Tag: #BaaghiTV #Strike #exclusive

سرگودہا(عمیر ضیاء)حلقہ این اے 91 سرگودھا میں بے ضابطگیوں’ٹمپرنگ اور ری الیکشن کے حوالہ سے سپریم کورٹ آف پاکستان میں تفصیلی سماعت ہوئی اور کیس کی سماعت کل دوبارہ مورخہ 29 جنوری 2020 بروز بدھ سپریم کورٹ کے بنچ نمبر 2 میں ہوگی۔
تفصیلات کے مطابق حلقہ این اے 91 میں 20 دیہات میں ری الیکشن کروا کے پاکستان تحریک انصاف کے عامر سلطان چیمہ نے ایم این اے کا نتخاب جیتا جو آئین پاکستان کے متصادم ہے اس حوالے سے پاکستان مسلم لیگ ن کے امیدوار ڈاکٹر ذوالفقار علی بھٹی نے سپریم کورٹ آف پاکستان میں اپیل دائر کر رکھی ہے جس کی آج سماعت ہوئی پچھلی سماعت میں الیکشن کمیشن نے اپنی غلطی تسلیم کرتے ہوئے اعتراف کیا کہ ری الیکشن آئین سے ہٹ کر کروایا گیا امید یہ کی جا رہی ہے کہ شاید اس کیس میں تحریک انصاف کے امیدوار عامر سلطان چیمہ کو ٹمپرنگ کے نتیجے میں سزا ہو جائے کیوں کہ ڈاکٹر ذوالفقار علی بھٹی نے سپریم کورٹ میں ٹمپرنگ ثابت کر دی ہے

سرگودہا(عمیرضیاء) عوام میں احساس تحفظ پیدا کرنے اور سماج دشمن عناصر سے نمٹنے کےلیے فرضی مشق کا انعقاد
تفصیلات کے مطابق ایس ڈی پی او سٹی سرکل اے ایس پی احمد شاہ کی نگرانی ڈسٹرکٹ جیل سرگودھا علاقہ تھانہ کینٹ میں کیا گیا ، فرضی مشق میں ایس ایچ او تھانہ کینٹ انسپکٹر فضل قادر ، ایلیٹ فورس، سیپشل برانچ، سیکیورٹی برانچ، سی ٹی ڈی ، سول ڈیفنس اور ریسکیو1122کے عملہ نے حصہ لیا۔ فرضی مشق(موک ایکسرسائز) میں قیدیوں اور سٹاف کو محفوظ کرنے کے ساتھ ساتھ فرضی دہشت گردوں کو گرفتارکرنے کا عملی مظاہرہ کیا گیا۔

سرگودہا(عمیر ضیاء)پولیس کا منشیات فروشوں وناجائزاسلحہ رکھنے والوں کے خلاف کریک ڈاؤن جاری۔گرفتار 16ملزمان سے پانچ کلو گرام سے زائد چرس، شراب230بوتل وناجائزاسلحہ برآمد تفصیلات کے مطابق ڈسٹرکٹ پولیس آفیسر عمارہ اطہر کی ہدایت پرمنشیات فروشوں وناجائزاسلحہ رکھنے والوں کے خلاف کاروائی کرتے ہوئے تھانہ ساہیوال پولیس نے جاوید اقبال سکنہ پٹھان کوٹ سے چرس1480گرام، تھانہ مڈھ رانجھا پولیس نے زاہد علی سکنہ چک میانہ سے چرس1120گرام، تھانہ شاہ پورصدر پولیس نے قاسم علی سکنہ نواب پور سے چرس1100گرام، ارشد علی سکنہ ویگووال سے چرس240گرام، احسان سکنہ نواب پور سے چرس315گرام، محمد آصف سکنہ ویگووال سے پسٹل30بور، محمد امان سکنہ بکھر بار سے پسٹل30بور، تھانہ بھاگٹانوالہ پولیس نے عبدالشکو ر سکنہ 27جنوبی سے چرس700گرام، تھانہ پھلروان پولیس نے عزیز سکنہ سالم سے چرس317گرام، تھانہ بھلوال سٹی پولیس نے سلیمان زاہد سکنہ اقبال کالونی بھلوال سے شراب120بوتل، تھانہ اربن ایریا پولیس نے محمدعمر سکنہ ظفر کالونی سے شراب100بوتل، نثار عباس سکنہ 75جنوبی سے رائفل444بور، شان علی سکنہ75جنوبی سے بندوق12بور، تھانہ جھاوریاں پولیس نے امان اللہ سکنہ جھاوریاں سے شراب10بوتل، نوشیرواں سکنہ ککے والا سے پسٹل30بور اور تھانہ جھال چکیاں پولیس نے وسیم عباس سکنہ خوشاب سے پسٹل9ایم ایم برآمد کرکے گرفتارملزمان کے خلاف منشیات فروشوں وناجائزاسلحہ رکھنے کی دفعات کے تحت الگ الگ مقدمات درج کرلیے گئے ہیں۔مزید تفتیش جاری ہے۔

سرگودہا(عمیر ضیاء)ڈسٹرکٹ بار ایسوسی ایشن سرگودھا کے انتخابات میں کاغذات نامزدگی کی جانچ پڑتال کا مرحلہ طوالت اختیار کر گیا۔ انتخابات 11 جنوری کو منعقد ہونگے۔
بار کے سینئر رکن اشفاق احمد سیال ایڈووکیٹ نے امیدوار برائے صدارت خرم اقبال بسراء اور جنرل سیکریٹری کے امیدوار میاں شمس الحق سپراء نے اپنے مدمقابل علی حسن چیمہ کے کاغذات نامزدگی پر اعتراضات داخل کردیے۔
اشفاق احمد سیال ایڈووکیٹ نے اعتراضات اپنے وکیل ذیشان احمد اعوان ایڈووکیٹ کے توسط سے دائر کیے جبکہ میاں شمس الحسن سپراء نے بذات خود اعتراضات دائر کیے
اعتراضات الیکشن بورڈ کے روبرو دائر کیے گئے۔ الیکشن بورڈ نے خرم اقبال بسراء کے خلاف اعتراضات پر خرم اقبال بسراء، ڈسٹرکٹ بار انتظامیہ، سال 2014 سے سال 2018 تک رہنے والے تمام سابقہ بار صدور اور الیکشن بورڈ 2018 کے چیئرمین جبکہ علی حسن چیمہ کے خلاف اعتراضات پر امیدوار علی حسن چیمہ کو نوٹس جاری کرتے ہوئے جواب طلب کرلیا۔
خرم اقبال بسراء پر اعتراض کیا گیا ہے کہ انہوں نے کاغذات نامزدگی میں حقائق کے منافی بیان حلفی جمع کروایا، وہ 2012 میں چیمبرز فنڈ خردبرد کی انکوائری میں الزام ثابت ہونے پر تھانہ کینٹ میں پنجاب بار کونسل کے حکم پر درج مقدمہ نمبر 136/2014 بجرم 406 ت پ میں نامزد ملزم ہیں جبکہ ان پر ان کے اپنےحقیقی والد پر جائیداد کے تنازعے پر جان لیوا تشدد کا بھی مقدمہ سیشن جج سرگودھا کی عدالت میں زیر سماعت رہا۔ اعتراضات میں کہا گیا ہے کہ خرم اقبال بسراء اور بار ایسوسی ایشن کا مفاد متنازعہ ہے لہذا وہ بار صدارت کے اہل نہیں۔
جنرل سیکریٹری کے امیدوار علی حسن چیمہ کے خلاف اعتراض داخل کیا گیا ہے کہ جنرل سیکریٹری کے لیے سات سال مسلسل وکالت کا تجربہ درکار ہے جبکہ علی حسن چیمہ کا کل تجربہ محض پانچ سال ہے لہذا وہ اس منصب کے لیے امیدوار بننے کے اہل نہیں۔
چیئرمین ظہور ندیم، ممبران راجہ انیس اکبر اور رانا عبد الرؤف پر مشتمل الیکشن بورڈ 30 دسمبر کو اعتراضات کی سماعت کرے گا۔