سری نگر: مقبوضہ کشمیر پولیس نے مظاہرین و حریت رہنماؤں کی کاروائیوں کی نگرانی کرنے کیلئے 50 جدید ڈرون طیارے خرید نے کا اعلان کر دیا ، بھارت کی مرکزی حکومت ان ڈرون طیاروں کی خرید کی اجازت دے چکی ہے، ان ڈرون طیاروں سے فضائی نگرانی کو محفوظ سے محفوظ تر بنایا جائے گا،
ہندوستان ٹائمز کو مقبوضہ کشمیر پولیس کے ایک سینئر پولیس آفیسر نے انٹرویو دیتے ہوئے کہا کہ ان طیاروں کی خرید کے ٹینڈر پہلے ہی جاری ہو چکے ہیں، اور جلد ااز جلد اس منصوبے کو پایا تکمیل تک پہنچایا جائے گا
Tag: baaghitv
پولیس کی مدد اب ڈرون کریں گے
پاکستان ڈويلپمنٹ اسکواڈ اوراومان کے درميان دوسرا ہاکی میچ برابر ہو گیا
پاکستان ڈويلپمنٹ اسکواڈ اوراومان کے درميان دوسرا ہاکي ميچ چار چار گول سے برابر ہوگيا۔ پاکستان کو سیریز میں ايک صفر کی برتری حاصل ہے۔
نيشنل ہاکي سٹيڈيم ميں ہونے والي چار ہاکي ميچيز کي سيريز کا دوسرا ميچ دونوں ٹيموں کي جارحانہ حکمت عملي کے باعث برابر ہوگيا۔ مہمان ٹيم کي جانب سے کپتان راشد سليم نے شاندار ہٹ ٹرک اسکور کي جبکہ عدنان نے ايک گول اسکور کيا۔ پاکستان ڈويلپمنٹ اسکواڈ کي جانب سے امجد خان نے دو عديل لطيف اور رانا عبدالواحد نے ايک ايک گول اسکور کيا۔ دونوں ٹيموں کي درميان تيسرا ميچ چار اکتوبر کو کھيلا جاے گا۔
ہالینڈ نے سمندر کی صفائی کیلئے بڑا جہاز تیار کر لیا
ہالینڈ کے ایک نان پرافٹ گروپ نے سطح سمندر اور تہہ سے کچرا اٹھانے اور آبی حیات کو صاف مسکن فراہم کرنے کیلئے جہاز تیار کر لیا، یہ جہاز پچھلے ماہ کی نو تاریح کو سان فرانسسکو کی پورٹ سے سمندر میں اتر چکا ہے، اور اس جہاز کو سب پہلا ٹاسک دنیا کے سب سے بڑے سمندر بحرالکاہل کو صاف کرنے کا دیا گیا ہے،
اس جہاز کو بنانے والی کمپنی کے چیف ایگزیکٹو بوئین سلاٹ نے ہالینڈ کے شہر روٹر ڈیم میں پریس کانفرنس کرتے ہوئے کہا ہے "آج ہم فخریہ طور پر اعلان کرتے ہیں کہ ہمارے کلینگ سسٹم نے بحرالکاہل سے صفائی کا آغاز کر دیا ہے،
بورس جانسن نے بریگزٹ کے متعلق بڑا اعلان کر دیا
مانچسٹر: برطونوی وزیر اعظم بورس جانسن نے کنزرویٹو پارٹی کے ایک اجلاس سے خطاب کرتے ہوئے کہا ہے کہ "برطانیہ 31 اکتوبر تک یورپین یونین سے الگ ہو جائے گا چاہے اس کے جو بھی اثرات مرتب ہو ں”
بورس جانسن کا مزید کہنا تھا کہ بریگزٹ ریفرنڈم 2016 کو 3 سے زیادہ سال ہو گئے اور ابھی تک یہ فیصلہ نہیں ہو سکا کہ برطانیہ یورپین یونین کا حصہ رہے گا یا نہیں، پچھلے کچھ عرصے سے برطانوی لوگوں کو پاگل تصور کیا جا رہا ہے ، برطانوی لوگوں کا خیال ہے کہ شاید برطانیہ میں کچھ ایسی اندرونی طاقتیں ہیں جو برطانیہ کو یورپین یونین کےساتھ مل کر رنے پر مجبور کر رہی ہیں، لیکن مزید ایسا نہیں چلے گا ، برطانیہ جلد از جلد یورپین یونین سے الگ ہو جائے گا
پہلی سہ ماہی میں 90 فیصد ٹیکس ٹارگٹ وصول کرلیا جائے گا ، شبر زیدی
چئیرمین فیڈرل بورڈ آف ریونیو شبر زیدی کا کہنا ہے کہ ہماری درامدات کا دباؤ لگ بھگ تین ارب ڈالر کا ہے، اگر یہ درآمدات کا دباؤ نکل جائے تو ہم ٹیکس اہداف کے بالکل قریب پہنچ چکے ہیں اور وصول کردہ ٹیکس ہمارے ٹارگٹ کا 90 فیصد ہے ، اسلام اباد مین تقریب میں شرکت کے بعد زرائع ابلاغ کے نمائندوں سے گفتگو کرتے ہوئے کہا ہے کہ مجھے نہیں لگتا کہ ٹیکس اہداف میں 111 ارب کی کمی ہو گی، 963 ارب تک تیکس اکٹھا کر لیا جائے گا،
ایک سوال کے جواب میں چیئرمین ایف بی آر نے کہا کہ منی بجٹ لانے کا کوئی چانس نہیں ہیں، ٹیکس ریفنڈ ادا کر دئیے ہیں اس حوالے سے کوئی ابہام نہیں، تاجروں کیساتھ ہر سطح پر مزاکرات کیلئے تیار ہیں،
پاکستان میں انٹرنیشنل اسٹینڈرڈ کی پہلی سرامکس ٹائل فیکٹری کی تعمیر شروع
پاکستان میں غیر ملکی سرمایہ کاری سے بننے والی پہلی سرامکس ٹائل بنانے والی فیکٹری کی تعمیر شروع ہو گئی، سات کروڑ ڈالر سے 37 ایکڑ پر بننے والی فیکٹری بھلوال انڈسٹریل اسٹیٹ مین مارچ 2020 میں پیداوار شروع کر دے گی،
واضع رہے گزشتہ ہفتہ کے دوران پنجاب انڈسٹریل اسٹیٹس ڈویلپمنٹ اینڈ مینیجمنٹ کمپنی کے زیر انتظام بنائی گئی بھلوال انڈسٹریل اسٹیٹ کو وزیراعظم عمران خان نے اسپیشل اکنامک زون کا درجہ دیا تھا، جس کے تحت اس انڈسٹری کیلئے امپورٹ ہونے والی مشینری اور پلانٹس کو ون ٹائم ڈیوٹیز و کسٹم سے چھوٹ اور 10 سال کیلئے ٹیکس سے مثتسنیٰ قرار دیا گیا ہے، سرامک یونٹ کے قیام سے پاکستان کا درآمدی ٹائلز پر انحصار بہت کم ہو گا،
لاہور چیمبر آف کامرس میں نومنتحب قیادت نے چارج سنبھال لیا
لاہور چیمبر آف کامرس اینڈ اندسٹری کے سالانہ اجلاس عام میں نو منتحب قائدین نے اپنے عہدوں کا چارج سنبھال لیا، جبکہ اجلاس عام شروع ہونے سے پہلے ہی حزب اختلاف لاہور بزنسمین فرنٹ نے الیکشن میں دھاندلی کا الزام لگایا اور کاروائی روکنے کی کوشش کی،
لاہور چیمبر کے سبکدوش ہونے والے صدر الماس حیدر، سینئر نائب صدر خواجہ شہزاد ناصر، اور نائب صدر فہیم الرحمن سہگل سمیت سابق عہدیداران، ایگزیکٹو کمیتی ممبران اور تاجروں کی بڑی تعداد نے اجلاس میں شرکت کی، لاہور چیمبر آف کامرس اینڈ انڈسٹری کے نومنتحب صدر عرفان اقبال شیخ، سینئر نائب صدر علی حسام اصغر اور نائب صدر میاں زاہد جاوید احمد نے اپنے خطاب میں کہا کہ دوہرے ٹیکس نظام سے چھٹکارا پانے کی ضرورت ہے، ٹیکس گوشوارے جمع کرانے کی تاریخ میں توسیع سے تاجر برادری کو بڑا ریلیف ملے گا،
مصباح الحق اسلام آباد یونائٹڈ کی کوچنگ کیلئے تیار
پاکستان سپر لیگ کے پہلے اور تیسرے سیزن کی فاتح فرنچائز اسلام آباد یونائٹڈ نے مصباح الحق کو ہیڈ کوچ کی زمہ داری سنبھالنے کی آفر کر دی، مصباح الحق نے اسلام آباد یونائٹڈ کی آفر قبول کر لی، پی سی بی اجازت کے بعد مصباح الحق اسلام آباد یونائٹڈ کیلئے ہیڈ کوچ کی زمہ داریاں سنبھالیں گے،
مصباح الحق پی ایس ایل کے پہلے تین سیزن میں اسلام آباد یونائٹڈ کے کپتان بھی رہ چکے ہیں جن میں سے دو سیزن اسلام آباد یونائٹڈ پی ایس ایل کا ٹائٹل جیتنے میں کامیاب بھی ہوئی ہے، زرائع کے مطابق مصباح الحق کے قومی ٹیم کے چیف سلیکٹر و ہیڈ کوچ بننے سے پہلے وہ اسلام آباد یونائٹڈ کیساتھ ہیڈ کوچ کا ایم او یو سائن کر چکے تھے ،
قائد اعظم ٹرافی، سینٹرل پنجاب نے ایک اور فتح سمیٹ لی
کوئٹہ کے بگٹی اسٹیدیم میں سینٹرل پنجاب اور بلوچستان کی ٹیموں کے درمیان قائداعظم ٹرافی کا ساتواں میچ کھیلا گیا، میچ کا آغاز 28 ستمبر کو ہوا تھا ، بلوچستان نے ٹاس جیت کر پہلے فیلڈنگ کو ترجیح دی، سینٹرل پنجاب کے تجربہ کار اوپنزز اظہر علی اور سلمان بٹ نے پہلی اننگز میں 237 رنز کی مضبوط اوپننگ شراکت داری قائم کی، اطہر علی اور سلمان بٹ نے شاندار سینچریاں سکور کیں، 237 رنز کے مجموعے پر سینٹرل پنجاب کی پہلی اور 246 پر دوسری وکٹ گری ، سلمان بٹ نے ایک اینڈ سنبھال رکھا اور طفر گوہر کے ساتھ مل کر سینٹرل پنجاب کا اسکور 521 رنز کے بڑے مجموعے تک پہنچا دیا ، سلمان بٹ نے شاندار ڈبل سینچری اسکور کی اور ظفر گوہر نے اپنے فرسٹ کلاس کیرئر کی پہلی سینچری اسکور کی،
بلوچستان کی ٹیم پہلی انننگز میں لڑکھٹراتی ہوئی نظر آئی ، بسمہ اللہ خان کے علاوہ کوئی کھلاڑی ففٹی بھی اسکور نہ کر سکا، اور بلوچستان کی پوری ٹیم پہلی اننگز میں 271 رنز کے مجموعے پر پویلین لوٹ گئی، نسیم شاہ نے تین جب کے وقاص مقصود نے 2 کھلاڑیوں کو آؤٹ کیا،
سینٹرل پنجاب نے بلوچستان کو دوسری اننگز میں فالو آن کروایا اور بلوچستان کی بیٹنگ کا نتیجہ پہلی اننگز سے کچھ زیادہ محتلف نہ تھا، عمران بٹ اور عظیم گھمن نے بلوچستان کیلئے 54 رنز کی اوپننگ شراکت قائم کی اور 56 کے اسکور پر پہلی وکٹ گری، اس کے بعد وکٹیں گرتی ہی چلی گئیں، لیکن بسم اللہ خان نے دوسری اننگز میں بھی 71 رنز بنا کر اپنی فارم کو ثابت کیا ،اور اس طرح بلوچستان کی پوری ٹیم 239 رنز کے مجموعے پر آل اؤٹ ہو گئی اور سینٹرل پنجاب نے میچ ایک اننگز اور 12 رنز سے جیت لیا،
اور قائداعظم ٹرافی سیزن 2019 میں سینٹرل پنجاب کی یہ دوسری فتح ہے،
ہمایوں سعید ایک بار پھر بڑی سکرین پر دھوم مچانے کو تیار
ہمایوں سعید پاکستانی سینما میں ایک بار پھر بلاک بسٹر فلم کیساتھ دھوم مچانے کی تیاری کر رہے ہیں ، فلم و ڈرامہ نگار خلیل الرحمان قمر اور ہدایتکار ندیم بیگ کیساتھ مل کر ہمایوں سعید اپنی نئی فلم "لندن نہیں جاؤنگا” کی شوٹنگ میں مصروف ہیں، فلم 2020 میں عید الاضحی پر ریلیز کی جائے گی،
ہمایوں سعید نے میڈیا کو بتایا کہ یہ فلم میری سابقہ فلم "پنجاب نہیں جاؤنگی” کا سیکوئل نہیں ہے بلکہ ایک بالکل نئی اسٹوری ہے، اور اس فلم کی اسٹوری خلیل الرحمان قمر نے ہی لکھی ہے، "لندن نہیں جاؤنگا” فلم کو کامیڈی، رومانس، اور ایکشن سے بھرپور فلم تصور کیا جا رہا ہے، فلم کیلئے مکمل کاسٹ کا فیصلہ ابھی تک نہیں ہو سکا، فلم اگلے سال عید الاضحی پر ریلیز کی جائے گی جو کہ ہمایوں سعید کے پروڈکشن ہاؤس کیلئے ایک منافع بخش وقت ثابت ہوتا ہے،
