Tag: #BaaghiTV #Strike #exclusive

عوام پی ڈی ایم کی جھوٹ، منافقت اور دھوکہ دہی کی سیاست سے منتفر ہوچکے ہیں – میاں اسلم اقبال
غریب کی محنت کی کمائی پر ڈاکہ ڈالنے والے اب کورونا پھیلاکر غریب کا روزگار چھیننا چاہتے ہیں
جلسے ریلیوں کی طرح پی ڈی ایم کے استعفوں کا ڈرامہ بھی ناکام ہوگا – صوبائی وزیر

صوبائی وزیر صنعت و تجارت میاں اسلم اقبال نے کہاہے کہ پاکستان کے باشعور عوام نے اپوزیشن کا ملک دشمن ایجنڈا مسترد کردیا ہے – عوام پاکستان تحریک انصاف کے ملک کی ترقی کے ایجنڈے کے ساتھ کھڑے ہیں اوراپوزیشن کے غیر جمہوری طرز عمل سے عوام متنفر ہوچکے ہیں – صوبائی وزیر نے ایک بیان میں کہاکہ منتخب حکومت کے خلاف پی ڈی ایم کی ہر سازش ناکام ہوگی کیونکہ پی ڈی ایم کی جھوٹ،منافقت اور دھوکہ دہی کی سیاست سے عوام تنگ آچکے ہیں –

صوبائی وزیر نے کہاکہ ملک کورونا کی لپیٹ میں ہے اور مفاد پرست ٹولہ اپنی دولت چھپانے کے چکر میں ہے -اپوزیشن سن لے عوام ملک کی ترقی چاہتے ہیں انتشار نہیں – عوام اپوزیشن کی عوام کے فلاحی ایجنڈے میں رکاوٹیں پیدا کرنے کے ہر حربے اور چال کو ناکام بنادیں گے – صوبائی وزیر نے کہاکہ سرکاری مراعات چھن جانے پر مولانا نے اپوزیشن کو بند گلی میں دھکیل دیا – اپوزیشن کی ملک میں عدم استحکام پیدا کرنے کی خواہش کبھی پوری نہیں ہوگی اور وزیراعظم عمران خان کی قیادت میں منتخب حکومت اپنی آئینی مدت پوری کرے گی -کرپٹ اپوزیشن 2018ء کی شکست کا بدلہ عوام کی زندگیوں سے کھیل کر لینا چاہتی ہے -غریب کی محنت کی کمائی پر ڈاکہ ڈالنے والے اب کورونا پھیلاکر غریب کا روزگار چھیننا چاہتے ہیں –

انہو ں نے کہاکہ اقتدار کی ہوس میں اپوزیشن کورونا کی شدت کا بھی احساس نہیں کررہی -کورونا کے دوران کرپشن کے بے تاج بادشاہوں کی اولاد حکومت گرانے نکلی ہے -جلسے، ریلیوں کی طرح پی ڈی ایم کے استعفوں کا ڈرامہ بھی ناکام ہوگا –

قائد اعظم ٹرافی فرسٹ کلاس ٹورنامنٹ کا آٹھواں راؤنڈ پیر سے شروع ہو گا

• نیشنل اسٹیڈیم کراچی میں سندھ اور ناردرن کی ٹیمیں مدمقابل ہو نگی،یہ میچ براہ راست نشر کیا جائے گا۔پی سی بی یو ٹیوب چینل کے ذریعے دنیا بھر کے ناظرین کے لیے لائیو ٹیلی کاسٹ کی سہولت بھی میسر ہو گی۔
• ٹیبل پر سب زیادہ پوائنٹس حاصل کر نے والی خیبر پختونخواہ کا مقابلہ سدرن پنجاب سے ہو گا۔

کراچی،13 دسمبر 2020ء:

قائد اعظم ٹرافی فرسٹ کلاس ٹورنامنٹ کا آٹھواں راؤنڈ پیرسے شروع ہو رہا ہے اس سے قبل کھیلے گئے راؤنڈ میں بہترین مقابلے دیکھنے کو ملا، ،اس راؤنڈ میں چھ ٹیموں کے مقابین پہلی دوپوزیشنز حاصل کرنے کی دوڑ ہوگی تاکہ وہ فائنل کے لیے کوالیفائی کر سکیں۔
خیبر پختونخواہ کی سندھ کے خلاف اننگز اور 37 رنز کی فتح کے بعد یہ توقع کی جارہی ہے کہ انکی ٹیم پوائنٹس ٹیبل پر اپنی پہلی پوزیشن کو برقرار رکھنے میں کامیاب ہو سکتی ہے،ساتویں راؤنڈ میں اس جیت پر خیبر پختونخواہ نے 25 قیمتی پوائنٹس حاصل کیے تھے اور یہ اس راؤنڈ میں کسی بھی دوسری ٹیم کے مقابلے سب سے زیادہ پوائنٹس تھے۔
دفاعی چیمپئین سنٹرل پنجاب مسلسل دو فتوحات کے بعد اب آخری پوزیشن سے چوتھی پوزیشن حاصل کرنے میں کامیاب رہی ہے۔
سدرن پنجاب چھٹے راؤنڈ میں ناردرن سے شکست کا سامنا کرنے کے بعد تیسری پوزیشن پر چلی گئی ہے اس سے پہلے چار راؤنڈز میں ٹیبل کی ٹاپ پوزیشن پر موجود رہی،وہ دوسرے نمبر پر موجود ناردرن سے بلوچستان کے خلاف شاندار فتح حاصل کرنے کےبعدمحض ایک پوائنٹ پیچھے ہے۔بلوچستان ایک درجہ تنزلی کے کے بعد پانچویں پوزیشن پر چلا گیا ہے۔
سیزن کے شروع پر کامیابی حاصل کرنے کے بعد سندھ مسلسل ناقص فارم میں ہے،آخری چھ میچز میں سے تین میں شکست ہوئی ،جس میں آخری دومیچز سندھ کی ٹیم نے مسلسل ہارے اور تین میچز ڈرا ہوئے۔
اس راؤنڈ کے بعد مزید دوہی راؤنڈز باقی ہیں ،سندھ کے کپتان اسد شفیق زیادہ سے زیادہ پوائنٹس حاصل کرنے کی کوشش کریں گے ۔

بلوچستان بمقابلہ سنٹرل پنجاب، اسٹیٹ بنک اسٹیڈیم
‏
سنٹرل پنجاب نے مسلسل دو کامیابیوں کے ساتھ شاندار کم بیک کیا ہے ۔ سنٹرل پنجاب نے چھٹے راؤنڈ میں سندھ کے خلاف 227 رنز جبکہ ساتویں راؤنڈ میں ناردرن کے خلاف 6 وکٹوں سے کامیابی حاصل کی ۔ 8 ویں راؤنڈمیں سنٹرل پنجاب کا مقابلہ بلوچستان کے خلاف ہے اور اس کی کوشش ہو گی کہ وہ کامیابیوں کے تسلسل کو مزید آگے بڑھائے ۔ بلوچستان کی ٹیم اپنے آخری 6 میچز میں تین میچز ہار چکی ہے ۔ اس نے و احد کامیابی فرسٹ کلاس سیزن 21-2020 کے پہلے میچ حاصل کی تھی ۔
‏حسن علی نے فٹنس اور فارم دوبارہ حاصل کر لی ہے وہ اپنی ٹیم کے بولنگ اٹیک کو بھی لیڈ کر رہے ہیں ۔ حسن علی نے سنٹرل پنجاب کی قسمت بدلنے میں اہم کردار ادا کیا ہے ۔ فاسٹ بولر نے آخری تین میچز میں 15 وکٹیں حاصل کی ہیں ۔ حسن علی مجموعی طور پر 20 وکٹیں 21.05 کی اوسط سے حاصل کر چکے ہیں اور زیادہ وکٹیں حاصل کرنے والے بولروں کی فہرست میں 8 ویں نمبر پر ہیں ۔
‏ وقاص مقصود اور احمد صفی عبداللہ نے بھی بولنگ کے شعبے میں اپنا حصہ ڈالا ہے ۔ وقاص مقصود سب سےزیادہ وکٹیں حاصل کرنے والے فاسٹ بولر ہیں انہوں نے 21.43 کی اوسط سے 28 وکٹیں حاصل کی ہوئی ہیں جبکہ احمد صفی عبداللہ 21.61 کی اوسط سے 28 وکٹیں لے چکے ہیں ۔ ان دونوں بولروں کی وجہ سے بولنگ یونٹ مزید مضبوط ہوا ہے ۔ وقاص مقصود زیادہ وکٹیں لینے والے بولروں کی فہرست میں تیسرے اور احمد صفی عبداللہ 5 ویں نمبر پر ہیں ۔
‏کپتان حسن علی اپنے بیٹسمینوں سے بھی امیدیں لگائے ہو ئے ہیں کہ وہ ٹورنامنٹ کے اختتام تک اپنی کارکردگی سے ضرور حصہ ڈالیں گے ۔ گزشتہ میچ میں سنٹرل پنجاب نے ناردرن کو 243 رنز تک تو محدود رکھا لیکن سنٹرل پنجاب کی ٹیم جواب میں نو رنز کم پر آؤٹ ہو گئی جبکہ 166 رنز کے ہدف کے تعاقب میں اس کی چار وکٹیں گر گئی تھیں ۔
‏بلوچستان کی ٹیم گزشتہ راؤنڈ کی کارکردگی کو بھلانا چاہے گی ۔بلوچستان کے 154 رنز پر دو کھلاڑی آؤٹ تھے لیکن پوری ٹیم اپنی دوسری اننگز میں 199 رنز پر آؤٹ ہو گئی ، جس میں فاسٹ بولر ضیاء الحق نے 35 رنز کے عوض 7 وکٹیں حاصل کیں ، اس طرح اسے سدرن پنجاب سے 205 رنز کے بھاری مارجن سے شکست کا سامنا کرنا پڑاتھا ۔
‏بلوچستان کے کپتان بسمہ اللہ خان ضرور یہ امید کر رہے ہوں گے کہ ان کی بیٹنگ لائن اپ اچھا پرفارم کرے گی ۔ 37 سالہ بیٹسمین اکبر الرحمان نے 44.50 کی اوسط سے 445 رنز بنا ئے اور زیادہ رنز بنانے والے بیٹسمینوں کی فہرست میں 8 ویں نمبر پر ہیں ۔ بلوچستان کے پہلے بہترین بیٹسمین اور دوسرے بہترین بیٹسمین میں خلیج پیدا زیادہ ہے ۔ دوسرے بہترین بیٹسمین علی وقاص 40 رنز کی اوسط سے 360 رنز بنا چکے ہیں اور ان کا فہرست میں 20 واں نمبر ہے ۔ بلوچستان کی ٹیم ٹورنامنٹ کے مزید آگے بڑھنے کے ساتھ گیپ کو کم کرنے کی ضرور خواہشمند ہو گی ۔
‏بلوچستان کے بولروں نے انفرادی طور پر متاثر کن کارکردگی کا مظاہرہ کیا ہے ۔ تاج ولی نے سات میچز میں 23 وکٹیں حاصل کی ہیں ۔ کاشف بھٹی نے 44.68 کی اوسط سے 19 جلات خان نے 18 وکٹیں 26.61 اور خرم شہزاد نے 18 وکٹیں 27.89 کی اوسط سے حاصل کر رکھی ہیں ۔ زیادہ وکٹیں حاصل کرنے والے بولروں کی فہرست میں ان کا چھٹا ، نواں ، 10 واں اور 11 واں نمبر ہے ۔
‏
سندھ بمقابلہ ناردرن ، نیشنل اسٹیڈیم (براڈ کاسٹ میچ)
‏
نیشنل اسٹیڈیم ان دو ٹیموں کے درمیان ہونےو الے میچ کی میزبانی کرے گا جو اس موقع پر کامیابی حاصل کرنے کی خواہشمند ہیں ۔ دونوں ٹیمیں شکست کھانے کے بعد یہ راؤنڈ کھیل رہی ہیں ۔ ناردرن کو شکست کے بعد اپنی ٹاپ پوزیشن سے ہاتھ دھونے پڑے جبکہ سندھ کی ٹیم چوتھے سے آخری نمبر پر چلی گئی ۔
‏ اس سے پہلے جب دونوں ٹیموں کا آمنا سامنا ہوا تھا تو تب ناردرن نے سندھ کو 128 رنز سے شکست دی تھی ۔
‏ ناردرن کے کپتان نعمان علی اس و قت بھرپور فارم میں ہیں ۔ وہ ٹورنامنٹ کے واحد بولر ہیں جنہوں نے پچاس وکٹوں کا سنگ میل عبور کیا ہے ۔ 24 سالہ لیفٹ آرم اسپنر نے 20.67 کی اوسط سے 54 وکٹیں حاصل کر رکھی ہیں ۔ نعمان علی واحد بولر ہیں جنہوں نے 5 مرتبہ پانچ وکٹیں حاصل کی ہیں ۔ وہ ایک بار پھر اپنے بولنگ اٹیک کو لیڈ کریں گے ۔ خاص طور پر ایسے وقت میں جب انہوں نے گزشتہ میچ میں 153 رنز کے عوض 11 وکٹیں حاصل کیں ۔
‏ ناردرن کی بیٹنگ لائن اپ کو حماد اعظم (641 رنز ، 64.10 کی اوسط )، عمر امین (558 رنز 50.73 کی اوسط )اور محمد نواز (531 رنز 59 کی اوسط ) نے مضبوط بنا رکھا ہے ۔ یہ بیٹسمین ٹاپ رنز بنانے والے بیٹسمینوں کی فہرست میں چوتھے ، پانچویں اور چھٹے نمبر پر ہیں ۔
‏سندھ کے شرجیل خان نے آخری چار اننگز میں تین نصف سنچریاں اسکور کی ہیں ۔ کپتان اسد شفیق کی خواہش ہو گی کہ شرجیل خان براڈ کاسٹ کیمروں کے سامنے اسی طرح رنز کریں۔ یہ میچ پاکستان میں پی ٹی وی اسپورٹس پر براہ راست دکھایا جائے گا جبکہ دنیا بھر میں پی سی بی یو ٹیوب چینل کے ذریعے دیکھا جا سکے گا ۔
‏ 25 سالہ سعود شکیل نے آخری اننگز میں نصف سنچری اسکور کی تھی ۔ با ئیں ہاتھ کے بیٹسمین سندھ کی بیٹنگ لائن میں اہم حیثیت رکھتے ہیں ، وہ ٹورنامنٹ کے تیسرے بہترین بیٹسمین ہیں انہوں نے 50.54 کی اوسط سے 657 رنز بنائے ہیں ۔
‏ 36 سالہ فاسٹ بولر تابش خان سندھ کے کامیاب ترین بولر ہیں ۔ انہوں نے 30.82 کی اوسط سے 22 شکار کیے ہیں۔
‏
سدرن پنجاب بمقابلہ خیبر پختونخواہ ۔ یو بی ایل اسپورٹس کمپلیکس
‏
سدرن پنجاب اور خیبر پختونخواہ کی ٹیموں کے درمیان دلچسپ میچ ہونے کی توقع کی جا رہی ہے کیونکہ دونوں ٹیمیں ٹاپ پوزیشن حاصل کرنے کے لیے کوشاں ہوں گی ۔ پوائنٹس ٹیبل پر ٹاپ پوزیشن پر موجود خیبر پختونخواہ (117 ) سے سدرن پنجاب کی ٹیم 14 پوائنٹس پیچھے ہے ۔
‏ اس میچ میں ٹورنامنٹ کے تین بہترین اسپنرز میں سے دو بہترین اسپنر آمنے سامنے ہوں گے ۔ خیبر پختونخواہ کے ساجد خان ٹاپ بولرز کی فہرست میں دوسرے نمبر پر ہیں ۔ انہوں نے 46 وکٹیں 22.57 کی اوسط سے حاصل کر رکھی ہیں ۔ سدرن پنجاب کے زاہد محمود زیادہ وکٹیں حاصل کرنے والے بولرز کی فہرست میں تیسرے نمبر پر ہیں انہوں نے 22.69 کی اوسط سے 39 شکار کیے ہیں۔
‏اسی میچ میں اب تک کے دو بہترین بیٹسمین کامران غلام اور سلمان علی آغا بھی ایکشن میں ہوں گے ۔
‏خیبر پختونخواہ کے کامران غلام نے دونوں سنچریاں آخری دو میچز میں اسکور کی ہیں ۔ وہ اب تک سب سے زیادہ رنز بنانے والے بیٹسمین ہیں ۔ انہوں نے 713 رنز 54.85 کی اوسط سے بنائے ہوئے ہیں ۔ دائیں ہاتھ کے 25 سالہ بیٹسمین نے تین نصف سنچریاں بھی اسکور کی ہو ئی ہیں ۔
‏ سدرن پنجاب کے سلمان علی آغاز ایک سنچری اور پانچ نصف سنچریوں کی مدد سے 665 رنز 66.50 کی اوسط سے بنا چکے ہیں ۔ زیادہ رنز بنانے والے بیٹسمینوں میں وہ دوسرے نمبر پر ہیں ۔
‏خیبر پختونخواہ کی تمام چار فتوحات گزشتہ پانچ میچز میں سامنے آئی ہیں ۔ جبکہ آخری پانچ میچز میں سے سدرن پنجاب نے ایک میچ میں کامیابی حاصل کی ، جبکہ دو میچز میں اسے شکست ہوئی اور دو برابر ہوئے ۔
‏رواں سیزن میں جب دونوں ٹیمیں پہلی بار آمنے سامنے آئی تھیں تو خیبر پختونخواہ نے 75 رنز سے کامیابی حاصل کی ۔

لاہور کے غیور عوام آج مسترد شدہ کرپٹ سیاستدانوں کا بائیکاٹ کرکے انہیں عبرت کا نشان بنائیں گے. چئیرمین کشمیر کمیٹی شہریار خان آفریدی نے اسلام آباد میں میڈیا سے گفتگو کرتے ہوئے کہا کہ آج سیاسی نوٹنکی کو مسترد کرکے عوام وزیراعظم عمران خان کے تدبر اور بصیرت پر مہر تصدیق ثبت کرینگے.پی ڈی ایم کے نام پر جمع ہونیوالے شرپسند ماضی میں ایک دوسرے کو چور لٹیرا ہونے پر وطن فروش اور عوام دشمن کہتے رہے. مگر یہی سیاسی ٹھگ آج اپنے اپنے لوٹ کا مال بچانے کیلئے اکھٹے ہوگئے ہیں. عوام 2018 کی طرح اس بار بھی انہیں شکست فاش دینگے.

شہریار خان آفریدی نے مزید کہا کہ نیکٹا کے تھریٹ الرٹ کے باوجود مسترد شدہ سیاستدانوں کا ٹولہ اپنے سیاسی مفادات کے حصول کیلئے لاہور کے عوام کی زندگیوں سے کھیلنے پر تلا بیٹھا ہے. کسی ناگہانی صورتحال کی تمام تر ذمہ داری پی ڈی ایم کی قیادت پر ہوگی.ایک طرف بھارتی غیر قانونی قابض افواج لائن آف کنٹرول پر سیز فائر معاہدے کی کھلم کھلا خلاف ورزی کرتے ہوئے نہتے کشمیریوں پر بمباری کررہی ہیں اور ہماری بہادر افواج دشمن کا مقابلہ کررہی ہیں.ایسے حالات میں چند چور لٹیرے سیاستدان پی ڈی ایم کے لبادے میں چھپ کر لانگ مارچ کے نام پر ملک میں فسادات کا منصوبہ بنارہے ہیں. حکومت اور عوام کرونا وائرس جیسے عفریت کامقابلہ کرنے میں متحد ہیں مگر مفاد پرست سیاستدانوں کا ٹولہ اپنے لوٹ کے مال کو بچانے کیلئے عوام کو استعمال کرنا چاہتا ہے،

پاکستانی قوم ان گنے چنے مفاد پرستوں کو قومی مفاد سے کھیلنے کی اجازت نہیں دی سکتی.وقت آگیا ہے کہ عوام ان مفاد پرست خاندانی چوروں کا محاسبہ کریں گے. لاہور کے غیور عوام آج اس مفاد پرست ٹولے کا بائیکاٹ کرکے انکا محاسبہ کریں گے.
لوٹ مار کی سیاست کے خاتمے کا وقت آپہنچا ہے. آج عوام چوروں اور لٹیروں کا بوریا بستر گول کردینگے.بار بار جمہوریت کے نام پر عوام کو لوٹنے والے سیاسی مداری ایک بار پھر اکٹھے ہو کر عوام کو خالی اور جھوٹے نعروں سے دھوکہ دینے نکل آئے ہیں

عوام ان کھوکھلے اور جھوٹے نعروں کی حقیقت جان گئے ہیںمزید ان چوروں لٹیروں کے ہاتھوں بیوقوف بننے کےلئے تیار نہیں ہیںعوام نے ان چوروں کو 2018 فاٹا اور گلگت الیکشن میں بار بار مسترد کیا،اب یہ ٹولہ اپنی سیاسی نوٹنکی لے کر پی ڈی ایم کے نام سے لوگوں کو پاگل بنانے نکلا ہے،مودی، کووڈ اور پی ڈی ایم تینوں پاکستان کے دشمن ہیں،ہر طرف یہ ٹولہ پاکستان کے مفادات پر حملہ آور ہے۔
عمران خان کی قیادت میں ہم ان تینوں دشمنوں کو اتحاد سے شکست دیں گے

میاں اسلم اقبال کا سروسز ہسپتال کا دورہ، مریضوں کی عیادت کی اور طبی سہولتوں کے بارے میں دریافت کیا
سابق حکومت نے شعبہ صحت کو نظر انداز کیا،سابق نام نہاد خادم اعلیٰ نے ذاتی تشہیر کے منصوبوں کو ترجیح دی- میاں اسلم اقبال
لاہور 12دسمبر:-صوبائی وزیر صنعت و تجارت میاں اسلم اقبال نے سروسز ہسپتال کا اچانک دورہ کیا-

اس موقع پر انہو ں نے زیر علاج مریضوں کی خیریت دریافت کی اور علاج معالجہ بارے دریافت کیا- اس دوران سروسز ہسپتال کے میڈیکل سپرنٹنڈنٹ ڈاکٹر محمد افتخار بھی صوبائی وزیر کے ہمراہ تھے-صوبائی وزیر نے ہسپتال کی ایمرجنسی اور مختلف وارڈز کا معائنہ کیا اور طبی سہولتوں کا جائزہ لیا- پرصوبائی وزیر صنعت و تجارت میاں اسلم اقبال نے ہسپتال میں مریضوں اور تیمارداروں سے گفتگو کرتے ہوئے کہاکہ عوام کو بہتر سے بہتر طبی سہولیات کی فراہمی حکومت کی اولین ترجیح ہے-انہو ں نے انتظامیہ کو ہدایت کی کہ ہسپتال میں زیر علاج مریضوں کے علاج معالجہ میں کوئی کسر اٹھا نہ رکھی جائے-

انہو ں نے کہاکہ بزدار حکومت نے صوبے بھر میں جدید طبی سہولتوں سے آراستہ نئے ہسپتال قائم کئے ہیں -لاہور میں فیروز پور روڈ پر ہزار بستروں پر مشتمل نیا ہسپتال بنایا جا رہا ہے اورصحت انصاف کارڈ کے ذریعے غریب مریضوں کو سرکاری اور نجی ہسپتالوں میں علاج کی جدید سہولیات دی گئی ہیں – انہو ں نے مزید کہاکہ سابق حکومت نے شعبہ صحت کو نظر انداز کیا-سابق نام نہاد خادم اعلیٰ نے ذاتی تشہیر کے منصوبوں کو ترجیح دی-

لاہور۔ پنجاب یونین آف جرنلسٹس کی ڈان لاہور کے ریزیڈینٹ ایڈیٹر اشعر رحمان سے جبری استعفی لینے کی مذمت۔

پنجاب یونین آف جرنلسٹس نے ڈان لاہور کے ریزیڈینٹ ایڈیٹر اشعر رحمان سے ڈان انتظامیہ کی طرف سے زبردستی استعفی لینے کے اقدام کی مذمت کی ہے۔ پی یو جے کے صدر قمرالزمان بھٹی کا کہنا ہے کہ اشعر رحمان سے جبری استعفی لینے سے ثابت ہوگیا ہے کہ ڈان انتظامیہ نہ صرف اعلی اقدار سے عاری ورکرز دشمن ہے بلکہ ملک کے آئین وقانون کی باغی بھی ہے ۔پی یو جے کے صدر قمرالزمان بھٹی ۔جنرل سیکرٹری خواجہ آفتاب حسن ۔سینئر نائب صدر خرم پاشا۔نائب صدر یوسف عباسی۔سینئر جوائنٹ سیکرٹری عطیہ زیدی۔جوائنٹ سیکرٹری نصراللہ ملک ۔خزانچی بدر ظہور چشتی اور ایگزیکٹو کونسل نے اپنے مذمتی بیان میں کہا ہے کہ ڈان میڈیا گروپ کی انتظامیہ نے ریزڈینٹ ایڈیٹر لاہور اشعر رحمان سے جبری استعفی لے کر آئین و قانون کی ڈھجیاں اڑا کر رکھ دی ہیں ۔ڈان انتظامیہ کا یہ اقدام اعلی اقدار کے بھی خلاف ہے اور اس سے ثابت ہوتا ہے کہ اب ڈان جیسے ادارے میں پروفیشنل ایڈیٹر اور صحافیوں کی کوئی جگہ نہیں رہی۔پی یو جے کے صدر قمرالزمان بھٹی نے اس جبری برطرفی نما استعفی پر اشعر رحمان کو ٹیلی فون کیا اور ان سے مکمل اظہار یکجہتی کرتے ہوئے کہا کہ پی یو جے ان کے ساتھ کھڑی ہے اور ان کے قانونی حق کے تحفظ کے لئے عدلیہ سمیت ہر دروازہ کھٹکھٹائے گی ۔ پی یو جے جنرل سیکرٹری خواجہ آفتاب حسن نے خبردار کیا کہ ڈان انتظامیہ ادارے سے صحافیوں کی جبری برطرفیوں اور استعفوں کی پالیسی اختیار کرنے سے باز رہے ورنہ پی یو جے اس کے خلاف بھرپور احتجاج کرئے گی۔