Tag: #BaaghiTV #Strike #exclusive

اسلام آباد؛اسپیکر قومی اسمبلی اسد قیصر سے خیبر پختونخواہ اسمبلی کے اسپیکر مشتاق غنی کی ملاقات.ملاقات میں ملک کی موجود مجموعی سیاسی،معاشی صورتحال سمیت باہمی دلچسپی کے دیگر امور پر تبادلہ خیال۔

اسپیکر قومی اسمبلی اسد قیصر نے کہا کہ ملک کو درپیش مسائل سے نکالنے کے لیے تمام صوبوں کو وفاق کے ساتھ مل کر خصوصی اقدامات اُٹھانے ہونگے،ملک کورونا وباء کی دوسری سے نمبردآزما ہے، اسپیکرقومی اسمبلی نے مزید کہا کہ پہلے سے کمزور ملکی معیشت کورونا وباء کی پابندیوں کا متحمل نہیں ہو سکتی،

ملک کو درپیش بحران پر قابو پانے کے لیے مشکل فیصلے کرنے ہونگے،، معاشی بحران سے نمٹنے کے لیے کفایت شعاری مہم پر حقیقی معنوں میں عمل کرنے کی ضرورت ہے،

وفاق اور صوبوں کو قانون سازی کے ذریعے عوامی نوعیت کے اہم مسائل کو ترجیح بنیادوں پر حل کرنا ہونگے، وفاق صوبوں کو درپیش مسائل کے حل اور صوبوں کو مکمل با اختیار بنانے میں سنجیدہ ہے، اسد قیصر

ملک ایک بار پھر مشکل دور سے گزر رہا ہے، موجود نازک حالات میں ملک سیاسی افراتفری کا متحمل نہیں ہو سکتا،کورونا وائرس کی دوسری لہر شدت اختیارکرتی جا رہی ہے عوام کو حتیاطی تدابیر پر سختی سے عملدرآمد کرنا ہو گا، کورونا وائرس کے پھیلاؤ کو روکنا حکومت اور اپوزیشن کی مشترکہ ذمہ داری ہے،

عوام کی زندگیوں کو محفوظ بنانے کے لیے سیاست سے بالاتر ہو کر سوچنے کی ضرورت ہے،
ملک کورونا وباء کی شدت کے دوران سیاسی سرگرمیاں کا متحمل نہیں ہو سکتا،
ملکی مسائل کا حل پارلیمنٹ کی بالادستی میں مضمر ہے، دونوں رہنماؤں کے مابین خیبر پختونخواہ میں سی پیک کے تحت جاری منصوبوں پر ہونے والی پیش رفت پر گفتگو۔خیبر پختونخواہ کے عوام سی پیک منصوبے کے تحت جاری منصوبوں پر کام کے بروقت تکمیل کے خواہشمند ہیں،

سی پیک منصوبہ کی تکمیل سے صوبے میں ترقی اور خوشحالی آئے گی جس سے عوام کا معیار زندگی بہتر ہو گا، اسپیکر کا قومی اسمبلی اور صوبائی اسمبلی کے مابین رابطوں کو فروغ دینے کی ضرورت پر زور۔

مشتاق غی نے کہا کہ صوبائی حکومت خیبر پختونخواہ، وفاق کے ساتھ شانہ پشانہ کھڑی ہے،
ملک کو بحران سے نکالنا پارلیمانوں میں موجودہ تمام سیاسی جماعتوں کی مشترکہ ذمہ داری ہے،
ملکی مسائل کے حل کے لیے تمام سیاسی جماعتوں کو ساتھ لے کر چلنا ہو گا، کورونا وائرس کے پھیلاؤ کو روکنے کے لیے تمام سیاسی جماعتوں کو کردار ادا کرنے کی ضرورت ہے،اسپیکر کے پی کے اسمبلی بطورِ سیاستدان تمام سیاسی قائدین کی ذمہ داری ہے کہ وہ کورونا وائرس سے بچنے کے لیے عوام میں آگاہی مہم چلائیں، سی پیک منصوبہ ملک میں معاشی ترقی کے لیے اہم سنگ میل ثابت ہو گا،

پی ٹی آئی اور ایم کیو ایم کے اراکان صوبائی اسمبلی نے اسمبلی کا اجلاس طلب کرنے کے لئے درخواست سندھ اسمبلی میں جمع کروادی۔

سند ھ حکومت نہیں چاہتی کہ اپوزیشن عوامی مسائل پر ان سے اسمبلی میں جواب طلب کرے۔ فردوس شمیم نقوی

ہم عوام مسائل کو نظر انداز نہیں کر سکتے۔ سندھ حکومت کا غیر سنجیدہ رویہ افسوسناک ہے۔ فردوس شمیم نقوی

کراچی ،سندھ اسمبلی میں قائد حزب اختلاف فردوس شمیم نقوی کی سربراہی میں پی ٹی آئی اور ایم کیو ایم کے اراکان صوبائی اسمبلی نے اسمبلی کا اجلاس طلب کرنے کے لئے درخواست سندھ اسمبلی میں جمع کروادی۔ درخواست قائد حزب اختلاف فردوس شمیم نقوی، پی ٹی آئی رکن سندھ اسمبلی جمال صدیقی، شاہنواز جدون اور ایم کیو ایم کے رکن محمد حسین نے سیکریٹری سندھ اسمبلی کے پاس جمع کروائی۔ درخواست میں اپوزیشن کی جانب سے موقف اختیار کیا گیا ہے کہ سندھ اسمبلی کا اجلاس جلد از جلد بلایا جائے جس میں لوکل گورنمنٹ بل، کورونا وائرس کے خلاف اقدامات، بارش کے سبب تباہ کاریاں، کراچی ٹرانسفارمیشن پلان، اسٹریٹ کرائمز کی بڑھتی وارداتیں، ماورائے عدالت قتل، منشیات کی فروخت، آٹے کی قیمتیں، سندھ حکومت کی جانب سے گندم فراہم کرنے میں تاخیری اور دیگر مسائل پر بحث کی جائے۔ اس موقع پر فردوس شمیم نقوی کا کہنا تھا کہ سندھ حکومت اپنی جواب دہی سے بچنے کے لئے بار بار سیشن ملتوی کررہی ہے۔ سند ھ حکومت نہیں چاہتی کہ اپوزیشن عوامی مسائل پر ان سے اسمبلی میں جواب طلب کرے۔ ہم عوام مسائل کو نظر انداز نہیں کر سکتے۔ سندھ حکومت کا غیر سنجیدہ رویہ افسوسناک ہے۔ سندھ حکومت جلد از جلد اجلاس بلائے اور ہماری جانب سے جن مسائل کی نشاندہی کی گئی ہے انہیں اسمبلی میں زیر بحث لایا جائے۔

اسلام آباد، ایس پی ٹریفک خالد رشید کو گریڈ 18 سے 19 میں ترقی پانے پر ایس ایس پی کے رینک لگانے کی تقریب ٹریفک ہیڈکوارٹر میں منعقد ہوئی

آئی جی اسلام آباد محمد عامر ذوالفقار خان نے خالد رشید کو ایس ایس پی کا رینک لگایا

تقریب کے دوران ڈی آئی جی آپریشنز اسلام آباد وقارالدین سید اور دیگر سینئر افسران بھی موجود تھے ،آئی جی اسلام آباد نے ایس ایس پی خالد رشید کے لئے نیک خواہشات کا اظہار کیا

پنڈدادن خان/ ایم پی اے پی پی27 حاجی ناصر محمود للہ نے پنجاب اسمبلی کی نشست سے مستعفی ہونے کا اعلان کر دیا

مسلم لیگ ن کے ساتھ کھڑا ھوں پارٹی قیادت کے فیصلوں کا مکمل پابند ہوں

حاجی ناصر محمود للہ نے مزید کہا کہ موجودہ حکومت مکمل ناکام ھو چکی ھے نااہل حکومت کا بوجھ مزید برداشت نہیں کیا جاسکتا

تفصیلات کے مطابق ایم پی اے پی پی27 وجنرل سیکٹریری مسلم لیگ ن ضلع جہلم حاجی ناصر محمود للہ نے پنجاب اسمبلی کی نشست سے مستعفی ہونے کا اعلان کر دیا انہوں نے اپنا استعفی تحریری طور پر سپیکر پنجاب اسمبلی کے نام لکھ دیا اہم پی اے پی پی27 حاجی ناصر محمود للہ کا کہنا تھا کہ موجودہ حکومت بری طرح ناکام ہو چکی ھے نااہل حکومت کو مذید برداشت کرنا عوام کے ساتھ زیادتی ھے حاجی ناصر محمود للہ کا کہنا تھا کہ حلقہ کے عوام نے مسلم لیگ ن کے ٹکٹ پر مجھے منتخب کیا تھا اپنی جماعت اور قائدین کے فیصلوں کا مکمل پابند ہوں اور پارٹی قیادت کے ہر فیصلے پر عمل کروں گا انہوں نے کہا کہ موجودہ حالات کے پیش نظر اپنے قائد نواز شریف اور شہباز شریف کے نظریے کے مطابق پاکستانی عوام کی بہترین کیلے سلیکڈ لوگوں کو گھر جانا ھو گا

ٹریفک پولیس راولپنڈی نے اوور سپیڈنگ پر ماہ نومبر میں1267چالان کیے

عوام کے سفر کو آسان اور محفوظ بنانے کے لیے ہر ممکنہ اقدامات کیے جا رہے ہیں۔ سینئر ٹریفک آفیسر
سپیڈکیمروں کو نصب کرکے روز مرہ کے حادثات میں خاطر خواہ کمی لائی گئی۔سید عابد عباس شاہ
راولپنڈی تفصیلات کے مطابق سٹی ٹریفک پولیس راولپنڈی کے انچارج کیمرہ سکواڈ احمد نوازتارڑ نے گزشتہ ماہ اپنی ٹیم کے ہمراہ ملکر اولڈ ائیر پورٹ روڈ، نیو ائیر پورٹ روڈ، ٹیکسلا، کلر سیداں اور مہر آباد سیکٹر میںسپیڈ کیمرہ نصب کر کے اوور سپیڈنگ کے خلاف بھرپور کاروائی کرتے ہوئے 1267 گاڑیوں کو چالان ٹکٹ جاری کرتے ہوئے489650روپے کا جرمانہ کیا۔

اس موقع پر سینئر ٹریفک آفیسر راولپنڈی سید عابد عباس شاہ کا کہنا تھا کہ شاہراہوں پرسپیڈ کیمرہ لگانے سے اوور سپیڈنگ سے ہونے والے حادثات میں خاطر خواہ کمی واقع ہوئی،اوور سپیڈنگ اور غلط اوورٹیکنگ کرنے والے اپنے ساتھ دوسروں کی زندگی کو بھی خطرے میں ڈالتے ہیں۔ان کا مزید کہنا تھاکہ ٹریفک پولیس راولپنڈی کی اولین ترجیح عوام کے سفر کو آسان اور زندگی کو محفوظ بنانا ہے جس کے لیے ٹریفک پولیس راولپنڈی وہ تمام اقدامات کر رہی ہے جس سے قیمتی جانوں کو بچایا جا سکے۔سینئر ٹریفک آفیسر نے انچارج کیمرہ سکواڈاحمد نواز کوخصوصی ہدایات جاری کیں کہ اوور سپیڈنگ اور غلط اوور ٹیکنگ کرنے والوں کے خلاف سخت ایکشن لیتے ہوئے قانون کے مطابق کاروائی عمل میں لائیں۔

وزیر مواصلات و تعمیرات سردار محمد آصف نکئی کا نون لیگ کے استعفوں پر اظہار خیال کرتے ہوئے کہا کہ استعفوں سے حکومت کو دباؤ میں لانے کی ناکام کوشش ہے۔

ساری اپوزیشن بھی استعفی دے دے تو بھی حکومت کو کوئی خطرہ نہیں ہے۔مریم نواز بابا نواز کی کرپشن بچانے کے لیے پی ڈی ایم کے کندھے پر رکھ کر بندوق چلا رہی ہیں۔

تحریک انصاف نے عوام کی ان لٹیروں سے جان چھڑوائی ہے۔ عوام دوبارہ ان کے دھوکے میں نہیں آئیں گے۔ تحریک عوام کی زندگیوں کو خطرے میں ڈال رہی ہے۔

پاکستان مسلم لیگ ن پنجاب کے صدر رانا ثناء اللہ خان اور جنرل سیکرٹری سردار اویس فاروق خاں لغاری مسلم لیگ ن کا قلعہ سمجھے جانے والے شہر سرگودہا پہنچ گئے ،

تفصیلات کے مطابق رانا ثناء اللہ خان پی ڈی ایم لاہور جلسے کے حوالے سے سرگودہا میں کارنر میٹنگز کریں گے اس اس سلسلے میں ان کا قافلہ سب سے پہلے پی پی 76 کا دورہ کرے گا رانا ثناء اللہ خان سینئر رہنما پی پی 76 ،کمشنر (ر) چوہدری جاوید احمد چیمہ اور جنرل سیکرٹری پاکستان مسلم لیگ ن طارق وڑائچ ایڈ ووکیٹ کی خصوصی دعوت پر جاوید احمد چیمہ کی رہائشگاہ جو پی پی 76 میں واقع ہے وہاں جائیں گے

اس سلسلے میں انتظامات مکمل کر لیے گئے ہیں ،کارکنان کی بڑی تعداد رانا ثناء اللہ کے استقبال کیلیے موجود ہے اور ان کا جوش و جزبہ دیکھنے کے قابل ہے

واضح رہے کہ سرگودہا ڈویثن کو مسلم لیگ ن کا مضبوط قلعہ سمجھا جاتا ہے میاں محمد نواز شریف اسے اپنا دوسرا گھر سمجھتے ہیں اور دو دفعہ یہاں سے ایم این اے بھی منتحب ہو چکے ہیں یہ ان کا مضبوط انتخابی حلقہ بھی ہے سرگودہا ڈویثن میں مسلم لیگ ن کی مضبوط تنظیم سازی ہے