Tag: baaghitv
انڈر 16 سیریز:پاکستان اور بنگلہ دیش کے درمیان دوسرے تین روزہ میچ کا پہلا روز مکمل
کے آر ایل اسٹیڈیم راولپنڈی میں جاری دوسرے تین روزہ میچ کے پہلے روز قومی انڈر 16 کرکٹ ٹیم نے 3وکٹوں کے نقصان پر 127 رنز بنالیے ہیں۔میزبان ٹیم کے میڈیم پیسرز ایاز شاہ اوراحمد خان کی نپی تلی باؤلنگ کی بدولت مہمان ٹیم پہلی اننگز میں 108 رنز پر ڈھیر ہوگئی۔
اس سے قبل پاکستان انڈر 16 کرکٹ ٹیم کےکپتان عالیان محمودنے ٹاس جیت کر پہلےفیلڈنگ کا فیصلہ کیا۔بنگلہ دیش انڈر 16 کرکٹ ٹیم کے دونوں اوپنرز 16 کے مجموعی اسکور پر آؤٹ ہوکر پویلین واپس لوٹ گئے۔ مڈل آرڈر بلے باز ردوان حسین نےمحتاط کھیل کا مظاہرہ کرتے ہوئے نصف سنچری اسکور کی۔ مہمان ٹیم کے 1 کھلاڑیی ڈبل فگرز میں داخل نہ ہوسکےاور پوری ٹیم 44.1 اوورز میں صرف 108 رنز بنا کر آؤٹ ہوگئی۔ قومی انڈر 16 کرکٹ ٹیم کی جانب سے ایاز شاہ نے 14 رنز کے عوض 3 کھلاڑییوں کو پویلین کی راہ دکھائی۔ احمد خان اور علی اسفند نے 2،2 وکٹیں حاصل کیں۔
جواب میں علی حسن اور محمد شہزاد پر مشتمل اوپننگ جوڑیی نے قومی انڈر 16 کرکٹ ٹیم کو 61 رنز کا آغاز فراہم کیا۔ علی حسن 59 اور محمد شہزاد 25 رنز بنا کر آؤٹ ہوگئے۔پاکستان کے تیسرے آؤٹ ہونے والے بیٹسمین حسیب عمران تھے جو 1 کے انفرادی اسکور پر پویلین واپس لوٹے۔ دن کے اختتام پرمیزبان ٹیم نے 37 اوورز میں 3 وکٹوں کے نقصان پر 127 رنز بنالیے۔ عباس علی 28 اور محمد وقاص 13 رنز سے کھیل کےدوسرے روز کاآغاز کریں گے۔
تھائی لینڈ کی پاکستان کیساتھ تجارتی منصوبوں میں دلچسپی
کراچی: تھائی لینڈ کے قونصل جنرل تھاٹری چواچٹا نے پاکستان کیساتھ دو طرفہ تجارت کو فروغ دینے اور جوائنٹ وینچر میں دلچسپی ظاہر کرتے ہوئے کہا کہ دونوں لکوں کے درمیان تجارت کو بڑھانے کے وسیع مواقع موجود ہیں تاہم موجودہ باہمی تجارت دستیاب مواقعں کے تناظر میں کم ہے، لہذا دونوں ممالک کو تجارت کے نئے شعبوں کو تلاش کرنے کیساتھ ساتھ ایک دوسرے کو اپنا تعاون پیش کرنے کی ضرورت ہے،
یہ بات انہوں نے پاکستان کیمیکلز ایند ڈائز مرچنٹس ایسوسی ایشن کے دورے کے موقع پر ممبران سے خطاب مین کہی، اس موقع پر چئیرمین پی سی ڈی ایم اے امنین یوسف، آصف ابراہیم ، عارف بالا گام والا و دیگر موجود تھے، تھائی قونصل جنرل نے چئیرمین پی سی ڈی ایم اے کی تجویز سے اتفاق کرتے ہوئے پی سی ڈی ایم اے کے ممبارن کو یاک سال کا ملٹی پل ویزا دینے کا اعلان کرتے ہوئے کہا کہ تھائی لینڈ کی برآمدات سرپلس ہیں اور اقتصادی لحاظ سے بھی ہمارا ملک مضبوط ہے جس کا فائدہ پاکستان تھائی لینڈ کی ترقی اور سرپلس برآمدات کا جائزہ لیکر باآسانی اٹھا سکتا ہے، پاکستانی تاجروں کو چاہیے کہ وہ تھائی لینڈ کے تجربات سے فائدہ اٹھائیں،
قائداعظم ٹرافی: پانچویں راؤنڈ میں پہلے روز کا کھیل مکمل
قائداعظم ٹرافی فرسٹ الیون ٹورنامنٹ کے پانچویں راؤنڈ کا پہلا روز مکمل ہوگیا
بگٹی اسٹیڈیم کوئٹہ میں بلوچستان نے خیبرپختونخوا کےخلاف پہلی اننگز میں عمران بٹ اور عمران فرحت کی ناقابل شکست سنچریوں کی بدولت 3 وکٹوں کے نقصان پر 341 رنز بنالیے ہیں۔ اس سے قبل خیبرپختونخوا کے کپتان صاحبزادہ فرحان نے ٹاس کئے بغیر
پہلے باؤلنگ کرنے کا فیصلہ کیا۔بلوچستان کی پہلی وکٹ 27 کے مجموعی اسکور پر اس وقت گری جب عظیم گھمن 3 رنز بنا کرعمران خان سینئر کی گیند پر آؤٹ ہوکر پویلین واپس لوٹ گئے۔دوسری وکٹ کے لیے عمران بٹ اور اویس ضیاءکے درمیان 58 رنز کی شراکت قائم ہوئی۔ اویس ضیاء 69 رنز بنا کر آؤٹ ہوئے۔ابوبکر خان 1 رنز پر وکٹ گنوا بیٹھے تاہم عمران بٹ نے دوسر ے اینڈ سے ذمہ دارانہ کھیل کامظاہرہ کیا اور چوتھی وکٹ کے لیے عمران فرحت کے ہمراہ 227 رنز کی شراکت قائم کی۔ دن کے اختتام پر عمران بٹ 135 اور عمران فرحت 114 رنز بنا کر کریز پر موجود ہیں۔ خیبرپختونخوا کی جانب سے عمران خان سینئر اور عثمان شنواری نے 1،1 وکٹ حاصل کی۔
دوسری جانب جناح اسٹیڈیم سیالکوٹ میں ناردرن نے پہلی اننگز میں اوپنر ذیشان ملک اور عمران بٹ کی عمدہ بیٹنگ کی بدولت سدرن پنجاب کے خلاف 1 وکٹ کے نقصان پر 384 رنز بنالیے ہیں۔ اس سے قبل ناردرن کے کپتان روحیل نذیر نے ٹاس جیت کر پہلے
بیٹنگ کا فیصلہ کیا۔ محض 43 رنز پر پہلی وکٹ گرنے کے بعد نوجوان اوپنر ذیشان ملک اور نائب کپتان عمر امین نے شاندار کھیل کا مظاہرہ کیا۔
Batsman of northren Zeeshan Malik دوسری وکٹ کے لیے ذیشان ملک اور عمر امین کے درمیان 343 رنز کی ناقابل شکست شراکت قائم ہوئی۔ ذیشان ملک
نے 27 چوکوں ا ور 2 چھکوں کی مدد سے 204 رنز کی ناقابل شکست اننگز کھیلی۔بائیں ہاتھ کے بلے باز عمر امین 20 چوکوں اور 2 چھکوں کی مدد سے 153 رنز بنا کر ناٹ آؤٹ ہیں۔ دونوں کھلاڑی میچ کے دوسرے روز ناردرن کی جانب سے کھیل کا دوبارہ آغاز
کریں گے۔سدرن پنجاب کی جانب سے میچ کے پہلے روز واحد وکٹ فاسٹ باؤلر راحت علی نے حاصل کی۔ادھر اقبال ا سٹیڈیم فیصل آباد میں سنٹرل پنجاب نے کامران اکمل کی ذمہ دارانہ بیٹنگ کی بدولت ناردرن کے خلاف 2وکٹوں کے نقصان پر 263 رنز بنالیے۔ اس سے قبل سندھ کے کپتان سرفراز احمد نے ٹاس کئے بغیر پہلے باؤلنگ کا فیصلہ کیا۔ مضبوط بیٹنگ لائن کپ کے باجو د سنٹرل پنجاب کے ابتدائی 3 کھلاڑی محض 38 رنز پرآؤٹ ہوکر پویلین واپس لوٹ گئے۔ سلمان بٹ 16 ، اظہر علی 1 اورعمر اکمل 13 کے انفرادی اسکور پر آوٹ ہوئے۔تجربہ کار وکٹ کیپر بیٹسمین کامران اکمل نے ذمہ دارانہ کھیل کا مظاہرہ کیا۔
انہوں نے اوپنر احمد شہزاد اور عثمان صلاح الدین کے ہمراہ بالترتیب 86 اور 66 رنز کی شراکت قائم کرکے ٹیم کو مشکلات کے بھنور سے نکالنے میں مدد دی۔ 99 گیندوں کا سامنا کرنے والے وکٹ کیپر بیٹسمین کامران اکمل 13 چوکوں اور 2 چھکوں کی مدد
سے 90 رنز بناکر آؤٹ ہوئے۔ دن کے اختتام پر فہیم اشرف 22 اور احسان عادل 9 رنز بنا کر کریز پر موجود ہیں۔ میچ کے پہلے روز سندھ کی جانب سے میر حمزہ ، تابش خان اور کاشف بھٹی نے 2،2 کھلاڑیوں کو پویلین کی راہ دکھائی۔اردو اک لمحہ فکریہ ، تحریرغلام فاطمہ
بلاشبہ ہماری قومی زبان اردو کی بے وقعتی ہمارے لئے ایک لمحہ فکریہ سے کم نہیں۔۔آج سے پہلے میں نے کبھی بھی اس نہج پر اس طرح نہیں سوچا جس طرح آج سوچ رہی ہوں۔۔۔
آج تک سارے تجزیاتی پروگرام اور جتنے بھی تفریحی پروگرام میں نے دیکھے اور سنے ان سب کا نقشہ میرے ذہن میں ابھر آیا کہ وہاں پر بھی ہمیں خالص اردو سننے کو نہیں ملتی اور نہ ہی ہم خود بولتے ہیں۔
آج پہلی بار مجھے ایک پاکستانی ہونے کے ناطے شدید شرمندگی ہوئی ہے کہ میں خود ہمیشہ انگریزی زبان کو اردو پر فوقیت دیتی رہی ہوں۔
انگریزی زبان کو ترقی دینے والے ہم خود ہیں۔انگریزوں نے جسمانی طور پر آج سے کئی سال پہلے ہمیں آزاد تو کر دیا لیکن ذہنی طور پر آج بھی ہم ان کے غلام ہی ہیں کیونکہ ہمیں ہماری قومی زبان بولتے ہوئے شرمندگی ہوتی ہے اور غیروں کی زبان پر ہم فخر محسوس کرتے ہیں۔مختلف زبانیں سیکھنا اور بولنا بہت اچھی بات ہے لیکن اس دوڑ میں ہم نے اپنی قومی زبان کے ساتھ شدید ناانصافی کر دی ہے اور اس کے ذمہ دار حکومتی اعوانوں میں بیٹھے اعلیٰ سطح کے عہدہ داروں سے لیکر ایک سبزی فروش تک سب ہیں۔ہم نے ہر جگہ یہ تحریر چسپاں کردی ہے کہ اچھی تعلیم اور اچھی نوکری کی گواہی صرف ایک چیز ہی دے گی اور وہ ہے اچھی انگریزی اور باقی ماندہ زبانیں۔
گھروں میں بچوں کو انگریزی پروگرام دکھائے جاتے ہیں تاکہ بچپن سے ہی ان کی ذہنی نشوونما میں وہی زبان رچ بس جائے۔اعلی ایوانوں غیر ملکی سرکاری دوروں میں بھی اپنی قومی زبان کو کوئی اہمیت نہیں دی جاتی جو کہ ہماری سستی نااہلی اور کاہلی کا منہ بولتا ثبوت ہے۔
انتہائی معزرت کے ساتھ جب تک آپ خود یعنی ہم یہ قوم
اور اس ملک کا ایک ایک شہری ایک ایک فرد اپنی قومی زبان کو عزت نہیں دے گا بالکل اسی طرح جس طرح گورے دیتے ہیں جس طرح چینی اور باقی ترقی یافتہ قومیں دیتی ہیں تب تک ہم کبھی بھی ترقی پزیر قوموں کی فہرست سے نہیں نکل سکیں گے۔
اس کے لئے قوم میں شعور اجاگر کرنے کی اشد ضرورت ہے اور اس کا بہترین ذریعہ جدید مواصلاتی نظام ہے۔تحریر غلام فاطمہ
ایشیا پیسفک بیس بال کے ڈائریکٹر تاکی ہارو ناسو پاکستان پہنچ گئے
پونی بیس بال انٹرنیشنل کے جاپان سے تعلق رکھنے والے ایشیا پیسفک بیس بال کے ڈائریکٹر تاکی ہارو ناسوپاکستان پہنچ گئے۔
پاکستان فیڈریشن بیس بال کے صدر سید فخر علی شاہ اور عہدیداران کے ہمراہ ان کا پرتپاک استقبال کیا ۔ سید فخر علی شاہ نے ان کی آمد کو یوتھ بیس بال کے فروغ کے لئے سنگ میل قرار دیا۔ میڈیا سے گفتگو کرتے ہوئے ڈائریکٹر نے کہا کہ میں پاکستان میں بیس بال خصوصاً یوتھ بیس بال کے فروغ کے لئے پاکستان کي بيس بال فيڈريشن کے اقدامات سے متاثر ہيں اور میرے آنے کا مقصد فروغ کے عمل میں تیزی لانا ہے
ہمارے کھلاری آسٹریلیا کو سرپرائز دینے کی صلاحیت رکھتے ہیں ، مصباح الحق
بعد ازں انہوں نے فیڈریشن کے صدر سید فخر علی شاہ کے ہمراہ اکبر حسین درانی وفاقی سیکرٹری برائے بین الصوبائی رابطہ (منسٹری آف آئی پی سی) سے ملاقات کی۔ اکبر حسین درانی نے بتایا کہ حکومت بیس بال کی ترویج کے لئے فیڈریشن کی ہر ممکن مدد کررہی ہے ۔ دونوں جاپانی آفیشلز کو صوابی میں موجود یار حسین بیس بال اکیڈمی کا دورہ کرایا جائے گاجہاں وہ کھلاڑیوں کو دی جانے والی تربیت کا جائزہ لیں گے۔ اس کے علاوہ اسلام آبا د ميں بھي بیس بال کی ٹریننگ کا جائزہ ليں گے ۔
ہمارے کھلاڑی آسٹریلیا کو سرپرائز دینے کی صلاحیت رکھتے ہیں ، مصباح الحق
قومي کرکٹ ٹيم نے آسٹریلیا کی سرزمین پر ڈیرے ڈال لیے اور ٹي ٹوينٹي سيريز سے قبل پريکٹس سيشن ميں شرکت کی،
ٹرئينگ سيشن کے بعد غيرملکي ميڈيا سے گفتگو کرت ہوئے ہيڈ کوچ مصباح الحق کا کہنا تھا کہ آسٹريليا ميں اچھي کارکردگي دکھانا اور کاميابي حاصل کرنا ہميشہ ايک چيلنج رہا ہے اور ہر ٹیم کیلئے آسٹریلیا کي ان کنڈيشن ميں کھیلنا ایک چیلنج ہوتا ہے لیکن پاکستان کی نوجوان ٹیم کیلئے یہ اور بھی بڑا چیلنج ہے۔ مصباح الحق کا کہنا تھا کہ اگر ٹیم نے تمام شعبوں میں کنڈیشنز کے مطابق اچھی کارکردگی دکھائی توہم بہتر نتائج دے سکتے ہیں۔ پاکستان کرکٹ ٹیم کے سابق اسٹار لیگ اسپنر عبدالقادر کے صاحبزادے لیگ اسپنر عثمان قادر کی قومی ٹیم میں شمولیت کے سوال پر مصباح کا کہنا تھا کہ آسٹریلیا میں کھیلنے کی وجہ سے عثمان قادر یہاں کی کنڈیشنز سے اچھی طرح واقف ہیں۔
Leg Spinner Usman Qadir اس سوال پر کہ’ قومی ٹیم کی غیر متوقع اور سرپرائز کارکردگی دکھانے کی عادت آسٹریلیا کیلئے باعث خوف بھی ہوسکتی ہے؟’ ان کا کہنا تھا کہ ہم اس بات کا فائدہ اٹھانے کی کوشش کریں گے لیکن ہماری کوشش ہے کہ اپنی کارکردگی میں تسلسل لایا جائے۔ نوجوان فاسٹ بولر نسیم شاہ کے حوالے سے ان کا کہنا تھا کہ وہ اچھی بولنگ کررہے ہیں اور صرف تیز بولنگ ہی ان کی خاصیت نہیں بلکہ انہوں نے لائن اور لینتھ پر بھی بہتر کنٹرول کا بھی مظاہرہ کیا ہے۔ ان کا کہنا تھا کہ ‘کسی بھی کپتان کیلئے ہمیشہ میرا یہی مشورہ رہا ہے کہ ٹیم کی کارکردگی تو اپنی جگہ اہم ہے لیکن کپتان کیلئے بطور کھلاڑی ٹیم میں کردار ادا کرنا سب سے زیادہ اہم ہوتا ہے’۔انہوں نے کہا کہ اظہر علی اور بابر اعظم اچھے بیٹسمین ہیں اور ان دونوں کیلئے سب سے اہم یہ ہے کہ وہ بطور بیٹسمین اپنی کارکردگی پر سب سے پہلے فوکس رکھیں۔
Fast Bowler Nasim Shah مصباح نے کہا کہ ٹیم میں ہر کھلاڑی پروفیشنل ہوتا ہے، ہر کھلاڑی کو معلوم ہوتا ہے کہ اسے کیا پرفارمنس دینی ہے، کپتان کا کام انہیں آپریٹ کرنا ہوتا ہے، وقت کے ساتھ انسان سیکھتا ہے، ابتداء میں کپتانی کا پریشر ہوتا ہے لیکن میری ذاتی رائے یہ ہے کہ جب آپ پر ذمہ داری آتی ہے تو کئی دفعہ اس سے آپ کی کارکردگی بہتر ہوتی ہے۔ مصباح نے کہا کہ بابراعظم ٹی ٹوئنٹی کا بہترین بیٹسمین ہے اور اگر وہ اپنی پرفارمنس برقرار رکھے گا تو اسے اپنی کپتانی میں بھی اس کا فائدہ ہوگا۔
دنیا میں آج بھی کتنے انسان بھوکے پیٹ سوتے ہیں ؟
آج کی ترقی یافتہ دنیا میں کل 7 ارب سے زائد انسان بستے ہیں جن میں سے ایک ارب سے زیادہ لوگوں کو بھوک کا سامنا ہے،جبکہ صرف ایشیا میں 50 کروڑ انسانوں کو بھوک کو سامنا ہے
غیر سرکاری عالمی تنظیم "ورلڈ ہنگر ہیلپ” کے مطابق دنیا بھر میں ایک ارب سے زائد انسانوں کو بھوک کا سامنا ہے جن میں سے نصف تعداد کو ایک وقت کے کھانے تک کی رسائی بھی نہیں ہے اور ان کا تعلق براعظم ایشیا سے ہے، ورلڈ ہنگر انڈیکس 2019 کے مطابق بھوک سے زیادہ متاثر ہونے والے ممالک میں وسطی افریقی جمہوریہ ، یمن، چاڈ، مڈغاسکر اور زیمبیا شامل ہیں ، رپورٹ کے مطابق دنیا بھر کے 117 ممالک کے اعداد شمار کے مطابق 43 فیصد ممالک میں بھوک کے مسئلہ کی صورتحال انتہائی سنجیدہ ہے، رپورٹ کے مطابق دنیا میں اس وقت ہر نو میں سے ایک انسان کو بھوک کا سامنا ہے اور گزشتہ تین سال کے دوران بھوک کے شکار انسانوں کی تعداد میں دو کروڑ سے زیادہ کا اضافہ ہوا ہے
مشکلات سے دو چار تاجروں کو "کنٹینر بحران ” کا سامنا
آزادی مارچ کی بازگشت کے باعث قانون نافذ کرنے والے اداروں نے بڑی تعداد میں کنٹینر طلب کر لیے ہیں جس کے پیش نظر برآمدات کو بندرگاہوں تک پہنچانے میں بڑی مشکل درپیش ہے اور تاجر برادری کی پریشانیوں میں بھی شدید اضافہ ہو گیا ہے ،
موجودہ صورتحال میں برآمدات کی ترسیل بندرگاہوں تک نہیں پہنچ رہی ہے اور جہاز بغیر سامان سامان کے سفر کر رہے ہیں۔ پاکستان ٹیکسٹائل ایکسپورٹرز ایسوسی ایشن کے مطابق ، بین الاقوامی وعدوں کی عدم تکمیل تنازعات ، صارفین کا نقصان اور مارکیٹ شیئر کے ساتھ ساتھ پاکستان کے امیج کو نقصان پہنچائے گی۔پی ٹی ای اے کے چیئرمین سہیل پاشا نے ہفتے کو ایک پریس ریلیز میں کہا
"یہ صنعت کے لئے پریشانی کی بات ہے کیونکہ قانون نافذ کرنے والی ایجنسیوں نے مختلف شہروں میں مرکزی سڑکوں کو روکنے کے لئے بڑے پیمانے پر برآمدی سامان سے لدے کنٹینرز کو حراست میں لیا ہے۔ واقعی یہ انتہائی افسوسناک ہے ، ” برآمدات کیلئے تیار بڑی تعداد میں کنٹینروں کو سڑکیں بلاک کرنے کے لئے ضبط کرلیا گیا ہے۔ اس کے نتیجے میں ، ٹرک اور کنٹینر کمپنیاں ضبطی سے بچنے کیلئے اب اپنے باقی کنٹینرز اور ٹریلرز اپنے اسٹیشنوں پر رکھ رہے ہیں ،
غیر ملکی خریداروں کی دی گئی ڈیڈ لائن کے مطابق بھیجنے کے لئے تیار بڑی مقدار میں برآمدی جہاز وقت پر بندرگاہوں تک نہیں پہنچ پائے گی اور اس سے نہ صرف برآمد کنندگان کو بہت زیادہ نقصان ہوگا ، بلکہ قومی خزانے کو بھی۔ "پاکستان کی معیشت ایک خراب حالت میں ہے اور ملک کو محصولات میں اضافے کے لئے برآمدات میں اضافہ کرنے کی ضرورت ہے۔ تاہم ، کاروباری سرگرمیوں میں اس طرح کی رکاوٹیں اقوام عالم میں پاکستان کی منفی شبیہہ پیدا کرسکتی ہیں جو ملک سے سامان درآمد کرتی ہیں۔
لاہور چیمبر آف کامرس اینڈ انڈسٹری نے روڈ ناکہ بندی کے لئے کارگو کنٹینر لگائے جانے پر تشویش کا اظہار کرتے ہوئے حکام سے زور دیا ہے کہ ضروری ناکہ بندی کے لئے صرف خالی کنٹینرز ہی استعمال کریں کیونکہ قابل تجارت سامان رکھنے والے کنٹینرز کو عام طور پر تاجروں کو اربوں روپے کا نقصان اٹھانا پڑتا ہے۔ اور خاص طور پر برآمد کنندگان کا زیادہ نقصان ہوتا ہے ،
انہوں نے کہا ، "ایل سی سی آئی کو تاجروں کی طرف سے متعدد شکایات موصول ہوئی ہیں کہ کافی جگہوں پر حکام نے مواد سے بھرا ہوا کنٹینر استعمال کر رہے ہیں جو اچھی بات نہیں ہے کیونکہ بڑی تعداد میں صنعتی کیمیکل بہت خطرناک ہیں”۔پاکستان ہوزری مینوفیکچررز ایسوسی ایشن نے بھی قانون نافذ کرنے والے اداروں کی جانب سے پنجاب کے مختلف شہروں میں سامان سے لدے کنٹینرز کو غیر قانونی طور پر امپینڈ کرنے پر احتجاج کیا ہے۔ پولیس کے ذریعہ جے یو آئی-ایف کے آزادی مارچ کی وجہ سے سڑکیں بند کرنے کے بہانے "برآمدی سامان” کے کنٹینرز میں اضافہ نے لاکھوں ڈالر کے برآمدی احکامات کو داؤ پر لگا دیا ہے۔ پی ایچ ایم اے کے وائس چیئرمین شفیق بٹ نے وزیر اعظم کو مشیر برائے تجارت و ٹیکسٹائل عبد الرزاق داؤد ، تجارت اور ٹیکسٹائل کے سکریٹری ، وزیر اعلی پنجاب اور چیف سکریٹری کو خط میں کہا کہ حکومت کو فوری طور پر اس مسئلے کو اٹھانا چاہئے۔ ،
ضابطہ اخلاق کی خلاف ورزی پر انڈر 19 کرکٹرز کو جرمانہ
ضابطہ اخلاق کی خلاف ورزی کرنے پرانڈر 19 کرکٹر ز ابو حریرہ اور زین بن فاروق پر جرمانہ عائد کر دیا گیا
قومی انڈر 19 ایک روزہ کرکٹ ٹورنامنٹ کےمیچ میں نامناسب زبان کا استعمال کرنےپر سنٹرل پنجاب کے کرکٹرز ابو حریرہ اور زین بن فاروق پر میچ فیس کا 50،50 فیصد جرمانہ عائد کردیا گیا۔ سنٹرل پنجاب کے انڈر 19 کرکٹرز کورانا نوید کرکٹ اکیڈمی شیخوپورہ میں ناردرن کے خلاف میچ میں پی سی بی کوڈ آف کنڈکٹ برائے کھلاڑی اور اسپورٹ اسٹاف کے قانون کی خلاف ورزی کرتے ہوئے لیول 2 جرم کے مرتکب پایا گیا۔
بدھ کے روزکھیلے گئے میچ میں آن فیلڈ امپائرز قیصر خان اور وقار احمد نے دونوں کھلاڑیوں کوکھیل کی ساکھ کو نقصان پہنچانے سے متعلق پی سی بی کوڈ آف کنڈکٹ کے آرٹیکل 2.21 کی خلاف ورزی کرنے پر چارج کیا۔ اعتراف جرم کرنے پر میچ ریفری انعام اللہ نےسنٹرل پنجاب انڈر 19 کرکٹ ٹیم کے دونوں کھلاڑیوں پر جرمانہ عائد کردیا۔
انڈر 16 سیریز: پاکستان نے بنگلہ دیش کے خلاف پہلا تین روزہ میچ برابر کردیا
