Tag: #BaaghiTV #Strike #exclusive

سرگودہا(نمائندہ باغی ٹی وی )ملک بھر کی طرح سرگودھا میں بھی ورلڈ ٹیچرز ڈے جوش وخروش سے منایا گیا۔پیپلز سوشل ویلفیئر سوسائٹی کی جانب سے متعدد سکولوں میں ورکشاپس اور سیمینارز کا انعقاد کیا گیا۔بہترین کارکردگی کا مظاہرہ کرنے والے اسا تذہ میں اسناد تقسیم کی گئیں،اساتذہ کی قدر کریں گے تو ملک کا مستقبل تابناک ہوگا،عبدالمنان چوہدری اور دیگر کا خطاب تفصیلات کے مطابق ورلڈ ٹیچرز ڈے کے موقع پر سرگودھا میں بھی تقریبات کا انعقاد کیا گیا،پیپلز سوشل ویلفیئر سوسائٹی کی جانب سے متعدد سکولوں میں ورکشاپس اور سیمینارز کا اہتمام کیا گیا۔اس موقع پر خطاب کرتے ہوئے صدر پیپلز سوشل ویلفیئر سوسائٹی عبدالمنان چوہدری اور دیگر مقررین کا کہنا تھا کہ وہ قومیں کبھی ترقی نہیں کرتیں جو اپنے استاد کی عزت نہیں کرتیں۔ استاد معماران قوم ہیں جن کے ہاتھ میں قوم کا مستقبل ہے۔لیکن بدقسمتی سے نہ حکومت اور نہ ہی ہمارا معاشرہ استاد کووہ مقام دینے کو تیار ہے جس کے وہ مستحق ہیں۔تعلیم کے بغیرہم قوموں کی زندگی میں کوئی مقام حاصل نہیں کر سکتے اور تعلیم کی فراہمی استاد کے بغیر ناممکن ہے ۔اساتذہ کے عالمی دن کے موقع پر آئیں عہد کریں کہ ہم اپنے استاد کو عزت ومرتبہ سے نوازیں گے۔حکومت کو بھی چاہیے کہ اساتذہ کو معاشی فکر سے آزاد کرنے اور ان کے وقار میں اضافہ کے لئے ٹھوس منصوبہ بندی کرے۔اس موقع پر بہترین کارکردگی کا مظاہرہ کرنے والے اسا تذہ میں تعریفی سرٹیفکیٹ تقسیم کئے گئے ۔

سرگودہا (نمائندہ باغی ٹی وی)سرگودہا کرپشن ختم کرنے کے دعوے دھرے کے دھرے چک 96 شمالی میں 28 کنال رقبے کی ناجائز کاشت جاری تفصیلات کے مطابق 2015 میں اس وقت کے ڈپٹی کمشنر ثاقب منان نے 28 کنال رقبہ کھیل کے میدان اور قبرستان کے لئے مختص کیا اور کیس ریونیو بورڈ کو بھیج دیا لیکن دوسری جانب با اثر شخصیات ہونے کی بنا پر کیس کو کرپشن کی نظر کردیا گیا اور نوجوان کھیل کا میدان حاصل کرنے کیلئے در بدر کی ٹھوکریں کھا رہے ہیں موجودہ حکومت نے تمام صوبائی رقبوں کی لیز منسوخ کردی ہے جبکہ کھیل کے لئے مختص رقبہ آج بھی ریکارڈ میں ناجائز کاشت کے طور پر درج ہے سرکاری ادارے رشوت لے کر اس رقبے کو تحفظ فراھم کررہے ہیں اہل دیہہ کے نوجوانوں نے اپنی پاکٹ منی سے اس کیس کو لڑنے کا فیصلہ کیا تو بااثر شخصیات نے ان پر مختلف قسم کے سات مقدمات درج کروادئیے جو بعد ازاں جھوٹے ہونے پر خارج کردئیے گئے سیکرٹری یوتھ افیئرز کو ڈپٹی سیکرٹری کالونیز نے ایک چٹھی 2018 جولائی کو لکھی کہ یہ رقبہ کھیل کے گراؤنڈ کیلئے اپنی تحویل میں لیں لیکن اس فائل کو دبا دیا گیا پھر ڈپٹی سیکرٹری کالونیز نے ڈپٹی کمشنر سرگودہا سے 23 جنوری کو اس جگہ سے متعلق جواب طلب کیا لیکن آج تک اس کا جواب ڈپٹی کمشنر دفتر سے واپس نہیں بھیجوایا گیا کیونکہ یہاں رشوت مفاد عامہ پر حاوی آ چکی ہے حکومت اور وزیر اعلی کھیل کو فروغ دینے کے بات کرتے ہیں کرپشن کے خاتمے کو ترجیح دیتے ہیں لیکن کھیل کیلئے مختص یہ رقبہ لیز منسوخ ہونے کے باوجود بھی آج ناجائز کاشت ہورہا ہے سرکار اس رقبے کو خالی کرانے سے قاصر ہے

سرگودہا،نورپور تھل (نمائندہ باغی ٹی وی )ایس ایچ او تھانہ نورپورتھل سلیم اللہ خان نیازی کو پولیس لائن جوہرآباد حاضر کیاگیا ہےجبکہ انکی جگہ ضیااللہ خان کو بطور ایس ایچ او تھانہ نورپورتھل تعینات کیا گیا ہے۔ واضح رہے کہ سلیم اللہ خان نیازی نے تھانہ نورپورتھل میں تعیناتی کے دوران علاقہ میں پولیس گشت کو موثر بنانے ، منشیات فروشوں کا قلع قمع کرنے ،سٹریٹ کرائمز پر قابو پانے اور سائلان کی پریشاں حالی کے ازالہ کے لیے اپنے تئیں بھرپور کردار ادا کیا۔ عوامی سماجی حلقوں نے سلیم اللہ خان نیازی کے غریب سائلان کی دادرسی اور سماج دشمن عناصر کی بیخ کنی کے لیے مثالی کردار کو زبردست خراج تحسین پیش کیا ہے۔ سابق ایس ایچ او تھانہ نورپورتھل سلیم اللہ خان نیازی نے میڈیا سے خصوصی گفتگو میں کہا ہے کہ استحصالی طبقہ اور مجبوروبے بس اور غریب سائلان کی دادرسی میرا مشن ہے۔ انہوں نے کہا کہ اس عظیم مشن کی تکمیل اور فرائض منصبی کی خوش اسلوبی سے انجام دہی ہی میرا مقصود ومحور ہے۔

سرگودہا(نمائندہ باغی ٹی وی ) ملک صدام اعوان سابق چئیرمین یوتھ پنجاب ،ممبر بورڈ آف گورنرز لوکل کونسل پنجاب نے آج لاہور ہائیکورٹ، بلدیاتی نظام کی بحالی پر لارجر بنچ کی سماعت کے بعد باغی ٹی وی سے گفتگو کرتےہو ئے کہا کہ گورنمنٹ کو بلدیات پر شب خون نہیں مارنے دیں گے آج سماعت کے دوران الیکشن کمیشن نے نئے الیکشن کروانے سے انکار کر دیا ہے ،الیکشن کمیشن کے وکیل نے کہا کہ ایکٹ میں قانونی تقاضے بھی پورے نہیں
کیس کے فیصلے تک کوئی بھی بلدیاتی فنڈز نہیں لگا سکتا
عدالت نے نوٹس جاری کر دیا ہے
آئندہ پیشی پر سیکڑیڑی لوکل گورنمنٹ اور سیکڑیڑی قانون کو طلب کرلیاگیا ہے
سماعت پر پنجاب بھر سے چئیرمینز نے شرکت کی ، یہ لوکل گورنمنٹ کے نمائندوں کی جیت ہوئی ہے موجودہ حکومت ناقص پالیسیاں اختیار کیے ہوئے ہے

سرگودہا(نمائندہ باغی ٹی وی ) ڈینگی کے خلاف تمام اداروں ‘ سول سوسائٹی کو تحریک کاکردار ادا کرنا ہو گا۔ ڈاکٹر راشد منصور کا اجلاس کے شرکاء سے خطاب جبکہ ڈی سی سرگودہا نے کہا کہ ڈی ایچ کیو ‘ تحصیل ہسپتالوں او رپرائیویٹ ہسپتالوں میں ڈینگی وارڈز قائم کر دیئے گئے ہیں۔ ڈینگی ٹیموں کی کارکردگی کاجائزہ روزانہ کی بنیاد پر لیا جارہاہے ۔ تفصیلات کے مطابق
صوبائی سیکریٹری سپیشل ایجوکیشن ڈاکٹر راشد منصور نے کہا ہے کہ حکومت ڈینگی کو کنٹرول کرنے کیلئے بھاری فنڈز خرچ کر رہی ہے جس کا مقصد شہریوں کو اس مرض سے محفوظ بنانا ہے۔ ڈینگی کے خلاف تمام اداروں اور سول سوسائٹی کو ایک تحریک کی صورت میں کام کرنا ہوگا ۔موسم کی شدت کے ساتھ ہی لاروا کی نشونما رک جائے گی اور ڈینگی کے خطرات ختم ہو جائیں گے لیکن ہماری کوششیں مزید تیز ہونی چاہیں ۔ اس امر کا اظہار انہوںنے ڈپٹی کمشنر دفتر کے کانفرنس ہال میں ایک اجلاس کی صدرات کرتے ہوئے کیا۔ اجلاس میں ڈپٹی کمشنر آسیہ گل‘ایڈیشنل ڈپٹی کمشنر کیپٹن ریٹائرڈ شعیب علی ‘ سی او ہیلتھ ڈاکٹر سلیمان زاہد اور ڈی ایچ او کی علاوہ تمام صوبائی وضلعی محکموں کے سربراہان نے شرکت کی ۔ صوبائی سیکرٹری سپیشل ایجوکیشن نے کہا کہ آگہی مہم کو فعال بنا کر ہم ڈینگی پر قابو پاسکتے ہیں ہر پاکستانی شہری کو اس ضمن میں اپنا کردار ادا کرنا چاہیے او رتمام لوگوں تک ڈینگی کے بارے احتیاطی تدابیر بارے پیغام پہنچانا چاہیے ۔ انہوں نے سوشل میڈیا ‘ پرنٹ اور الیکٹرانک میڈیاکے علاوہ ریڈیو پر بھی فعال مہم چلانے کی ضرورت پر زور دیا ۔ انہوں نے تعلیمی اداروں میں طلباءکے لئے خصوصی سیشن منعقد کرنے کی ہدایت کی ۔ انہوں نے کہا کہ ڈینگی کے مریضوں کو صحت عامہ کی تمام ترسہولیات کی فراہمی کو یقینی بنایاجارہاہے ۔موجودہ صورتحال میں ڈینگی موبائل ٹیموں کا کردار انتہائی اہم ہے۔ سیکرٹری سپیشل ایجوکیشن نے بس اڈوں ‘ ریلوے اسٹیشنوں پر ڈینگی کے بارے خصوصی کا¶نٹر بنانے کی ہدایت کی ۔انہوں نے علماءکرام پر زور دیا کہ وہ اپنے منبراور محراب سے ڈینگی کے بارے پر چار کرنے کی ضرورت پر زوردیا ۔
ڈپٹی کمشنر آسیہ گل نے اجلاس کو بتایا کہ ڈی ایچ کیوسمیت تمام تحصیل ہسپتالوں میں ڈینگی کے وارڈز قائم کئے جاچکے ہیںجبکہ شہر کے پندرہ پرائیویٹ ہسپتالوں میں بھی پانچ پانچ بیڈز کے وارڈز مختص کردیئے ہیں جہاں ڈینگی کے مریضوں کو بہتر علاج معالجہ کی سہولیات فراہم کی جارہی ہیں۔ انہوں نے بتایا کہ ڈینگی ٹیموں کی کارکردگی سے متعلق روزانہ کی بنیاد پر ان کی زیر صدارت اجلاس منعقد ہو رہاہے جبکہ تمام اے سی صاحبان بھی روزانہ کی بنیاد پر ڈینگی مہم کی نگرانی کر رہے ہیں۔ اس موقع پر ڈی ایچ او ڈاکٹر سہیل اصغر قاضی نے اجلاس کو بریفنگ میں بتایا کہ ضلع بھر میں ساڑھے پانچ سو سرولینس ٹیمیں کام کر رہی ہیں او راب تک 18لاکھ سے زائد گھروں اور 60ہزار کے قریب آ¶ٹ ڈور مقامات کی سرولینس کی گئی ہے ۔ ضلع بھر میں پانچ ہزار کے قریب لاروا کے مشتبہ مقامات پائے گئے جن میں سے 95مقامات پر ڈینگی لارواپایا گیا جسے فوری تلف کر دیا گیا۔ مشتبہ مقامات کی جیوٹیگنگ بھی کی گئی جبکہ تمام مقامات کے گردونواح کے پچاس گھروں پر سپرے بھی کیاگیا ہے ۔ بعدازاں سیکرٹری سپیشل ایجوکیشن ڈاکٹر راشد منصور نے ڈپٹی کمشنر آسیہ گل کے ہمراہ ڈی ایچ کیو ہسپتال کا دورہ کیا ۔ انہوں نے ڈینگی وارڈز میں مریضوںکی عیادت کی او ران کو صحت عامہ کی فراہم کی جانے والی سہولتوں کاتفصیل سے جائزہ لیا او راس ضمن میں خصوصی احکامات بھی جاری کئے ۔ سیکرٹری سپیشل ایجوکیشن نے تحصیل ہیڈکوارٹر ہسپتال بھلوال کابھی دورہ کیا او روہاں پر قائم ڈینگی وارڈ کاجائزہ لیا۔

سرگودہا،میانوالی (نمائندہ باغی ٹی وی )کمشنر سرگودہا نے میانوالی ضلع کے 155کلومیٹر لمبی 23سڑکوں کے تعمیر ومرمت کی منظوری دے دی۔سڑکوں کی تعمیر ومرمت کاتخمینہ پونے تین ارب روپے سے زائدہے ۔13سڑکیں تحصیل میانوالی ‘ 10 تحصیل عیسیٰ خیل میں مرمت کی جائیں گی۔تفصیلات کے مطابق ڈویژنل ڈویلپمنٹ ورکنگ پارٹی نے ضلع میانوالی میں 155کلو میٹر لمبی 23سڑکوں کی تعمیر ومرمت کی منظوری دے دی ہے ان سکیموں کا تخمینہ 02ارب 85کروڑروپے لگایاگیاہے ۔ ورکنگ پارٹی کااجلاس کمشنر سرگودہا ظفر اقبال شیخ کی صدارت میں منعقد ہوا۔ اجلاس میں ایس ای ہائی وے اور ڈائریکٹر ڈویلپمنٹ چوہدری قدیر کے علاوہ پبلک ہیلتھ انجینئرنگ سمیت تعمیراتی محکموں کے افسران نے شرکت کی ۔ اجلاس کو بتایاگیاکہ نیا پاکستان منزلیں آسان پر وگرام کے تحت تحصیل میانوالی میں 84کلو میٹر سڑکوں کی تعمیر ومرمت کاتخمینہ ایک ارب 52کروڑ روپے لگایاگیاہے جبکہ تحصیل عیسیٰ خیل میں تقریبا 71کلو میٹر سڑکوں کی تعمیر ومرمت کاتخمینہ ایک ارب 34کروڑروپے لگایا گیا ہے ۔ اجلاس کو بتایاگیاکہ ان سکیموں کی تمام کاغذی کارروائی مکمل کرلی گئی ہے ۔ ورکنگ پارٹی کے ممبران کی طرف سے کلروالے ملا خیل روڈ براستہ جتن والا پانچ کلو میٹر سڑک کی تعمیر پر بعض تکنیکی اعتراض اٹھائے گئے جس پر سکیم کی منظوری کو تمام اعتراض دور کرنے تک ملتوی کر دیاگیا ۔ اجلاس میں ضلع میانوالی میں پبلک ہیلتھ انجینئرنگ سیوریج ‘ سینیٹیشن اور واٹر سپلائی کی دوسکیمیں بھی منظوری کے لئے پیش کی گئی جو ممبران کے اعتراض او رکاغذی کارروائی مکمل نہ ہونے کے باعث اگلے اجلاس تک ملتوی کر دی گئی ۔ اجلاس کو بتایاگیاکہ ضلع میانوالی کے داؤد خیل میں اربن سیوریج او رسینی ٹیشن کی 19کروڑ جبکہ رورل واٹر سپلائی بنی افغان کی 17کروڑ 43لاکھ روپے کی سکیمیں تجویز کی گئی ہیں ۔ کمشنر نے متعلقہ اداروں کو ہدایت کی کہ تمام سکیموں میں استعمال ہونے والے تعمیراتی میٹریل کے معیار کو یقینی بنایا جائے اور عوام کے مفاد کی سکیمیں مقررہ مدت کے اندر مکمل کی جائیں ۔ انہوں نے ان سکیموں کے تعمیراتی کام کی سخت مانیٹرنگ کرنے کی بھی ہدایت کی۔