Tag: #BaaghiTV #Strike #exclusive

آرٹس کونسل آف پاکستان کراچی میں تیرہویں عالمی اردو کانفرنس کے دوسرے روز ”پانچ کتابوں کی رونمائی“ کی گئی

کراچی آرٹس کونسل آف پاکستان کراچی میں جاری تیرھویں عالمی اردو کانفرنس کے دوسرے روز پانچ کتابوں کی تقریب رو نمائی ہوئی جس میں کتابوں کے مصنفین اور تجزیہ نگاروں نے کتابوں سے متعلق اپنی آرا کا اظہار کیا، معروف مصنفہ عذرا عباس کی کتاب “اداسی کے گھاﺅ “پر تبصرہ کرتے ہوئے کاشف رضا نے کہا کہ اپنی کلیات میں مصنفہ نے نظم کو نیا رنگ عطا کیا ہے ،

حمیرا خلیق کی کتاب “ گوشہ دل “ پر اپنے خیالات کا اظہار کرتے ہوئے ڈاکٹر فاطمہ حسن نے کہا کہ مصنفہ نے اپنے خاکوں میں معاشرے کے مختلف پہلوﺅں اور معروف کرداروں کے پوشیدہ رویوں کو اجاگر کیا ہے، اقبال نظر کی کتاب “درویش نامہ “ پر بات کرتے ہوئے

معروف دانشور پیر زادہ قاسم نے کہا کہ مصنف نے اپنی کتاب میں انسانی رویوں کو انتہائی خوبی سے لفظوں میں سمویا ہے ، پروفیسر سحر انصاری نے ممتاز شاعرہ ہما طاہر کے تیسرے شعری مجموعے “اوج کمال “ کو سراہتے ہوئے کہا کہ شاعرہ نے اس کتاب میں زندگی کے موسموں کو تخلیق کے رنگوں میں پرویا ہے ان کے شعروں میں حب الوطنی کا رنگ بھی پایا جاتا ہے، تقریب رونمائی کی میزبانی آغا شیرازی نے کی۔

ماڈل تھانہ فیروز آباد کی خفیہ اطلاع پر کارروائی،سرکاری یونیورسٹی اور نجی یونیورسٹی کے دو طالبعلم گرفتار

گرفتار ملزمان کے قبضے سے دو کلو سے زائد منشیات برآمد کر لی گئی،گرفتار طالبعلم کی نشاندہی پر منشیات سپلائی میں ملوث رکشہ ڈرائیور بھی گرفتار کر لیا گیا

گرفتار طالبعلم دیگر طلباء اور علاقے میں دوستوں کے لیے منشیات منگواتا تھا،ملزمان خود بھی نشہ استعمال کرتے تھے،رکشہ ڈرائیور کوئٹہ سے منشیات کراچی لاکر اسٹوڈنٹس کو دیتا تھا

گرفتار طالبعلم کراچی میں اپنے سرکل میں منشیات سپلائی کرتے تھے ،گرفتار ملزمان کی نشاندہی پر مزید چھاپہ مار کارروائیاں جاری ہیں ملزمان سے تفتیش کا عمل جاری ہے

وزیر اعظم پاکستان اپنے وعدوں پر قائم ہیں اور اپنے تمام وعدوں کی تکمیل باری باری کرینگے۔طاہر ملک

کراچی، پاکستان تحریک انصاف کے مرکزی رہنما طاہر ملک نے کہا کہ اپوزیشن کے جلسوں سے حکومت نہیں بلکہ معیشت کمزور ہوگی،کیونکہ کورونا وباء سے عوام کی جانوں کے ساتھ ساتھ معیشت کو بھی نقصان ہوگا۔ حکومتیں آنی جانی چیز ہیں، اس ملک نے ہمیشہ قائم رہنما ہے۔ اپوزیشن ملک کو نقصان نہ پہنچائے۔یہ باتیں انہوں نے اپنے دفتر آئے ہوئے پارٹی کارکنان کے وفد سے ملاقات کے موقع پر بات چیت کرتے ہوئے کہیں۔طاہر ملک نے مزیدکہا کہ اپوزیشن جماعتیں زاتی مفاد کے پیش نظر ایک پیچ پر ہیں اور ملک و قوم کو نقصان پہنچانا چاہتی ہیں۔کورونا ایک جان لیوا وائرس ہے یہ جانتے ہوئے اپوزیشن اراکین عوام کی زندگیوں سے کھیل رہے ہیں۔

طاہر ملک کا نوجوانوں کے حوالے سے حکومتی کارکردگی سے متعلق کہنا تھا کہ پی ٹی آئی کی حکومت نوجوانوں کا کامیاب اور ہنر مند بنانے پر یقین رکھتی ہے۔ وفاقی حکومت کا کامیاب جوان پروگرام اب تک کا سب سے بڑا پروگرام ہے جس میں نوجوانوں کو تعلیم کے لئے انٹرنشپ، کاروبار کے لئے قرضے فراہم کئے جارہے ہیں۔انہوں نے مزید کہا کہ وزیر اعظم عمران خان انسان دوست وزیر اعظم ہیں۔موسم سرما میں غریبوں کے خیال کے پیش نظر تمام صوبوں میں لوگوں کے لئے پناہ گاہیں بنائی ہیں تاکہ کوئی بھی شخص سڑک کنارے سردی میں نہ سوئے۔ پی ٹی آئی کے دل میں عوام کا درد ہے۔

شہر کراچی کی تعمیر و ترقی کے حوالے ان کا کہنا تھا کہ سابق میئر کو فنڈز نہ دینا پیپلز پارٹی کی سندھ حکومت کی بد نیتی تھی جو کام یہ میئر سے کروا سکتے تھے وہ نہیں کروایا۔ پہلے پیپلز پارٹی فنڈز اس لئے نہیں دیتی تھی کیونکہ ان کی شہر میں حکومت نہیں تھی۔ وہی کام اب ایڈمنسٹریٹر کیسے کررہے ہیں جب فنڈز نہیں ہیں۔ وزیر اعظم پاکستان اپنے وعدوں پر قائم ہیں اور اپنے تمام وعدوں کی تکمیل باری باری کرینگے۔

سلیمان ظفر اسٹنٹ کمشنر گجرات نے انسداد سموگ قانون کی خلاف ورزی کرنے پر دلدار اور نواب بھٹہ خشت کے مالکان کے خلاف مقدمات درج کر کے حراست میں لے لیا۔

محکمہ ماحولیات پنجاب نے انسداد سموگ مہم کی پیش نظر موسم سرما میں گجرات کے شہریوں کو سموگ سے بچانے کیلئے گجرات میں واقعہ اینٹوں کے بھٹے بند کرنے کا فیصلہ کیا ہے۔ اینٹوں کے بھٹے اکتوبر سے دسمبر تک بند رہیں گے۔ جس کا باقاعدہ نوٹیفکیشن جاری کر دیا گیا تھا۔ اس سلسلے میں گجرات کے تمام بھٹہ مالکان کو نوٹس جاری کر دئیے گئے۔ جن میں واضح کیا گیا ہے کہ اس عرصے کے دوران صرف جدید ٹیکنالوجی پر مبنی زگ زیگ بھٹے ہی کام کر سکیں گے۔ اس کے علاوہ اگر کسی بھٹہ مالک نے بھٹہ چلانے کی کوشش کی تو اس کے خلاف قانونی کارروائی عمل میں لائی جائے گی۔ماحول دوست مہم کو مستحکم بنانے میں علاقہ مکینوں نے اسٹنٹ کمشنر گجرات سلیمان ظفر کو خراج تحسین پیش کیا۔

4 دسمبر ، 2020 (اسلام آباد) عسکری بینک اور پی آئی اے نے جمعہ کے روز یہاں کو برینڈڈ کریش کی لانچنگ تقریب مقرر کی۔ کوویڈ ایس او پیز کے تحت سادہ مگر پر وقار تقریب میں پاکستان کے سب سے محفوظ، جدید اور بیش قیمت خصوصیات کے حامل اس کارڈ جو کہ ایک بنک اور ائیرلائن کے اشتراک سے جاری کیا جارہا ہے کی بہت مانگ تھی۔

عسکری بینک اور پی آئی اے ، اپنی اپنی صنعتوں میں دو مارکیٹ رہنما ہیں ، دونوں ہی طویل عرصے سے پاکستان کی قومی شناخت سے وابستہ ہیں اور یہ فطری بات ہے کہ وہ اپنے صارفین کے لئے ایک طاقتور کارڈ متعارف کروا رہے ہیں جو سفر میں آسانی کے ساتھ لین دین میں تحفظ کو مدنظر رکھتے ہوئے تیار کیا گیا ہے۔ رونما کارڈ جو کہ تین درجے ، سلور ، گولڈ اور پلاٹینم میں مہیا کیا گیا ہے میں بہت سی خصوصیات دی گئی ہیں جن میں پی آئی اے کے لائلٹی پروگرام کی رکنیت ، پی آئی اے کے ٹکٹوں میں ڈسکاونٹ ، اندرون ملک اور بین الاقوامی لاؤنجز تک رسائی ، عام کریڈٹ کارڈ کے مقابلے میں تیز مائلز کا حصولاور ترجیحی چیک- ان شامل ہیں۔

اس موقع پر صدر عسکری بینک مسٹر عابد ستار نے خطاب کرتے ہوئے کہا کہ عسکری بینک ملک کے سرکردہ کریڈٹ کارڈ جاری کرنے والوں میں سے ایک ہے اور پی آئی اے واقعی قابل ذکر تاریخ اور امید افزا مستقبل والی قومی ایئر لائن ہے۔ ہمیں اپنے قومی کیریئر سے وابستہ ہونے پر واقعی فخر ہے۔ یہ پہلا پاکستانی کارڈ ہے جہاں دونوں شریک برانڈ شراکت دار پاکستانی ہیں۔ ہمیں امید ہے کہ یہ ہمارے پاکستانی صارفین کے لئے فائدہ مند ثابت ہوگی۔

سی ای او پی آئی اے ایئر مارشل ارشد ملک نے سامعین سے خطاب کرتے ہوئے کہا کہ یہ کارڈ پاکستان کا حقیقی نمائندہ ہوگا۔ یہ کارڈ ایک اہم لیکن نظرانداز طبقہ کو مدنظر رکھتے ہوئے تیار کیا گیا ہے۔ از سے ہمارے صارفین پر ہم پر اعتماد بڑھے گا اور ان کو بہت آسانی ہو گی۔

مسلم لیگ ن کی ترجمان مریم اورنگزیب نے میڈیا سے گفتگو کرتے ہوئے کہا کہ پی ڈی ایم کی تحریک کرپٹ مافیا کے خلاف ہے،تیرہ دسمبر کو مینار پاکستان ان آٹا چینی چوروں کے خلاف جانا ہے، آج عوام کے پاس نہ پیسے ہیں نہ آٹا ہے نہ چینی ہے، تیرہ دسمبرکو لاہور آئے گا، یہ جلسہ نہیں عوامی تحریک ہے، شہباز شریف کو جیل میں بند کر کے آپ سب کو خاموش نہیں کرسکتے

سائرہ افضل تارڑ نے کہا کہ جس سے پشاور میٹرو اور حکومت نہیں چلتی ان کو آخر ی گھر دکھا دینا ہے،ان لوگوں نے کشمیر کا سودا کردیا آٹا گھی چینی پر ڈاکہ ڈالا،مافیا کے گھر جانے کا ، اگر جلسے کی اجازت دے رہے ہیں تو اینٹی کرپشن کے پرچے پر بند کریں،جس طرح ملتان کے جلسے میں عوام پہنچے تھے لاہور بھی آئےگی،جج ارشد ملک کے اہل خانہ سے تعزیت کرتی ہوںمینار پاکستان میں ووٹ کی عزت بحال کریں گے,اگلا پورا ہفتہ پورے لاہور میں کنونشن اور کارنر میٹنگز بھی ہورہی ہیں ،مریم نواز لاہور شہر میں روڈ پر نکلے گی