Tag: #BaaghiTV #Strike #exclusive

نیول چیف نے بحریہ یونیورسٹی میں منعقدہ دو روزہ بین الا قوامی کانفرنس میں اقبال کے فلسفہ اسلام کی عالمگیریت اور مسلم امہ میں اتحاد کو اجاگر کرنے پر زور دیا

اسلام آباد: تفصیلات کے مطابق بحریہ یونیورسٹی اسلام آباد کیمپس میں نوجوانوں کی تعلیم و تر بیت میں اقبال کی قرآنی فکر کی ا ہمیت کے حوالے سے دو روزہ بین الاقوامی کانفرنس کا انعقاد کیا۔ اس کانفرنس کا مقصد علامہ محمد اقبال کو خراج تحسین پیش کرنا اور نوجوان نسل کو اقبال کے فلسفے سے روشناس کروانا تھا۔ چیف آف دی نیول اسٹاف ایڈمرل محمد امجد خان نیازی کانفرنس کے مہمان خصوصی تھے۔ انہوں نے کانفرنس کے ا فتتاحی سیشن سے ویڈیو لنک کے ذریعے خطاب کیا۔

کانفرنس میں نامور شرکاء بشمول سینیٹر ولید اقبال، ترکی کے سفیر احسان مصطفیٰ یردہ قل، ایران کے سفیر سید محمد علی حسین، ڈائریکٹر اقبال اکیڈمی ڈاکٹر بصیرہ امبرین، پروفیسر ڈاکٹر معین الدین نظام اور پروفیسر ڈاکٹر شاہد صدیقی نے شرکت کی۔ کانفرنس کے دوران تعلیمی مشقوں کے ذریعے فلسفہ اقبال سے اسلامی ریاستوں میں عملی رہنمائی کے حصول پر غور کیا گیا۔ مقررین نے علم کے ذریعے خود کو بااختیا ر بنانے کے تصور پر اظہار خیال کیا۔ تقریب سے خطاب کرتے ہوئے مہمان خصوصی ایڈمرل محمد امجد خان نیازی نے شر کا سے کانفرنس کے دوران کی جانے والی فکر ی گفتگو سے مستفید ہونے پر زور دیا امیر البحر نے نوجوان طلبہ کو اقبال کے پیغام کو اپنی عملی زندگی میں نا فذ کر کے ا قبال کا شاہین بننے اور ملک و قوم کی ترقی میں اہم کردار ادا کرنے پر روشنی ڈالی۔

قبل ازیں ریکٹر بحریہ یونیورسٹی وائس ایڈمرل کلیم شوکت نے مقر رین اور شرکاء کا شرکت کرنے پر شکریہ ادا کیا۔ ریکٹر بحریہ یونیورسٹی نے اس عزم کا اعادہ کیا کہ اقبال کے فلسفہ کی روشنی میں بحریہ یونیورسٹی نوجوان نسل کی تربیت کے لیے کاوشیں جاری رکھے گی۔

دو روزہ کانفرنس میں علامہ اقبال کی حکمت کے حوالے سے پینل ڈسکشن، اہم تقاریر اور تحقیقی مقالے پیش کئے گئے۔ کانفرنس میں طلباء و اساتذہ کی بڑی تعداد نے شرکت کی اور قومی شاعر کے مفکرانہ پیغام سے فیض حاصل کیا ۔

اسلام آباد سابق امیر البحر ایڈمرل فصیح بخاری کی تدفین اسلام آباد میں کردی گئی۔ چیف آف دی نیول اسٹاف ایڈمرل امجد خان نیازی اور دیگر ریٹائرڈ اور حاضر سروس افسران اور سویلینز نے بڑی تعداد میں مرحوم ایڈمرل کی نمازِجنازہ میں شرکت کی۔ان کا پیشہ ورانہ سفر چار دہائیوں پر مشتمل تھا۔ ان کو یہ اعزاز حاصل ہے کہ انھوں نے 1965 کی جنگ میں دوارکا آپریشن میں حصہ لیا اور پی این ایس ہنگور کے دلیرانہ اقدام جس میں بھارتی جہاز ککری کو ڈبویا گیا تھا اور دوسرے بھارتی بحری جہاز کرپان کو جزوی نقصان پہنچایا گیا تھا۔ اس دلیرانہ اقدام نے جنگ عظیم دوئم کے بعد کسی جنگی جہاز کو غرقِ آب کرکے تاریخ رقم کی تھی۔اپنی پیشہ ورانہ زندگی میں انہوں نے بہترین قائدانہ صلاحیتوں، اعلیٰ اخلاقی اقدار، پیشہ ورانہ مہارت اور احساس ذمہ داری کا شاندار مظاہرہ کیا تھا۔

ایڈمرل فصیح بخاری نے جنوری 1959 میں پاک بحریہ میں شمولیت اختیار کی اور ابتدائی تربیت رائل نیول کالج، ڈارتھ ماؤتھ، برطانیہ سے حاصل کی۔انہوں نے نیول وار کالج فرانس سے گریجویشن مکمل کی۔ مئی 1997 میں انہیں پاک بحریہ کا تیرہواں سربراہ تعینات کیا گیا۔ ان کی بہترین پیشہ ورانہ زندگی میں زمینی اور کئی بحری کمانڈ اور اسٹاف تعیناتیاں شامل تھیں۔

ایڈمرل فصیح بخاری نے بحری بیڑے اور سب میرین اسکواڈرن کی سربراہی، چیف آف اسٹاف جیسے اہم فرا ئض سر انجام دینے کے ساتھ سعودی عرب میں سینئر نیول افسر کے طور پر بھی خدمات انجام دیں۔انکی اعلٰی خدمات کے اعتراف میں انہیں نشانِ امتیاز (ملٹری) اور ستارہ بسالت سے نوازا گیا تھا۔

ایڈمرل فصیح بخاری کی لحد پر صدر پاکستان، وزیراعظم، چیئرمین جوائنٹ چیفس آف اسٹاف کمیٹی، چیف آف نیول اسٹاف، سینئر نیول افسران اور اعلیٰ سول شخصیات کی جانب سے پھولوں کی چادریں چڑھائی گئیں۔

جنرل ہسپتال میں ریٹائرڈ آرمی پرسونل کو چیف سکیورٹی آفیسر بھرتی کرنیکا فیصلہ ،نجی سکیورٹی کمپنی سے مزید مسلح گارڈز اور سنائپرز بھی لئے جائینگے، شہریوں کی حفاظت پر کوئی سمجھوتہ نہیں ہوگا،ہسپتال میں ایک مریض ایک تیماردار کی پالیسی پر عملدرآمد کروائیں:پرنسپل کی میڈیکل سپرنٹنڈنٹ کو ہدایت،پولیس چوکی میں منظور شدہ نفری اور سب انسپکٹر کی فوری تعیناتی کی جائے، آئی جی اور سی سی پی او سے مطالبہ 
ایل جی ایچ کے داخلی و خارجی راستوں پر سی سی ٹی وی کیمروں کی تعداد بڑھائی جائے گی 
سیکورٹی اہلکار الرٹ رہیں تاکہ ڈاکٹرز،نرسز اور پیرا میڈیکس یکسوئی کے ساتھ مریضوں کا علاج معالجہ کر سکیں: پروفیسر الفرید ظفر

جنرل ہسپتال کی حدود میں فائرنگ، ایمرجنسی میں دو گروپس کا جھگڑا،پرنسپل کا اظہار تشویش 

پرنسپل پوسٹ گریجویٹ میڈیکل انسٹی ٹیوٹ پروفیسر ڈاکٹر سردار محمد الفرید ظفر نے کہا ہے کہ لاہور جنرل ہسپتال کی سکیورٹی کے معاملات کو فول پروف بنانے کیلئے ریٹائرڈ آرمی پرسونل کی بطورچیف سکیورٹی آفیسر خدمات حاصل کی جائیں گی اور مستند نجی سکیورٹی کمپنی سے مزید تربیت یافتہ مسلح گارڈز اور سنائپرز بھی لیے جائیں گے۔انہوں نے نجی سکیورٹی کمپنی سے کہا کہ وہ ترجیحی بنیادوں پر قانون نافذ کرنے والے اداروں سے ریٹائرڈ جوانوں کو ہسپتال میں تعینات کرے جو سکیورٹی کے معاملات عام لوگوں کی نسبت بہتر طور پر سمجھ سکتے ہیں۔اس موقع پر ایم ایس ڈاکٹر عبدالرزاق و دیگر انتظامی ڈاکٹرز بھی موجود تھے۔ 

 اس حوالے سے گفتگو کرتے ہوئے پروفیسر الفرید ظفر نے کہا کہ جنرل ہسپتال کی پولیس چوکی کیلئے8کانسٹیبلزکی منظوری ہوئی تھی تاہم اس وقت صرف ایک کانسٹیبل ڈیوٹی پر موجود ہوتا ہے جو اتنی بڑی علاج گاہ میں آنے والے ہزاروں افراد کیلئے ناکافی ہے۔انہوں نے ایک بار پھر آئی جی پولیس اور سی سی پی او سے مطالبہ کیا کہ ایل جی ایچ چوکی میں سب انسپکٹر کی تعیناتی سمیت متعلقہ نفری کو پوراکیا جائے تاکہ کسی بھی نا گہانی صورتحال میں معاملات کو احسن طریقے سے کو کنٹرول کیا جا سکے۔

پرنسپل کا کہنا تھا کہ ون بیڈ ون اٹینڈنٹ کی پالیسی پر عملدرآمد کو یقینی بنانا ہوگا اور تینوں شفٹ کے ڈیوٹی ڈی ایم ایس سکیورٹی گارڈز کی کارکردگی ایمرجنسی سمیت وارڈوں میں ایک مریض و ایک تیماردار کی پالیسی پر عملدرآمد کروانے کے پابند ہوں گے۔ہسپتال کے داخلی و خارجی راستوں پر مزید سی سی ٹی وی کیمرے بھی نصب کیے جائیں گے تاکہ ہسپتال کی سکیورٹی کو مزید بہتر بنایا جا سکے۔انہوں نے میڈیکل سپرنٹنڈنٹ کو ہدایت کی کہ وہ ہسپتال میں سکیورٹی گارڈ ز کی مانیٹرنگ کو یقینی بنائیں تاکہ سکیورٹی پر مامور سرکاری ونجی گارڈ ز ہمہ وقت الرٹ رہیں اور کوئی بھی دوسری شفٹ کو چارج دیے بغیر نہ جا سکے۔پرنسپل پی جی ایم آئی نے جنرل ہسپتال کے انتظامی ڈاکٹروں پر واضح کیا کہ سکیورٹی کے نظام پر کسی قسم کا سمجھوتہ نہیں ہوگا تاکہ ڈاکٹرز،نرسز اور پیرا میڈیکس یکسوئی کے ساتھ مریضوں کا علاج معالجہ کر سکیں اور اس سلسلے میں تمام دستیاب وسائل برؤئے کار لائے جائیں گے۔