Baaghi TV

Tag: bollywood

  • لو برڈز اننیا پانڈے اور آدتیہ رائے کپور منیش ملہوترا کے لیے شو اسٹاپرز بن گئے

    لو برڈز اننیا پانڈے اور آدتیہ رائے کپور منیش ملہوترا کے لیے شو اسٹاپرز بن گئے

    اننیا پانڈے اور آدتیہ رائے کپور اکثر بالی وڈ پارٹیوں میں ایک ساتھ نظر آتے ہیں اور آج کل اسی وجہ سے رہتے ہیں سرخیوں میں. ان کی ڈیٹنگ کی افواہیں اس وقت پھیلی جب انہیں 2022 میں کریتی سینن کی دیوالی پارٹی میں ایک ساتھ گھومتے ہوئے دیکھا گیا۔ایک بار پھر یہ دونوں سرخیوں میں آ گئے ہیں کیونکہ ان دونوں نے لکمے فیشن ویک کے عظیم الشان فائنل میں منیش ملہوترا کے لیے شو اسٹاپرز بن کر اپنے مداحوں کو حیران کر دیا ہے. لکمی فیشن ویک کا گرینڈ فائنل گزشتہ روز ممبئی میں منعقد ہوا۔ اس کا آغاز 9 مارچ کو سشمیتا سین، زینت امان، سارہ علی خان، شانایا کپور اور دیگر جیسی مشہور شخصیات کے ساتھ ہوا جنہوں نے اپنے اسٹائلش انداز سے ریمپ پر طوفان برپا کیا۔ فائنل منیش ملہوترا

    کے کلیکشن ‘ڈفیوز’ کی پیشکش کے ساتھ ختم ہوا جہاں لو برڈز اننیا پانڈے اور آدتیہ رائے کپور فیشن ڈیزائنر کے شو اسٹاپرز بنے۔ یہ یقینی طور پر ان کے مداحوں کے لیے ایک حیرت انگیز لمحہ تھا دونوں ایک ساتھ بہت ہی اچھے لگ رہے تھے . کہا یہ بھی جا رہا ہے کہ دونوں بہت جلد شادی کے بندھن میں بندھنے والے ہیں تاہم ان کی طرف سے ایسا کوئی بیان سامنے نہیں آیا. یاد رہے کہ اننیا پانڈے ماضی کے اداکار چنکی پانڈے کی بیٹی ہیں.

  • دھوکہ دینے والے سے دور ہوجاتا ہوں شمعون عباسی

    دھوکہ دینے والے سے دور ہوجاتا ہوں شمعون عباسی

    اداکار شمعون عباسی جو میڈیا سے اب دور ہی رہتے ہیں انہوں نے اپنے حالیہ انٹرویو میں کہا ہےکہ میں جس کے ساتھ چلتا ہوں دل سے چلتا ہوں اور اگر کوئی مجھے دھوکہ دے اور میرے ساتھ مخلص نہ ہو میں محسوس کرنے کے بعد اس سے دور ہوجاتا ہوں ، میں نے کبھی لڑائی جھگڑا نہیں کیا لیکن اس شخص پر دوبارہ کبھی بھی اعتبار نہیں کرتا. انہوں نے مزید کہا کہ میں سوشل میڈیا پر ایکٹیو رہتا ہوں اور جس پر ضروری ہو اس مسئلے پر بات کر لیتا ہوں. انہوں نے کہا کہ حالانکہ سٹارز کے سکینڈلز بنتے ہیں لیکن میرے ساتھ ایسا کم ہی ہوا ہے. انہوں نے ایک سوال کے جواب میں

    کہا کہ میں کوشش کرتا ہوں کہ اپنی پوسٹ پر آنے والے تمام کمنٹس پڑھوں اور ان کے جواب بھی دوں. انہوں نے کہا کہ مجھے کھانے میں تقریبا ہر چیزپسند ہے بس مزے کی بنی ہونی چاہیے انہوں نے کہا کہ کچھ ڈشز ہیں جو میں بہت اچھی بنالیتا ہوں،. انہوں نے کہا کہ میں ان لوگوں میں رہنا پسند کرتا ہوں جو میرے جیسے ہیں . میں پارٹیز کاحصہ بنناپسند نہیں کرتا. عید پر میری فلم ہوئے تم اجنبی آرہی ہے جس سے مجھے بہت امیدیں ہیں . اسکے علاوہ دادل بھی ایک الگ اور منفرد فلم ثابت ہو گی.

  • علی سیٹھی کا ایک اور اعزاز ، پسوڑی آسکر پارٹی میں گایا

    علی سیٹھی کا ایک اور اعزاز ، پسوڑی آسکر پارٹی میں گایا

    علی سیٹھی کا گایا ہوا گانا پسوڑی نے بے حد شہرت ھاصل کی ہے. پاکستانی ہوں یا بالی وڈ کی سلیبرٹیز سب نے اس گیت کو نہ صرف انجوائے کیا ہے بلکہ اس پر وڈیوز بنا کر بھی سوشل میڈیا پر شئیر کیں. بالی وڈ کی معروف اداکارہ سوناکشی سنہا نے بھی اس گانے کو انجوائے کرنے کی وڈیو سوشل میڈیا پر شئیر کی . اری جیت جیساگلوکار بھی علی سیٹھی کے اس گیت کو لائیو کنسرٹس میں گا رہا ہے. علی سیٹھی نے ایسی ہی ایک اور کامیابی اپنے نام کی ہے جی ہاں علی سیٹھی نے گزشتہ رات لاس اینجلس میں ہونے والی آسکر پارٹی میں پسوڑی لائیوگایااور سماں باندھ دیا. سوشل میڈیا پر اس ایونٹ کی وڈیو وائرل ہو رہی ہے جس میں علی سیٹھی کو پرفارم کرتے اور لوگوں کو انجوائے کرتا ہوئے دیکھا جا سکتا ہے.

    علی سیٹھی کا کوک سٹوڈیو کے لئے گایا ہوا یہ گیت ریلیز سے لیکر ابھی تک مقبول ہے . آج بھی اس گیت کو دیوانہ وار سنا جا رہا ہے. یاد رہے کہ علی سیٹھی نے یہ گیت کوک سٹوڈیو کے سیزن 14 کے لئے گایااور اس گانے کو جو پذیرائی ملی ہے وہ ابھی تک کوک سٹوڈیو کے کسی دوسرے گیت کے حصے میں نہیں آئی .

  • ارچنا پُورن سنگھ کس اداکارہ کو دیکھ کر رو پڑیں

    ارچنا پُورن سنگھ کس اداکارہ کو دیکھ کر رو پڑیں

    ہندوستان میں کپل شرما کا کامیڈی شو بہت مشہور ہے اس شو کو پاکستان میں بھی شوق سے دیکھا جاتا ہے.اس شو میں جہاں کپل شرما مختلف مہمانوں کو بلا کر ان سے کھٹی میٹھی باتیں کرتے ہیں وہیں اداکارہ ارچنا پورن سنگھ جج کے فرائض انجام دیتی ہیں. ارچناکا ایک کلپ سوشل میڈیا پر وائرل ہو رہا ہے جس میں وہ رو رہی ہیں ، کلپ میں دیکھا جا سکتا ہے کہ ارچنا پورن سنگھ ماضی کی اداکارہ وحیدہ رحمان سے گلے مل کر رو رہی ہیں اور روتے ہوئے وہ کہہ رہی ہیں کہ آپ کو میں بچپن سے دیکھ رہی ہوں اور دیکھتے ہوئے ہی بڑی ہوئی ہوں، آپ نے تین سے زیادہ دہائیوں تک بالی وڈ انڈسٹری پر راج کیا ہے. اور میرے لئے نہایت ہی عزت افزائی کی بات ہے کہ میں جس شو میں ہوں وہاں آپ بطور مہمان

    شریک ہوئی ہیں‌.آپ کی موجودگی میں آج مجھ سے تو شاید جج کی کرسی پر بیٹھا ہی نہیں جائیگا. آپ کو دیکھ کر میری کیا فیلنگز ہیں ان کو لفظوں میں بیان کرنا نہایت ہی مشکل ہے. میں کبھی اس طرح سے جذباتی نہیں ہوئی جس طرح سے آج ہو رہی ہوں. شاید یہ میری زندگی کا قابل فخر لمحہ ہے کہ میں آپ کے ساتھ ایکسٹیج پر کھڑی ہوں.

  • مشی خان نے ایک بار پھر عفت عمر پر تنقید کے نشتر برسا دئیے

    مشی خان نے ایک بار پھر عفت عمر پر تنقید کے نشتر برسا دئیے

    اداکارہ مشی خان جو کہ سوشل میڈیا پر کافی ایکٹیو رہتی ہیں انہوں نے حال ہی میں انسٹاگرام پر ایک وڈیو شئیر کی جس میں زور زور سے ہنستی ہوئی دکھائی دے رہی ہیں. انہوں نے اس میں کہا ہے کہ میں چونکہ ٹویٹر پر بہت زیادہ متحرک رہتی ہوں لہذا ابھی میں نے ٹویٹر پر ایک تصویر دیکھی اور تصویر ہے عفت عمر کی جس میں انہوں نے ایک بنیان پہنی ہوئی ہے ، انہوں نے اس کا کیپشن لکھا ہے ” سڑو اور سڑو ” میں عفت عمر سے پوچھنا چاہتی ہوں کہ اس میں سڑنے والی کیا بات ہے. مجھے تو ان کی تصویر دیکھ کر ہنسی آرہی ہے اور مجھے ان کی یہ تصویر

    دیکھ کر بنیان کا ایک ایڈ یاد آگیا وہ ایڈ کیا تھااس کامیں اب مکمل طور پر زکر نہیں کرنا چاہتی . انہوں نے کہا کہ عفت آپ نے کہا تھا کہ فیاض الحس چوہان صاحب آپ سنی لیونی کی تصاویر دیکھتے ہیں تو پھر عفت آپ کو کیا لگتا ہے کہ لوگ آپ کی تصویر کیوں دیکھیں گے،. مت کیا کریں ایسا مذاق. میری تو ہنسی ہی نہیں رک رہی آپ نے جس طرح سے تصویر لگائی ہے اور جس طرح‌ کا اسکا کیپشن لکھا ہے. عفت عمر آئی ایم سوری لیکن آپ کو ایسا کرکے اپنا مذاق نہیں بنوانا چاہیے، پلیز نہ کیا کریں ایسی مزاحیہ پوسٹیں .

  • پہلا ریمپ واک اعتماد نہ ہونے کی وجہ سے اچھا نہ ہوا کیرتی سینن

    پہلا ریمپ واک اعتماد نہ ہونے کی وجہ سے اچھا نہ ہوا کیرتی سینن

    بالی وڈ اداکارہ کیرتی سینن نے کہا کہ میں نے انجنئرنگ پڑھی ہوئی ہے لیکن اداکاری کا شوق مجھے شوبز میں لے . جب میں نے اداکاری کا سوچا تو میری ماں نے مجھے کہا کہ اس کے لئے بہت سارے اعتماد کی ضرورت ہوتی ہے، ایشوریا رائے ، پریانکا چوپڑا و دیگر کو دیکھو. مجھے ایک ریمپ شو ملا میں نے جب کیا تو اعتماد کی کمی کی وجہ سے اچھا نہ ہوسکا ، میری ماں نے اس وقت مجھے کہا کہ گھبرانے کی ضرورت نہیں جب اس شعبے میں آئی ہو تو پھر اب ٹھان کو کہ کچھ کرنا ہے، انہوں نے کہا کہ میں سمجھتی ہوں کہ جن کا فلمی بیک گرائونڈ نہیں‌ہوتا ان کے

    لئے بہت مشکلات ہوتی ہیں میرے ساتھ ایسا ہوا ، کیونکہ مجھےایک بار ایک فلم ملنی تھی لیکن ایک سٹار کڈ کو اسکے والدین کی وجہ سے مل گئی ، میڈیا سٹار کڈز کو اتنی کوریج دیتا ہے کہ جو لوگ نہیں بھی جانتے ان کو وہ بھی جاننا شروع کر دیتے ہیں. انہوں نے یہ بھی کہا کہ مجھے میک اپ کرنا بالکل نہیں آتا تھا لیکن آہستہ آہستہ سیکھ لیا ہے. انہوں نے کہا کہ میں آج بالی وڈ میں جو بھی ہوں اپنی محنت کے بل پر ہوں میرے پاس کوئی سفارش نہیں‌تھی لیکن محنت کا دامن نہ چھوڑا اور آج مجھے بھی لوگ جانتے ہیں ، مجھے بھی اچھے کرداروں‌کے لئے کنسیڈر کیا جاتا ہے.

  • عالیہ بھٹ نے رنبیر کپور اور شردھا کپور کو تو جھوٹی میں مکّار کی کامیابی پر مبارکباد دی

    عالیہ بھٹ نے رنبیر کپور اور شردھا کپور کو تو جھوٹی میں مکّار کی کامیابی پر مبارکباد دی

    بالی وڈ اداکارہ عالیہ بھٹ جو حال ہی میں کشمیر میں اپنی فلم راکی اور رانی کی پریم کہانی کی شوٹنگ میں مصروف تھیں، نے رنبیر کپور اور شردھا کپور کی فلم ’تو جھوٹی میں مکّارکی کامیابی پر دونوں کو مبارکباد دی ہے. عالیہ بھٹ نے سوشل میڈیا پر پوسٹ میں شردھا اور رنبیر کی کھل کر تعریف کی اور کہا کہ آپ دونوں نے اس فلم میں بہت اچھا کام کیا ہے. انہوں نے شردھا اور رنبیر کے علاوہ فلم کی پوری ٹیم کو بھی مبارکباد دی. انہوں نے کہا کہ بڑی سکرین پر رنبیر اور شردھا کی کیمسٹری کو بہت زیادہ پسند کیا جا رہا ہے.مجھے بہت خوشی ہے کہ شائقین نے فلم

    کو بہت زیادہ پسند کیا ہے. یاد رہے کہ عالیہ نے حال ہی میں کشمیر میں راکی اور رانی کی پریم کہانی کے گانے کی شوٹنگ مکمل کی۔ وہ اپنی بیٹی راہا کو اپنے ساتھ لے کر گئیں تھیں کیونکہ رنبیر کپور اپنی فلم کی تشہیر میں مصروف تھے۔ فلم راکی اور رانی کی پریم کہانی میں رنویر سنگھ اہم کردار ادا کر رہے ہیں اور یہ رواں برس 28 جولائی کو ریلیز ہونے جا رہی ہے۔اس کے علاوہ عالیہ کترینہ کیف اور پریانکا چوپڑا کے ساتھ جی لی زارا میں بھی نظر آئیں گی. جبکہ اسی سال عالیہ گال گیڈوٹ کے ساتھ ہارٹ آف سٹون سے ہالی ووڈ میں بھی ڈیبیو بھی کرنے جا رہی ہیں۔

  • گوندا کی امیر مداح نے ادااکر کے گھر نوکرانی بن کر کام کیا

    گوندا کی امیر مداح نے ادااکر کے گھر نوکرانی بن کر کام کیا

    بالی وڈ اداکار گوندا اور ان کی اہلیہ سنیتا نے حال ہی میں‌ایک انکشاف کیا ہے ان کے گھر ایک امیرزادی نے نوکرانی بن کر کام کیا. گوندا نے بتایا کہ ایک روز میں اپنے گھر کے باہر نکلا تو دیکھا ایک لڑکی کھڑی ہے مجھے لگا اسکو ملازت کی ضرورت ہے میں نے اس سے پوچھا کہ کام کاج کرو گی تو اس نے کہا کہ ہاں میں‌کروں گی گوندا نے مزید کہا کہ جب اس نے کہا کہ مجھے کام کی ضرورت ہے تو میں نے اس سے بولا جائو گھر چلی جائو میری والدہ سے مل لو ، میری والدہ نے اسکو کام پر رکھ لیا. گوندا نے کہا کہ لڑکی کو ٹھیک طرح سے کام نہیں آتا تھا لیکن وہ

    ایکٹیو کافی تھی ، سنیتا نے کہا کہ ایک دن مجھے لگا کہ کچھ تو گڑ بڑ ہے لڑکی کام والی لگتی نہیں ہے ، تو میں‌نے اسکو نوٹس کرنا شروع کر دیا ، اس نے ایک روز جب اپنے والد سے بات کی تو میں نے چھپ کر ساری باتیں سن لیں اور پتہ چلا کہ وہ گوندا کی مداح ہے اسکو دیکھنا چاہتی ہے اس لئے اس گھر میں نوکرانی بن کر آئی ہے اور وہ لڑکی کافی امیر تھی اس کے گھر میں 8 گاڑیاں تھیں لیکن گوندا کو ہر روز دیکھنے کےلئے ہمارے گھر میں کام کرنے آئی.

  • ایم سی سٹٰین نے اپنی خواہش بتا دی

    ایم سی سٹٰین نے اپنی خواہش بتا دی

    بگ باس 16 کا فائنل جیتنے والے ایم سی سٹین نے حال ہی میں ایک انٹرویو میں کہا ہے کہ میری بہت زیادہ خواہش ہے کہ میں اس سال اپنے والدین کے ساتھ حج پر جائوں. خدا کی ذات نے مجھے بہت کچھ دے دیا ہے ہر دم اسکا شکر ادا کرتا ہوں. میزبان نے ایم سی سٹین سے پوچھا کہ کیا آپ پانچ وقت کی نماز پڑھتے ہیں تو انہوں نے کہا کہ بگ باس میں بھی میں پانچ وقت کی نماز پڑھتا تھا، نماز پڑھنا مسلمانوں پر فرض ہے لہذا اس فرض سے میں کوتاہی نہیں‌برتتا. انہوں نے کہا کہ مرے پاس اس وقت بہت زیادہ شوز ہیں ، میں وہ کرتا پھر رہا ہوں میرے پاس ایک لمحے کو بھی

    وقت نہیں ہے کہ میں کسی اور چیز کے بارے میں سوچوں یہ میرے راب کی کرم نوازی ہے. لیکن حج کی ادائیگی اس سال کرنے کا ارادہ ہے باقی دیکھتے ہیں خدا کا بلاوا کب آتا ہے. یاد رہے کہ ایم سی سٹین نے بگ باس 16 کا فائنل جیتا تو اس کے بعد ان پر تنقید کےنشتر برسائے گئے اور کہا گیا کہ یہ ایک سفارشی جیت ہے جو ایم سی سٹین کی جھولی میں ڈالی گئی ہے. بگ باس 16 کا ونر پریانکا یا شیو ٹھاکرے کو ہونا چاہیے تھا.

  • آج کل فنکاروں کو جلدی شہرت مل جاتی ہے ہمارے دور میں ایسا نہیں تھا کرشمہ

    آج کل فنکاروں کو جلدی شہرت مل جاتی ہے ہمارے دور میں ایسا نہیں تھا کرشمہ

    نوے کی دہائی کی سپر ہٹ اداکارہ کرشمہ کپور جو اپنی خوبصورتی اور اداکاری کی وجہ سے مشہور تھیں ، انہوں نے اپنے ایک حالیہ انٹرویو میں کہا ہے کہ ہم جس دور میں کام کررہے تھے وہ بہت مختلف تھا اس میں بہت مشکلات تھیں خصوصی طور پر ایک اداکار کو اپنی پہچان اور نام بنانے کے لئے بہت محنت کرنی پڑتی تھی. جبکہ آج ایسا نہیں ہے آج سٹارز کے لئے مشہور ہونا بہت آسان ہے کیونکہ آج سیلف پرموشن کے بہت زرائع ہیں. آج سلیبرٹیز کے

    پاس ٹویٹر اور انسٹاگرام جیسے پلیٹ فارمز ہیں. اگر کوئی شوبز کا حصہ نہ بھی ہو تو وہ خود کو مشہور کر سکتا ہے . ہمارے وقتوں میں شہرت حاصل کرنے کےلئے ہمیں لڑنا پڑتا تھا . ہماری فلموں کے لئے ہمیں‌پرموشن کے لئے سخت محنت کرنی پڑتی تھی لیکن آج ایسا نہیں‌ہے آج تو فلموں کی پرموشنز بھی بہت آسان ہے . کرشمہ کپور نے کہا کہ میں نے اپنے کیرئیر میں جتنا بھی کام کیا اس سے بے حد مطمئن ہوں . ہم نے بہت شہرت سمیٹی لیکن یقینا آج وقت اور حالات مختلف ہیں آج کسی کے لئے بھی مشہور ہونا مشکل کام نہیں‌ رہا. یاد رہے کہ کرشمہ کپور ماضی نامور اداکار ہیں جنہوں نے نوے کی دہائی کے بڑے ڈائریکٹرز اور ایکٹرز کے ساتھ کام کیا.