Tag: #BaaghiTV #Strike #exclusive

سرگودہا(نمائندہ باغی ٹی وی)سرگودھا مرکزی انجمن تاجران شہر و ضلع سرگودھا نے آل پاکستان تاجر تنظیموں کی مشترکہ کال پر ایف بی آر کے ظالمانہ ٹیکسوں کے خلاف 29 اور 30 اکتوبر کو مکمل شٹرڈاؤن ہڑتال کا اعلان کر دیا شہر کے کاروباری مراکزاور مارکیٹ، بازار بند رکھنے کا فیصلہ تفصیلات کے مطابق مرکزی انجمن تاجران شہر ضلع سرگودھا اجلاس زیر صدارت ناصر محمود سیگل صدر انجمن تاجران شہر ضلع سرگودھا ہوا جس میں ضلعی جنرل سیکرٹری شیخ نعیم کپور اور
ڈپٹی جنرل سیکریٹری آل پاکستان انجمن تاجران محمد شہباز خان صدرسٹی روڈ چوہدری محمد ارشاد سعد صدر یونیورسٹی روڈ جواد خرم چیئرمین یونیورسٹی روڈ چوہدری سعید گلزار حسین حاجی غلام اختر خواجہ محمد عمر افتخار بیگ شیخ وقار خواجہ شفیق نواز سندھو جمیل گجراور شہر کی مختلف تنظیموں کے صدر و سیکرٹری حضرات نے شرکت کی اور متفقہ طور پر یہ فیصلہ ہوا کہ 30.29اکتوبرکو سرگودھا شہر مکمل طور پر بند رہے گا

سرگودہا (نمائندہ باغی ٹی وی )ڈپٹی کمشنر آسیہ گل نے 28صفر کے اعزاداری جلوس کی سیکورٹی مانیٹرنگ کیلئے قائم کنٹرول روم کا معائنہ کیا ۔ اس موقع پرایڈیشنل ڈپٹی کمشنر (ریونیو)کیپٹن ریٹائرڈ شعیب علی اور ایڈیشنل ڈپٹی کمشنر (جنرل) بلال فیروز بھی ان کے ہمراہ تھے۔ڈپٹی کمشنر کو کنٹرول روم کے حوالے سے دی گئی بریفنگ میں بتایاگیاکہ اعزاداری مجالس او رجلوس کیلئے مختلف مقامات پر سی سی ٹی وی کیمرے لگائے گئے ہیں جن کا مرکزی کنٹرول روم میں مانیٹرنگ کا نظام قائم کیاگیا ہے ۔ کنٹرول روم کیلئے سپیشل برانچ ‘ پولیس ‘ ریسکیو 1122 اور صحت سمیت مختلف محکموں کے ملازمین کی چوبیس گھنٹے کیلئے ڈیوٹیاں لگائی گئیں ۔ ڈپٹی کمشنر نے کنٹرول روم کی کارکردگی پر اطمینان کا اظہار کیا اور اس ضمن میں ہدایات بھی جاری کیں۔

سرگودھا (نمائندہ باغی ٹی وی )سرگودھا میں مذہبی اسکالر علامہ ابتسام الہٰی ظہیر کا اھلحدیث یوتھ فورس کے زیر اہتمام تحفظ ختم نبوت کانفرنس سے خطاب تفصیلات کے مطابق میں مذہبی اسکالر علامہ ابتسام الہی ظہیر کا تحفظ ختم نبوت کانفرنس سے خطاب کرتے ہوئے کہنا تھا کہ عمران خان صاحب اپنے پچھلے دور میں دھاندلی کے خلاف آواز اٹھاتے رہے ہیں, اس دور میں بھی سیاسی قوتوں کا حق ہیں کہ وہ اپنے اعتراضات کو ہائی الرٹ کرے,جبر ,دھمکی یا کسی بھی دھونس کے زریعہ روکنا کسی بھی قوت اور ملکی مفاد کے حق میں نہیں, مولانا فضل الرحمن سے سیاسی و مذہبی اختلاف ہوسکتے ہیں, لیکن اگر وہ آئین کے تحفظ اور شفاف الیکشن کے بارے آواز اٹھاتے ہیں, تو ہم مولانا کے دھرنے کی تاہید کرتے ہیں,اس موقع پر کشمیر کی آزادی کے حوالہ سے بات کرتے ہوئے کہنا تھا کہ ایسے ایام میں حافظ سعید کی نظر بندی سے بھارت کو منفی میسج جارہا ہے, ہم مسئلہ کشمیر پر افواج پاکستان کے ساتھ ہے چاہیے انتہائی قدم بھی اٹھانا پڑے آئین حرمت رسول میں کسی بھی قسم کی تبدیلی برداشت نہیں اس میں ہمیشہ رکاوٹ بنے گے,

سرگودہا(نمائندہ باغی ٹی وی ) سرگودہا میں آج تعلیمی اداروں (سرکاری اور پرائیویٹ ) میں عام تعطیل کا اعلان کیا گیا ہے تعطیل کا اعلان سیکیورٹی خدشات کے پیش نظر کیا گیا ہے ڈپٹی کمشنر سرگودہا آسیہ گل نے نوٹیفیکیشن جاری کرتےہوئے ہدایات جاری کی ہیں کہ آج 28 صفر کو سرگودہا شہر کے تمام سرکاری اور پرائیویٹ ادارے بند رہیں گے اس سلسلے میں تمام اداروں کو نوٹیفیکیشن جاری کر دیا گیا ہے