Tag: #BaaghiTV #Strike #exclusive

لاہور: پاکستان مسلم لیگ ن کی نائب صدر مریم نواز کا ٹویٹ

‏فوڈ فیکٹریز کو زبردستی سرکاری محکموں سے دھمکیاں دلوا کر مہنگی اور گھٹیا کوالٹی چینی خریدنے پر مجبور کیا جا رہا ہے۔مالکان کو بلیک میل اور ہراساں کیا جا رہا ہے کہ یا 8 روپے کلو مہنگی چینی خریدو یا فیکٹری بند کر دی جائے گی۔
ہر جگہ سے شکایات موصول ہو رہی ہیں۔

دوسری جانب مسلم لیگ(ن) پنجاب کی ترجمان عظمیٰ بخاری نے فردوس عاشق اعوان کی پریس کانفرنس پر ردعمل دیتے ہوئے کہا کہفردوس باجی چینی پر 400ارب کا ڈاکہ یہ ہے عثمان بزدار کی کارکردگی،پانچ وزیراطلاعات بدلنا اور آپ کو مشیر اطلاعات بنانا یہ ہے عثمان بزدار کی کارکردگی
پرچی پر وزیر اور مشیر تعینات کرنا یہ ہے عثمان بزدار کی کارکردگی,ڈی جی اینٹی کرپشن جو خود نیب زدہ ہیں ان کا عثمان بزدار جیسے شخص کے دباﺅ میں آنا یہ ہے کارکردگی،بنی گالہ کی ہدایات پر لیگی رہنماﺅں کےخلاف جھوٹے مقدمات درج کرنا اینٹی کرپشن کی ٹوٹل کارکردگیجو شخص ایک یونین کونسلر چلانے کا اہل نہیں تھا اس کو پنجاب کے گیار کروڑ عوام کا وزیر اعلیٰ بنادیا گیا,

اڑھائی سالوں سے سلیکٹڈ اور بزدار پلس شہبازشریف اور نوازشریف کے منصوبے پر اپنے ٹھپے لگارہے ہیں ،نیازی صاحب تختیاں اور ٹھپے لگانے سے آپ قومی لیڈر نہیں بن سکتے،کرپشن کرپشن کا راگ الاپنے والوں نے کرپشن کی بھی دھجیاں اڑادیں ہیں
جس دن یہ جعلی حکومت ختم ہوئی کرپشن کے تاریخ کارنامے سامنے آئیں گے

آئی سی سی قوانین کے مطابق قومی اسکواڈ کے ہمراہ نیوزی لینڈ میں موجود تمام سترہ کھلاڑی آئندہ دونوں میچوں کے لیے دستیاب ہوں گے
ان سترہ کھلاڑیوں میں کپتان شاداب خان، عبداللہ شفیق، حیدر علی، سرفراز احمد، محمد حفیظ اور فہیم اشرف شامل ہیں
حارث رؤف، افتخار احمد، عماد وسیم، خوشدل شاہ اور محمد حسنین بھی ٹیم میں شامل
شاہین شاہ آفریدی، حسین طلعت، وہاب ریاض، موسی خان، عثمان قادر اور محمد رضوان بھی ٹیم کا حصہ ہیں
کوویڈ 19 اور کنکشن کے قوانین کی وجہ سے 17 رکنی اسکواڈ ساتھ رکھنے کی اجازت ہے

لاہور پریس کلب الیکشن کمیٹی برائے سال 2021 ءکا اجلاس چیئرمین سلیم بخاری کی صدارت میں منعقد ہوا ۔ اجلاس میں کمیٹی ممبران جناب میاں حبیب اللہ، جناب محمد نعیم اقبال، جناب شفیق پسروری اور جناب احتشام الحق نے شرکت کی جبکہ جناب ارسلان رفیق بھٹی نے بذریعہ فون تمام فیصلوں کی تائید کی جبکہ متفقہ طور پر الیکشن شیڈول کی منظوری دی گئی جسے جاری بھی کر دیا گیا ہے۔ اجلاس میں اتفاق رائے سے طے پایا کہ ممبران کلب 20 دسمبر دوپہر12 بجے تک سالانہ فیس اور کینٹین واجبات جمع کروا سکیں گے ۔ جن امیدواران اور انکے تجویز و تائید کنندگان کی سالانہ فیس اور کینٹین واجبات مذکورہ تاریخ تک جمع نہیں ہوں گے ان کے کاغذات نامزدگی منسوخ تصور ہوں گے تاہم ووٹرز کی سہولت کیلئے سالانہ فیس اور کینٹین واجبات 24 دسمبر شام6بجے تک جمع کروائے جا سکیں گے۔

ووٹرز کی حتمی فہرست 25 دسمبر دوپہر 12 بجے آویزاں کی جائے گی جس کے بعد اس میں کسی قسم کی توسیع نہیں ہوگی۔اجلاس میں ضابطہ اخلاق بھی جاری کر دیا گیا ہے۔ تمام ممبران کلب سے توقع کی جاتی ہے کہ وہ انتخابی مہم کے دوران کورونا وائرس سے بچاﺅ کیلئے ایس او پیز پر عملدرآمد کو یقینی بنائیں گے۔

مردان، پولیس کا جرائم پیشہ عناصر کیخلاف ضلع بھر میں کارروائیاں جاری ہیں ،تھانہ شہباز گڑھی پولیس کا کریک ڈاؤن، 03مجرمان اشتہاری، جرائم پیشہ عناصر کے 02سہولت کاروں سمیت 14مشتبہ افراد گرفتار کر کے اسلحہ برآمد کر لیا گیا

تفصیلات کے مطابق ڈی پی او ڈاکٹر زاہد اللہ کا جرائم پیشہ عناصر کیخلاف جاری واضح احکامات کے پیش نظر سرکل ایس ڈی پی او عدنان اعظم کی نگرانی اور ایس ایچ او ولایت شاہ خان کی قیادت میں تھانہ شہباز گڑھی پولیس نے کامیاب کارروائی کرتے ہوئے سنگین مقدمات میں مطلوب 03مجرمان اشتہاری، جرائم پیشہ عناصر کے02سہولت کاروں اور14مشتبہ افراد کو گرفتار کیا گیا۔گرفتار عناصر کے قبضے سے 03 کلاشنکوف،03پستول اور89کارتوس بھی برآمدکیے گئےجبکہ ناقص سیکورٹی انتظامات پر 03 افراد کے خلاف قانونی کاروائی عمل میں لائی گئی۔ناکہ بندی کے دوران پولیس نے 09مشتبہ افراد کو دفعہ107/151 اور05افراد کو 55/109کے تحت گرفتار کیا گیا۔

مسلم لیگ(ن)کی ترجمان عظمی بخاری فردوس عاشق کے بیان پر ردعمل،مستحق فنکاروں دربدر کرنے کا کریڈٹ عثمان بزدار کوجاتا ہے،بزدار حکومت اڑھائی سالوں میں مستحق فنکاروں کے 20کروڑ کے فنڈ ہضم کرگئی،شہبازشریف حکومت نے پہلی مرتبہ مستحق فنکاروں کےلیے آرٹسٹ سپورٹ فنڈ قائم کیا

شہبازشریف نے پانچ سال فنکاروں کو ماہانہ بیس ہزار کے امدادی چیک دیے،عثمان بزدار نے آتے ہی پہلے سالانہ فنڈز میں کمی کی ،پھر فیاض چوہان نے تھیٹر کی من پسند اداکاروں خوشامدی چیک تقسیم کیے،آج بزدار حکومت مستحق فنکاروں کو ماہانہ پانچ ہزار کے چیک دے رہی ہے،وہ بھی فرمائشی فنکاروں کو چیک دیے جارہے ہیں،اس ناپاک حکومت نے بیروزگار فنکاروں کو بھی نہیں بخشا

کورونا کیسوں میں اضافے کا ذمہ دار پی ڈی ایم، ”بے پیندے کے لوٹے“ اب سینیٹ الیکشن پر واویلا کر رہے ہیں: فردوس عاشق اعوان
پی ڈی ایم کے اجتماعات سے کوروناکیسوں میں اضافہ، 24 گھنٹے میں پنجاب میں 831 نئے کیس رپورٹ ہوئے اور 31 اموات ہوئیں
پی ڈی ایم بند گلی میں ٹکریں مار رہی ہے، انہیں فیس سیونگ ملے گی نہ این آر او، ان کیلئے بس ذلت اور رسوائی ہی ہے

وزیراعلیٰ پنجاب کی معاون خصوصی ڈاکٹر فردوس عاشق اعوان نے اپنے بیان میں کہا ہے کہ پی ڈی ایم کے اجتماعات سے کورونا کیسوں میں اضافہ ہو رہا ہے اور 24 گھنٹے میں پنجاب میں 831 کورونا کے نئے کیس رپورٹ ہوئے جبکہ گزشتہ روز 31 مریضوں کی کورونا کے باعث اموات ہوئیں۔ پنجاب میں کورونا کیسوں کی تعداد 130122 تک پہنچ چکی ہے اور اب تک پنجاب میں مجموعی طور پر 3511 افراد کورونا سے جاں بحق ہو چکے ہیں۔ لاہور میں مریضوں کی تعداد 63601 ہو چکی ہے۔ انہوں نے کہا کہ کورونا کیسوں میں اضافے کا ذمہ دار پی ڈی ایم کا عقل سے عاری ٹولہ ہے۔ کورونا کے بعد یہ ”بے پیندے کے لوٹے“ اب سینیٹ الیکشن پر واویلا کر رہے ہیں اور رونا دھونا ان کا مقدر ہے اور یہ 2023 تک روتے ہی رہیں گے۔ پی ڈی ایم بند گلی میں ٹکریں مار رہی ہے۔ انہیں فیس سیونگ ملے گی نہ این آر او، ان کیلئے بس ذلت اور رسوائی ہی ہے۔

لاہور کے بعد راولپنڈی میں ڈبل ڈیکر ٹورسٹ بس سروس کاآغاز، جلد بہاولپور، ڈیرہ غازی خان اور ملتان میں سروس شروع کرینگے،چکوال کو لیک سٹی کے طورپر متعارف کرائیں گے، واٹر سپورٹس کے ذریعے سیاحوں کو منفرد تفریح مہیا کی جائے گی
6 سیاحتی مقامات پر روڈ انفراسٹرکچر کا منصوبہ شروع، وزیراعلیٰ نے ٹورازم فار اکنامک گروتھ پراجیکٹ کا آغاز کر دیا،

وزیر اعلی عثمان بزدار نے تفصیلات بتاتے ہوئے کہا کہ پہلے مرحلے میں 83کروڑ روپے سے 6 سیاحتی مقامات پر 35کلومیٹر طویل سڑکیں تعمیر کی جائیں گی چکوال، خوشاب اور میانوالی پر مشتمل ٹورازم زون کو ڈویلپ کیا جارہاہے، دوسرے مرحلے میں کوٹلی ستیاں میں سیاحت کو فروغ دینگے،چکوال، جہلم، سون ویلی، میانوالی، اٹک، فورٹ منرو اور کوہ سلیمان میں نئے سیاحتی مراکز متعارف کرائے جا رہے ہیںصوبے میں 176 ریسٹ ہاؤس عوام کیلئے کھول دیئے ہیں، عوام ان ریسٹ ہاؤسز میں قیام کیلئے آن لائن بکنگ کرا سکتے ہیں
پنجاب میں پہلی مرتبہ سیاحتی پالیسی تشکیل اور ٹورازم اتھارٹی قائم کی ہے،سٹیک ہولڈرز کو لائسنس کا آن لائن اجراء کیا جا رہا ہے پنجاب کو سیاحت کا مرکز بنائیں گے، پاکستان کے سافٹ امیج سے سرمایہ کار یہاں آئیں گے اور سرمایہ کاری کریں گے

وزیراعلیٰ پنجاب سردار عثمان بزدار نے ٹورازم فار اکنامک گروتھ پراجیکٹ کا آغاز کر دیا۔ وزیراعلیٰ عثمان بزدار نے ٹورازم فار اکنامک گروتھ پراجیکٹ کے تحت آج 90 شاہراہ قائداعظم پر صوبے میں 6 سیاحتی مقامات پر روڈ انفراسٹرکچر کو بہتر بنانے کے منصوبے کا سنگ بنیاد رکھا۔ یہ منصوبہ محکمہ پلاننگ اینڈ ڈویلپمنٹ اور ورلڈ بینک کے اشتراک سے شروع کیا گیا ہے۔ وزیراعلیٰ عثمان بزدار نے محکمہ پلاننگ اینڈ ڈویلپمنٹ اور محکمہ سیاحت کے سٹالز کا بھی معائنہ کیا۔ وزیراعلیٰ کو سیکرٹری تعمیرات و مواصلات نے سیاحتی مقامات پر سڑکو ں کی تعمیر کے منصوبے کے بارے میں بریفنگ دی۔ وزیراعلیٰ عثمان بزدار نے تقریب سے خطاب کرتے ہوئے کہا کہ ورلڈ بنک اور پلاننگ اینڈ ڈویلپمنٹ حکومت پنجاب کے اشتراک سے 83کروڑ روپے سے 6 سیاحتی مقامات پر روڈ انفراسٹرکچر کو بہتر بنایا جائے گا اور 35کلومیٹر طویل سڑکوں کی تعمیرو بحالی اور توسیع کے منصوبے پہلے مرحلے میں مکمل کئے جائیں گے۔ سالٹ رینج میں چکوال، خوشاب اور میانوالی پر مشتمل ٹورازم زون کو ڈویلپ کیا جارہاہے۔صوبے میں سیاحتی مقامات پر سہولتیں فراہم کرنے کا یہ پہلا مرحلہ ہے۔ انہوں نے کہا کہ کوٹلی ستیاں، چکوال، جہلم، سون ویلی، میانوالی، اٹک، فورٹ منرو اور کوہ سلیمان میں نئے سیاحتی مراکز متعارف کرائے جا رہے ہیں۔ سیاحت کو فروغ دینے کیلئے اس طرح کے مزید منصوبے لائیں گے۔انہوں نے کہا کہ سیاحت وزیراعظم عمران خان کے دل کے بہت قریب ہے اور پنجاب میں کلچرل، مذہبی اور تاریخی سیاحت کا بہت پوٹینشل موجود ہے۔ پراجیکٹ کے دوسرے مرحلے میں کوٹلی ستیاں میں سیاحت کو فروغ دیں گے۔جہلم، ملتان، بہاولپور اور دیگر علاقوں میں سیاحت کو فروغ دینے کیلئے ضروری اقدامات کئے جائیں گے۔ انہوں نے کہا کہ شاہی قلعہ لاہور اور دیگر تاریخی مقامات کی بحالی کیلئے 4 ارب روپے کی لاگت سے پروگرام جاری ہے۔پبلک پرائیویٹ پارٹنرشپ کے تحت بھی سیاحتی مقامات کو ڈویلپ کریں گے۔ وزیراعلیٰ نے کہا کہ صوبے میں 176 ریسٹ ہاؤس عوام کیلئے کھول دیئے گئے ہیں اور عوام ان ریسٹ ہاؤسز میں قیام کیلئے آن لائن بکنگ کرا سکتے ہیں۔سیاحت کے فروغ کیلئے پنجاب میں پہلی مرتبہ سیاحتی پالیسی تشکیل دی گئی اور ٹورازم اتھارٹی قائم کردی گئی ہے۔ ٹورازم سٹیک ہولڈرز کو لائسنس کے آن لائن اجراء اور تجدیدکیلئے سافٹ ویئر بنایا گیا ہے۔ انہوں نے کہا کہ چکوال میں متعدد جھیلیں ہیں، اس شہر کو لیک سٹی کے طورپر متعارف کرائیں گے۔ عوام کو سیروتفریح کی سہولت فراہم کرنے کیلئے پنجاب کے مختلف دریاؤں اور جھیلوں پر ریزارٹس قائم کئے جا رہے ہیں۔ تونسہ بیراج پر ریزارٹ زیرتعمیر ہے۔ واٹر سپورٹس کے ذریعے سیاحوں کو مزید اور منفرد تفریح مہیا کی جائے گی۔ انہوں نے کہا کہ لاہور کے بعد راولپنڈی میں ڈبل ڈیکر ٹورسٹ بس سروس کاآغاز کردیا گیاہے اور بہت جلد بہاولپور، ڈیرہ غازی خان اور ملتان میں بھی ڈبل ڈیکر ٹورسٹ بس سروس شروع کی جائے گی۔ انہوں نے کہا کہ پنجاب میں ٹورازم کے حوالے سے بہت پوٹینشل ہے۔ پنجاب کو سیاحت کا مرکز بنائیں گے۔ دنیا میں پاکستان کا سافٹ امیج سیاحت کے ذریعے ہی متعارف کرایا جاسکتاہے۔

پاکستان کے سافٹ امیج سے سرمایہ کار یہاں آئیں گے اور سرمایہ کاری کریں گے۔ سیاحت کے فروغ کیلئے فنڈز کی کمی نہیں آنے دیں گے۔سیاحت کے فروغ کیلئے مزید محنت سے کام کرنا ہوگا۔ سیاحت کے ساتھ ثقافتی سرگرمیوں کو بھی پروموٹ کیا جائے گا۔ وزیراعظم کے معاون خصوصی سید ذوالفقار بخاری نے ویڈیو لنک کے ذریعے تقریب سے خطاب کیا۔ انہوں نے کہا کہ پاکستان میں سیاحت کے بے پناہ مواقع موجود ہیں جن سے بھرپور استفادہ کیا جا رہا ہے۔سیاحت اور معیشت کا چولی دامن کا ساتھ ہے۔ سیاحت کے فروغ سے معیشت بھی مستحکم ہوگی۔ کنٹری ڈائریکٹر ورلڈ بینکناجی بنہاسائن (Mr. Najy Benhassine) نے ویڈیو لنک کے ذریعے تقریب سے خطاب کیا اور کہا کہ ورلڈ بینک سیاحت کے فروغ کیلئے پنجاب حکومت کے ساتھ تعاون جاری رکھے گا۔مشیر وزیراعلیٰ برائے سیاحت آصف محمود نے تقریب سے خطاب کرتے ہوئے کہا کہ وزیراعلیٰ عثمان بزدار کی قیادت میں پنجاب کو ٹورازم حب بنانے میں کوئی کسر اٹھا نہ رکھیں گے۔ صوبے میں سیاحت کے فروغ کیلئے پہلی بار عملی اقدامات کئے گئے ہیں۔ چیئرمین منصوبہ بندی و ترقیات حامد یعقوب نے پنجاب ٹورازم فار اکنامک گروتھ پراجیکٹ کے اہم خدو خال سے آگاہ کیا۔

سینئر وزیر عبدالعلیم خان، صوبائی وزیر میاں اسلم اقبال، معاون خصوصی برائے اطلاعات ڈاکٹر فردوس عاشق اعوان، عالمی بینک کے عہدیداران، اراکین اسمبلی اور اعلیٰ حکام بھی اس موقع پر موجود تھے۔

لاہور: پاکستان مسلم لیگ ن کی نائب صدر مریم نواز کا لیگی رہنما مدثر قیوم ناہرہ کی گرفتاری پر ٹویٹ کرتے ہوئے کہا کہ ‏ریاستی مشینری کا ناجائز استعمال کرکے آپ لیگی عہدیداران کو بےقصور گرفتار تو کرسکتے ہو

لیکن ووٹ کو عزت دو بیانیےکا علم تھامےان نڈر اور بےباک سپاہیوں کو منزل تک پہنچنے سے ہرگز نہیں روک سکتے،مدثر قیوم ناہرہ صاحب کی گرفتاری واضح کرتی ہے کہ سلیکٹڈ حکومت عوامی قہر کے سامنے گھٹنے ٹیک چکی ہے۔