بالی وڈ کی ڈریم گرل ہیما مالنی نے کئی سال تک فلموں میں اپنی اداکاری سے شائقین کے دلوں پر راج کیا ہے۔ انہوں نے متعدد بلاک بسٹر فلمز میں اداکاری کی ہے. ان کے کریڈٹ پر شعلے، سیتا اور گیتا، اور پرتیگیا جیسی فلمیں ہیں. ہیما مالنی آخری بار فلم شملہ مرچی میں نظر آئی تھیں جو 2020 میں ریلیز ہوئی تھی.اب ان کی بیٹی ایشا دیول نے انکشاف کیا ہے کہ ہیما مالنی فلموں میں واپسی کرنا چاہتی ہیں، اور وہ کچھ اچھے اسکرپٹ اور کرداروں کو دیکھ رہی ہیں۔انہوں نے کہا کہ میں اپنی ماں سے کافی عرصے سے کہہ رہی ہوں کہ آپ فلموں میں واپسی کریں اور دوبارہ اپنی فلمی مصروفیات کو بحال کرلیں. اور میری والدہ اب راضی ہیں. وہ اچھا کام ملا تو ضرور فلمی پردے پر دوبارہ آ جائیں گی.
انہوں نے کہا کہ ”میرے والد تو مسلسل کام کررہے ہیں” ، ان کی فلم راکی اور رانی کی پریم کہانی کی شوٹنگ شروع ہونے سے قبل ابا نے ہم سب سے مشورہ کیا تھا، ہمارے گھر میں ہم سب آپس میں اپنے پراجیکٹس کو ڈسکس کرتے ہیں. انہوں نے کہا کہ میں خود اب سلیکٹڈ کام کررہی ہوں، ویب سیریز میںکام کیا ہے اس میںکام کرنے کا تجربہ بہت اچھا رہا ہے.
