Tag: baaghitv

ایچ بی ایل پی ایس ایل کی جنرل کونسل کا اجلاس کراچی میں منعقد ہوا۔ اجلاس کی صدارت چیئرمین پی سی بی احسان مانی نے کی۔ اجلاس میں تمام فرنچائزز کے نمائندگان نے شرکت کی۔ اجلاس کے دوران پی سی بی اور فرنچائزز نے ایک بار پھر ایچ بی ایل پی ایس ایل 2020 کے تمام میچز پاکستان میں کروانے پر مکمل اتفاق کیا ہے۔

اجلاس میں دیگر اہم امور پر بھی تبادلہ خیال کیا گیا جن میں ایچ بی ایل پی ایس ایل 2020 کی ڈرافٹنگ کی مجوزہ تاریخ اور گذشتہ ایڈیشن کے ریونیو کی تقسیم کا جائزہ لینا شامل تھا۔ اجلاس میں پی سی بی اور فرنچائزز کے درمیان تمام زیر التواء امور پر بھی تبادلہ خیال کیا گیا ہے۔ اجلاس میں واضح روڈ میپ تیار کرکے فیصلہ کیا گیا ہے کہ تمام حل طلب امور کو جلد نمٹایا جائے گا۔ چیف ایگزیکٹو پی سی بی وسیم خان کا کہنا ہے کہ فرنچائزز کے ساتھ آج ہونے والی ملاقات میں سیرحاصل گفتگو ہوئی ہے۔

انہوں نے کہا کہ فرنچائز نمائندگان ہمارے ساتھی ہیں اور ہم ایچ بی ایل پی ایس ایل 2020 کے تمام میچز پاکستان میں کروانے پر مکمل اتفاق رکھتے ہیں۔ چیف ایگزیکٹو پی سی بی نے کہا کہ لیگ کی تیاریوں کا آغاز جلد شروع کردیا جائے گا۔ انہوں نے کہا کہ ایچ بی ایل پی ایس ایل 2020 میں دنیا بھر میں موجود کرکٹ کے مداحوں کو بہترین کرکٹ دیکھنے کو ملے گی۔ علاوہ ازیں ایچ بی ایل پی ایس ایل کے آئندہ ایڈیشن میں دنیا بھر سے نامور کھلاڑی شرکت کریں گے۔

اجلاس کے دوران کھلاڑیوں کی رجسٹریشن کے عمل پر تازہ ترین تفصیلات کا بھی تبادلہ کیا گیا۔ اجلاس کے دوران ایچ بی ایل پی ایس ایل 2020 کے شیڈول اور براڈ کاسٹ پلان پر تفصیلی گفتگو کی گئی، جس کی تفصیلات مناسب وقت پر جاری کردی جائیں گی

سری لنکن ٹیم 2009 میں ہونے والے افسوس ناک واقع کے بعد پہلی مرتبہ پاکستان میں ون ڈے سیریز کھیلنے آئی ہوئی ہے ، ون ڈے سیریز کے تینوں میچ کراچی میں شیڈول ہیں، پاکستان بمقابلہ سری لنکا ون ڈے سیریز کا پہلا میچ شدید بارش کی وجہ سے حتم ہو گیا ،

اور اب سیریز کا شیڈول دوسرا میچ 29 ستمبر کی بجائے کل یعنی 30 ستمبر کو کھیلا جائے گا ، میچ پاکستانی وقت کے مطابق دوپہر تین بجے شروع ہو گا ، پاکستان کرکٹ بورڈ نے اعلان کیا ہے کہ جن شائقین کرکٹ کے پاس پہلے ون ڈے میچ کے ٹکٹس موجود ہیں وہ ان کو دوسرے یا تیسرے ون ڈے مین استعمال کر سکتے ہیں ،
کل کراچی میں موسم خشک رہنے کا مکان ہے اور پورا میچ ہونے کے قوی امکانات موجود ہیں، اور نیشنل اسٹیڈیم کراچی کے گراؤند سٹاف نے دن رات کی انتھک محنت سے گراؤنڈ کو کرکٹ کھیلنے کیلئے سازگار بنا دیا ہے ،

پاکستان کے ٹیسٹ کرکٹر شاداب خان نے کراچی میں پریس کانفرنس کرتے ہوئے کہا کہ سری لنکن ٹیم کو ہم کسی صورت آسان حریف تصور نہیں کر رہے ، ان کی ٹیم میں تجربہ کار اور نوجوان لڑکے شامل ہیں، اور جو کھلاڑی ڈیبیو میچ کھیلتے ہیں ان کی صلاحیتوں کا کسی کو علم نہیں ہوتا اس لیے ان کو آسان نہیں لینا چاہیے،
شاداب خان کا کہنا تھا کہ پاکستان میں اپنا ڈیبیو ون ڈے میچ کھیلنے کی کیفیت انتہائی شاندار ہے کسی بھی کھلاڑی کا یہ خواب ہوتا ہے کہ وہ اپنے ملک میں ہوم کراؤڈ کے سامنے کھیلے اور اچھا پرفارم کرے، نیشنل اسٹیڈیم کراچی کی وکٹ کے بارے سوال پر شاداب کا کہنا تھا کہ کراچی کی پچ عموما اسپنرز کیلئے سازگار رہتی ہے لیکن پچھلے دو دن سے بارش ہو رہی ہے اس لیے پچ دیکھنے سے پہلے کچھ کہنا قبل از وقت ہو گا ، شاداب نے اپنی بیٹنگ کے بارے سوال کا جواب دیتے ہوئے کہا کہ اللہ کرے ہمارا ٹاپ آرڈر اچھا پرفارم کرے اور اگر بیٹنگ میں میری باری آئی تو کوشش ہو گی کہ ٹیم کی ضرورت کے مطابق کھیلوں،