Baaghi TV

Tag: bol news

  • کیا پیسے سےعزت سے بڑھ سکتی ہے، آپس میں مل بیٹھ کر صلح کرلیں،عدالت کا مکالمہ

    کیا پیسے سےعزت سے بڑھ سکتی ہے، آپس میں مل بیٹھ کر صلح کرلیں،عدالت کا مکالمہ

    کیا پیسے سے عزت سے بڑھ سکتی ہے، آپس میں مل بیٹھ کر صلح کرلیں،

    کراچی: ایڈیشنل ڈسٹرکٹ اینڈ سیشن جج ساوتھ ،صوبائی وزیر سعید غنی کی جانب سے اپوزیشن لیڈر حلیم عادل شیخ کے خلاف کیسز کی سماعت ہوئی

    سعید غنی اور حلیم عادل شیخ کے وکلا عدالت میں پیش ہوئے، عدالت نے سعید غنی سے مکالمہ کرتے ہوئے کہا کہ آپ نے حلیم عادل شیخ کے خلاف ہتک عزت کا کیس کیا ہے؟ کیا پیسے سے عزت سے بڑھ سکتی ہے، آپس میں مل بیٹھ کر صلح کرلیں،سعید غنی نے عدالت میں کہا کہ یہ معافی نامہ لکھ کردیں تو کیس ختم کرنے کے لیے تیار ہوں، وکیل حلیم عادل شیخ نے کہا کہ مل بیٹھ کر بات کرنے کے لیے تیار ہیں مگر معافی نامہ لکھ نہیں دیں گے، فریقین نے عدالت سے صلح کرانے کے مہلت طلب کر لی، عدالت نے صلح کے مہلت دیتے ہوئے کیس کی سماعت 16فروری تک ملتوی کردی

    خیبرپختونخوا حکومت کا ہیلی کاپٹر جلسوں میں استعمال کیا جا رہا ہے،وفاقی وزیر اطلاعات

    وہ کون ہے جس نے احسان فراموش عمران خان کیلیے ملک کی بقا کی خاطر سب کچھ کیا؟

    کارکن تپتی دھوپ میں سڑکوں پرخوار،موصوف ہیلی کاپٹر پرسوار،مریم کا عمران خان پر طنز

    عدالت پیشی کے موقع پر حلیم عادل شیخ کا کہنا تھا کہ ہمارے پاس صرف زبان ہوتی ہے، جس کو جرم بنادیا گیا ہے ، میں نے عوام کے ایشو پر بات کی تو عدالت میں کمپلینٹ کردی گئی،نا ہمیں کوئی خرید سکتا ہے، نا کوئی ڈرا سکتا ہے ، پیپلز پارٹی کی ایک ٹیم کورٹ میں اور ایک ٹیم پولیس کے ذریعے ہمیں مصروف رکھتی ہے ،سعید غنی کے بھائی کے فارم 11, 12, اور 13 میں فرق ہے ، ان سے کوئی پوچھنے والا نہیں ، کراچی میں بلدیاتی الیکشن کو ہم نہیں مانتے ،ہماری 85 سے 100 کے درمیان سیٹیں چھینی گئی ہیں،الیکشن کمیشن کو استعفیٰ دینا چاہیے،

  • پنجاب اور کے پی عام انتخابات میں آر ٹی ایس استعمال نہ کرنے کا فیصلہ

    پنجاب اور کے پی عام انتخابات میں آر ٹی ایس استعمال نہ کرنے کا فیصلہ

    پنجاب اور کے پی عام انتخابات میں آر ٹی ایس استعمال نہ کرنے کا فیصلہ

    الیکشن کمیشن نے پنجاب اور خیبر پختونخوا کے عام انتخابات میں رزلٹ ٹرانسمیشن سسٹم (آر ٹی ایس) استعمال نہ کرنے کا فیصلہ کیا ہے۔ ذرائع کے مطابق دونوں صوبوں میں عام انتخابات، الیکشن 2018ء میں استعمال کردہ رزلٹ مینجمنٹ سسٹم (آر ایم ایس) کے ذریعے کروائے جانے کا فیصلہ کیا گیا ہے۔ الیکشن کمیشن نے آر ایم ایس کو موڈیفائی کرنے کے لیے کروڑوں روپے کا ٹھیکہ بھی دے رکھا ہے.

    جس پر کمپنی آر ایم ایس کو موڈیفائی کر کے 2 ماہ تک الیکشن کمیشن کے حوالے کرے گی۔ الیکشن کمیشن ذرائع کا کہنا ہے کہ نیا موڈیفائیڈ آر ایم ایس ضمنی انتخاب میں تجربہ کیے بغیر کسی بھی الیکشن میں استعمال نہیں کیا جائے گا۔ صوبوں کے عام انتخابات پرانے آر ایم ایس ہی پر کروائے جائیں گے۔
    مزید یہ بھی پڑھیں؛
    بارشیں برسانے والا نیا سلسلہ 24 جنوری تک جاری رہنے کا امکان
    فیفا ورلڈ کپ ٹرافی جیتنے پر خراج تحسین،کسان نے مکئی کے کھیت میں میسی کی تصویر بنا دی
    رواں برس ہی روسی افواج کو یوکرینی علاقوں سے نکالنا بہت مشکل ہے،امریکا
    بلوچستان مالی بحران:فوری اقدامات نہ کئےتوہم سخت فیصلے کرنے پرمجبور ہوںگے، وزیراعلیٰ بلوچستان
    جوکچھ امریکن انٹرنیشنل اسکول میں طالبہ کے ساتھ سلوک ہوا اس کی مذمت کرتےہیں:سٹی سکول
    نیا پاکستان اورنیا پاکستان اسلامک سرٹیفکیٹ پرمنافع کی شرح میں اضافہ
    علاوہ ازیں الیکشن کمیشن نے عام انتخابات سے قبل پرانے آر ایم ایس کی ریہرسل کا فیصلہ کیا ہے، اس سلسلے میں صوبوں کے الیکشن سے قبل پرانے آر ایم ایس پر ایک دن کی موک ایکسرسائز بھی کی جائے گی۔ الیکشن کمیشن نے ملازمین کو آر ایم ایس کے استعمال کی ٹریننگ کا آغاز کر دیا۔

    دوسری جانب سوشل میڈیا پر بھی کچھ چیزیں گردش کرنے کو ملیں اور صارفین نے کہا کہ اس مشین کیلئے عمران خان جس کے بارے افواہ ہے کہ وہ امریکن شہریت کے حامل ہیں یعنی محمد طارق ملک کو اپنے دور میں چیئرمین نادرا لگایا تھا تاکہ وہ اس مشین میں الیکشن کمیشن کی مدد کرکے اور عمران خان نے دھاندلی کا بہت بڑا منصوبہ بنایا تھا جس میں آپ ووٹ کسی کو کرتے اور جاتا کسی اور تو لہذا الیکشن کمیشن نے اچھا فیصلہ کیا کہ اس مشین کو استعمال نہ کرنے کا فیصلہ کیا ہے.

  • خصوصی افراد کیلئے معذور لفظ کی اصطلاح استعمال کرنے سے عدالت نے روک دیا

    خصوصی افراد کیلئے معذور لفظ کی اصطلاح استعمال کرنے سے عدالت نے روک دیا

    سپریم کورٹ نے خصوصی افراد کیلئے معذور لفظ کی اصطلاح استعمال کرنے سے روک دیا

    جسٹس منصور علی شاہ نے آٹھ صفحات پر مشتمل فیصلہ تحریر کیا،پنجاب میں گریڈ 17 کی ملازمتوں میں اقلیتوں اور خصوصی افراد کے کوٹے سے متعلق کیس میں فیصلہ جاری کیا گیا، سپریم کورٹ نے تحریری فیصلے میں کہا کہ سپریم کورٹ ایک کیس میں کہہ چکی ہے کہ خصوصی افراد کیلئے معذور افراد کے الفاظ استعمال نہ کیے جائیں، پنجاب پبلک سروس کمیشن خصوصی افراد کیلئے معذور جیسے الفاظ استعمال نہ کرے، آئین پاکستان تمام شہریوں کو بلا امتیاز برابر حقوق فراہم کرتا ہے، عالمی رپورٹس کے مطابق منفی سماجی رویوں اور دفاتر تک رسائی میں مشکلات کے سبب خصوصی افراد عملی زندگی میں پیچھے رہ جاتے ہیں،

    سپریم کورٹ نے تحریری فیصلے میں کہا کہ ریاست کی ذمہ داری ہے کہ خصوصی افراد کے بنیادی حقوق کا مکمل تحفظ کرے،پاکستان میں اقلیتوں کی آبادی مجموعی آبادی کا تین فیصد ہے،قومی پرچم میں بھی اقلیتوں کی نمائندگی کی واضح جھلک ملتی ہے، قائد اعظم بھی مختلف مواقع پر اقلیتوں کے حقوق پر زور دیتے رہے،آئین پاکستان نے اقلیتی برادری کو مکمل مذہبی، معاشی اور سماجی تحفظ دے رکھا ہے،

    تمام گریڈ کی آسامیوں پر اقلیتی کوٹہ کا خیال رکھا جانا چاہیے،سینیٹ قائمہ کمیٹی میں مطالبہ

    آلو چھولے بیچنے والا جعلی پیر بنا تو کیا سلوک کیا گیا؟

    نوجوان جوڑے کو برہنہ کرنے کا کیس،ملزم عثمان مرزا کے والدین بھی عدالت پہنچ گئے

    نوجوان جوڑے کو برہنہ کرنے کا کیس،ملزم عثمان مرزا کے ریمانڈ میں توسیع

    نوجوان جوڑے کو برہنہ کرنے کا کیس،ریاست کو مدعی بننا چاہئے،صارفین

    نوجوان جوڑے کو برہنہ کرنے کا کیس، وزیراعظم نے بڑا اعلان کر دیا

    نوجوان جوڑے کو برہنہ کرنے کا کیس،جوڑے کے وارنٹ گرفتارری جاری

  • لطیف آفریدی قتل کیس: ملزم کو جوڈیشل ریمانڈ پر جیل بھیج دیا گیا

    لطیف آفریدی قتل کیس: ملزم کو جوڈیشل ریمانڈ پر جیل بھیج دیا گیا

    لطیف آفریدی قتل کیس: ملزم کو جوڈیشل ریمانڈ پر جیل بھیج دیا گیا

    عدالت نے سینئر وکیل لطیف آفریدی کو قتل کرنے والے ملزم عدنان آفریدی کو 14 روز جوڈیشل ریمانڈ پرجیل بھیج دیا۔ پشاورکی عدالت میں سینئر وکیل لطیف آفریدی قتل کیس کی سماعت ہوئی، جہاں ملزم عدنان آفریدی جوڈیشل مجسٹریٹ کی عدالت میں پیش کیا،عدالت نے ملزم کا 14 روزہ جوڈیشل ریمانڈ منظور کرکے جیل بھیج دیا۔

    واضح رہے کہ پشاورہائی کورٹ بار روم میں فائرنگ سے سپریم کورٹ بار ایسوسی ایشن کے سابق صدرعبدالطیف آفریدی جاں بحق ہوگئے تھے۔ فائرنگ کرنے والے شخص کو موقع پر ہی گرفتارکرلیا گیا، جس کی شناخت ایڈوکیٹ سمیع آفریدی کے نام سے ہوئی تھی۔ جبکہ خیبر پختونخوا بارکونسل نے ہڑتال و سوگ کا اعلان کردیا تھا.
    مزید یہ بھی پڑھیں؛
    بارشیں برسانے والا نیا سلسلہ 24 جنوری تک جاری رہنے کا امکان
    فیفا ورلڈ کپ ٹرافی جیتنے پر خراج تحسین،کسان نے مکئی کے کھیت میں میسی کی تصویر بنا دی
    رواں برس ہی روسی افواج کو یوکرینی علاقوں سے نکالنا بہت مشکل ہے،امریکا
    بلوچستان مالی بحران:فوری اقدامات نہ کئےتوہم سخت فیصلے کرنے پرمجبور ہوںگے، وزیراعلیٰ بلوچستان
    جوکچھ امریکن انٹرنیشنل اسکول میں طالبہ کے ساتھ سلوک ہوا اس کی مذمت کرتےہیں:سٹی سکول
    نیا پاکستان اورنیا پاکستان اسلامک سرٹیفکیٹ پرمنافع کی شرح میں اضافہ

    یاد رہے کہ فائرنگ کرنے والے شخص کو موقع پر ہی گرفتارکرلیا گیا، جس کی شناخت ایڈوکیٹ سمیع آفریدی کے نام سے ہوئی تھی فائرنگ کے نتیجے میں زخمی ہونے والےعبدالطیف آفریدی کو فوری طوراسپتال منتقل کیا تھا لیکن وہ زخموں کی تاب نہ لاتے ہوئے چل بسے تھے۔ عبدالطیف آفریدی قتل کے خلاف کے خیبر پختونخوا بارکونسل نے ہڑتال و سوگ کا اعلان کیا گیا تھا، بار کونسل کا کہنا تھا کہ 17 جنوری کو وکلا صوبہ بھرکی عدالتوں میں پیش نہیں ہونگے اور واقعہ پر3 دن پورے صوبے میں سوگ منایا گیا تھا.

    خیبر پختونخوا بارکونسل نے سیکیورٹی کوتاہی پراعلیٰ سطح تحقیقات کرانے کا مطالبہ کرتے ہوئے کہا تھا کہ واقعہ سے وکلا میں تشویش پائی گئی تھی جبکہ مطالبہ کیا گیا تھا وکلا تحفظ ایکٹ کو فوری طورپر نافذ العمل کیا جائے۔

  • احتساب عدالتوں سے کیسز واپسی کے بعد کیا ہوگا؟ اسلام آباد ہائیکورٹ کا فیصلہ جاری

    احتساب عدالتوں سے کیسز واپسی کے بعد کیا ہوگا؟ اسلام آباد ہائیکورٹ کا فیصلہ جاری

    احتساب عدالتوں سے کیسز واپسی کے بعد کیا ہوگا؟ اسلام آباد ہائیکورٹ کا اہم فیصلہ

    احتساب عدالتوں سے واپس ہونے والے ریفرنسز کا مستقبل کیا ہوگا، اس سلسلے میں اسلام آباد ہائی کورٹ نے اہم فیصلہ جاری کردیا۔ عدالت عالیہ کے جسٹس محسن اختر کیانی اور جسٹس ارباب محمد طاہر نے آدم امین چودھری کیس میں فیصلہ جاری کرتے ہوئے کہا ہے کہ کسی ملزم کے خلاف ریفرنس واپس ہوجانے کا مطلب کیس سے اس کی بریت نہیں۔ نیب کورٹس سے ریفرنس صرف دوسری عدالتوں کو منتقل ہو سکتے ہیں۔

    نیب قوانین میں ترامیم کے بعد احتساب عدالتوں سے کیسز کی واپسی سے متعلق اہم فیصلے میں اسلام آباد ہائی کورٹ نے کہا ہے کہ ریفرنس صرف نیب کو واپس کیے جانے کا قانون میں تصور موجود نہیں ہے۔ عدالت نے حکم دیا کہ نیب مقدمات کو دوسری عدالتوں میں منتقل کرنے سے متعلق احتساب عدالتوں کی ہر ممکن مدد کرے۔
    مزید یہ بھی پڑھیں؛
    بارشیں برسانے والا نیا سلسلہ 24 جنوری تک جاری رہنے کا امکان
    فیفا ورلڈ کپ ٹرافی جیتنے پر خراج تحسین،کسان نے مکئی کے کھیت میں میسی کی تصویر بنا دی
    رواں برس ہی روسی افواج کو یوکرینی علاقوں سے نکالنا بہت مشکل ہے،امریکا
    بلوچستان مالی بحران:فوری اقدامات نہ کئےتوہم سخت فیصلے کرنے پرمجبور ہوںگے، وزیراعلیٰ بلوچستان
    جوکچھ امریکن انٹرنیشنل اسکول میں طالبہ کے ساتھ سلوک ہوا اس کی مذمت کرتےہیں:سٹی سکول
    نیا پاکستان اورنیا پاکستان اسلامک سرٹیفکیٹ پرمنافع کی شرح میں اضافہ

    اسلام آباد ہائی کورٹ نے فیصلے میں کہا ہے کہ نیب نئے حقائق سامنے آنے پر ضمنی ریفرنس بھی احتساب عدالت کی اجازت سے دائر کر سکتا ہے۔ اکاؤنٹس منجمد کرنے کے جاری ہو چکے احکامات بھی اب نئی متعلقہ عدالتیں ہی ختم کر سکتی ہیں۔

  • نوجوان پاکستان کا مستقبل مگر؟ تجزیہ : شہزاد قریشی

    نوجوان پاکستان کا مستقبل مگر؟ تجزیہ : شہزاد قریشی

    آج 75 سالوں میں وطن عزیز جہاں کھڑا ہے اور جس حال میں کھڑا ہے یہاں تک پہنچانے میں آمریت اورجمہوریت کے علم برداروں دونوں کا ہاتھہ ہے۔ا س ملک اور عوام کے ساتھ بہت کھلواڑ ہو چکااس ملک کو پالیسی سازوں ،قانو ن سازوں ، معیشت دانوں کی ضرورت ہے۔ مسخرے سیاستدانوں نے اس ملک کو ہر سطح پر لاغر بنا دیا کیونکہ یہ خود بھی لاغر ہیں ان کی سوچ بھی لاغر ہو چکی ہے-

    کسی بھی ملک کا سرمایہ نوجوان ہوتے ہیں ملک کے پڑھے لکھے نوجوان بے روزگاری سے تنگ آکر جرائم کی دنیا میں جا رہے ہیں کچھ پڑھے لکھے نوجوان مجبوری سے سرکاری اور غیر سرکاری دفاتروں میں قاصد اور نائب قاصد کی نوکری کرنے پر مجبور ہیں۔ ملک کا بہترین سرمایہ اور اس کے روشن مستقبل کی ضمانت پڑھے لکھے نوجوان ہیں آج کے نوجوان کل کے نہایت ہی ذمہ دار افراد کہلائیں گے ملک کے فیصلہ ساز اداروں سیاسی رہنمائوں کو ملک کے اس مستقبل پر توجہ دینے کی ضرورت ہے۔

    لاکھڑاتی ٹانگوں والوں، لاغر جسم والوں کے لئے اقتدار میں لانے کے لیے سیاستدان ایک دوسرے کے لئے کوشش کر سکتے ہیں تو ملک کے مستقبل ان پڑھے لکھے نوجوان طبقہ کی فکر کون کرئے گا؟ملک میں نوجوانوں میں ایک عزم وحوصلہ موجود ہے لیکن انہیں تربیت اور حوصلہ افزائی کی ضرورت ہے ماضی کی حریف سیاسی جماعتوں پر مشتمل پی ڈی ایم ابھی تک تو ایک دوسرے کے ساتھ ہیں آگے چل کر کیا ہوگا یہ کہنا قبل از وقت ہے ۔

    ماضی میں پنجاب نواز لیگ کا گڑھ تھا لیکن اس قلعے میں نقب عمران خان نے لگائی ہے اسی طرح کراچی میں بلدیاتی انتخابات میں جماعت اسلامی نے نقب لگائی ہے پنجاب کو دوبارہ فتح کرنے کے لئے نواز شریف نے اختیارات کے ساتھ مریم نواز کو پنجاب فتح کرنے کے لئے لندن سے روانگی کا حکم دیا ہے ۔ دیکھنا یہ ہے کہ نواز لیگ کی مستقبل کی سیاست کا اونٹ کس کروٹ بیٹھے گا تاہم یہ بات طے ہے کہ مریم نواز کی مقبولیت عمران خان کی سیاست کا مقابلہ کر سکتی ہے دیکھنا یہ ہے کہ کیا مریم نواز پنجاب کو دوبارہ فتح کرنے میں کامیاب ہوجائیں گی۔ عمران خان نے بھی اعلان کیا ہےکہ اُن کے پاس ابھی بہت کارڈ ہیں جو کھیلیں گے۔ کیا مریم نواز ووٹ کو عزت دو کا کارڈ کھیلے گی یا پھر کوئی اور کارڈ کھیلیں گی۔

  • لاہور:نشےسےروکنے پر کلاس فیلوز کا طالبہ پر تشدد

    لاہور:نشےسےروکنے پر کلاس فیلوز کا طالبہ پر تشدد

    لاہور:لاہور کے تعلیمی اداروں میں بھی نشے کا رواج پکڑرہا ہے،کوئی نشہ کررہا ہے تو کوئی نشے سے روکنے کی کوشش کررہا ہے، ایسی ہی ایک کوشش ایک لڑکی کو مہنگی پڑگئی جب ڈیفنس کے نجی اسکول میں نشے سے روکنے پر طالبہ کو ساتھی لڑکیوں نے تشدد کا نشانہ بنا ڈالا۔

    گولیاں چل گئیں،سندھ یونیورسٹی جامشورو کی بس کے ڈرائیور کی ہوئی موت

    ایف آئی آر کے مطابق لاہور میں واقع ایک امریکن اسکول میں پیش آیا جہاں علیحہ عمران نامی لڑکی نے اپنے ساتھی گرلز سٹوڈنٹ ساتھی کو نشہ کرنے سے منع کیا کیا کہ وہ جان کی دشمن بن گئی

    بھائیوں سے پیسے کیوں نہیں منگوائے شوہر نے بیوی کے ساتھ کیا گھناؤنا کام

    واقعے کا مقدمہ طالبہ کے والد عمران کی مدعیت میں درج کر لیا گیا ہے۔ مقدمہ متن کے مطابق بیٹی کی کلاس فیلو جنت آوارہ اور نشے کا شوق رکھتی ہے ملزمہ جنت میری بیٹی کو نشے کا عادی بنانا چاہتی تھی۔

    فرسٹ ائیر کی طالبہ 25 روز بعد پولیس نے کروائی بازیاب

    متن میں کہا گیا ہے کہ جنت نے اپنی بہن کائنات، عمائمہ اور نور رحمان کو ساتھ ملاکرحملہ کیا ملزمان نےبیٹی کی سونےکی چین بھی چرا لی اورتشددبھی کیا۔اس ایف آئی آر میں یہ بھی بھی درج ہےکہ جب علیحہ عمران پرتشدد کیا جارہا تھا تو اس وقت وہاں کچھ لڑکے بھی پہنچ گئے اورانہوں نے تشدد زدہ علیحہ کی ویڈیوز بنائیں اور پھر وائرل کردیں‌

     

    پولیس رپورٹ کے مطابق تشدد کا نشانہ بننے والی طالبہ کے والد گرامی کا کہنا ہے کہ میری بیٹی پر بہت زیادہ تشدد کیا گیا ، اس کے کپڑے پھاڑےگئے ، اس کے ساتھ ہونے والی زیادتی کا منظروہاں ہر کسی نے دیکھا تو بعض نے ویڈیوز اور تصاویر بنا کریہ ہیبتناک منظرمحفوظ بھی کرلیا جو کہ ایک واضح ثبوت ہے ، اس لیے اس واقعہ میں ملوث تمام کرداروں کے خلاف کارروائی کی جائے اوران کو قانون کی گرفت میں لایا جائے

    پولیس نے مقدمہ درج ہونے کے باوجود واقعے میں ملوث کسی لڑکی کو گرفتار نہیں کیا۔

  • بجلی کی پیداوارمیں کمی کا خدشہ:اہم وجہ بھی سامنے آگئی

    بجلی کی پیداوارمیں کمی کا خدشہ:اہم وجہ بھی سامنے آگئی

    کراچی: تھر میں کوئلے کی پیداوار معطل ہونے کا خدشہ پیدا ہوگیا۔چینی کمپنیوں سے خریدے گئے آلات اور پرزہ جات کی درآمد کے لیے ایل سی کی منظوری میں بھی تاخیر کا سامنا ہے۔تھر کول پراجیکٹ کے آلات کی درآمد کے لیے ایل سیز کی منظوری میں تاخیر کے باعث کوئلے کی پیداوار رکنے کا خطرہ پیدا ہوگیا۔

    بجلی تقسیم کار کمپنیوں کی ناقص کارکردگی؛ 1 سال میں قومی خزانے کو 292 ارب روپے کا…

    تین پاور پلانٹس کو 7.6ملین ٹن کوئلے کی فراہمی رک سکتی ہے جس سے ملکی معیشت کو ماہانہ 40ملین ڈالر کے اضافی بوجھ کا سامنا ہوگا۔ تین پاور پلانٹس کو کوئلہ نہ ملا تو 2500میگا واٹ بجلی مزید کم ہوگی۔چینی کمپنیوں سے خریدے گئے آلات پورٹ پر رکے ہوئے ہیں جس کے باعث ڈیمرج اور جرمانے بھی بڑھ رہے ہیں۔

    بجلی کی قیمت میں ایک روپے 49 پیسے سے 4 روپے 46 پیسے فی یونٹ تک اضافہ

    اگرچہ اسٹیٹ بینک نے پاور سیکٹر ایکوپمنٹ کی ایل سیز کی پیشگی منظوری کی شرط ختم کردی ہے، لیکن اسٹیٹ بینک کی اجازت کے باوجو د بینک ایل سیز کی منظوری نہیں دے رہے۔سندھ اینگرو کول مائننگ کمپنی نے وزارت توانائی کو خط لکھ کر کہا ہے کہ وزارت توانائی اپنا کردار ادا کرکے اسٹیٹ بینک سے ایل سیز کی منظوری یقینی بنائے۔

    بجلی مہنگی؛ نیپرا نے یکساں ٹیرف کے حوالے سے درخواست پر فیصلہ جاری کر ديا

  • پاکستان دلدل میں پھنسا ہوا ہے، وکلا نکال سکتے ہیں،عمران خان

    پاکستان دلدل میں پھنسا ہوا ہے، وکلا نکال سکتے ہیں،عمران خان

    باغی ٹی وی کی رپورٹ کے مطابق تحریک انصاف کے چیئرمین عمران خان نے کہا ہے کہ اس ملک کی تاریخ میں اتنا بڑا بحران کبھی نہیں آیا جو آج ہے،ملک اس وقت بحران کاشکار ہے،ہمیں کوئی پیسے دینے کیلئے تیار نہیں

    تقریب سے خطاب کرتے ہوئے عمران خان کا کہنا تھا کہ یہ لوگ 30سال سے اقتدار میں ہیں، ان دوخاندانوں کی دولت میں مسلسل اضافہ ہوتا گیا، یہ جو اقتدار میں بیٹھے ہوئے ہیں سب فیل ہوگئے ہیں،بنگلہ دیشن بھی پاکستان سے آگے نکل گیا ہے،90 کی دہائی میں پاکستان کے تمام اعشاریے مثبت تھے،پاکستان میں سری لنکا جیسی صورتحال ہے پاکستان کے زرمبادلہ تاریخ کی کم ترین سطح پر ہے،کوئی بھی ملک اور ادارہ پاکستان کو ادھار دینے کیلئے تیار نہیں،آئی ایم ایف کی شرائط مانیں گے تو مہنگائی میں اور اضافہ ہوگا،آئی ایم ایف کی شرائط ماننےسے روپے کی قدر میں مذید کمی آئے گی،آج ہمارے پاس ایل سیز کھولنے کے پیسے نہیں ہیں ،ملک میں قانون کی بالادستی ضروری ہے،قانون پر پر عمل درآمد ہوگا تو ملک موجود حالات سے نکلے گا، پاکستان کاسب سے بڑا مسئلہ رول آف لا ہے ملک میں فیکٹریاں بند ہورہی ہیں پاکستان دلدل میں پھنسا ہوا ہے، وکلا نکال سکتے ہیں،پی ڈی ایم نے اقتدار میں آکر این آر او لیا کوئی بھی ترقی یافتہ ملک میں یہ نہیں ہوتا کوئی چوری کرے اور اسے معافی مل جائے،اوورسیز پاکستانیوں نے ہمیشہ مشکل وقت میں ملک کی مدد کی،ہماری حکومت میں 17سال بعد ملک ترقی کررہا تھا،ملک میں انڈسٹریز چل رہی تھی،ٹیکس کولیکشن ریکارڈ جمع ہوئی،رول آف لا ہے کہ کسی کو این آر او نہ دینا،جب تک برآمدات نہیں بڑھیں گی ملک ایسے ہی بحران کاشکار ہوگا،

    عمران خان معافی مانگنے جج زیبا چودھری کی عدالت پہنچ گئے

    شوکت ترین ، تیمور جھگڑا ،محسن لغاری کی پاکستان کے خلاف سازش بے نقاب،آڈیو سامنے آ گئی

    فوج اور قوم کے درمیان خلیج پیدا کرنا ملک دشمن قوتوں کا ایجنڈا ہے،پرویز الہیٰ

    پنجاب کا نگران وزیراعلیٰ کون؟ قرعہ کس کے نام کا

    عمران خان کا مزید کہنا تھا کہ ہم نے ملک میں سرمایہ کاری اور ریمیٹینس کو بڑھانا ہے،جتنے بھی ان کے پرانے کیسز تھے سب ختم کروادیئے،سابق وزیراعظم اپنے اوپر ہوئے حملے کی ایف آئی آر درج نہیں کرواسکا ،ترقی یافتہ ممالک میں قانون کی حکمرانی ہے،ترقی یافتہ ممالک اپنے کمزور شہری کو قانون کےذریعے تحفظ فراہم کرتے ہیں،شہبازشریف نے بھارت کی تعریف کی جو وہ باربار ٹی وی پر دکھا رہے ہیں،شہبازشریف کہتا ہے کہ ہمیں بھارت سے دوستی کرنی چاہیے،26سال سے رول آف لا کیلئے جدوجہد کررہا ہوں،ڈیڑھ مہینے پہلے پتہ تھا کہ یہ میرے اوپر حملہ کریں گے،پنجاب میں ہماری حکومت ہونے کے باوجود پولیس بات نہیں مان رہی تھی،

  • جائیداد کی ملکیت سے محروم خواتین شکایت درج کرا سکتی ہیں، نبیلہ حاکم

    جائیداد کی ملکیت سے محروم خواتین شکایت درج کرا سکتی ہیں، نبیلہ حاکم

    خاتون محتسب پنجاب نبیلہ حاکم خان کا ریجنل آفس ملتان کا دورہ،یونیورسٹی لا کالج بہاؤالدین زکریا یونیورسٹی ملتان میں سیمینار سے خطاب کیا۔

    انہوں نے خاتون محتسب دفتر میں سہولیات اور سائلین کی درخواستوں پر پیشرفت کا جائزہ لیا نبیلہ حاکم خان نے کہا کہ کام کی جگہ خواتین کی ہراسگی، وراثتی جائیداد میں حق تلفی کے قانون پر عمل درآمد کے لیے خاتون محتسب کا ادارہ اہم کردار ادا کررہا ہے خواتین کو ان کے حقوق دلانے کے لیے محتسب ادارے کے ریجنل دفاتر قائم کئے جا رہے ہیں تاکہ خواتین کو ان کی دہلیز پر حقوق میسر آسکیں ریجنل آفس کے دورہ کے دوران کمشنر ملتان ڈویژن اشفاق احمد چودھری، وفاقی محتسب کے ایڈوائزر محمود جاوید بھٹی، وائس چانسلر بہاؤالدین زکریا یونیورسٹی ملتان پروفیسر ڈاکٹر منصور اکبر کنڈی، سیکرٹری جنگلات سرفراز مگسی، سیکریٹری ہیلتھ جنوبی پنجاب،سیکریٹری ہاؤسنگ جنوبی پنجاب، لودھراں پائلٹ پراجیکٹ کے ڈاکٹر عبدالصبور، خاتون محتسب ادارے کے ریجنل آفس کے محمد اکرم بھٹی اور دیگر محکموں کے افسران موجود تھے خاتون محتسب نبیلہ حاکم خان نے کہا کہ ملتان میں خاتون محتسب کے ریجنل آفس کا قیام خوش آئندہ ہے ریجنل محتسب آفس کے قیام سے خواتین کی ہراسانی اور جائیداد سے محرومی بارے شکایات کا جلد ازالہ ہوگا انہوں نے کہا کہ اسلام میں خواتین کو انتہائی عزت اور وقار کا رتبہ حاصل ہے خواتین کے لیے اللہ کے متعین کردہ حقوق دلانے کے لیے کوشاں ہیں کمشنر ملتان ڈویژن اشفاق احمد چودھری نے کہا کہ پراپرٹی رائٹس ایکٹ کا مطلب وراثت میں خواتین کے حصے کو یقینی بنانا ہیجنوبی پنجاب کی خواتین کو ہر شعبے میں آگے بڑھنے کے مواقع فراہم کئے جائیں گے۔

    نوجوان جوڑے کو برہنہ کرنے کا کیس،ریاست کو مدعی بننا چاہئے،صارفین

    نوجوان جوڑے کو برہنہ کرنے کا کیس، وزیراعظم نے بڑا اعلان کر دیا

    نوجوان جوڑے کو برہنہ کرنے کا کیس،جوڑے کے وارنٹ گرفتارری جاری

    عثمان مرزا کیس،لڑکے اور لڑکی کو برہنہ کرنے کی ویڈیو عدالت میں چلا دی گئی

    سرکاری اور نجی اداروں میں جنسی ہراسگی کی شکایات پر سخت کاروائی ہوگی ملتان ڈویژن میں تمام متعلقہ افسران کو خواتین محتسب ادارے کے ساتھ خواتین کے حقوق کے لیے تعاون کی ہدایات جاری کی گئی ہیں گیلانی لا کالج بہاؤالدین زکریا یونیورسٹی ملتان کے آڈیٹوریم میں خواتین کے وراثتی ملکیتی حقوق اور کام کی جگہ ہراسگی کے موضوع پر منعقدہ سیمینار سے خطاب کرتے ہوئے خاتون محتسب نبیلہ حاکم خان نے کہا کہ خاتون محتسب کا ادارہ خواتین کے لئے ڈھال کی حیثیت رکھتا ہے خواتین کو نفسیاتی تشدد،ہراسانی،کم عمر شادی اور جائیداد میں حصہ جیسے مسائل کا سامنا کرنا پڑتا ہے جائیداد کی ملکیت سے محروم خواتین محتسب کو شکایت درج کرا سکتی ہیں صوبائی محتسب کی ہدایت پر متعلقہ ڈپٹی کمشنر15 یوم کے اندر انکوائری کا پابند ہوگا شکایت درج ہونے کے 60 دن کے اندر آرڈر جاری کیا جائے گا۔

    پنجاب وومن پروٹیکشن ایکٹ خواتین کو کام کی جگہ سازگار ماحول فراہم کرنے میں سنگ میل ثابت ہوا ہے انہوں نے کہا کہ جنسی ہراسگی کی شکایت پر تین یوم کے اندر ملزم کو نوٹس جاری کردیا جاتا ہے اورملزم کو پانچ دن کے اندر جواب جمع کرانے پابند بنایا گیاہے وائس چانسلر بہاؤالدین زکریا یونیورسٹی ملتان پروفیسر ڈاکٹر منصور اکبر کندی، پرنسپل گیلانی لا کالج شمزہ فاطمہ پروفیسر ڈاکٹر فواد رسول، پروفیسر ڈاکٹر بلال اور طلبا و طالبات بھی کثیر تعداد میں سیمینار میں شریک تھے سیمینار سے خطاب کرتے ہوئے وائس چانسلر پروفیسر ڈاکٹر منصور اکبر کندی نے کہا کہ معاشرتی ناہمواریوں کو روکنے کے لیے ہر شخص کو اپنے حصہ کی شمع جلانا ہو گی پرنسپل گیلانی لا کالج شمزہ فاطمہ نے خطاب کرتے ہوئے کہا کہ گیلانی لا کالج کے فارغ التحصیل طلبا چیف جسٹس اور سیشن ججز کے عہدوں پر فائز ہوئے گیلانی لا کالج میں طالبات کی بڑی تعداد قانون کی تعلیم حاصل کررہی ہیں شعبہ قانون کے طلبا و طالبات خاتون محتسب ادارے کے بارے میں لوگوں کو آگاہی دینے میں اپنا کردار ادا کریں گے خاتون محتسب پنجاب نبیلہ حاکم خان نے خواتین کے حقوق کے تحفظ بارے قوانین سے طلبا و طالبات کو آگاہ کیا لودھراں پائلٹ پراجیکٹ کے چیف ایگزیکٹو ڈاکٹر عبدالصبور نے بھی سیمینار سے خطاب کیا۔