Tag: #BaaghiTV #Strike #exclusive

سرگودہا،46 اڈا (نمائندہ باغی ٹی وی )واپڈا ملازمین ڈیوٹی چھوڑ کر منگل بازار میں سٹال لگانے لگے ،فیسکو صارفین ذلیل و خوار ،شہری سراپا احتجاج تفصیلات کے مطابق سب ڈویژن لالیاں واقع 57 جنوبی کا حاضر ڈیوٹی ملازم مظہراقبال لائن مین ڈیوٹی چھوڑ کر منگل بازار میں سٹال لگا کر روزی روٹی کمانے میں مصروف ہے اور محکمہ سے مفت میں تنخواہیں بٹور رہا ہے شہریوں محمد یونس، ثمر جاوید ،آصف اقبال ،محمد عثمان اور طارق بھٹی نے ایکسین واپڈا ،چیف انجینئر فیسکو فیصل آباد سے نوٹس لینے کا مطالبہ کیا ہے شہریوں کا کہنا ہے کہ مظہراقبال اکثر اپنی ڈیوٹی سے غائب رہتا ہے اور فیسکو صارفین کو مشکلات کا سامنا کرنا پڑتا ہے اس کے خلاف سخت قانونی کاروائی کی جائے

سرگودہا(نمائندہ باغی ٹی وی) سرگودہا میں آج علی الصبح کالے بادلوں نے ڈیرے جما لیے کہیں کہیں بارش بھی ہوئی جس سے موسم خوشگوار اور سہانا ہو گیا ہے جبکہ شدید سردی کی لہر بھی آگئی ہے ، گندم کی کاشت شروع ہو چکی ہے کسان اس کو باران رحمت قرار دے رہے ہیں ، کینو کی فصل بھی تیار ہے بارش سے کینو میں مٹھاس اور صحت میں اضافہ ہو گا ، جبکہ زرعی اجناس میں موسمی سبزیاں بھی کاشت کی جا رہی ہیں جس میں گاجر ، مولی ، شلجم ، پیاز، لہسن ، مٹر ، پالک ، ساگ کی کاشت کسان زیادہ کرتے ہیں ایسے موقع پر بارش سے ان اجناس کی کاشت میں بھی اضافہ متوقع ہے ،سرگودہا میدانی علاقہ ہے جہاں زمینی پانی انتہائی خراب ہے اور 70فیصد علاقے کا انحصار زراعت پر ہے جبکہ زراعت کی پیداوار کا انحصار نہری پانی اور بارش پر ہے جیسے ہی گندم کی کاشت کا موسم آتا ہے ہر سال نہری پانی کی بندش کر دی جاتی ہے گزشتہ سال بھی گندم کی پیداوار خاصی کم رہی ہے جس کی وجہ عین وقت پر نہری پانی کی بندش تھی

سرگودہا(نمائندہ باغی ٹی وی)سینئرر صحافی اور ایگزیکٹو ڈائریکٹر نیو نیوز نصر اللہ ملک صاحب کی والدہ محترمہ قضائے الہی سے لاہور میں انتقال کر گئی ہیں ،ان کی نماز جنازہ مسجد الحبیب، طفیل روڈ لاہور کینٹ میں صبح 9 بجے ادا کی جائے گی
‏اور بعد نماز ظہر 2 بجے دوپہر مرکزی جنازہ گاہ پل نہر بھلوال میں ادا کی جائے گی اہم سیاسی اور سماجی شخصیات کی آمد متوقع ہے جبکہ نامور صحافی خضرات بھی جنازہ میں شرکت کریں گے نصراللہ ملک سرگودہا کی تحصیل بھلوال کے رہائشی ہیں اور تدفین آبائی علاقے بھلوال میں ہی کی جائے گی اس سلسلے میں سرگودہا پریس کلب سے تمام نمائندگان خصوصی شرکت کریں گے

سرگودہا (نمائندہ باغی ٹی وی )ڈپٹی کمشنر آسیہ گل نے کہا ہے کہ شہر بھر میں کروڑوں رو پے کے خطیر فنڈزسے بنائے گئے فلٹریشن پلانٹس کے کچھ عرصہ بعد ہی ناکارہ ہونے پر ذمہ داروں کے تعین کیلئے ریفرنس تیار کر کے نیب کو بھجوایا جارہاہے ۔ شہر سے تجاوزات کے خاتمہ ‘ گوالہ کالونی ‘ ٹریفک اشاروں او رمہنگائی سمیت عوام کو درپیش دیگر مسائل کے ازالے کیلئے جامع اور دیرپا پلان تیار کر لیاگیا ہے ۔ اس امر کا اظہار انہوں نے سرگودہا پریس کلب میںکلین اینڈ گرین پاکستان مہم کے سلسلہ میں پودا لگانے کے بعد میڈیا سے بات چیت کرتے ہوئے کیا ۔ اس موقع پر ایڈیشنل ڈپٹی کمشنر ریونیو کیپٹن ریٹائرڈ شعیب علی ‘ اے ڈی سی جی بلال فیروز ‘ ڈائریکٹر تعلقات عامہ مقبول احمد ملک ‘ پریس کلب کے سینئر نائب صدر شہزاد شیرازی ‘ جنرل سیکرٹری رانا ساجد اقبال ‘ شاہین فاروقی ‘ ملک محمد اصغر ‘ را¶ اسلم فراز او رحنان چوہدری سمیت دیگر عہدیداروں وممبران بھی موجود تھے ۔ ڈپٹی کمشنر نے بتایاکہ عوام کی فلاح وبہبود او رعام آدمی کا معیار زندگی بہتر بنانا ان کی ترجیحات میں شامل ہے ۔ شہر میں عوام کے ٹیکسز سے کروڑوں روپے کی لاگت سے فلٹریشن پلانٹس لگائے گئے جو چند عرصہ بعد غیر فعال ہو چکے ہیں ۔ ذمہ داروں کاتعین کرکے عوام کے سامنے لایا جائیگا ۔ انہوں نے کہاکہ شہر میں کروڑوں روپے کی لاگت سے بنائے گئے پبلک باتھ رومز کے غیر فعال ہونے کابھی نوٹس لیاگیا ہے ۔ تجاوزات کے مسئلے کو مستقل بنیادوں پر حل کرنے کیلئے میڈیا او رتاجروں سمیت دیگر اسٹیک ہولڈرز کااجلاس جلد بلوا کر لائحہ عمل تیار کیا جائیگا ۔ میڈیا نمائندگان کی طرف سے شہر میں سٹریٹ لائٹس ‘ ٹریفک کے مسائل ‘ میونسپل سروسز کی عدم دستیابی ‘ کیٹ آئیز سمیت دیگر عوامی مسائل کی بھی نشاندہی کی گئی ۔ ڈپٹی کمشنر آسیہ گل نے کہاکہ میڈیا ریاست کا اہم ستون ہے ۔ پرنٹ او رالیکٹرانک میڈیاکے بعد اب سوشل میڈیا بھی عوامی مسائل کی نشاندہی کیلئے بڑا فعال کردار ادا کررہا ہے ۔ انہوں نے کہاکہ سرگودہا کے میڈیا نے ہمیشہ مثبت صحافت کو فروغ دیا او رزرصحافت کی حوصلہ شکنی کی ہے ۔ انتظامی ادارے میڈیا کی رائے کو بڑا مقدم سمجھتے ہیں ۔ انہوں نے کہاکہ اینٹی انکروچمنٹ کمیٹی میں بھی میڈیا کاایک نمائندہ بطور ممبر شامل کیاجارہا ہے ۔ سرگودہا کے صحافیوں کو اپنی چھت کی فراہمی کیلئے صحافی کالونی اور صحت عامہ کی بہتر اور مفت سہولتوں کی فراہمی کیلئے ہیلتھ کارڈ کے اجراءکے لئے بھی اقدامات کئے جارہے ہیں ۔ انہوں نے کہاکہ مختلف ہاوسزسوسائٹیز میں میڈیا کیلئے کوٹہ مختص کرنے کی بھی تجویز ہے ۔ ڈپٹی کمشنر آسیہ گل نے مزید بتایا کہ لوکل باڈی کی تشکیل کا مرحلہ مکمل کر لیاگیاہے ۔ شہر کی خوبصورتی کیلئے خارجی او رداخلی راستوں سمیت اندرون شہر کیلئے ماسٹر پلان تیار کر کے منظوری کیلئے صوبائی حکومت کو بھجوایا جارہا ہے ۔ انہوں نے ممبران کے مطالبہ پر پریس کلب کی چھت اور بیڈمنٹن کورٹ کی تعمیر ومرمت او رسپورٹس کٹس فراہم کرنے کابھی اعلا ن کیا ۔ پریس کلب آمد پر ڈپٹی کمشنر آسیہ گل کا والہانہ استقبال کیاگیا ۔