کراچی: آٹو موبائل سیکٹر میں اگست کے مہینے میں 41 فیصد کی کمی ریکارڈ کی گئی، جس کی بنیادی وجہ روپے کی قدر کی گراوٹ، افراط زر کی بڑھتی ہوئی شرخ اور بڑی عید کی چھٹیاں اور قربانی کے اخراجات کو بتایا گیا ہے ،
تفصیلات کے مطابق پچھلے سال اگست میں فروخت ہونے والی نئی گاڑیوں کی تعداد 17662 تھی جبکہ اس مالی سال کے اگست میں فروخت ہونے والی گاڑیوں کی تعداد 10496 بتائی گئی ہے جو کہ ایک ریکارڈ کمی ہے ،
Tag: baaghitv
اگست کے مہینے میں گاڑیوں کی فروخت میں 41 فیصد کمی
انڈیا میں دو مینڈکوں کی طلاق کیوں کروائی گئی ؟
پاکستان کے پڑوس ملک بھارت سے بت پرستی کے عجیب و غریب واقعات کی خبریں اکثر اوقات آتی رہتی ہیں ، جن میں ایسے واقعات بھی شامل ہوتے ہیں جو کہ انسانی عقل ماننے سے انکار کر دیتی ہے ، اسی طرح کا ایک واقع بھارتی ریاست مدھیہ پردیش میں ہوا ہے جہاں دو مینڈکوں کی طلاق کروا دی گئی جن کی شادی دو ماہ پہلے ہوئی تھی،
تفصیلات کے مطابق مدھیہ پردیش کے شہر بھوپال میں آج سے دو ماہ پہلے بارشیں نہ ہونے کے سبب شدید قحط کی صورتحال برپا تھی،جس سے چھٹکارا پانے کیلئے دو مینڈکوں کی شادی کروا دی گئی، یہ عمل ہندو مذہب کے بارشوں کے خدا اندرا کو خوش کرنے کیلئے کیا گیا تھا ، لیکن بھوپال کی حالیہ صورتحال ایسی ہے کہ شدید بارشوں سے جل تھل ایک ہو گیا ہے اور اب بارشوں سے چھٹکارا پانے کیلئے ہندو پنڈتوں نے ان دونوں مینڈکوں کی طلاق کروا دی گئی
پاکستان کرکٹ ٹیم کی قیادت سرفراز احمد کے پاس ہی رہے گی: پی سی بی
پاکستان کرکٹ ٹیم کے ون ڈے اور ٹی ٹوئنٹی فارمیٹ کی قیادت سرفراز احمد کے پاس پہ رہے گی ، بابراعظم قومی ٹیم کے نائب کپتان ہونگے، پی سی بی نے سرفراز احمد کی قیادت کا اعلان بروز جمعہ پریس ریلیز کے زریعے کیا ،
تفصیلات کیمطابق پاکستان کرکٹ بورڈ نے سری لنکا سے شیڈول ہوم ون ڈے اور ٹی ٹوئنٹی سیریز کیلئے کپتان اور نائب کپتان کا اعلان کر دیا ، سرفراز احمد کو پی سی بی نے 2016 میں ٹی ٹوئنٹی کی قیادت سونپی تھی اور پھر 2017 میں ون ڈے اور ٹیسٹ کی قیادت بھی سرفراز کو دے دی گئی، سرفراز کی قیادت میں پاکستان نے اب تک 13 ٹیسٹ، 48 ون ڈے اور 34 ٹی ٹوئنٹی انڑنیشنل کھیلے ہیں جن میں سے 4 ٹیسٹ، 26 ون ڈے اور 29 ٹی ٹوئنٹی انٹرنیشنل پاکستان کرکٹ ٹیم نے جیتے ہیں
تمام تقرریوں کا فیصلہ چیئرمین پاکستان کرکٹ بورڈ احسان مانی کی منظوری کے بعد کیا گیا ، جس میں چیف سلیکٹر و ہیڈ کوچ مصباح الحق اور پی سی بی کی کرکٹ کمیٹی کی تجویزات پر غور کرکے فیصلہ کیا گیا ،
فاسٹ بولر وہاب ریاض نے ریڈ بال کرکٹ سے وقفہ لینے کی وضاخت دے دی
پاکستان کرکٹ ٹیم کے فاسٹ بولر وہاب ریاض نے ریڈ بال کرکٹ سے غیر معینیہ مدت کا وقفہ لینے کے بعد پریس کانفرنس کی اور اس وقفے کی وجوہات کو بتا دیا ،وہاب ریاض نے پریس کانفرنس کرتے ہوئے میڈیا کو بتایا کہ میرے طویل دورانیے کی کرکٹ میں آرام کے حوالے سے پی سی بی نے پریس ریلیز کی، میں اپنی فیملی اور کرکٹ بورڈ کا بھرپور تعاون کرنے پر شکر گذار ہوں ۔
ان کا کہنا تھا کہ میں نے ریڈ بال کرکٹ میں اپنی کارکردگی کا جائزہ لینے کے بعد فیصلہ کیا ہے کہ مجھے وقفہ لینا چاہیے ، ون ڈے اور ٹی ٹونٹی کرکٹ میں میری کارکردگی اچھی ہے ۔ میں وائٹ بال کرکٹ میں اپنی کارکردگی اور فٹنس کا جائزہ لوں گا تو ٹیسٹ کرکٹ کے حوالے سے فیصلہ کروں گا ۔
میں نے اپنی باڈی پر ورک لوڈ کا جائزہ لے رہا ہوں اس کے بعد فیصلہ کروں گا ۔ ان کا مزید کہنا تھا کہ میں کافی عرصے اس حوالے سے سوچ رہا تھا۔ میں گذشتہ کچھ عرصے سے میں ریڈ بال کرکٹ بہت کم کھیلا ہوں، مجھ میں اور باقی کرکٹرز میں فرق ہے میری عمر 30 سال سے زائد ہے ۔ یہ فیصلہ کرنے سے پہلے میں نےپی سی بی کے ساتھ مشاورت کی ۔
پی سی بی نے سال 2019-20 کیلئے ویمن کرکٹ کے ڈومیسٹک شیڈول کا اعلان کر دیا
پاکستان کرکٹ بورڈ نے ویمن کرکٹ کے ڈومسیٹک سیزن 2019-20 کا اعلان کردیا ، سیزن کا آغاز قومی ٹرائینگولر ایک روزہ خواتین کرکٹ چیمپئن شپ سے ہوگا، چیمپئن شپ 17 سے 26 ستمبر تک لاہور جمخانہ کرکٹ گراؤنڈ میں کھیلی جائے گی،ایونٹ کی فاتح ٹیم کو 5 لاکھ روپے کی انعامی رقم دی جائے گی،
پاکستان خواتین کرکٹ ٹیم کو آئندہ ماہ بنگلہ دیش کے خلاف ہوم سیریز کھیلنی ہے،پاکستان اے خواتین کرکٹ ٹیم آئندہ ماہ اے سی سی ایمرجنگ کپ میں شرکت کرے گی، قومی ٹرائینگولر ٹی ٹونٹی خواتین چیمپئن شپ آئندہ سال جنوری میں ہوگی
آسٹریلیا نے چوتھا ٹیسٹ جیت کر ایشز سیریزاپنے نام کرلی
آسٹریلیا نے ایشز سیریز کے چوتھے ٹیسٹ میچ میں انگلینڈ کو 185 رنز سے ہرا دیا اور ایشز سیریز دوبارہ اپنے نام کرلی ، آخری اننگز میں آسٹریلیا نے انگلینڈ کو جیتنے کیلئے 383 رنز کا ٹارگٹ دیا تھا اور انگلش کھلاڑی 197 پر آل آؤٹ ہو گئے
انگلینڈ کی پوری ٹیم مل کر 200 رنز بھی نہ سکی جبکہ آسٹریلیا کے اسٹیو سمتھ نے اکیلے ہی 200 رنز جڑ دئیے تھے جس کی بنا پر اسٹیو سمتھ چوتھے ٹیسٹ میچ کے پیلئر آف دا میچ قرار پائے،افغانستان کے لیگ اسپنر راشد خان کی بنگلہ دیش کیخلاف ٹیسٹ میں آل راؤند پرفارمنس
افغانستان کے سٹار سپنر اور نئے کپتان راشد خان نے اپنی آل راؤنڈ پرفارمنس پیش کرکے اپنی ٹیم کو مستحکم پوزیشن میں کھڑا کر دیا
افغانستان نے بنگلہ دیش کیخلاف ٹیسٹ میچ میں پہلے بیٹنگ کرتے ہوئے پہلی اننگز میں 342 رنز اسکور کیے جس میں رحمت شاہ کی سینچری ،اصغر افغان کے 92 اور راشد خان کی برق رفتار ففٹی شامل تھی
اس کے بعد جب بنگلہ دیش بیٹنگ کرنے آئی تو 8 وکٹوں کے نقصان پر صرف 194 رنز ہی بنا سکی، افغانستان کی طرف سے راشد خان نے چار کھلاڑی آؤٹ کیے محمد نبی نے دو، یاسین احمد زئی نے ایک اور قیس احمد نے ایک کھلاڑی کو پویلین کی راہ دکھائی، دوسرے دن کے احتتام پر بنگلہ دیش افغانستان سے 148 رنز پیچھے تھا، اور افغانستان ایک انتہائی مضبوط پوزیشن میں ہےِ،
پاکستان کرکٹ کے مستقبل کیلئے سکول کرکٹ کو دوبارہ اجاگر کرنے کا فیصلہ
پاکستان کرکٹ بورڈ نے گزشتہ دنوں پاکستان کرکٹ کا نیا ڈومیسٹک اسٹرکچر متعارف کروایا جس کے مطابق ڈپارٹمنل کرکٹ حتم کرکے ریجنل کرکٹ کا نطام متعارف کروایا گیا جس میں کھلاڑیوں کو انٹرنیشنل کرکٹ کھیلنے کیلئے سخت محنت درکار ہوگی
اس کیساتھ ہی سکول اینڈ سٹی ایسوسی ایشن کرکٹ کو بھی زندہ کرنے کا فیصلہ کیا گیا
پورے پاکستان میں کل 90 ایسوسی ایشنز نوجوان کرکٹرز کو ڈومیسٹک کرکٹ سرکٹ میں آنے کیلئے مدد و رہنمائی فراہم کریں گی تاکہ کہ کرکٹ کے ٹیلنٹ کو چھوٹی عمر سے اٹھا کر بڑا کیا جاسکے ، اب نوجوان کرکٹرز کو بڑے بڑے کلبز میں جانے کی اور کثیر سرمایہ خرچ کرنے کی کوئی ضرورت نہیں کیونکہ اب ان کیلئے یہ کام ان کے سکول لیول سے شروع ہوگا اور وہ اگر اپنے ٹیلنٹ کو ثابت کرنے میں کامیاب رہے تو پاکستان کے ڈومیسٹک سرکٹ میں با آسانی آ کر کھیل سکیں گے
