Tag: #BaaghiTV #Strike #exclusive

قراقرم انٹرنیشنل یونیورسٹی میں طلباء کا شدید اجتجاج،وجہ سامنے آگئی
‏
قراقرم انٹرنیشنل یونیورسٹی میں مبینہ جنسی ہراسانی کے مرتکب افسر کے خلاف طلبا و طالبات کا زبردست احتجاج، ہراسانی میں ملوث افسر کے خلاف سخت کارروائی کا مطالبہ کر دیا
تفصیلات کے مطابق قراقرم یونیورسٹی کے افسر کی طلباء کو جنسی خراسان کرنے کے بعد یونیورسٹی طلباء میں شدید غم و غصہ پایا جاتا ہے جس کے بعد یونیورسٹی کے سینکڑوں طلبہ و طالبات گراؤنڈ میں جمع ہو گئے اور انتظامیہ کے خلاف شدید نعرے بازی کی اور افسر کے خلاف قانونی کاروائی کا مطالبہ کیا
انتظامیہ کی افسر کے خلاف کاروائی کی یقین دہانی پر طلباء نے اجتجاج ختم کرتے ہوئے کہا کہ جب تک یونیورسٹی انتظامیہ متعلقہ افسر کو سزا نہیں دیتی اجتجاج جاری رکھا جائے گا طلباء نے کلاسز کا بائیکاٹ کر تے ہوئے یونیورسٹی سے واک آؤٹ کر دیا
یونیورسٹیز میں طلبہ کے ساتھ جنسی خراسانی کے واقعات میں آئے روز اضافہ ہو رہا ہے جس سے معاشرے میں شدید تشویش پائی جاتی ہے ءکومتی اداروں کو چاہئیے کے مؤثر قانون سازی کرکے بڑھتے ہوئے واقعات کی روک تھام کو ممکن بنائیں ورنہ والدین اپنے بچوں کو یونیورسٹی میں نہ بیجھنے پر مجبور ہو جائیں گے مناسب کوڈ آف کنڈکٹ لاگو کیا جائے جس سے طلباء کا مستقبل محفوظ ہو اور وہ تعلیمی سرگرمیاں جاری رکھ سکیں اس سے پہلے ملتان،کراچی،سرگودہا،لاہور کی جامعات میں بھی جنسی خراسانی کے واقعات سامنے آئیں ہیں جس پر حکومتی اداروں کی خاموشی لمحہ فکریہ ہے
نومبر 19, 2020
متحدہ علماء محاذ نے وزیر اعظم کے اقدام کو خوش آئند قرار دیدیا
وزیراعظم کا اسرائیل کو تسلیم نہ کرنے کا اعلان خوش آئند ہے،متحدہ علماء محاذ، الیکٹرانک ووٹنگ نظام دھاندلی کے سدباب کیلئے سنگ میل ثابت ہوگا،مولانا محمد امین انصاری کا خیرمقدم
گلگت بلتستان سے منتخب افراد سیاسی وابستگیوں سے بالاتر ہوکر عدل و انصاف اور عوامی خدمات کو اپنائیں ،متحدہ علماء محاذ کے 16سالہ یوم تاسیس پر ناموس رسالت و امن و یکجہتی سیمینار دسمبر میں ہوگا،مولانا انصاری کی مولانا جعفرالحسن تھانوی، پروفیسر حافظ محمد سلفی،علامہ پیر احمد عمران نقشبندی، علامہ سید قرة العین عابدی و دیگر سے ملاقاتیں
کراچی(باغی ٹی وی ) متحدہ علماء محاذپاکستان کے بانی سیکریٹری جنرل مولانا محمدامین انصاری نے مختلف مکاتب فکر کے علماء مشائخ سے ملاقاتوں میں کہاہے کہ مسئلہ فلسطین کسی ایک ملک و مسلک کا نہیں بلکہ پورے عالم اسلام کا مشترکہ مسئلہ ہے وزیراعظم پاکستان عمران خان کا یہ بیان جرأت مندانہ و خوش آئند ہے
جس میں انہوں نے کہا ہے کہ پاکستان پر اسرائیل کو تسلیم کرنے کا امریکی دبائو نہیں ہے اور جب تک فلسطینیوں کی خواہش کے مطابق مسئلہ فلسطین حل نہیں ہوتا اسرائیل کو تسلیم نہیں کرینگے۔ علماء نے موجودہ حکومت کی جا نب سے الیکٹرانک ووٹنگ نظام متعارف کرانے کا خیرمقدم کرتے ہوئے اسے دھاندلی کے خاتمے کیلئے سنگ میل قرار دیا۔ علماء نے مشترکہ موقف میں کہا کہ گلگت بلتستان سے منتخب افراد سیاسی و جماعتی وابستگیوں سے بالاتر ہوکر عدل و انصاف کے قیام اور بلاامتیاز عوامی خدمات کو اپنا شعار بنائیں۔
اس موقع پر مولانا محمد امین انصاری نے اعلان کیاکہ متحدہ علماء محاذ کے 16سالہ یوم تاسیس کے موقع پر دسمبر کے پہلے عشرے میں ناموس رسالت و امن و یکجہتی کانفرنس کا انعقاد کیاجائے گا جس میں مختلف مکاتب فکر کے علماء مشائخ و سیاسی و سماجی جماعتوں کے صوبائی قائدین شرکت و خطاب کرینگے۔ مولاناانصاری نے جن رہنمائوں سے ملاقاتیں کیں ان میں مولانا جعفرالحسن تھانوی، پروفیسر حافظ محمد سلفی،علامہ پیر احمد عمران نقشبندی، علامہ سید قرة العین عابدی و دیگر شامل ہیں۔
نومبر 19, 2020
سینیٹر رحمان ملک امیر جماعت اسلامی کے گھر پہنچ گئے
سینیٹر رحمان ملک کا امیر جماعت اسلامی سینیٹر سراج الحق کے گھر آمد،سینیٹر رحمان ملک نے سینیٹر سراج الحق سے انکی والدہ کی وفات پر تعزیت کی، سینیٹر رحمان ملک نے سینیٹر سراج الحق کی والدہ کے لئے فاتحہ خوانی کی،
امیر جماعت اسلامی سینٹر سراج الحق کی والدہ چند روز قبل قضائے الہیٰ سے وفات پا گئی تھیں ، ان کی نمازہ جنازہ آبائی گاؤں دیر میں ادا کیا گیا جس میں ہزاروں افراد نے شرکت کی
نومبر 19, 2020
7سالہ بچی کی لاش برآمد،علاقے میں کہرام مچ گیا
پشاور کے علاقے بڈھ بیرمیں گزشتہ روز گھر سے لاپتہ ہونے والی 7 سالہ بچی کی سوختہ لاش مقامی قبرستان سے برآمد ہوتے ہی علاقے میں کہرام مچ گیا۔
بڈھ بیرمیں واقع قبرستان سے ایک بچی کی جلی ہوئی لاش ملی، جس کی شناخت 7 سالہ لیہ دختر معراج کے نام سے ہوئی ہے، پولیس تھانہ بڈھ بیر نے لاش کو پوسٹ مارٹم کے لئے اسپتال منتقل کردیا ہے۔ پولیس کا کہنا ہے کہ بچی بالوخیل کی رہائشی ہے، گزشتہ روزگھرسےلاپتہ ہوئی تھی، بچی کی گمشدگی کی رپورٹ بھی درج کرائی گئی تھی۔ دوسری جانب سی سی پی اورپشاورنے واقعے کا نوٹس لیتے ہوئے ملزم کی گرفتاری کے لیے ایس ایس پی انوسٹی گیشن کی نگرانی میں خصوصی ٹیم تشکیل دیتے ہوئے کہا کہ معاملے کوجلد منطقی انجام تک پہنچایا جائے گا۔ بچی کی لاش ملنے کے بعد کوہاٹ روڈ پر مقامی لوگوں کا متاثرین کے ساتھ روڈ بلاک کر کے شدید احتجاج کیا گیا۔
نومبر 19, 2020
مووی وائرل ہونے والے کوچ ڈرائیور کے خلاف موٹروے پولیس کی کاروائی
مووی وائرل ہونے والے کوچ ڈرائیور کے خلاف موٹروے پولیس کیکاروائی،موٹروے پولیس ہرصورت روڈ سیفٹی پر عمل درآمدکروا تی رہے گی۔
ترجمان موٹروے پولیس کے مطابق سوشل میڈیا پر تازہ وائرل ہونے والی ایک مووی جس میں ایک کوچ جو کہ لاڑکانہ سے کراچی کے لیے گامزن سفر ہوئی جب ایم نائن پر رواں دواں تھی تو ڈرائیور نے گاڑی چلانے کے دوران اپنی موبائل میں گیم کھیلنا شروع کر دی ۔جس پر بلکل پیچھے کی سیٹ پر سوار ایک مسافر نے یہ منظر دیکھ کر اپنی موبائل سے ڈرائیور کے ایسے لاپرواہی اور خطرناک عمل کو ریکارڈ کر لیا اور سوشل میڈیا پر وائرل کر دیا۔
ترجمان موٹروے پولیس کا کہنا تھا کہ ایک منٹ 17 سیکنڈ کی اس ریکارڈنگ کے دوران مسافر کی ذمہ داری بنتی تھی کہ وہ فوری طور پر موٹروے پولیس ہیلپ لائن 130 پر رابطہ کرتا اور ڈرائیور کی ایسی غفلت کی اطلاع دیتا اور موقع پر ہی ایکشن ہوتا۔۔ مگر اس مسافر نے بھی غفلت سے کام لیا جو کہ غلط ہے۔۔
مزید ترجمان موٹروے پولیس نے بتایا کہ ہم نے مذکورہ کوچ نمبر جے بی JB 7246 عبدالرحمن موور کمپنی، روٹ کراچی سے لاڑکانہ کے ڈرائیور بابر خان کا لائسنس منسوخ کر دیا ہے جبکہ مذکورہ کوچ کا روٹ پرمٹ بھی منسوخ کر دیا گیا ہے۔ مزید اس کے خلاف مقدمہ بھی دائر کروایا جائے گا۔
ہم تمام ایسی پبلک ٹرانسپورٹ میں سفر کرنے والے محترم مسافروں سے اپیل کرتے ہیں کہ جب کبھی آپ کوئی ایسا فعل گاڑی کے عملے سے ہوتا ہوا دیکھیں جس سے کسی بڑے حادثے ہونے کا اندیشہ ہو تو فوری طور پر ہماری ہیلپ لائن 130 پر اطلاع دیں۔ موٹروے پولیس 24 گھنٹے آپ کو معلومات فراہم کرنے اور خدمت کے لیے حاضر ہے ۔
نومبر 19, 2020
2016،پی آئی اے کے اے ٹی آر طیارے کو پیش آنے والے حادثے کی رپورٹ جاری،اہم انکشافات
باغی ٹی وی کی رپورٹ کے مطابق دسمبر 2016 میں پرواز کے دوران شام 4 بجکر 5 منٹ اور 31 سیکنڈز پر جہاز میں خرابی شروع ہوئی انجن آئل میں ایندھن کی آلودگی شامل ہونایہ خرابی تھی ، جس نے ٹوٹے ہوئے او ایس جی پن اور پاور ٹربائن اسٹیج ون بلیڈ کے ساتھ مل کر پروپیلر کی رفتار کم کردی اور پروپیلر الیکٹرانک کنٹرول میں خرابی پیدا ہوگئی،4 بجکر 10 منٹ اور 34 سیکنڈز پر انجن نمبر ایک فیل ہوگیا اور 4 بجکر 11 منٹ اور 53 سیکنڈز پر او ایس جی نے کام کرنا بند کردیا،
بدقسمت طیارے کے پائلٹس نے بالکل ایک نئی قسم کی خرابی دیکھی جو اس سے پہلے اے ٹی آر طیاروں میں کبھی نہیں دیکھی گئی ، 7 دسمبر 2016 کو ہونے والے اس حادثے میں معروف نعت خواں جنید جمشید اور عملے سمیت 48 مسافر جاں بحق ہوئے تھے۔
رپورٹ کے مطابق دسمبر 2016 میں پی آئی اے کے اے ٹی آر طیارے نے چترال سے اسلام آباد کےلئے اڑان بھری تو انجن کی پاور ٹربائن کا اسٹیج ون بلیڈ یعنی (PT 1 ) بلیڈ ٹوٹ کراپنی جگہ سے ہٹا جس سے پاور ٹربائن شافٹ کی گردش متاثر ہوئی جبکہ او ایس جی پن بھی ٹوٹی ہوئی تھی۔ تحقیقاتی ٹیم نے شبہ ظاہر کیا ہے کہ پاور ٹربائن اسٹیج ون بلیڈ اور او ایس جی پن حادثے سے پہلے پشاور سے چترال آنے کے دوران ہی ٹوٹ چکے تھے مگر پھر بھی طیارے کو اگلی پرواز کےلئے روانہ کردیا گیا،طیارے کی آخری مرمت کینیڈا میں ہوئی تھی جہاں نہ صرف او ایس جی کی موڈی فکیشن کی گئی بلکہ پارٹ نمبر بھی تبدیل کیا گیا۔
نومبر 19, 2020
صدر آل پاکستان پرائیویٹ سکولز فیڈریشن نے وفاق کی تجویز مسترد کر دی
وفاق کی24 نومبر سے 31 جنوری تک سکول بند کرنے کی تجویز کو مسترد کرتے ہیں۔کاشف مرزا صدرآل پاکستان پرائیویٹ سکولز فیڈریشن،سکولز دوبارہ بند نہیں ہوں گے۔کھلے رکھنے کا واضح اعلان ہو چکا ہے۔وزیر اعظم کی طرف سےسیاسی اجتماعات پرپابندی خوش آئیند ہے
کاشف مرزا نے مزید کہا کہ اقوامِ متحدہ، یونیسف، یونیسکوو عالمی بنک ایڈویزری کےمطابق کورونا خدشات میں بھی سکولز کھلے رکھے جائیں،بند کرنے سے نقصانات زیادہ ہیں،کوویڈمیں7.5کروڑطلباکی تعلیم کاناقابل تلافی نقصان ہوا ہے،سرکاری سکولز میں زیرتعلیم 2.5 کروڑطلباہمارے بچے ہیں، SOPs عملدرآمد کیلئے50ارب روپے چاہیے، فوری ادا کیے جائیں
پرائیویٹ سکولز SOPs پر مکمل عمل کر رہے ہیں،آل پاکستان پرائیویٹ سکولز فیڈریشن نے ثابت کیا ہےکہ طلباء سکولزمیں مکمل محفوظ ہیں،وزیراعظم،چیف جسٹس،آرمی چیف اور NCOC غیر قانونی سیاسی اجتماعات کورکوائیں۔سیاسی اجتماعات سے کرونا پھیلا، کروڑوں پاکستانیوں کو جان کا خطرہ ہے۔
سول سوسائیٹی وحکومت ملکرSOPs کو یقینی اور بچوں کو محفوظ بنائے،بچوں کی تعلیم،صحت وتحفظ اولین ترجیح،کوتاہی برداشت نہیں کریں گے۔
نومبر 19, 2020
آزادانہ صحافت ہی ملک میں جمہوری رویوں کے فروغ میں معاون ثابت ہوتی ہے،چئیرمین سینٹ

اسلام آباد،چیئرمین سینیٹ محمد صادق سنجرانی نے کہا ہے کہ آزادانہ صحافت ہی ملک میں جمہوری رویوں کے فروغ میں معاون ثابت ہوتی ہے۔ صحافیوں کی فلاح و بہبود اور تحفظ کے لئے قانون سازی سمیت دیگر اقدامات پر متعلقہ سٹیک ہولڈز سے مشاورت کریں گے۔
ان خیالات کا اظہار چیئرمین سینیٹ نے بلوچستان پریس کلب کے صحافیوں کے وفد سے بدھ کو پارلیمنٹ ہاؤس میں ملاقات کے دوران کیا۔ چیئرمین سینیٹ نے کہا کہ بلوچستان کے صحافی مشکل حالات میں کام کر رہے ہیں اور ان کی زیادہ سے زیادہ سرپرستی کی ضرورت ہے۔
صحافیوں کی فلاح و بہبود اور تحفظ کے لئے قانون سازی سمیت دیگر اقدامات پر متعلقہ سٹیک ہولڈز سے مشاورت کریں گے۔
انہوں نے کہا کہ میڈیا ریاست کا اہم ستون ہے اور میڈیا ورکز جان ہتھیلی پر رکھ کر اپنے فرائض سرانجام دیتے ہیں۔ آزادانہ صحافت ہی ملک میں جمہوری رویوں کے فروغ میں معاون ثابت ہوتی ہے۔
چیئرمین سینیٹ نے اس بات پر زور دیا کہ بلوچستان کی نوجوان نسل باصلاحیت اور قابل ہے اور ہمیں عملی اقدامات اٹھاتے ہوئے نوجوان نسل میں کاروبار اور کاروباری سرگرمیوں کی اہمیت کے بارے میں شعور اجاگر کرنے کی ضرورت ہے۔ اس موقع پر سینیٹر احمد خان، اور سینیٹر نصیب اللہ بازئی بھی موجود تھے۔ چیئرمین سینیٹ نے صحافیوں سے مسائل کے حل کے لئے سفارشات بھی طلب کر لیں اور مسائل کے حل کیلئے اپنے ہر ممکن تعاون کی یقین دہانی کرائی۔

نومبر 19, 2020
شیخ رشید نے کراچی کی عوام پر بجلی گرا دی،سپریم کورٹ کی آنکھوں میں بھی دھول جھونک دی
کراچی سرکلر ریلوے کے ٹریک پر سرکلر ریلوے چلے گی ہی نہیں ۔مین لائن پر چلائی جارہی ہے 60کلومیٹر کا اعلان کیا تھا اب صرف مین لائن کے 46کلومیٹر پر چلائی جائے گی 14 کلومیٹر کراچی سرکلر ریلوے کے ٹریک پر ٹرین نہیں چلے گی
شیخ رشید احمد نے کراچی کی عوام پر بجلیاں گرا دیں ۔کراچی سرکلر ریلوے کے لیے تیار ٹرینیں صرف مین لائن پر چلائی جائے گی جبکہ سٹی سٹیشن سے اورنگی تک ٹریک کو بحال کرنے کے اعلان کے باوجود ایک دن پہلے ٹرین کا روٹ تبدیل کردیا گیا سپریم کورٹ کی آنکھوں میں دھول ڈالنے کے لیے کل کے سی آر ٹرین کا افتتاح کیا جائے گا مگر ٹرین سرکلر ریلوے کے ٹریک پر چلے گی ہی نہیں جس کے لیے ریلوے نے نئی تاریخ دے دی ہے کہ دسمبر میں اورنگی تک ٹریک مکمل بحال ہونے کے بعد ٹرین دسمبر آخری پندرہ دن میں چلائی جائے گی ۔
پاکستان ریلوے نے کراچی کے عوام کی سہولت کے لئے 20نومبر سے پہلے فیز میں کراچی سٹی اور مارشلنگ یارڈ پپری کے درمیان چلائی جانے والی کراچی سرکلر ریلوے ٹرین کے اوقات کار میں تبدیلی کا فیصلہ کیا ہے۔تفصیلات کے مطابق کراچی سرکلرریلوے (1-Up) ٹرین صبح 7بجے کراچی سٹی ریلوے اسٹیشن سے روانہ ہو کرکراچی کینٹ ،ڈیپارچر یارڈ، ، ڈرگ روڈ، ڈرگ کالونی، ایئرپورٹ ہالٹ، ملیر کالونی، ملیر، لانڈھی، جمعہ گوٹھ، بن قاسم اوربادل نالہ سے ہوتی ہوئی صبح 8بجکر 30منٹ پر مارشلنگ یارڈ پپری ریلوے اسٹیشن پہنچے گی۔دوسری دفعہ یہ ٹرین کراچی سٹی ریلوے اسٹیشن سے شام 5بجے روانہ ہو کراسی روٹ سے ہوتی ہوئی شام 6 بجکر30 منٹ پرمارشلنگ یارڈ پپری ریلوے اسٹیشن پہنچے گی ۔ جبکہ کراچی سرکلر ریلوے (2-Dn) ٹرین مارشلنگ یارڈ پپری ریلوے اسٹیشن سے صبح 7بجے روانہ ہو کر اسی روٹ سے ہوتی ہوئی صبح 8بجکر 30منٹ پرکراچی سٹی ریلوے اسٹیشن پہنچے گی۔اسی طرح ما رشلنگ یارڈ پپری ریلوے اسٹیشن سے دوسری دفعہ یہ ٹرین شام 4بجکر 30منٹ پر روانہ ہوکر شام 6 بجے کراچی سٹی ریلوے اسٹیشن پہنچے گی ۔ ان اوقات کارکے مطابق کراچی سرکلر ریلوے ٹرین ابتدائی طور پر20 نومبر سے 30 نومبر 2020 تک چلے گی ۔واضح رہے کہ یہ ٹرین یک طرفہ چار ٹرپ کی بجائے دن میںدو ٹرپ مکمل کرے گی۔
نومبر 18, 2020
لاہور میں بڑے سٹریٹ پاور شو کیلیے ن لیگ نے حکمت عملی بنا لی
اجازت نہ ملنے کے باوجود ن لیگ کا مینار پاکستان پر جلسہ کرنیکا فیصلہ
لاہور،تفصیلات کے مطابق پی ڈی ایم کا 13 دسمبر کو ہونے والا مینار پاکستان پر جلسے کا معاملہ۔ حکومت کی جانب سے اجازت نہ ملنے کے باوجود ن لیگ کا مینار پاکستان پر ہی جلسے کرنے کا فیصلہ۔ ن لیگ نے جلسہ نہ ہونے کی صورت میں پلان بی کی تیاری پر کام شروع کر دیا۔
ذرائع کے مطابق مسلم لیگ ن کے اہم رہنماؤں نے پارٹی قیادت کو اہم تجاویز دے دیں ہیں۔ تجویزمیں کہا گیا ہے کہ رہنماؤں اور کارکنوں کی گرفتاریوں پر سخت ردعمل دیا جائے۔13 دسمبر کو مینار پاکستان پر جلسہ نہ کرنے دیا گیا تو دھرنے دئیے جائیں۔ مسلم لیگ ن ہر صوبائی حلقے میں دھرنے اور مظاہرے کرے۔ نوجوان پارٹی رہنماؤں نے تجویز پیش کی کہ حکومت کی انتقامی کارروائیوں پر مصالحانہ رویے کی بجائے جارحانہ انداز اپنایا جائے۔ ان کا مزید کہنا تھ کہ حکومت مخالف تحریک میں پی ڈی ایم کی دیگر جماعتوں کو بھی دھرنوں اور مظاہروں کے لیے اعتماد میں لیا جائے۔
تجاویز میں مزید کہا گیا ہے کہ لاہور میں بڑے سٹریٹ پاور شو کے لیے پیپلزپارٹی اور جے یو آئی کے ساتھ ملکر حکمت عملی تیار کی جائے۔ 13 دسمبر سے قبل ہر قسم کی کی صورتحال سے نمٹنے کا پلان باہمی مشاورت سے تیار ہونا چاہیے۔ رہنماؤں کی تجاویز کی حتمی منظوری مسلم لیگ ن کی قیادت نومبر کے آخری ہفتے میں دے گی۔
نومبر 18, 2020