پرعملدرآمد روک دیا ہے۔

  • دعازہرا کیس: نکاح جائزہے، بچی سے زبردستی نہیں کرسکتے۔ سپریم کورٹ

    دعازہرا کیس: نکاح جائزہے، بچی سے زبردستی نہیں کرسکتے۔ سپریم کورٹ

    دعازہرا کیس عدالت عظمی میں زیرسماعت تھا جس پر عدالت نے ان کے والد کو مناسب فورم سے رجوع کرنے کا مشورہ دیتے ہوئے کہا کہ یہ نکاح قانونی طور پر جائز ہے لہذا بچی کےساتھ زبردستی نہیں کرسکتے۔

    سپریم کورٹ میں موجود ذرائع کے مطابق جج نے ریمارکس دیئے کہ: ہم بھی والدین ہیں اور والد کا دکھ سمجھ سکتے ہیں لیکن دعا زہرا اپنے بیانات ریکارڈ کروا چکی ہیں۔ لہذا اب آپ یہ  الزام نہیں لگا سکتے کہ میری بیٹی پر کسی نے کوئی زبردستی کی ہے اور کسی انہیں اغوا کیا کیا تھا۔
    عدالت نے کہا: آپ اور آپ کی بیگم چاہیں تو آرام سے اپنی بیٹی سے مل سکتے ہیں بھلے آپ جتنے گھنٹے ان سے ملنا چاہیں۔ لیکن اب آپ کا اغوا والا اعتراض ختم ہوچکا کیونکہ بچی نے اپنی مرضی سے شادی کی ہے اور اس کی بھی خواہشات ہیں۔ لہذا آپ ہم سے یہ نہ چاہیں کہ عدالت اس شادی کا تعین کرے کہ یہ ٹھیک ہے یا نہیں؟
    جسٹس سجاد علی شاہ نے دعا زہرا کیس کی سماعت کے دوران ان کے والد کو کہا: جب دو عدالتوں میں بیانات بھی ہوگئے ہیں تو پھر آپ کو کیا مسئلہ ہے حتکہ آپ کی بیٹی نے آپ سے ملاقات کرنے کے بعد بھی یہی کہا کہ مجھے شوہر کے ساتھ جانا ہے تو یہ ان کا حق ہے لہذا اب آپ کیا چاہتے یا کہتے ہیں؟

    واضح رہے سپریم کورٹ کراچی رجسٹری نے دعا زہرا کے والد مہدی کاظمی کے وکیل کی جانب سے سندھ ہائی کورٹ کے فیصلے کیخلاف اپیل کی واپسی کی استدعا پر درخواست خارج کرتے ہوئے جسٹس محمد علی مظہر نے کہا کیا باتیں چل رہی ہیں، کہ آپ کا مسلک اور ان کا مسلک اور ہے، ملاقات کے بعد بھی بچی نہ مانی تو کیا کر لیں گے۔
    مہدی رضا نے عدالت کو کہا ہمارے ہاں ولی کے بغیر شادی نہیں ہوتی ، چاہے بچی کی چاہت ہو لہذا میں چاہتا ہوں کہ بچی میرے حوالے کی جائے. اس پر عدالت نے انکار کرتے ہوئے انکی درخواست خارج کردی.

  • ذیابیطس کے بڑھتے ہوئے مرض کی روک تھام کیلئے فیصل آباد میں Diabetes سنٹر اسلام آباد کی برانچ قائم کی جائے گی

    ذیابیطس کے بڑھتے ہوئے مرض کی روک تھام کیلئے فیصل آباد میں Diabetes سنٹر اسلام آباد کی برانچ قائم کی جائے گی

    فیصل آباد (عثمان صادق) ذیابیطس کے بڑھتے ہوئے مرض کی روک تھام کیلئے فیصل آباد میں (Diabetes ) سنٹر اسلام آباد کی برانچ قائم کی جائے گی جس میں تشخیص سے لے کر علاج تک کی جدید اور سٹیٹ آف دی آرٹ سہولتیں مہیا کی جائیں گی۔ Diabetes سنٹر اسلام آباد کے ایک وفد نے آج فیصل آباد چیمبر آف کامرس اینڈانڈسٹری کے سینئر نائب صدر عمران محمود شیخ سے ملاقات کی اور انھیں اپنی خدمات، کارکردگی اور توسیعی منصوبوں کے بارے میں آگاہ کیا۔ عمران محمود شیخ نے وفد کو یقین دلایا کہ وہ صدر عاطف منیر شیخ کے ہمراہ بہت جلد اسلام آباد کا دورہ کریں گے تاہم سنٹر کے ماہرین کو ذیابیطس کے موذی مرض پر قابو پانے کیلئے فیصل آباد چیمبر میں آگاہی سیشن کے علاوہ فری میڈیکل کیمپ بھی لگانا چاہیے تاکہ لوگوں کو اس سنٹر کی خدمات اور مستقبل کے منصوبوں کے بارے میں ضروری معلومات مہیا کرنے کے علاوہ بزنس کمیونٹی کو عطیات دینے کی بھی ترغیب دی جا سکے۔ انہوں نے فیصل آباد میں لاہور کی طرز پر Diabetes سنٹر کے قیام پر زور دیا تاکہ یہاں کے لوگوں کو بھی اس موذی بیماری کے علاج کی جدید سہولتیں مہیا کی جا سکیں۔ انہوں نے دکھی انسانیت کی خدمت کیلئے فیصل آباد کی بزنس کمیونٹی کی خدمات کا ذکر کیا اور کہا کہ یہاں کے لوگ فلاحی کاموں میں بڑھ چڑھ کر حصہ لے رہے ہیں اور وہ یقینا اس سنٹر کے قیام میں بھی اپنا بھر پور کردار ادا کریں گے۔ انہوں نے وفد کے ممبران سے کہا کہ وہ چیمبر کی قائمہ کمیٹی کے چیئرمین ڈاکٹر حبیب اسلم گابا سے رابطہ رکھیں تاکہ فیصل آباد میں تقریب کے انتظامات کو آئندہ ماہ تک حتمی شکل دی جا سکے۔ اس سے قبل Diabetes سنٹر اسلام آباد کے ایڈمنسٹریٹر ڈاکٹر خضر پرویزنے اس ادارہ کی کارکردگی، خدمات اور مستقبل کے توسیعی منصوبوں کے بارے میں بتایا اور کہا کہ ذیابیطس کا مرض کووڈ سے بھی زیادہ خطرناک ہے اور لوگوں کی لاپرواہی کی وجہ سے اس کی شرح میں تیزی سے اضافہ ہو رہا ہے۔ انہوں نے بتایا کہ اسلام آباد سنٹر میں عالمی معیار کی جدید ترین سہولتیں مہیا کی جا رہی ہیں جبکہ 64فیصد مریضوں کا زکوۃ سے علاج کیا جاتا ہے جس کو 70فیصد تک بڑھانے کی تجویز ہے۔ انہوں نے سنٹر کے شعبہ”ڈایا بیٹک فٹ“ کا خاص طور پر ذکر کیا اور بتایا کہ شوگر سے پاؤں کے السر اور اس سے gangrene پیدا ہوتا ہے جس کی وجہ سے پاؤں کاٹنے تک کی نوبت آجاتی ہے۔ انہوں نے بتایا کہ ڈایا بیٹک فٹ کی بروقت آگاہی اور علاج سے اب تک ڈھائی ہزار مریضوں کے پاؤں کٹنے سے بچ چکے ہیں۔ انہوں نے بتایاکہ اسلام آباد سنٹر نے مظفر آباد کے سی ایم ایچ میں بھی یہ سہولت مہیا کر دی ہے جبکہ لاہور اور ساہیوال میں Diabetes سنٹر کی شاخیں قائم کی جا رہی ہیں۔ انہوں نے بتایا کہ اس طرز پر فیصل آباد میں بھی جدید شاخ قائم کی جا سکتی ہے، جس کیلئے مقامی مخیر لوگوں کا تعاون ضروری ہے۔ انہوں نے یقین دلایا کہ وہ بہت جلد اس بارے میں تفصیلات چیمبر سے شیئر کریں گے جبکہ فیصل آباد چیمبر میں آگاہی سیشن کے علاوہ فری کیمپ بھی لگایا جائے گا۔ اس موقع پر ڈاکٹر حبیب اسلم گابا اور چیف کنسلٹنٹ ٹی دی سی عباس بلگرامی بھی موجود تھے۔

  • پیپلز پارٹی زبردستی کی اصلاحات قبول نہیں کرے گی،عدالت کا دروازہ کھٹکھٹائے گی۔ دوست کھوسہ

    پیپلز پارٹی زبردستی کی اصلاحات قبول نہیں کرے گی،عدالت کا دروازہ کھٹکھٹائے گی۔ دوست کھوسہ

    فیصل آباد (عثمان صادق) سابق وزیر اعلی پنجاب وپاکستان پیپلز پارٹی کے مرکزی رہنما سردار دوست محمد کھوسہ نے کہا کہ نیازی حکومت نے پارلیمنٹ میں روایات کی دھجیاں اڑا کر رکھ دیں ہیں۔پیپلز پارٹی زبردستی کی اصلاحات قبول نہیں کرے گی،عدالت کا دروازہ کھٹکھٹائے گی، اب تو الیکشن کمیشن نے بھی برملا کہہ دیا ہے الیکٹرانک مشینوں سے انتخابات کرانے کے پابند نہیں ہیں ،نیازی سرکار ڈنڈے کے زور پر سیاہ قوانین پاس کروانے کے لیے سلیکٹرز کے پاو¿ں کیوں پکڑ رہی ہے۔ 2023کے الیکشن کو ہائی جیک کرنے کے لیے الیکٹرانک ووٹنگ مشین کا ڈرامہ رچایا جا رہا ہے، ان خیالات کا اظہار انھوں نے پیپلز پارٹی کے مرکزی رہنما ،سابق صوبائی و زیر صحت پنجاب بدر الدین چوہدری کی بھتیجی کے انتقال پر اظہار تعزیت کے بعد سابق وفاقی مشیر داخلہ ملک اصغر علی قیصر،پی پی پی کے ڈویژنل و ڈسٹرکٹ میڈیا کووار ڈ ینیٹر محمد طاہر شیخ ،ٹکٹ ہولڈر چوہدری عمر دراز آزاد و دیگر جیالوں سے ملاقات کے دوران ملکی صورتحال پر گفتگو کے دوران کیا،سابق وزیر اعلی پنجاب سردار دوست محمد کھوسہ نے کہا کہ سلیکٹرز اور سلیکٹڈ نیازی پاکستانی قوم کے ساتھ ایک اور گھناو¿نا کھیل کھیلنا چاہتے ہیں۔جو کہ تشویش ناک فعل ہے ِبحران خان کی حکومت نے اب قوم کو روٹی پکانے کیلئے گیس بھی دینے سے انکار کر دیا گیا ہے، تین سالہ کارکردگی کا نچوڑ دن میں صرف تین بار گیس کی فراہمی کا اعلان ہے، یہ موسم سرما عمران خان کی حکومت اور سیاست کی تدفین کا موسم ثابت ہوگا،قوم ہر موسم سرما کو رہتی دنیا تک منحوس حکومت سے نجات کے موسم کے طور پر منائے گی،تبدیلی سرکار کے تمام دعوے اور وعدے پہلے بھی جھوٹ کا پلندہ ثابت ہوئے اب بھی قوم کے ساتھ ایک سنگین فراڈ ہو گا، متنازعہ قانون سازی پیپلز پارٹی کو ہر گز قبول نہیں پیپلز پارٹی حکومتی سیاہ قانون سازی کے خلاف ہر محاذ پر منہ توڑ جواب دے گی ۔مرکزی رہنما ،سابق صوبائی و زیر صحت پنجاب بدر الدین چوہدری نے کہا کہ ، اناڑی کو گاڑی پر بٹھائےںگے تو خود بھی مرے گا گاڑی کو بھی تباہ کرے گا ،اگر گاڑی اناڑی نہیںچلا سکتا تو 22 کروڑ عوام کا ملک کیسے چلا سکتا ہے ، قوم پوچھتی ہے کہ تبدیلی لانے والوں کو عمران نیازی کی حکمرانی پسند آئی؟تین ٹائم گیس کی فراہمی کا اعلان بھی دھوکہ ہے، گیس آئے گی ہی نہیں، بجلی، پٹرول اور گیس مہنگی کرنے کے بعد سلیکٹڈ قوم سے سہولتیں بھی چھین رہا ہے، سردیوں میں گیس کی فراہمی سے انکار کرنے والی حکومت کو لوگ نکال باہر پھینکیں گے۔سابق وزیر اعلی پنجاب سردار دوست محمد کھوسہ نے کہا کہ2018 میں پی ٹی آئی حکومت کو لا کر ملک کا ستیاناس ، بیڑہ غرق کردیا گیا ہے ،جو بھی اشیا ئے خوردونوش لینے جاتا ہے وہ اس حکومت کو گالیاں نکال کر نہیں آتا ؟، اس مہنگائی نے عوام کاجینا محال کر دیا ہے ، کہ ، جس نے قوم کو ڈینگی کے رحم و کرم پر چھوڑ دیا ہے ،،اس نے ہماری خارجہ پالیسی تباہ کر دی ہے ،دہشتگردی پھر سر اٹھا رہی ہے۔

  • فیصل آباد انٹر نیشنل ائیرپورٹ کا نیا رن وے آئندہ سال میں مکمل ہوگا

    فیصل آباد انٹر نیشنل ائیرپورٹ کا نیا رن وے آئندہ سال میں مکمل ہوگا

    فیصل آباد (عثمان صادق) فیصل آباد انٹر نیشنل ائیر پورٹ جھنگ روڈ کا نیا رن وے آئندہ سال اگست میں مکمل ہو جائے گا۔ جس کے ساتھ ہی بڑے جہازوں کی لینڈنگ سے براہ راست بین الاقوامی پروازوں کا سلسلہ شروع ہو جائے گا۔ یہ بات فیصل آباد چیمبر آف کامرس اینڈانڈسٹری کے صدر عاطف منیر شیخ نے پی آئی اے کے ڈسٹرکٹ منیجر شاہد حسین سے ایک ملاقات کے دوران بتائی۔جنہوں نے اپنی ٹیم کے ہمراہ فیصل آباد چیمبر کا دورہ کیا اور عاطف منیر شیخ کو نیا صدر منتخب ہونے پر مبارکباد دی اور پھولوں کا گلدستہ پیش کیا۔انہوں نے بتایا کہ فیصل آباد کی مستقبل کی ہوائی سفر کی ضروریات کو پورا کرنے کیلئے چینی سرمایہ کاروں کے تعاون سے چک جھمرہ کے نزدیک نیا سویلین ائیر پورٹ بنانے کی بھی کوشش کی جائے گی۔ انہوں نے کہا کہ بہت سی چینی کمپنیاں پہلے سے ہی ایم تھری اور علامہ اقبال انڈسٹریل اسٹیٹس میں اپنے یونٹ چلا رہی ہیں جبکہ مزید کئی کمپنیاں سرمایہ کاری کیلئے تیار ہیں۔ اسی طرح یورپ اور ترکی کے صنعتکار بھی یہاں اپنے یونٹ قائم کر رہے ہیں جو 2024ء تک آپریشنل ہو جائیں گے۔ انہوں نے بتایا کہ نئی سرمایہ کاری میں بڑا حصہ چینی کمپنیوں کا ہے جن کو یہاں آنے جانے کیلئے ہوائی سفر کی ضرورت ہو گی۔ عاطف منیر نے مزید بتایا کہ علامہ اقبال انڈسٹریل اسٹیٹ میں چنگ ڈو سٹی بھی قائم کیا جا رہا ہے اور توقع ہے کہ آنے والے صرف چند سالوں میں فیصل آباد سے چین کیلئے فضائی سفر کرنے والوں کی ٹریفک میں زبردست اضافہ ہوگا۔ انہوں نے کہا کہ اس حوالے سے چینی سرمایہ کاروں کیلئے نئے ائیر پورٹ کی تعمیر بھی انتہائی منافع بخش ثابت ہو گی۔ انہوں نے کہا کہ چین اس وقت فیصل آباد کیلئے اپنی فضائی سروس شروع کرنے کا بھی جائزہ لے رہا ہے اور جب یہ دونوں صنعتی علاقے مکمل طور پر آباد ہو جائیں گے تو چینی باشندوں کیلئے سفر کا نہ ختم ہونے والا سلسلہ شروع ہو جائے گا۔ انہوں نے پاک چین مشترکہ چیمبر آف کامرس اینڈانڈسٹری کے صدر سے اپنی حالیہ ملاقات کے حوالے سے بتایا کہ وہ بھی چینی سرمایہ کاروں کو فیصل آباد میں ائیر پورٹ کی تعمیر کیلئے ترغیب دے رہے ہیں۔ انہوں نے بتایا کہ علامہ اقبال انڈسٹریل اسٹیٹ کے ساتھ 400ایکڑ سرکاری اراضی کو اس مقصد کیلئے مختص کرنے کی ضرورت ہے اور اس سلسلہ میں حائل روکاوٹوں کو ترجیحی بنیادوں پر دور کیا جا رہا ہے۔ موجودہ ائیر پورٹ کے حوالے سے بتایا گیا کہ اس کا نیا رن وے زیر تعمیر ہے جو آئندہ سال اگست تک مکمل ہو گا اور اس پر بڑے جہاز بھی اتر سکیں گے۔ یہ بھی بتایا گیا کہ فیصل آباد سے برطانیہ کیلئے براہ راست پرواز انتہائی قابل عمل ہو گی کیونکہ اس خطے کے لوگوں کی بہت بڑی تعداد باقاعدگی سے برطانیہ آتی اور جاتی ہے۔ لیکن پی آئی اے صرف رن وے کی وجہ سے یہاں سے پروازوں کا سلسلہ شروع نہیں کر رہا۔ صدر کو بتایا گیا کہ نئے رن وے کی تکمیل کے ساتھ ہی فیصل آباد سے کراچی تک کارگو کی موجودہ ڈیڑھ ٹن کی کیپسٹی کو 14 سے 15ٹن تک بڑھایا جا سکے گا۔ اس موقع پر ڈسٹرکٹ منیجر شاہد حسین نے عاطف منیر شیخ کو پی آئی اے کا نشان بھی پیش کیا۔

  • کرونا میں کمی کے باعث مختلف ملکوں کے درمیان ٹریڈ اور سرمایہ کاری کے نئے مواقع کھل رہے ہیں۔ہائی کمشنر ساؤتھ افریقہ

    کرونا میں کمی کے باعث مختلف ملکوں کے درمیان ٹریڈ اور سرمایہ کاری کے نئے مواقع کھل رہے ہیں۔ہائی کمشنر ساؤتھ افریقہ

    فیصل آباد (عثمان صادق) کرونا میں کمی کے باعث مختلف ملکوں کے درمیان ٹریڈ اور سرمایہ کاری کے نئے مواقع کھل رہے ہیں۔ ساؤتھ افریقہ اور پاکستان کو بھی اِن مواقعوں سے فائدہ حاصل کرنا چاہیے۔ پاکستان اور ساؤتھ افریقہ کو ٹورازم کے فروغ پر خصوصی توجہ دینا چاہیے۔ یہ بات ساؤتھ افریقہ کے ہائی کمشنر میتھو تھو زالی ماڈی کیزا نے فیصل آباد وومن چیمبر آ ف کامرس اینڈانڈسٹری کے دورے کے دوران فی میل انٹر پرینورز سے خطاب کرتے ہوئے کہی۔ انہوں نے پاکستان گورنمنٹ کی ”Look Africa“کی پالیسی کی تعریف کی اور کہا کہ پاکستانی خواتین کو ساؤتھ افریقہ میں کاروبار ی خواتین سے روابط بڑھانا چاہیے۔ انہوں نے کہا کہ گو پاکستان ٹیکسٹائل میں جدید مہارت رکھتا ہے مگر غیر روایتی منڈیوں میں زیادہ ٹریڈ کا پوٹینشل موجود ہے اور ان پر ان کا فوکس ہونا چاہیے تاکہ غیر روایتی اشیاء کو برآمد کیا جا سکے۔ انہوں نے کہا کہ دونوں ملکوں میں قدرتی حسن اور برف سے ڈھکی پہاڑوں کا حسین منظر دستیاب ہے اور ہمیں اس پوٹینشل کو زیادہ سے زیادہ استعمال میں لانا چاہیے۔ فیصل آباد وومن چیمبر کی صدر محترمہ نگہت شاہد نے ساؤتھ افریقہ کے ہائی کمشنر کی آمد پر شکریہ ادا کرتے ہوئے اپنے روڈ میپ کا تفصیل کا ذکر کیا۔ انہوں نے کہا کہ وہ فیصل آباد وومن چیمبر کا ایک وفد ساؤتھ افریقہ بھیجنا چاہتی ہیں تاکہ وہاں کی کاروباری خواتین سے ملاقات کر کے باہمی تجارت کے مواقع حاصل کئے جائیں۔ انہوں نے ساؤتھ افریقہ کے ہائی کمشنر سے امید ظاہر کی کہ وہ زیادہ سے زیادہ اس ڈیلی گیشن کے سلسلہ میں مدد کریں۔ انہوں نے بتایا کہ ہمارا زیادہ سے زیادہ فوکس وومن انٹر پرینوئرشپ ڈویلپمنٹ بڑھانا ہے اور اس سلسلہ میں 15نومبر کو آل پاکستان وومن پریزیڈنٹس کی کانفرنس بھی منعقد کر رہی ہیں۔ نائب صدر محترمہ فرحت نثار نے مہمانوں کا شکریہ ادا کیا جبکہ سینئر نائب صدر محترمہ صوبیہ عقیل، محترمہ شمع احمد اور دیگر خواتین بھی اس موقع پر موجود تھیں۔

  • کرونا کے بعد عالمی سطح پر روبوٹک اور مصنوعی ذہانت کا نیاد ور شروع ہو رہا ہے۔ انجینئر احمد حسن

    کرونا کے بعد عالمی سطح پر روبوٹک اور مصنوعی ذہانت کا نیاد ور شروع ہو رہا ہے۔ انجینئر احمد حسن

    فیصل آباد (عثمان صادق) کرونا کے بعد عالمی سطح پر روبوٹک اور مصنوعی ذہانت کا نیاد ور شروع ہو رہا ہے۔ اس طرح جہاں بڑے پیمانے پر موجودہ ملازمتوں میں کمی ہو گی وہاں ان سے کئی گنا زیادہ نئی نوکریاں پیدا ہوں گی مگر اِس سے فائدہ اٹھانے کیلئے بروقت تیاری کی ضرورت ہے۔ یہ بات سی پیک اور ریسرچ اینڈ ڈویلپمنٹ بارے فیصل آباد چیمبر آف کامرس اینڈانڈسٹری کی قائمہ کمیٹی کے چیئرمین انجینئر احمد حسن نے پہلے اجلاس سے خطاب کرتے ہوئے کہی۔انہوں نے کہا کہ سی پیک کے تناظر میں فیصل آباد کی جامع ترقی کیلئے نئی ہائی ٹیک صنعتوں کے قیام کے علاوہ موجودہ صنعتوں میں بھی جدید ٹیکنالوجی کو متعارف کرانے کیلئے انڈسٹری اکیڈیمیا رابطوں میں اضافے کے ساتھ ساتھ ان کے عملی اطلاق کیلئے حکومت کو بیک وقت مالی اور ترغیبی اقدامات اٹھانے ہوں گے۔ میٹنگ کے ایجنڈے کے بارے میں انہوں نے بتایا کہ آر اینڈ ڈی کی ویژن، مشن اور اہداف کا تعین، آر اینڈ ڈی ونگ کے ماڈل اور فریم ورک کی تیاری، انڈسٹری اکیڈیمیا روابط، انڈسٹری اکیڈیمیا روابط کے فوائد کو متعلقہ شعبوں تک پہنچانااور اس مقصد کیلئے یوٹیوب اور سوشل میڈیا کے استعمال، پراجیکٹ فوکس ایریاز کی نشاندہی اور اُن کے قومی معیشت اور عوام پر اثرات اور کیپسٹی بلڈنگ کے مقامی صنعتوں کیلئے فوائد کا تعین کرنا شامل ہیں۔ انہوں نے کہا کہ اس ایجنڈے کو فیصل آباد چیمبر آف کامرس اینڈانڈسٹری کے صدر عاطف منیر شیخ سے بھی شیئر کیا جائے گا تاکہ اس میں اُن کے روڈ میپ اور تجاویز کو بھی شامل کیا جا سکے۔ انہوں نے ایجنڈے کے بارے میں بتایا کہ اس کا بنیادی مقصد مائیکرو فنانشل استحکام، ٹیکس، گورننس، تنوع اور ویلیو ایڈیشن، توانائی، زراعت اور لائیو سٹاک، افرادی قوت، انٹر پرینورشپ اور کاروباری آسانیاں، ماحولیات کا تحفظ اور ماحولیاتی تبدیلیوں کو روکنا اور مجموعی قومی معیشت کو بہتربنانا ہے۔ وائس چیئرمین ڈاکٹر خرم طارق نے کہا کہ اس بھاری بھر کم ایجنڈ ے کی بجائے کم سے کم ایجنڈے پرکام کیا جائے تاکہ ایک مقصد کو حاصل کرنے کے بعد بتدریج دوسرے اہداف پر کام شروع کیا جا سکے۔ ڈاکٹر عارف نے کہا کہ کمیٹی کو بیک وقت مقامی اور قومی سطح کے مسائل پر توجہ دینی چاہیے اور اس سلسلہ میں انہوں نے توانائی، توانائی کے متبادل ذرائع، واٹر ٹریٹمنٹ، انڈسٹری اکیڈیمیا روابط، ملازمین کی تربیت، ریگولیٹری اداروں سے روابط اور ان کی تجاویز سے پالیسیوں کی تشکیل میں بہتری لانے پر توجہ دینا ہو گی۔ محمد امجد خواجہ نے فیصل آباد چیمبر کے ایگزیکٹو ممبران کی صلاحیتوں میں اضافہ پر بھی زور دیا اور کہا کہ اس مقصد کیلئے خصوصی پروگرام تشکیل دیئے جائیں۔ اس سلسلہ میں ایک کمیٹی بھی قائم کی گئی جو ڈاکٹر عارف اور ڈاکٹر حبیب اسلم گابا کی نگرانی میں آئندہ لائحہ عمل تشکیل دے گی۔ ماحولیاتی تبدیلیوں کے حوالے سے انہوں نے کہا کہ امریکہ کے صدر جوبائیڈن نے ماحول کے تحفظ کیلئے 1.3ٹریلین ڈالر کا بجٹ منظور کیا ہے جس سے پاکستان بھی فائدہ اٹھا سکتا ہے۔ انہوں نے گرین انقلاب اور قابل تجدید توانائی کے فروغ کیلئے بھی اقدامات پر زور دیا۔ چیئرمین کہا کہ پاکستان بنیادی طور پر زرعی ملک ہے جسے اپنی زرعی پیداوار بڑھانے کے ساتھ ساتھ اس شعبہ میں ویلیو ایڈیشن پر بھی کام کرنا چاہیے تاکہ دیہی غربت کے خاتمے کے ساتھ ساتھ قومی معیشت کو بھی مستحکم بنیادوں پر استوار کیا جا سکے۔ انہوں نے بتایا کہ اس سلسلہ میں زرعی سکالر اظہر رسول آئندہ اجلاس میں فیصل آباد کے پوٹینشل کے بارے میں آگاہ کریں گے۔ انہوں نے چوتھے صنعتی انقلاب کیلئے فیصل آباد چیمبر اور صنعتکاروں کی آگاہی کیلئے جامع پروگرام ترتیب دینے کی اہمیت بھی واضح کی۔

  • عمران خان کو غریب آدمی خصوصاً کرائے کے مکانات میں رہنے والوں کی بہت فکر ہے۔ فرخ حبیب

    عمران خان کو غریب آدمی خصوصاً کرائے کے مکانات میں رہنے والوں کی بہت فکر ہے۔ فرخ حبیب

    فیصل آباد(عثمان صادق) وزیر مملکت اطلاعات و نشریات فرخ حبیب نے کہا کہ وزیراعظم عمران خان دن رات عوام کی فلاح و بہبود کیلئے کام کررہے ہیں اورآئندہ چند روز میں کم آمدنی والے افراد کیلئے بہت بڑے فوڈ سپورٹ پروگرام کا اعلان ہونیوالا ہے جس کے تحت ہیلتھ کارڈ، کسان کارڈ، سوشل سکیورٹی کارڈاور لیبر کارڈ کی طرح راشن کارڈ کے ذریعے غریب افراد کوفوڈ سپورٹ پروگرام کے تحت اربوں روپے کی ٹارگٹڈ سبسڈی دی جائے گی جس سے وہ روزمرہ استعمال کی اشیائے خوردونوش سستے داموں خرید سکیں گے۔فرخ حبیب نے 7کروڑ روپے کی لاگت سے اپنے حلقہ این اے108 فیصل آباد کے علاقہ فیکٹری ایریا و سرسید ٹاؤن میں مختلف ترقیاتی منصوبوں کے افتتاح،گورنمنٹ سول ڈسپنسری فیکٹری ایریا کی دوبارہ تعمیر،سیوریج لائن گنیش مل روڈتا شفیع چوک اور گیان ملز،عزیز کالونی و لال ملز چوک کی سڑکات کی کارپٹنگ اور پی سی سی گلیوں کی تعمیر کا سنگ بنیاد رکھنے کی تقریب کے موقع پر اظہار خیال کررہے تھے۔انہوں نے کہا کہ عمران خان کو غریب آدمی خصوصاً کرائے کے مکانات میں رہنے والوں کا بیحد خیال ہے جن کا نہ مکان اپنا نہ زمین اپنی نہ چھت اپنی ہے لہٰذا عمران خان نے ملکی تاریخ میں پہلی بار بینکوں کو پابند کیا کہ جس طرح وہ بڑے بڑے بزنس مینوں، سرمایہ کاروں، صنعتکاروں اور دیگر شعبہ جات کو قرض دیتے ہیں اسی طرح وہ اپنے گھر کی تعمیر کیلئے کم آمدنی والے افراد کو بھی قرضے دیں جس پر تمام بینکوں نے قرضوں کی فراہمی شروع کردی ہے اور اس ضمن میں اب تک 200 ارب روپے کے قرضوں کیلئے 57 ہزار درخواستیں وصول ہوچکی ہیں جن میں سے 180 ارب روپے کے قرضے منظور اور 19 ارب روپے کے قرضے جاری بھی ہوچکے ہیں اس طرح اب لاکھوں بے گھر لوگوں کا اپنا گھر اپنی زمین اپنی چھت کا خواب شرمندہ تعبیر ہوگا۔انہوں نے کہا کہ دوسرا بڑا مسئلہ صحت کیلئے وسائل کی فراہمی کا ہے کیونکہ بہت سے غریب افراد علاج کی سکت نہ ہونے سے اللہ کو پیارے ہوجاتے تھے لیکن اب ایسا نہیں ہوگا کیونکہ جس طرح کے پی کے میں ہر گھرانے کو صحت کارڈ جاری ہوچکا ہے اسی طرح اگلے ماہ دسمبر کے آخر تک پنجاب کی تمام آبادی اور ہر گھرانے کو ہیلتھ کارڈ جاری کردیا جا ئے گا جس سے وہ سالانہ 10 لاکھ روپے تک اپنا اور اپنے اہل خانہ کا پسند کے ہسپتال میں پسند کے ڈاکٹر سے علاج کرواسکے گا اور اب کسی کا پیارا بغیر علاج اللہ کو پیارا نہیں ہوگا۔فرخ حبیب نے کہا کہ حکومت کو مہنگائی کے حوالے سے عوام کی پریشانی کا بیحد احساس ہے مگر چونکہ عالمی سطح پر گزشتہ50 سالہ مہنگائی کے تمام ریکارڈ ٹوٹ گئے ہیں اور پٹرول کی جو قیمت 40 ڈالر فی بیرل تھی وہ اب بڑھ کر 85 ڈالر فی بیرل ہوگئی ہے اسی طرح پہلے خوردنی تیل کا جو کنٹینر 500 ڈالر کا تھا وہ 1200 ڈالر کا ہوگیا ہے اسی طرح باقی امپورٹڈ اشیا کے ریٹ بھی کورونا کی وجہ سے طلب و رسد میں فرق کے باعث بڑھے مگر پھر بھی ہم نے کم سے کم بوجھ عوام پر پاس آن کیا۔انہوں نے کہا کہ ہم اسحاق ڈار کی طرح پٹرول پر 50 روپے فی لٹر ٹیکس نہیں لے رہے بلکہ ہم نے اپنے ریونیو اور ٹیکسز میں حتی الامکان کمی کرکے عوام کو ریلیف دیا ہے۔انہوں نے کہا کہ انشااللہ وزیراعظم کے فوڈ سپورٹ پروگرام کے اعلان سے کم آمدن والے گھرانوں اور غریب افراد کو زبردست ریلیف ملے گاکیونکہ انہیں سبسڈی کا حامل راشن کارڈ ملنے جارہا ہے۔انہوں نے کہا کہ آج اپوزیشن حکومت پر تنقید کررہی ہے لیکن کل یہی لوگ ملک کو قرضوں کی دلدل میں دھکیل کر اور ڈیفالٹ کے قریب کرنے سمیت اس کی جڑیں کھوکھلی کرکے گئے تھے اسلئے ان کو چاہیے کہ اگر انہیں عوام کا اتنا ہی درد ہے تو یہ ملک و قوم کا لوٹا ہوا اربوں روپے کا سرمایہ غیر ممالک سے واپس پاکستان لائیں تاکہ یہاں کے عوام کو مناسب ریلیف مل سکے۔ وزیر مملکت اطلاعات و نشریات نے کہا کہ مسلم لیگ ن کے دور حکومت میں پاکستان کے مانچسٹر اور ٹیکسٹائل حب فیصل آباد کو ٹیکسٹائل و پاورلومز کا قبرستان بنادیا گیا تھا لیکن ہماری حکومت کی حکمت عملی سے اب یہ دوبارہ ٹیکسٹائل کا گڑھ بن رہا ہے اور یہاں اندسٹری کا پہیہ چلنے سمیت ایکسپورٹ میں اضافہ اور ریکارڈ ٹیکس بھی جمع ہورہے ہیں۔انہوں نے کہا کہ اب ہماری کوششوں سے کسان خوشحال ہورہا ہے اور اسے رواں سال 1100 ارب روپے اضافی ملے ہیں نیز اس بار ہماری گنے کی فصل بھی انتہائی شاندار ہوئی ہے جس سے رواں ماہ نومبر میں شوگر ملز چلنے اور کرشنگ سیزن کے آغاز سے کئی گنا اضافی چینی پیدا ہوگی اور چینی کے نرخ بھی کم ہوں گے۔فرخ حبیب نے کہا کہ کاٹن کی فصل 6 ملین سے بڑھ کر ساڑھے 9 ملین گانٹھ تک پہنچ گئی ہے،مکئی کی پیداوار میں 18 فیصد، چاول کی پیداوار میں 19 فیصداضافہ ہوا ہے اسی طرح پہلی بار اولو آئل کیلئے درخت لگائے جارہے ہیں جس کیلئے ایک ارب روپے کی رقم رکھی گئی ہے جس میں مزید اضافہ بھی کیا جا ئے گا۔انہوں نے کہا کہ ہم اس بار نہ صرف گندم کی شاندار پیداوار لیکر خود کفیل ہوں گے بلکہ اس کی برآمد کے ذریعے زرمبادلہ بھی کمائیں گے۔انہوں نے کہا کہ 1967 کے بعد ملک میں کوئی بڑا ڈیم نہیں بنا بلکہ سابق چور و لٹیرے حکمرانوں نے مہنگی ترین بجلی کے ایسے معاہدے کئے کہ بجلی بنے نہ بنے، عوام بجلی لیں یا نہ لیں ہم نے ان کو کپیسٹی پیمنٹ کرنی ہے۔انہوں نے کہا کہ اگلے سال تک ان مہنگے بجلی گھروں کی کپیسٹی پیمنٹ 1500 ارب روپے ہوجا ئے گی جو عوام پر بوجھ ہے لیکن اس کے برعکس ہماری حکومت تربیلا کے بعد پہلی بار دیامر بھا شا ڈیم، داسو ڈیم اورمہمند ڈیم سمیت 10 نئے ڈیم تعمیر کررہی ہے جن کی تکمیل سے 10 ہزار میگا واٹ سستی بجلی پیدا ہوگی۔فرخ حبیب نے کہا کہ زردرای، نواز شریف، شہباز شریف نے قوم کے اربوں روپے لوٹ کے لندن اور دیگر ممالک میں محلات اور جائیدادیں بنائیں لیکن عمران خان نے نہ لندن میں جائیداد بنائی نہ محلات تعمیر کئے بلکہ ان کا جینا مرنا عوام کے ساتھ ہے اور وہ دن رات عوام کیلئے محنت اور کوشش کررہے ہیں کہ پاکستان اور اس کے عوام ترقی کرکے خوشحال ہوسکیں۔انہوں نے کہا کہ عمران کان کا مقصد غریب عوام کو غربت کی لکیر سے اوپر اٹھانا ہے جس کیلئے وہ اپنی تمام صلاحیتیں بروئے کار لارہے ہیں۔فرخ حبیب نے کہا کہ بڑی بڑی امپورٹڈ گاڑیوں، بڑے بڑے مہنگے بیگ اٹھا اور مہنگے ترین لباس پہن کر عوام کا دکھ دور نہیں کیا جاسکتا لہٰذا اگر عوام کے آنسو پونچھنے ہیں تو ان کا لوٹا ہوا سرمایہ واپس کرو تاکہ آ پ کی طرح ان کی حالت بھی بہتر ہوسکے۔فرخ حبیب نے کہا کہ اللہ کے فضل سے آٹو موبیل، سیمنٹ، انجینئرنگ،کنسٹرکشن،انرجی سمیت تمام سیکٹر ترقی کررہے ہیں جس سے معیشت کو استحکام حاصل ہورہا ہے اور ہم معیشت کو سسٹین ایبل گروتھ و ڈویلپمنٹ کی طرف لیکر جارہے ہیں جس سے ملک میں جلد خوشحالی آئے گی۔ وزیر مملکت اطلاعات و نشریات نے کہا کہ پاکستان تحریک انصاف کی حکومت محض زبانی دعوؤں کی بجائے ملکی ترقی،خوشحالی اور عوام کا معیار زندگی بلند کرنے کیلئے عملی اقدامات کر رہی ہے جبکہ ہیلتھ کارڈ،کسان کارڈ اور احساس پروگرام کے تحت 34 پروگراموں سے ہر طبقہ کے عوام کو ریلیف مل رہا ہے اسی طرح نوجوان طبقہ کیلئے کامیاب جوان پروگرام کے تحت قرضہ جات سے نوجوان طبقہ اپنا ذاتی کاروبار شروع کر کے خود کفیل ہو سکے گا۔انہوں نے کہا کہ انشااللہ ہم خدمت کے اس مشن کو پوری محنت، لگن اور جوش و جذبے سے جاری رکھیں گے۔انہوں نے کہا کہ عمران خان مختلف مافیاز کے خلاف جنگ لڑرہے ہیں جس میں کامیابی حاصل اور ملک و قوم کا نام پوری دنیا میں روشن کیا جا ئے گا۔انہوں نے حلقہ کے حوالے سے کہا کہ میں آپ کے مسائل کو جانتا ہوں اورآپ کے علاقے کی مشکلا ت کو حل کرنا ان کی ترجیحات ہیں۔انہوں نے کہا کہ ریلوے روڈ کا این او سی لیکر روڈ تعمیر کروائیں گے اورایک کروڑ20 لاکھ کی لاگت سے سیوریج لائن مکمل ہوگی۔فرخ حبیب نے کہا کہ این اے 108 کی ہر یونین کونسل میں پینے کے صاف پانی کی فراہمی کیلئے واٹر فلٹریشن پلانٹ لگارہے ہیں جن میں کئی پلانٹ چالو ہوگئے ہیں اور باقی کی تنصیب بھی جلد ہوجائے گی۔انہوں نے کہا کہ ان کا مشن حلقے کو پارکس کا گڑھ بنانا ہے تاکہ لوگوں کو ساف ستھری سیر و تفریح کی سہولیات میسر آسکیں جس کیلئے اقدامات جاری ہیں۔فرخ حبیب نے کہا کہ فیصل آباد کی ترقی کیلئے متعدد اقدامات اٹھائے گئے ہیں جن کے ثمرات جلد آنا شروع ہوجائیں گے۔

  • خواتین پر کاروبار کرنے کی پابندی نہیں مگر یہ کام کرنا ہو گا،ڈاکٹر نگہت ہاشمی

    خواتین پر کاروبار کرنے کی پابندی نہیں مگر یہ کام کرنا ہو گا،ڈاکٹر نگہت ہاشمی

    فیصل آباد (عثمان صادق) پاکستان میں ٹھوس بنیادوں پرمعاشی اور معاشرتی تبدیلی لانے کیلئے خواتین کو آگے آنا ہو گا کیونکہ 50فیصد آبادی کو عضو معطل بنا کر ہم ترقی نہیں کر سکتے۔ یہ بات معروف مذہبی سکالر اور مفسر محترمہ نگہت ہاشمی نے فیصل آباد وومن چیمبر آف کامرس اینڈانڈسٹری میں ربیع الاول کے سلسلہ میں سیرت النبی ؐ اور وومن ایمپاورمنٹ کے بارے میں تقریب سے خطاب کرتے ہوئے کہی۔ انہوں نے اسلامی تاریخ کے حوالے دیا اور بتایا کہ چودہ سو سال قبل خواتین نہ صرف گھریلو ذمہ داریوں کو پورا کرتی تھیں بلکہ کاروباری معاملات کو خوش اسلوبی سے چلا رہی تھیں۔ انہوں نے کہا کہ نبی برحق ؐ نے خواتین کے حقوق پر خصوصی توجہ دی اور کہا کہ اُن پر کاروبار کرنے کی کوئی پابندی نہیں۔ تاہم انہیں اسلامی شریعت کے مطابق حجاب اور دیگر قوانین کی پاسداری کرنا ہوگی۔ انہوں نے خواتین کی اہمیت پر روشنی ڈالتے ہوئے کہا کہ حضور نبی کریم ﷺ نے یہ اعتراف کیا تھا کہ انہیں دو چیزیں بہت محبوب ہیں ایک عورت اور دوسری خوشبو۔ انہوں نے کہا کہ خواتین پر پابندیاں عائد کرنے کی بجائے انہیں معاشرے کا پیداواری حصہ بنانا چاہیے۔ انہوں نے کہا کہ کام کرنے والی خواتین کو دراصل دوہرا ثواب ملے گا پہلے اپنے گھر کی ذمہ داری کا جبکہ دوسرے مرحلہ میں اپنے خاندان کی خود کفالت کے ذریعے بھی اللہ تعالیٰ کی عنایات کی مستحق ٹھہریں گی۔

    انہوں نے حضرت خدیجہ ؓ اور دیگر خواتین کا ذکر کیا اور کہا کہ وہ اس زمانے میں کاشتکاری بھی کرتی تھی اور کئی ایک باغات کی مالک بھی تھیں۔ تاہم انہوں نے کہا حقوق و فرائض میں توازن ضروری ہے اور خواتین کو بہرحال اس توازن کو برقرار رکھنا ہو گا۔ انہوں نے اس تقریب کیلئے مدعو کرنے کا خاص طور پرصدر فیصل آباد وومن چیمبر محترمہ نگہت شاہد کا شکریہ ادا کیا۔ صدر محترمہ نگہت شاہد نے تقریب سے خطاب کرتے ہوئے کہا کہ فیصل آباد وومن چیمبر خواتین کے کردار کو بڑھانے کیلئے ہر ممکن کوشش کر رہا ہے۔ انہوں نے خواتین کو ہنر سکھانے پر زور دیا اور بتایا کہ فیصل آباد وومن چیمبر بہت جلد خواتین کیلئے کمپیوٹر، موبائل رپئیرز، ڈیجیٹل مارکیٹنگ وغیرہ کے کورسز شروع کر رہا ہے جس سے خواتین گھر بیٹھے ہی اپنا روزگار شروع کر سکیں گی۔ انہوں نے انتہائی پر مغز اور پر اثر تقریر کرنے پر ڈاکٹر نگہت ہاشمی کا شکریہ ادا کیا۔ جبکہ نعت رسول مقبولؐ کی سعادت محترمہ ارم شہزاد ی نے حاصل کی۔ فاؤنڈر صدر محترمہ روبینہ امجد نے اس تقریب کے انعقاد پر صدر فیصل آباد وومن چیمبر محترمہ نگہت شاہد کی کاوشوں کو سراہا اور کہا کہ حقوق و فرائض میں توازن بہرحال خواتین کیلئے ضروری ہے اور اس سلسلہ میں خواتین کو اپنے بچوں کی تربیت خالصتاً اسلامی اصولوں کے مطابق کرنا ہو گی۔ آخر میں محترمہ نگہت شاہد اور محترمہ روبینہ امجد نے ڈاکٹر نگہت ہاشمی کو تحائف پیش کئے جبکہ نگہت ہاشمی نے محترمہ شمع احمد، محترمہ نجمہ افضل، محترمہ زرقا طارق اور دیگر شرکاء کو کتاب کا تحفہ پیش کیا۔

  • گورنمنٹ سپیشل ایجوکیشن کے زیر سایہ معزور بچوں میں کرونا وائرس پھیلنے کا خدشہ، انتظامیہ خاموش.

    گورنمنٹ سپیشل ایجوکیشن کے زیر سایہ معزور بچوں میں کرونا وائرس پھیلنے کا خدشہ، انتظامیہ خاموش.

    پنجاب حکومت کے زیر سایہ گورنمنٹ سپیشل ایجوکیشن سنٹر برائے معزور بچوں کا کرونا کی لپیٹ میں آنے کا خدشہ بڑھ گیا.
    محکمہ سپیشل ایجوکیشن کے زیر نگرانی معزور طالب علم انتظامیہ کی جانب سے مکمل نظر انداز.
    تفصیلات کے مطابق گورنمنٹ سپیشل ایجوکیشن سنٹر ننکانہ صاحب کے سٹاف میں کرونا پازیٹو کی تصدیق کی خبر کے بعد علاقہ اور باقی ماندہ اسٹاف میں کرونا پھیلنے کے خدشات پائے جانے لگے. ٹیچر کا ٹیسٹ پازیٹوو جبکہ باقی متعدد اساتذہ کی صحت مشقوق ہے، پازیٹوو آنے والےسٹاف ممبر کا معزور بچوں کے ساتھ درس و تدریس کے سلسلہ میں قریبی رابطہ رہا ہے. طبیعت خرابی کے باعث بچوں میں کرونا واٰئرس کے شواہد پائے جانے لگے.
    موقع کی نزاکت کو دیکھتے ہوئے انتظامیہ کی جانب سے تاحال کوئی سدباب نہ کیا گیا، ڈسٹرکٹ ایجوکیشن اتھارٹی، اور اسپیشل ایجوکیشن اتھارٹی خاموش تماشائی. انتظامیہ کا کہنا ہے کہ ہیلتھ ڈیپارمنٹ کو صورتحال سے آگاہ کردیا گیا ہے، مگر تاحال اسکول کے طالبعلوں کو مکمل محفوظ بنانے کے لیے کوئی اقدام نہیں لیا گیا.
    ڈی.او. سپیشل ایجوکیشن کے سٹاف کا کرونا میں مبتلہ ہونے پر کوئی پالیسی سامنے نہ آئی.
    یاد رہے کہ معزور (سپیشل) بچوں کی امیونٹی کے کم ہونے کے ساتھ ساتھ انہیں صحت کے معملات میں زیادہ توجہ کی ضرورت رہتی ہے، اسٹاف کے ٹیچنگ میتھڈ میں ان طالبہ و طالبات کو بول کر پڑھایا جاتا ہے جس میں ٹیچرز کا بچوں کے ساتھ کلوز کانٹیکٹ میں رہنا عام بات ہے.