Tag: Baagji

قصور
شہریوں نے آئی جی پنجاب و ڈی پی او قصور سے مال مسروقہ میں ملنے والی موٹر سائیکلوں کے نمبرز جاری کرنے کی استدعا کر دی

تفصیلات کے مطابق شہریوں نے ڈی پی او قصور و آئی جی پنجاب سے استدعا کی ہے کہ پولیس کی طرف سے مال مسروقہ میں ملنے والی موٹر سائیکلوں کے نمبرز و انجن و چیسز پریس بریفننگ کے دوران بتائے جائیں تاکہ میڈیا نمائندگان کی وساطت سے لوگوں کو معلوم ہو کہ ان کی چوری و چھینی گئی موٹر سائیکلیں برآمد ہو گئی ہیں اور ان کی موٹر سائیکل فلاں تھانے میں برآمد کر کے رکھی گئی ہے تاکہ لوگوں کی قیمتی موٹر سائیکلیں پولیس اہلکار ذاتی استعمال نا کر سکیں اور نا ہی مال خانے میں پڑی پڑی ناکارہ ہو جائیں
شہریوں نے استدعا کی ہے کہ براہ کرم شہریوں کی فریاد پہ ان کے مطالبے کو پورا کیا جائے

قصور
چھانگامانگا میں باؤلے کتوں نے شہریوں کا جینا دوبھر کر دیا گزشتہ ایک دن میں تین معصوم بچیوں سمیت چار نوجوان افراد شدید زخمی شہری خوف میں مبتلا ہو گئے،
تفصیلات کے مطابق
چھانگامانگا میں باؤلے کتوں کا راج گزشتہ ایک دن میں,تین معصوم بچیوں سمیت 4افراد کو کاٹ کر شدید زخمی کر دیا جن میں ایک سالہ کمسن بچی ثناء،آٹھ ماہ کی خدیجہ، 12سالہ فاطمہ،شامل ہیں جبکہ جواں سالہ زمان،سمیت تین افراد بھی باؤلے کتے کے ہٹھے چڑھ گئے جن میں سے دو افراد ٹی ایچ کیو ہسپتال چونیاں منتقل کر دیئے گئے ہیں جبکہ باقی تین بچیوں سمیت متاثرہ افراد کو ضروری ادویات کے بعد گھروں میں محصور کر دیا گیا چھانگامانگا میں ان باؤلے کتوں کے باعث خوف کی فضاء پھیل گئی ہے جب کہ مقامی انتظامیہ خاموش تماشائی کا کردار ادا کر رہی ہے شہریوں نے اعلیٰ حکام سے فوری نوٹس لینے کا مطالبہ کیا ہے

قصور
تحصیل چونیاں کے قصبے الہ آباد کے نواحی گاؤں بھاگیوال 1 میں کل بروز جمعہ بلڈ کیمپ کا انعقاد کیا گیا

تفصیلات کے مطابق تحصیل چونیاں قصور کے گاؤں بھاگیوال 1 میں اتفاق ویلفیر سوسائٹی نے معروف سیاسی شحضیت مسکین پاشا کے زیر سایہ بلڈ کیمپ کا انعقاد کیا جس میں دو سو کے قریب لوگوں نے اپنا خون ٹیسٹ کروا کے رجسٹر میں اندراج کروا اور وعدہ کیا کہ جب بھی کسی ضرورت مند کو ضرورت ہو گی ہم ان شاءاللہ فوری فی سبیل اللہ خون عطیہ کرنے کے لئے پہنچیں گے اس کے فوری ضرورت کے چار مریضوں کو کل ہی خون عطیہ کیا گیا
اہل علاقہ نے اتفاق ویلفیر سوسائٹی اور معروف سیاسی شحضیت مسکین پاسا کا شکریہ ادا کیا اور نیک تمناؤں کا اظہار کیا
واضع رہے کہ اتفاق ویلفیر سوسائٹی اس کے علاوہ بھی بیوہ ،یتیم ،مسکینوں کی مالی اعانت کے علاوہ مساجد کی ضروریات کے لئے اپنی خدمات پیش کر رہی ہے
کرونا وبا میں گزشتہ سال سوسائٹی نے سینکڑوں لوگوں کو آٹا،چینی،دالیں چاول اور دیگر ضروریات زندگی کی اشیاء فراہم کی تھیں اور ان کا فی سبیل اللہ کام اب بھی جاری ہے

قصور
بڑھتی ہوئی وارداتوں کے پیش نظر تھانہ صدر کی چوکی کھارا نے گشت بڑھا دیا ،صبح سے رات تک موٹرسائیکلوں، کاروں کی جامع تلاشی مکمل جانچ پڑتال کے بعد جانے دیا جا رہا ہے جبکہ بغیر نمبر پلیٹ گاڑیوں کو بند جا رہا ہے،گشت سے وارداتوں میں نمایا کمی ہوئی شہریوں کا مؤقف
تفصیلات کے مطابق بڑھتی ہوئی وارداتوں کے پیش نظر ڈی پی او قصور کے حکم پر تھانہ صدر قصور کی چوکی کھارا کے انچارج محمد مشتاق نے گشت کا دائرہ کار بڑھا دیا ہے کل سارا دن اور رات مختلف مقامات پر ناکے لگا کر موٹر سائیکلوں اور گاڑیوں کی جامع تلاشی کی گئی جبکہ بغیر نمبر پلیٹ گاڑیوں موٹر سائیکلوں کو بند کیا گیا
گشت پر شہریوں نے اظہار اطمینان کیا اور مطالبہ کیا کہ گشت کا سلسلہ جاری رہنا چائیے جبکہ محمد مشتاق چوکی انچارج نے کہا کہ گشت کا سلسلہ جاری رہے گا اور بغیر تفریق کے بغیر نمبر پلیٹ گاڑیوں کو بند کیا جائے گا نیز کسی بھی مسئلے کی صورت میں میں عوام کے لئے حاضر ہوں لوگ بلا تفریق شکایات کے لئے میرے پاس تشریف لائیں میں میرٹ پر فیصلے کرونگا

قصور
پولیس کے منع کرنے کے باوجود شہری پتنگ بازی سے باز نا آئے ،قصور پولیس کی طرف سے ابتک کئی گرفتاریقں کرکے ڈور و پتنگیں قبضہ میں لی گئی ہیں مگر پھر بھی ڈور پتنگوں کی تیاری و اڑان جاری
تفصیلات کے مطابق قصور میں سرعام پتنگ بازی جاری ہے ابتک قصور پولیس کی جانب سے درجنوں لوگوں کو گرفتار کرکے ڈور و پتنگیں قبضہ میں لی گئی ہیں تاہم پھر بھی ڈور و پتنگوں کی اڑان جاری ہے جو کہ شہریوں کے لئے انتہائی خطرہ ہے
اکثر و بیشتر ڈور سڑکوں پر گری ہوئی ہوتی ہے جس سے موٹر سائیکل سواروں اور پیدل گزرنے والوں کو سخت خطرہ رہتا ہے
لوگوں نے ڈی پی او قصور سے ڈور و پتنگ سازوں اور پتنگ بازوں کے خلاف کاروائی تیز کرنے کا مطالبہ کیا ہے تاکہ لوگوں کی قیمتیں جانیں اس خطرناک کھیل سے خطرے میں نا پڑیں

قصور
پٹرولنگ پولیس کی جانب سے موسم بہار کی آمد پر شجرکاری مہم کا آغاز کیا گیا
ماحول دوستی ہی دراصل انسان دوستی ہے
غیاث الدین ڈی ایس پی پٹرولنگ قصور
تفصیلات کے مطابق موسم بہار کی متوقع آمد پر پٹرولنگ پولیس قصور کی جانب سے شجرکاری مہم کا آغاز کردیا گیا ہے فوکل پرسن معروف احمد سب انسپکٹر کے مطابق ایس پی پٹرولنگ میڈم شائستہ ندیم کی خصوصی ہدایت پر ڈی ایس پی پٹرولنگ غیاث الدین کی زیرنگرانی ضلع قصور کی تمام پٹرولنگ پوسٹوں پر اور ان کے بیٹ ایریاز میں گرین بیلٹ اور سڑکوں کے کنارے بھرپور شجرکاری کی جائے گی اور اس حوالے سے محکمہ جنگلات کے ساتھ مل کر پوسٹوں کے گردونواح کو سرسبز و شاداب بنایا جائے گا اور ہر پٹرولنگ اہلکار اور افسر کم از کم پانچ پانچ پودے لگائے گا اور ان کی نگہداشت کا خیال رکھے گا اس موقع پر ڈی ایس پی پٹرولنگ محمد غیاث الدین نے پودا لگا کر شجرکاری مہم کا آغاز کیا اور صحافیوں کو بریفنگ دیتے ہوئے بتایا کہ شجرکاری ماحول دوستی کی علامت ہے جو دراصل انسان دوستی ہے کیونکہ شجرکاری سے انسان کی فلاح و بہبود منسلک ہے اور اس سے مجموعی طور پر پوری انسانیت کو فائدہ پہنچتا ہے اس لیے ہمارا فرض ہے کہ انفرادی اور اجتماعی طور پر شجرکاری مہم کا حصہ بنیں

قصور
الہ آباد میں سات سالہ بچے سے بدفعلی کی کوشش ملزم فرار مقدمہ درج
تفصیلات کے مطابق الہ آباد میں سات سالہ بچے سے زیادتی کی کوشش کرنے والا ملزم فرار ہقگیا
جبکہ پولیس نے مقدمہ درج تفتیش شروع کر دی الہ آباد کے نواحی گاؤں سریسر ہٹھاڑ کے رہائشی شبیر احمد نے الہ آباد پولیس کو درخواست دی کہ ملزم غفار نے میرے سات سالہ بیٹے کو دوپہر تین بجے کے قریب ورغلا کر اپنے قریبی خالی مکان میں لے گیا اور لڑکے کی شلوار اتار کر فحش حرکات کرتا رہا اور زیادتی کی کوشش کی الہ آباد پولیس نے مقدمہ نمبری 452/20 درج کر کے تفتیش شروع کر دی ہے تاہم ملزم فرار ہونے میں کامیاب ہو گیا ہے پولیس نے ملزم کے بھائی کو حراست میں لے لیا ہے

قصور
پولیس کی پیشہ وارانہ خدمات جاری چند روز قبل خاتون کے اندوہناک قتل میں ملوث ملزم کو گرفتار کر لیا لوگوں کا اظہار تشکر

تفصیلات کے مطابق تھانہ بی ڈویژن کے علاقہ سلیم ٹاؤن میں نامعلوم ملزمان نے چند روز قبل خاتون کو بے دردی سے قتل کر کے لاش پھینک دی تھی خاتون کی شناخت ذاہرہ بی بی سکنہ رہائشی حنفیہ سکول قصور سے ہوئی تھی جس پر تھانہ بی ڈویژن پولیس نے اے ایس پی سٹی ڈاکٹر عبدالحنان کی خصوصی ہدایات پر اپنی پیشہ وارانہ صلاحیتوں اور جدید ٹیکنالوجی کو بروئے کار لاتے ہوئے ملزم بلال کو ٹریس کر کے گرفتار کر لیا ہے
. تھانہ بی ڈویژن پولیس نے ملزم بلال کے اعتراف جرم کے بعد مزید تفتیش شروع کر دی ہے جس سے مذید گرفتاریاں متوقع ہیں