بنگلہ دیش کی مفرور سابق وزیر اعظم شیخ حسینہ نے کہا کہ مجھے اس بات کا یقین ہے کہ اللہ نے مجھے واپسی کیلئے زندہ رکھا ہے۔
باغی ٹی وی: بھارتی میڈیا رپورٹس کے مطابق پیر کو ایک عوامی تقریب سے خطاب میں شیخ حسینہ واجد نے کہا کہ وہ اقتدار میں واپس آکر متاثرین کے اہل خانہ کو انصاف کی فراہمی کو یقینی بنائیں گی وہ بنگلادیش کے ہر متاثرہ خاندان کی مدد کریں گی اور اس بات کو یقینی بنائے گی کہ ذمہ داروں کو انصاف کے کٹہرے میں لایا جائے مجھے اس بات کا یقین ہے کہ اللہ نے مجھے واپسی کیلئے زندہ رکھا ہے۔
رپورٹ کے مطابق شیخ حسینہ نے کہا کہ گزشتہ برس جولائی اور اگست میں طلباء کے احتجاج کے دوران جو لوگ مارے گئے وہ پولیس کی گولی سے نہیں مرے اگر پوسٹ مارٹم ابھی کرائے جائیں تو وہ ثابت کریں گے کہ ان کا دعویٰ درست ہے، اگر ابھی پوسٹ مارٹم کرایا جاتا ہے تو یہ ظاہر کرے گا کہ ان کی موت پولیس کی گولی سے نہیں ہوئی –
دو ریاستی حل پر مبنی امن کے لئے عرب وژن ضروری،تجزیہ شہزاد قریشی
انہوں نے پولیس کا دفاع کرتے ہوئے کہا کہ میں نے ”زیادہ سے زیادہ تحمل“ سے کام لیا اور صرف اس وقت جواب دیا جب مجھ پر حملہ کیا گیا ابو سعید کیس میں پولیس نے حملہ کے بعد کارروائی کی، وزیر اعظم کے طور پر ان کے دور میں پولیس بہت محتاط تھی تاہم کچھ پولیس افسران کو منصوبہ بندی کے تحت ہلاک کیا گیا۔
حسینہ نے بنگلادیشی عبوری مخلوط حکومت کے سربراہ محمد یونس کو تنقید کا نشانہ بناتے ہوئے کہا کہ وہ حکومت کرنے کے قابل نہیں ہیں،یونس نے خود اعتراف کیا کہ وہ ملک نہیں چلا سکتے، شیخ حسینہ نے دعویٰ کیا کہ سرکاری عمارتوں اور افسران پر حملے ظاہر کرتے ہیں کہ وہ کس قدر غیر موثر ہے۔
ازبکستان میں پاکستانیوں پر ملازمت کے حصول پر عائد پابندی ختم ،اہم ہدایات جاری
رپورٹ کے مطابق شیخ حسینہ نے محمد یونس پر ڈھاکہ میں اپنے خاندانی گھر کو جلانے کی منصوبہ بندی کا بھی الزام عائد کیا اور کہا کہ بنگ بندھو کی رہائش گاہ کو جلا دیا گیا تھا میں نے وہ گھر عوام کو دیا تھا، اور اسے تباہ کر دیا گیا یہ محمد یونس کا منصوبہ تھا۔
واضح رہے کہ حسینہ واجد گزشتہ سال شدید عوامی احتجاج کے بعد بنگلادیش سے فرار ہوکر بھارت چلی گئی تھیں۔
دو ریاستی حل پر مبنی امن کے لئے عرب وژن ضروری،تجزیہ شہزاد قریشی
