چیرمین سینیٹ صادق سنجرانی نے کوئٹہ دھماکے میں قیمتی جانوں کےضیاع پراظہار افسوس کیا ہے،

کوئٹہ میں زوردار دھماکہ، 5 افراد جاں بحق، 36 سے زائد زخمی

باغی ٹی وی کی رپورٹ کے مطابق چیئرمین سینیٹ نے دھماکہ کی شدید مذمت کی اور کہا ہے کہ دہشت گرداپنےمکروہ عزائم میں کبھی کامیاب نہیں ہونگے، انہوں نے کہاکہ ملک و قوم کیلیے شہداکی عظیم قربانیاں کبھی فراموش نہیں کی جائیں گی،

واضح‌ رہے کہ آج کوئٹہ میں پولیس تھانہ کے سامنے دھماکہ ہوا ہے جس میں پانچ افراد جاں بحق اور تیس سے زائد زخمی ہوئے ہیں، وزیر اعظم عمران خان اور دیگر نے دہشت گردی کے اس واقعہ کی شدید مذمت کی ہے،

جعلی اکاﺅنٹس کیس میں نیب کے ساتھ پلی بارگین کا آغاز ہوگیا ہے اور پہلی قسط کے طور پر ایک ارب 11 کروڑ روپے جمع ہوگئے ہیں، یہ دعویٰ سینئر صحافی اور اینکر کامران خان نے کیا ہے ان کے اس دعویٰ کے بعد یہ خبر سوشل میڈیا پر بہت تیزی سے وائرل ہوئی ہے،

باغی ٹی وی کی رپورٹ‌ کے مطابق سینئر صحافی کامران خان نے پاکستانی عوام کو مبارکباد دی اور کہا ہے کہ اب نہ تو اومنی گروپ بچے گا اور نہ ہی زرداری مافیا بچے گا. ان کا کہنا تھا کہ جعلی ینک اکاؤنٹس اور منی لانڈرنگ کیس کے درجنوں معاملات چل رہے ہیں تاہم کرپشن کے ان بڑے کیسوں میں بیسیوں‌ ملزمان میں سے پہلے دو نے آج نیب سے دو ارب 30کروڑ کی پلی بار گین کر لی ہے اور ایک ارب 11 کروڑ رپے جمع کرا دیے ہیں،

سابق صدر آصف علی زرداری ماضی میں کہتے رہے ہیں کہ وہ کسی کو سات ارب ڈالر تو کیا سات ڈالر بھی نہیں دیں‌ گے لیکن اب پلی بارگین کی یہ خبریں‌ عام زیر بحث ہیں، واضح‌ رہے کہ سال2015 کے جعلی اکاؤنٹس اور فرضی لین دین کے مقدمے کے حوالے سے سابق صدر اور پاکستان پیپلز پارٹی (پی پی پی) کے شریک چیئرمین آصف زرداری، ان کی بہن فریال تالپور اور بڑے بڑے کاروباری شراکت داروں سے تحقیقات کی جارہی ہیں، اس سلسلے میں ایف آئی اے نے ابتدائی طور پر معروف بینکر حسین لوائی کو گرفتار کیا تھا، جس کے بعد گزشتہ اگست میں جعلی اکاؤنٹس کیس میں ہی اومنی گروپ کے چیئرمین انور مجید اور ان کے بیٹے عبدالغنی مجید کو بھی گرفتار کر لیا گیا تھا۔

7 ستمبر 2018 کو سپریم کورٹ نے سابق صدر مملکت اور ان کی بہن کی جانب سے مبینہ طور پر جعلی اکاؤنٹس کے ذریعے اربوں روپے کی منی لانڈرنگ کیے جانے کے مقدمے کی تحقیقات کے لیے جوائنٹ انویسٹی گیشن ٹیم (جے آئی ٹی) تشکیل دی تھی۔

اپوزیشن کی طرف سے نامزد چیئرمین سینیٹ کے امیدوار میر حاصل بزنجو کی طرف سے اپوزیشن جماعتوں کے سینیٹرز کے اعزاز میں عشائیہ دیا جائے گا،

باغی ٹی وی کی رپورٹ کے مطابق مسلم لیگ ن کی نائب صدر مریم نواز نے بھی اس عشائیہ میں شرکت کا عندیہ دیا ہے، میر حاصل بزنجو کی جانب سے مریم نواز کو ٹیلیفون پر شرکت کی دعوت دی گئی ہے. یہ عشائیہ سرینا ہوٹل اسلام آباد میں دیا جائے گا،

اپوزیشن جماعتیں‌ سینیٹ میں تحریک عدم اعتماد کے حوالہ سے حکومت کے خلاف ڈٹ گئی ہیں، اپوزیشن لیڈر شہباز شریف نے کہا ہے کہ چیئرمین سینیٹ کوہٹانےسےمتعلق اپوزیشن کےفیصلے کو سراہتا ہوں، اسی طرح بلاول بھٹو زرداری نے کہا ہے کہ وہ میر حاصل بزنجو کو چیئرمین سینیٹ منتخب کروائیں گے، مجھے پتہ ہے دباؤ ہوتا ہے لیکن آپ نے جمہوریت کےساتھ کھڑے ہونا ہے، بلاول بھٹو کا کہنا تھا کہ سینیٹ میں ہم حکومت کا مقابلہ کریں گے،

میر حاصل بزنجو کے عشائیہ میں تمام اپوزیشن سینیٹرز نے شرکت کا عندیہ دیا ہے،

وزیر اعظم پاکستان عمران خان نے کوئٹہ بم دھماکہ کی شدید مذمت کی ہے،

باغی ٹی وی کی رپورٹ‌ کے مطابق وزیر اعظم عمران خان نے دھماکہ میں جاں‌ بحق ہونے والے افراد کے اہل خانہ سے تعزیت کرتے ہوئے اس افسوسناک واقعہ پر گہرے دکھ اور رنج و غم کا اظہار کیا ہے،

وزیر اعظم نے زخمیوں کو بہترین طبی سہولیات فراہم کرنےکی ہدایت کی ہے، واضح‌ رہے کہ آج کوئٹہ میں تھانہ کے سامنے ہونے والے دھماکہ میں 5 افراد جاں بحق اور 30 سے زائد زخمی ہوئے ہیں.