Tag: #BaaghiTV #Strike #exclusive

پاکستان میں چین کے نئے سفیر نونگ رونگ کا سینیٹر رحمان ملک کے گھر آمد و ملاقات،سینیٹر رحمان ملک نے نونگ رونگ کو پاکستان میں بطور سفیر مقرر ہونے پر مبارکباد و نیک خواہشات کا اظہار کیا، ملاقات میں دونوں رہنماؤں کا دوطرفہ تعلقات سمیت سی پیک منصوبے پرتفصیلی تبادلہ خیال کیا،

سینیٹر رحمان ملک نے ملاقات میں کہا کہ چین اور پاکستان کے مابین دوستی کا رشتہ بہت مضبوط ہے جو مزید مستحکم ہوتا رہے گا، سی پیک منصوبے حطے و دونوں ملکوں کی معیشت پر مثبت تبدیلیاں لائے گی، سی پیک دونوں ممالک کے مابین عوامی رابطے اور ملٹی سیکٹر تعاون کو بڑھانے میں مثالی کردار ادا کررہا ہے،سی پیک کی اینٹی لابی اپنے مذموم عزائم میں کبھی کامیاب نہیں ہوں گے،

سینیٹر رحمان ملک نے مزید کہا کہ مشکل اوقات میں پاکستان کی مستقل مدد کرنے پر چین کے شکرگزار ہیں، چائینہ سفیر کا گھر آنے پر شکرگزار ہوں و دوستی پر فخر ہے، پاک چائینہ تعلقات سفیر نونگ رونگ کی قیادت میں مزید فروغ پائینگے،
چینی سفیر نے اپنے نیک خواہشات کا اظہار کرتے ہوئے کہا کہ چین و پاکستان ہمیشہ کے دوست ہیں اور ہمیشہ دوست رہینگے،

پاکستان بحریہ کے لئے تعمیر کردہ اسٹیٹ آف دی آرٹ کارویٹ پی این ایس تبوک کی بحری بیڑے میں شمولیت کی تقریب پاکستان نیوی ڈاکیارڈ کراچی میں منعقد ہوئی۔چیف آف دی نیول اسٹاف ایڈمرل محمد امجد خان نیازی تقریب کے مہمانِ خصوصی تھے۔

اس موقع پر خطاب کرتے ہوئے مہمان خصوصی نے پی این ایس یرموک کی بحری بیڑے میں شمولیت کو پاک بحریہ کی آپریشنل صلاحیت کے لئے اہم سنگ میل قرار دیا۔ انہوں نے مزید کہا کہ بحری بیڑے میں جدید کارویٹ کی شمولیت سے خطے میں محفوظ میری ٹائم ماحول کے فروغ میں مدد حاصل ہوگی۔مہمان خصوصی نے خطے کی تیزی سے بدلتی جیو اسٹریٹجک صورتحال اور بڑھتے ہوئے میری ٹائم چیلنجز کے تناظر میں ایک مضبوط بحری فوج کی ضرورت اور اہمیت کو اجاگر کیا۔بھارتی مقبوضہ کشمیر میں کشمیریوں کے ساتھ ہونے والے ظلم و بربریت پر بات کرتے ہوئے نیول چیف نے اپنے حق خود ارادیت کے لئے بھارتی مظالم کے خلاف کشمیری عوام کی مثالی جدوجہد کو خراج تحسین پیش کیا۔

پاک بحریہ نے دو یرموک کلاس کارویٹس کے حصول کے لئے معاہدہ 2017 میں طے کیا تھا۔اس سلسلے کا پہلا جہاز پی این ایس یرموک رواں برس جولائی میں پاک بحریہ کے بیڑے میں شامل کیا گیا جبکہ دوسرا جہاز پی این ایس تبوک آج پاک بحریہ میں باقاعدہ شامل کیا گیا۔

بعد ازاں چیف آف دی نیول اسٹاف نے پی این ایس تبوک کے عملے اور افسران کو تاکید کی کہ وہ ملکی بحری مفادات کے تحفظ کے لئے اس جدید جنگی جہاز کی حربی صلاحیتوں سے مکمل استفادہ کریں۔انہوں نے ڈامین شپ یارڈ رومانیہ کے تعاون اور پاک بحریہ کو اعلیٰ معیار کے پلیٹ فارمز کی فراہمی کے لئے ان کی کاوشوں کو سراہا۔پی این ایس تبوک کی شمولیت کی تقریب میں پاک بحریہ کے سینئر افسران نے شرکت کی۔

Induction ceremony of state of the art Corvette, PNS TABUK was held at PN Dockyard, Khi. Chief Guest, CNS Adm Muhammad Amjad Khan Niazi termed induction of PNS TABUK as an important milestone for PN to enhance Ops capabilities & promote maritime security in the region.(1/2) pic.twitter.com/d9h0zs1L0I

— DGPR (Navy) (@dgprPaknavy) December 17, 2020

ڈی ایچ کیو ہسپتال وانا کی پبلک پرائیویٹ پارٹنرشپ کے خلاف احتجاجی مظاہرہ۔

تفصیلات کے مطابق ڈی ایچ کیو ہسپتال وانا کی پبلک پرائیویٹ پارٹنرشپ کے خلاف احمد زئی وزیر قوم اور ہسپتال کے عملے کا احتجاجی مظاہرہ مظاہرین نے بینرز اور پلے کارڈز اٹھا رکھے تھے جس پر ہسپتال کی نجکاری اور صوبائی حکومت کی ہیلتھ پالیسی کے خلاف نعرے درج تھے۔

مظاہرین سے خطاب کرتے ہوئی ملک علاؤالدین،ملک سراج الدین اور دیگر نے حکومت کو خبردار کیا کہ وہ کسی بھی صورت ہسپتال کے پرائیویٹائزیشن اور پبلک پرائیویٹ پارٹنرشپ کو دینے کے کسی بھی اقدام کو قبول نہیں کریں گے۔اور اُس کے خلاف آخری حد تک جدوجہد کی جائیگی۔انہوں نے کہا کہ صوبائی حکومت کی ناقص ہیلتھ پالیسیوں سے پہلے ہی صوبے کے بڑے ہسپتال تباہ ہو چکے ہیں۔وہ اب مزید اپنے علاقے کے ہسپتالوں کو ٹھیکیداروں کے حوالے کر کے تباہ و برباد نہیں ہونے دینگے۔انہوں نے کہا کہ آئندہ چند دنوں میں احتجاج کے دائرہ کار کو وسیع کیا جائے گا۔

واضح رہے کہ صوبائی حکومت نے قبائلی اضلاع کے چند ہسپتالوں کو پرائیوٹ پارٹنرشپ میں دینے کی منصوبہ بندی کر رکھی ہے۔جس کے خلاف ہیلتھ کمیونٹی اور متعلقہ سیاسی او قومی عمائدین میں شدید بے چینی اور غم و غصہ پایا جاتا ہے۔

نائب صدر مسلم لیگ (ن) مریم نواز نے لاہور کے ایم این ایز,ایم پی ایز,میئر اور ڈپٹی میئرز کے اعزاز میں ظہرانہ دیا

13دسمبر کو لاہور کے تاریخی جلسے کی کامیابی پر قائد میاں نواز شریف اور صدر مسلم لیگ (ن)میاں شہباز شریف کی طرف سے تمام عہدیداران کو شاباش اور مبارکباد دیتے ہوئے انکی کاوشوں کو سراہا

مریم نواز شریف نے ظہرانہ سے بیان جاری کرتے ہوئے کہا کہ جلسے کی کامیابی اللہ تعالیٰ کے فضل و کرم سے زبردست موبائلزیشن کا نتیجہ ہےالحمدللہ تمام لوگوں نے بہت محنت کی.آپ سب پارٹی کا سرمایہ ہیں،جلسے کو کامیاب بنانے کیلیے تمام ایم این ایز,ایم پی ایز,میئر اور ڈپٹی میئرز نے انتھک محنت کی جس کی بدولت جلسے نے کامیابی کے تمام ریکارڈ توڑے،

نائب صدر مسلم لیگ (ن) مریم نواز کا لاہور کے ایم این ایز,ایم پی ایز,میئر اور ڈپٹی میئرز کے اعزاز میں ظہرانہ
13دسمبر کو لاہور کے تاریخی جلسے کی کامیابی پر قائد نواز شریف اور صدر مسلم لیگ (ن)شہباز شریف کی طرف سے تمام عہدیداران کو شاباش اور مبارکباد دیتے ہوئے انکی کاوشوں کو سراہا pic.twitter.com/CYavzv8h8v

— PMLN (@pmln_org) December 17, 2020

ظہرانے میں شریک مسلم لیگ(ن) کے تمام عہدیداران نے قائد نوازشریف کے بیانیے ووٹ کو عزت دو کا عَلم بلند رکھنے کیلیے کسی بھی قربانی سے دریغ نہ کرنے کا اعادہ کیا

سٹی ٹریفک پولیس مری نے بہترین کاروائی کرتے ہوئے جعلی آفیسر گرفتار کر لیا : ڈی ایس پی ٹریفک مری راجہ سعید اختر کے مطابق بغیر نمبر پلیٹ، غیر نمونہ نمبر پلیٹ، کالے شیشے، بلیو لائٹ کے خلاف ٹریفک وارڈن افسران کے اسکواڈ تشکیل دئیے گئے تھے۔

گذشتہ روز سرکل مری میں ٹریفک وارڈنزافسران ڈی ایس پی ٹریفک مری راجہ سعید اختر کی ہدایات پر عمل کرتے ہوئے اپنی ڈیوٹی پر مامور غیر نمونہ نمبر پلیٹ، بغیر نمبر پلیٹ، بلیو لائٹ، کالے شیشے والی گاڑیوں کے خلاف کاروائی کر رہے تھے کہ ایک گاڑی نمبر AKD-911 برنگ سلور تیز رفتاری سے آئی جس کو روکا گیا اور کاغذات طلب کیئے گئے اس پر ڈرائیور شیخ حمایت نے اپنا شناختی کارڈ اور سروس کار ڈ دیا اور اپنا تعارف بطور احساس ادارے کے آفیسر سے کرایا گاڑی پرائیوٹ تھی اور سبز رنگ کی نمبر پلیٹ بھی لگائی ہوئی تھی اس کے ہمراہ تین اشخاص اور بھی سوار تھے جنکے نام (صابر حسین، ایمل زیارت، عبدالباسط)، ہیں ،

سروس کارڈ مشکوک ہونے کی وجہ سے ملٹری پولیس کو آگاہ کیا گیاوہ بھی موقع پر پہنچ گئے اور تصیدق کی کہ یہ جعلی کارڈ ہے اس پر گاڑی سے ایک عدد بلیو لائٹ، اور صابر حسین ولد امداد حسین سے ایک پستول 9mm بمعہ دو مگزین 10\10راؤنڈ برآمد کیے اور تھانہ مری کے حوالے کرتے ہوئے مقدمہ نمبر 711/20زیر دفعہ 170.171ت پ، 420,468,471,279,186ت پ درج کیا گیا۔ سٹی ٹریفک پولیس مری کے ٹریفک وارڈنز افسران کامران بٹ اور ریحان سیال کو بہترین ڈیوٹی کرنے اور جعلی آفیسر کو گرفتار کرنے پر مری کے سماجی و سیاسی و کاروباری حلقوں نے سراہا اور ڈی ایس پی ٹریفک مری راجہ سعید اختر کو خراج تحسین پیش کیا،