Tag: #BaaghiTV #Strike #exclusive

کراچی پاکستان اسٹیل مل سے جبری برطرفیوں اور محنت کش کی موت کے بعد ملازمین مشتعل ہو گئے ،پاکستان اسٹیل کے برطرف ملازمین نے نیشنل ہائی وے بلاک کردیا ،روڈ بلاک ہونے سے کراچی سے ٹھٹھہ بدین اور گولارچی جانیوالی ٹرانسپورٹ بھی بند ہو گئے

اندرون سندھ سے کراچی اور کراچی سے جانیوالے مال بردار ٹرالر آئل ٹینکر بھی روک دیئے گئے،احتجاج اسٹیل ٹاؤن قائد اعظم پارک چوک پر کیا جارہا ہے ،احتجاجی ملازمین کی حکومت کے خلاف نعرے بازی جاری ہے

ذرائع کے مطابق ریلی کی قیادت ایکشن کمیٹی کے ساتھ تمام سابقہ یونین چیئرمین، تاجروں کی تنظیم، ویلفیئر تنظیمات اور دیگر سول سوسائٹی کے اراکین کر رہے ہیں

جبکہ آل ایمپلائز ایکشن کمیٹی پاکستان اسٹیل کے تمام ملازمین، اہلیان گلشن حدید، سیاسی کارکن اور سابقہ ملازمین بھی دھرنے میں شریک ہیں

وزیر اعظم عمران خان سے ملک کے معروف صنعتکاروں پر مشتمل وفد کی ملاقات. وفد میں اعظم فاروق (چراٹ سیمنٹ), بشیر علی محمد (گل احمد), محمد علی تابہ (لکی سیمنٹ), ثاقب شیرازی (ہنڈا اٹلس) فواد مختار (فاطمہ فرٹیلایزر), عارف حبیب (عارف حبیب گروپ لمیٹڈ) اور حسین داؤد (اینگرو کارپوریشن) شامل تھے.وفاقی وزیر محمدحماد اظہر, مشیرانِ وزیر اعظم عبدالرزاق داؤد, ڈاکٹر عبدلحفیظ شیخ اور ڈاکٹر عشرت حسین کے علاوہ اعلیٰ سرکاری حکام بھی ملاقات میں موجود.

وفد کی شرکاء نے وزیراعظم کا شکریہ ادا کرتے ہوئے کہا کہ کاروباری سرگرمیوں کو میسرحکومتی سرپرستی کے مثبت نتائج آنا شروع ہو چکے ہیں. انہوں نے کہاکہ ملکی فارن ایکسچینج ریزرو کا بلند ترین سطح پر ہونا پاکستان کی معیشت میں استحکام کی عکاسی کرتا ہے.

انہوں نے مزید کہا کہ حکومتی معاشی ٹیم ہر وقت ان کی رہنمائی اور مسائل کے حل کیلئے دستیاب ہوتی ہے. انہوں نے وزیراعظم کو بتایا کہ حکومتی کاوشوں سے پاکستان کا کرنٹ اکاؤنٹ کا خسارے سے نکل کر سر پلس ہونا معیشت کیلئے انتہائی خوش آئند ہے.

وفد کی شرکاء نے وزیراعظم کی تعمیراتی شعبے کی سرپرستی پر شکریہ ادا کیا اور کہا کہ اس وقت سیمنٹ کی کھپت ملکی تاریخ کی بلند ترین سطح پر ہے. انہوں نے مزید کہا کہ کرونا وبا کے باوجود تعمیراتی سرگرمیوں میں تیزی اور ٹیکسٹائل برآمدات میں اضافے سے معیشت پر مثبت اثرات مرتب ہو چکے ہیں اور لوگوں کو روزگار کے مواقع ملے ہیں. وفد کی شرکاء نے حکومتی پالیسیوں پر مکمل اعتماد کا اظہار کرتے ہوئے معیشت کی بہتری کیلئے اپنے خدمات پیش کیں.

وزیر اعظم نے کہا کہ حکومت کا کام صنعتوں اور کاروباری سرگرمیوں کیلئے آسانیاں اور سہولتیں فراہم کرنا ہے. وزیراعظم نے کہا کہ ملکی ترقی و خوشحالی صنعتی شعبے اور کاروباری طبقے کی ترقی سے وابسطہ ہے. انہوں نے کہا کہ حکومتی فیصلہ سازی کے عمل میں صنعتکاروں کی تجاویز کو شامل کیا جا رہا ہے جس کے مثبت اثرات مرتب ہو رہے ہیں

وزیر اعظم نے صنعتکاروں کو ایکسپورٹس میں پیش آنے والے مشکلات کو جلد از جلد حل کرنے کی ہدایت کی. وزیر اعظم نے صنعتکاروں سے زراعت کے شعبے میں جدت لانے اور مختلف فصلوں کی پیداواری صلاحیت بڑھانے کیلئے بڑے پیمانے پرکارپوریٹ فارمنگ شروع کرنے کیلئے تجاویز مانگ لیں.

کراچی (باغی ٹی وی ) پاسبان ڈیموکریٹک پارٹی کے وائس چیئرمین خلیل احمد تھند نے کہا ہے کہ تمام صوبوں میں بلدیاتی انتخابات کا وقت پر انعقاد ضروری ہے تاکہ پریشان حال عوام مسائل کے حل کے لئے اپنے بلدیاتی نمائندوں سے رجوع کر سکیں اور بلدیاتی نمائندوں کے فنڈز ضائع ہونے اور کرپشن کی نظر ہونے کے بجائے استعمال میں لائے جا سکیں۔ بلدیاتی انتخابات کے لئے صوبائی حکومتوں کے جاری کردہ قوانین اور امیدواروں کیلئے بھاری فیسیں اس بات کا ثبوت ہیں کہ حکومت بلدیاتی انتخابات میں اشرافیہ کی اجارہ داری قائم رکھنے اور عام آدمی کو بنیادی سیاست سے باہر کرنے کی کوششوں میں مصروف ہے۔ ملکی سیاست سے عام آدمی پہلے ہی باہر ہو چکا ہے۔ کراچی،لاہور اور ایک کروڑ سے زائد آبادی رکھنے والے دیگر شہروں کا بلدیاتی نظام بڑے ممالک کے بڑے شہروں میں چارٹرڈ سٹی کی طرز پر ترتیب دیا جائے۔ بلدیاتی امیدواران کے لئے بھاری فیسیں قدرتی قیادت پروان چڑھنے کی راہ میں رکاوٹ ہیں جو آئین پاکستان اور جمہوریت کی بنیادی روح کی سنگین خلاف ورزی ہے۔

پیپلز پارٹی اور مسلم لیگ کی طرح پی ٹی آئی حکومت بھی سرمایہ دارانہ اور جاگیردارانہ ذنیت کے حامل افراد کے شکنجے میں ہے جو نہیں چاہتے کہ ان کے علاوہ عام آدمی سیاست میں کوئی کردار ادا کرسکے۔ جس فورم میں عام آدمی کی نمائندگی نہیں ہوگی وہ فورم عوام کا نمائندہ فورم نہیں ہوسکتا اور نا ہی ایسے فورمز سے عوامی فلاح کے نتائج برآمد ہوسکتے ہیں۔ پاسبان ڈیموکریٹک پارٹی کے نزدیک عام شہریوں سے قومی و بلدیاتی سیاست کا حق چھیننا دراصل انہیں ہر قسم کے حقوق اور بنیادی سہولتوں سے محروم رکھنے کے مترادف ہے۔انتخابی اخراجات کی حدوں کی ہر الیکشن میں دھجیاں اڑائی جاتی ہے اس کی حیثیت خانہ پری زیادہ نہیں۔ تمام صوبوں میں جماعتی یا غیرجماعتی کی بجائے متناسب نمائندگی کی بنیاد پر بلدیاتی انتخابات کرائے جائیں۔ شہریوں کے مسائل حل کرنے کے بین الاقوامی اصولوں کے مطابق منتخب نمائندوں اور بلدیاتی اداروں کو اختیارات اور وسائل دئیے جائیں۔ پولیس، پانی، بجلی، گیس، صحت، تعلیم، سڑکیں اور ضلعی عدالتیں منتخب شہری حکومتوں کے ماتحت کی جائیں۔پاسبان پریس انفارمیشن سیل سے جاری کردہ بیان میں خلیل احمد تھند نے مزید کہا کہ میٹروپولیٹن کارپوریشن کے لارڈ مئیر کے لئے انتخابی اخراجات کی حد 50 لاکھ مقرر کرنے کی اطلاعات تشویشناک ہیں جو بلدیاتی انتخابات کو سرمایہ زدہ رکھنے کی عکاسی کرتی ہیں۔

میٹروپولیٹن کارپوریشن کے کونسلر کی فیس 15 ہزار اور میونسپل کارپوریشن کے کونسلر کی فیس 10 ہزار مقرر کرنے کی اطلاعات بھی عام آدمی کو بلدیاتی انتخابات سے دور رکھنے کی کڑی ہیں۔ پاسبان ڈیموکریٹک پارٹی ایسے ضابطوں کو کلی طور پر رد کرتی ہے اور وفاقی و صوبائی حکومتوں سے مطالبہ کرتی ہے کہ لوکل گورنمنٹ کے لئے فیسوں اور اخراجات کی حد کو عام آدم کی معاشی حیثیت کے مطابق ترتیب دیا جائے۔ دنیا کے بڑے ترقی یافتہ شہروں کے انتخابی قوانین کے مطابق بلدیاتی انتخابات کرائے جائیں

وزیرِ اعظم عمران خان کی زیر صدارت پاکستان آئیلینڈ ڈویلپمنٹ اتھارٹی اور راوی اربن ڈویلپمنٹ اتھارٹی کے حوالے سے اجلاس۔

اجلاس میں گورنر سندھ عمران اسماعیل، چیئرمین راوی اربن ڈویلپمنٹ اتھارٹی اور چیئرمین پاکستان آئیلینڈ ڈویلپمنٹ اتھارٹی اور اعلی حکومتی حکام نے شرکت کی.
اجلاس میں منصوبوں میں سرمایہ کاری میں دلچسپی رکھنے والی ڈچ کمپنی ایوٹیک AWTEC کے نمائندوں نے بھی شرکت کی. ایوٹیک نیدرلینڈ نے 1.3 بلین امریکی ڈالر کی سرمایہ کاری سے کراچی میں کچرے سے توانائی اور ڈیسیلینشن پلانٹ بنانے کی تجویز پیش کی۔ اویٹیک ہالینڈ نے راوی منصوبے اور لاہور میں رینیویبل توانائی پلانٹ کے قیام میں بھی گہری دلچسپی ظاہر کی۔
واضح رہے کہ ان منصوبوں میں لگنے والی ٹیکنالوجی پاکستان میں تیار کی جائے گی جس سے ملک ٹیکنالوجی کی منتقلی اور روزگار کے مواقع پیدا ہونگے. اس منصوبے سے بننے والی بھاپ بھی صنعتوں میں استعمال کی جاسکے گی. اس ضمن میں عنقریب حکومت پاکستان اور ایوٹیک کے درمیان مفاہمتی یادداشتوں پر دستخط کئے جائیں گے.

وزیرِ اعظم نے کہا کہ پاکستان میں کچرے کے حوالے سے مناسب بندوبست اور انتظام نہ ہونے کی وجہ سے دن بدن مسائل میں اضافہ ہو رہاہے .انہوں نے کہا کہ پاکستان کے آبی وسائل خاص کر سمندری پٹی اس سے سب سے ذیادہ متاثر ہیں. وزیراعظم نے کہا کہ اس طرح کے منصوبے ہمارے شہروں کو بین الاقوامی معیار کی رہائشی سہولیات دینے میں معاون ثابت ہونگے.

شہر قائد کو دوبارہ یرغمال کرنے کی اجازت نہیں دیں گے، ایم کیو ایم ٹھیکے دار نہ بنیں تاجر ہمارے بھی ہیں، ماضی میں تاجروں کو ہراساں کیا گیاوہ تاریخ کا حصہ رہے گا، حفاظتی اقدامات جب بھی کئے تو سندھ حکومت نے تاجر برادری کو ریلیف دیا ہے،

کراچی وزیراطلاعات سندھ سید ناصر حسین شاہ نے کہا ہے کہ سندھ حکومت نے ہمیشہ تاجروں نے کی عزت کی اور بلاخوف کام کرنے کردیا، تحریک چلانے کی دھمکیاں نہ دی جائیں اگر دینے بھی ہیں تو اپنی وفاقی حکومت کو دیں جو آپ کو مسلسل لولی پاپ دیتی آرہی ہے۔ شہر قائد کو دوبارہ عرغمال بنانے کی اجازت ایم کیو ایم کو ہرگز نہیں دیں گے۔ ان خیالات کا اظہار انھوں نے اپنے دفتر سے ایم کیو ایم رہنماء خالد مقبول صدیقی کے بیان پر ردعمل دیتے ہوئے کیا۔ انھوں نے مزید کہا کہ خالد مقبول کہتےہیں سندھ حکومت تاجروں کو تنگ کررہے ہیں، مجھے سمجھ نہیں آرہا کہ خالد مقبول کے بیان پر ہنسا جائے یا پھر رویا جائے۔ انھوں نے کہا کہ سندھ حکومت نے ہمیشہ تاجروں کی عزت کی ہے اور انکو بلاخوف کام کرنے دیا ہے، تاجروں کو جو خالد مقبول صدیقی کی پارٹی نے تنگ اور ہراساں کیا تھا وہ تاریخ کا حصہ رہے گا۔

سید ناصر حسین شاہ نے کہا کہ ہم کراچی کے عوام کو کورونا وائرس سے محفوظ کرنے کیلئے اقدامات کررہے ہیں، سندھ حکومت نے جب بھی حفاظتی بنیادوں پر اقدامات کیئے ہیں تو تاجروں کو ریلیف بھی دیا ہے۔ انھوں نے کہا کہ کراچی شہر اور یہاں کے تاجر ہمارے بھی ہیں، آپ ٹھیکےدار بننے کی کوشش نہ کریں، ایم کیو ایم سندھ حکومت کو تحریک چلانے کی دھمکیاں نہ دے، ہم ایم کیو ایم کو کراچی کو دوبارہ یرغمال کرنے کی اجازت نہیں دیں گے اور اگردھمکی دینے بھی ہے تو اپنی وفاقی حکومت کو دیں جو آپ کو لولی پاپ دیتی آرہی ہے۔

خیبر پختونخواہ کے ضلع  سوات اور گردونواح میں زلزلے کے جھٹکے محسوس کیے گئے ہیں۔
زلزلہ پیما مرکز کے مطابق ریکٹر اسکیل پر زلزلے کی شدت 4.5 ریکارڈ کی گئی ہے جبکہ زلزلے کی گہرائی 40 کلومیٹر تھی۔
ذرائع کے مطابق زلزلے کا مرکز پاک افغان سرحدی علاقہ تھا۔
زلزلے کی وجہ سے لوگ اپنے گھروں سے کلمہ طیبہ کا ورد کرتے ہوئے باہر نکل آئے۔

گلگت بلتستان کے لیے وزیر اعلیٰ کے نام شارٹ لسٹ کر لیے گئے،

گلگت بلتستان کے لیے وزیر اعلیٰ کے دو نام شارٹ لسٹ کرلیے گئے۔گلگت بلتستان کا وزیراعلیٰ کون ہوگا، اس حوا لے سے وزیراعظم عمران خان کی مشاورت جاری ہے۔ذرائع کا کہنا ہے کہ گلگت بلتستان کے لیے بیرسٹر خالد خورشید اور فتح اللّٰہ خان کے ناموں پر غور کیا جارہا ہے۔

ذرائع کا کہنا ہے کہ وزیراعظم عمران خان آج وزیراعلی گلگت بلتستان کی نامزدگی کی حتمی منظوری دیں گے۔گذشتہ روز گلگت بلتستان اسمبلی کے پہلے اجلاس میں 33 نو منتخب ارکان نے اپنی رکنیت کا حلف اٹھایا۔

تقریب میں جنرل نشستوں پر منتخب 24 ارکان اور مخصوص نشستوں پر کامیاب 6 خواتین ارکان سمیت 3 ٹیکنوکریٹس نے حلف اٹھایا،اسپیکر فدا محمد ناشاد نے نومنتخب ارکان سے حلف لیا۔
پارٹی پوزیشن کے مطابق 21 ممبران کا تعلق پاکستان تحریک انصاف(پی ٹی آئی) سے ہے جب کہ اسمبلی میں 1 خاتون اور 1 ٹیکنوکریٹ سمیت 4 ارکان کے ساتھ پیپلزپارٹی دوسری بڑی جماعت ہے۔