Baaghi TV

Tag: bollywood

  • 50 % منافع تو سٹارز کو چلا جاتا ہے کرن جوہر کا شکوہ

    50 % منافع تو سٹارز کو چلا جاتا ہے کرن جوہر کا شکوہ

    بالی وڈ کے معروف فلم میکر کرن جوہر جنہوں نے ایک عرصہ تک فلمیں ڈائریکٹ کیں اس کے بعد انہوں نے مسلسل فلمیں پرڈیوس کرنا شروع کر دیں کرن جوہر کے کریڈٹ پر بطور پرڈیوسر اور ڈائریکٹر بڑی سٹار کاسٹ کے ساتھ بڑی فلمیں ہیں. کرن جوہر نے بہت سارے سٹار کڈز کو متعارف کروایا جس میں عالیہ بھٹ قابل زکر ہے. پچھلے کچھ عرصے سے عالیہ بھٹ کرن جوہر کی پسندیدہ اداکارہ بنی ہوئی ہیں ان کی تقریبا ہر فلم میں‌عالیہ بھٹ ہی نظر آتی ہیں. کرن جوہر نے حال ہی میں ایک انٹرویو دیا ہے اس میں انہوں نے کھل کر بات کی ہے کہ کس طرح‌سے کسی بھی فلم کی کمائی فلم سے جڑی پوری ٹیم میں‌تقسیم ہوتی ہے . کرن جوہر نے کہا کہ اگر کسی فلم کی سٹار کاسٹ بڑی ہو تو پھر پچاس فیصد اسکو اور تیس

    فیصد ڈائریکٹر کو جاتا ہے جبکہ تھوڑا بہت رائٹرکو مل جاتا ہے. پھر بچپتا ہے پرڈیوسر اور جو بچتا ہے وہ اس کے حصے میں آتا ہے. یوں کرن جوہر نے بتایا کہ کس طرح سے ایک پرڈیوسر کو سب سے کم معاوضہ ملتا ہے. یاد رہے کہ کرن جوہر نے شاہ رخ خان کے ساتھ کافی فلمیں بنائیں جن میں کچھ کچھ ہوتا ہے اور کبھی خوشی کبھی غم قابل زکر ہے .

  • کام کی جگہ پر جنسی ہراسانی کے کیس میں ملزم کی اپیل مسترد

    کام کی جگہ پر جنسی ہراسانی کے کیس میں ملزم کی اپیل مسترد

    صدر مملکت نے کام کی جگہ پر جنسی ہراسانی کے کیس میں ملزم کی اپیل کو مسترد کردیا

    صدر مملکت نے وفاقی محتسب برائے انسدادِ ہراسیت کے فیصلے کے خلاف درخواست پر فیصلہ سنا دیا، فیصلے میں کہا گیا کہ نئے وکیل سے ایک بار پھر شکایت کنندہ کی جرح کرانے کی درخواست کی کوئی بنیاد نہیں،صدر مملکت نے کیس انسدادِ ہراسیت محتسب کو حتمی فیصلے کے لئے واپس بھیج دیا ،صدر مملکت کی جانب سے انسداد ہراسیت محتسب کے فیصلے کی توثیق کی گئی،صدر مملکت کا کہنا تھا کہ ملزم کی طرف سے دائر اپیل شکایت کنندہ کی تکلیف اور اذیت بڑھانے کی ایک کوشش ہے

    صدر مملکت کا کہنا تھا کہ پہلے ہی معاملے پر ملزم کی متفرق درخواستوں کی وجہ سے کافی وقت صرف ہوچکا ،قانونی چارہ جوئی کا ایک نیا دور شروع کرنا متعلقہ ایکٹ کی روح کے خلاف ہے ،شکایت کنندہ نے 27.05.2019 کو محتسب کے سامنے جنسی ہراساں کا کیس دائر کیامملزم نے صدر کو محتسب کے 23.09.2021 کے حکم کے خلاف درخواست دائر کی ،ملزم نے محتسب کے سامنے معاملہ زیر التواء ہونے کے باوجود اپیل دائر کی

    نور مقدم قتل کیس، ظاہر جعفر پر ایک اور مقدمہ درج

    مارگلہ کی پہاڑیوں پر تعمیرات پر پابندی عائد

    ایف نائن پارک میں شہری پر حملے کا مقدمہ تھانہ مارگلہ میں درج کر لیا گیا

    جو نقشے عدالت میں پیش کئے گئے وہ سب جعلی،یہ سب ملے ہوئے ہیں، مارگلہ ہلز کیس میں چیف جسٹس کے ریمارکس

    قبل ازیں صدر مملکت نے یو بی ایل پرغیر سنجیدہ اپیل دائر کرنے، وقت اور وسائل ضائع کرنے پر جرمانہ عائد کر دیا ،صرف 20،000 روپے کے متنازعہ بینک لین دین کیس میں بینک کی جانب سے بینکنگ محتسب کے فیصلے کے خلاف غیر سنجیدہ درخواست دائر کرنے پر 20,000 روپے جرمانہ عائد کیا گیا ،صدر مملکت عارف علوی کا کہنا تھا کہ بینک اپنے صارف کو کھوئی ہوئی رقم واپس کرنے کے ساتھ ساتھ جرمانہ بھی ادا کرے بینک نے اپنے وسائل اور وقت ضائع کرنے کے ساتھ ساتھ بینکنگ محتسب اور ریاست کے سربراہ کا وقت ضائع کیا،

  • عمران عباس نے مہدی حسن کا گانا پکچرائز کروا لیا

    عمران عباس نے مہدی حسن کا گانا پکچرائز کروا لیا

    اداکار عمران عباس اور صبا قمر نے ھال ہی میں لاہور میں اپنے ایک ڈرامے کی شوٹنگ مکمل کروائی. ڈرامے کا آخری سین باغ جناح میں شوٹ کیا گیا. عمران عباس نے سین کروانے کے بعد باغ‌ جناح میں درختوں کے نیچے نہ صرف اپنی کچھ تصاویر بنوائیں بلکہ چند وڈیوز بھی بنائیں. عمران عباس اور صبا قمر کی انہی وڈیو میں ایک ایسی وڈیو ہے جس میں‌عمران عباس اور صبا قمر ایک دوسرے کے ساتھ چل رہے ہیں اور عمران عباس مہدی حسن کا گیت مجھے تم نظر سے گرا تو رہے ہو مجھے تم کبھی بھی بھلا نہ سکو گے ، گا رہے ہیں ، دونوں کی یہ وڈیو کافی وائرل ہو

    رہی ہے. صبا قمر نے اپنے انسٹاگرام اکائونٹ پر اس وڈیو کو شئیر کیا. تاہم عمران عباس نے لکھا کہ کاش مجھ پر مہدی حسن کا کوئی گانا پکچرائز ہوتا چلو گانا پکچرائز تو نہ ہو سکا لیکن شوق تو پورا کیا جا سکتا ہے .عمران نے یہ لکھا کہ لاہور سردیوں میں پاکستان فلم انڈسٹری کے سنہرے دور کو یاد کرتے ہوئے. انہوں نے اس پوسٹ کو صبا قمر کے آئی ڈی سے ٹیگ کیا. اس وڈیو کو بہت زیادہ سراہا جا رہا ہے. دونوں اس میں کافی خوبصورت نظر آرہے ہیں.

  • نورا فتحی نے اپنی خوبصورت سکن کا راز بتا دیا

    نورا فتحی نے اپنی خوبصورت سکن کا راز بتا دیا

    نورا فتحی بالی وڈ میں اپنے منفرد انداز خوبصورتی اور ڈانس کی وجہ سے بہت زیادہ شہرت رکھتی ہیں، نوراایک بڑی فین فالونگ بھی رکھتی ہیں. نورا کہتی ہیں کہ مجھے بچپن سے ہی ڈانس کرنے کا شوق تھا لیکن مجھے اندازہ نہیں تھا کہ یہی ڈانس میری وجہ شہرت بن جائے گا کپل شرما کے ساتھ ایک انٹرویو میں‌انہوں نے کہا کہ میں آج جس بھی مقام پر ہوں بہت زیادہ خوش ہوں . انہوں نے ایک سوال کے جواب میں کہا کہ میری خوبصورتی کا راز یہ ہے کہ میں بہت زیادہ پانی پیتی ہوں ، بہت سارا پاستا کھاتی ہوں اور میش آلو کھاتی ہوں. اسی انٹرویو میں انہوں نے کہا کہ میں جانتی ہوں‌کہ بہت سارے لوگ مجھے پسند کرتے ہیں لیکن میرا بچپن میں ایک کرش رہا اور وہ ہے ہرتیک روشن مجھے ہرتیک روشن اتنے

    پسند ہیں کہ الفاظ میں بیان ہی نہیں‌کرتی. وہ نہ صرف بہترین اداکار ہیں بلکہ نہایت ہی ہینڈسم ہیں. اس انٹرویو میں ان کے ساتھ کترینہ کیف کے شوہر وکی کوشل بھی موجود تھے انہوں نے بھی کہا کہ میں نے اپنے والد کو جس آرٹسٹ کے ساتھ سب سے پہلے ملنے کے لئے کہا تھا وہ ہرتیک سر تھے میں ان سے آج بھی بہت متاثرہوں ان کی اداکاری ان کا ڈانس ان کی خوبصورتی کی مثال نہیں ہے.

  • مجھے کچھ وقت دیا جائےسب بتا دوں گا عادل درانی کا صحافی سے خاموش رہے کو کہہ دیا

    مجھے کچھ وقت دیا جائےسب بتا دوں گا عادل درانی کا صحافی سے خاموش رہے کو کہہ دیا

    راکھی ساونت کی پہلی دو شادیوں میں بھی راکھی خوش نہیں رہیں ، اب انہوں نے مسلمان لڑکے کے ساتھ شادی کی جو کہ عمر میں ان سے چھوٹا بھی ہے. ایک صحافی کی راکھی اور عادل درانی کے ساتھ کانفرنس کال لیک ہو گئی ہے. اس کال میں صحافی نے عادل سے کہا کہ آپ نے مجھے کہا کہ نکاح کی وڈیو فیک ہے ، اس پر عادل نے کہا کہ میں نے ایسا کہا ہے کہ ٹھیک ہے لیکن میں راکھی کے ساتھ ہی ہوں نا؟ صحافی کال میں کہتی ہیں کہ راکھی بہت زیادہ رو رہی تھیں، تو عادل نے کہا کہ پندرہ منٹ پہلے تو وہ میرے ساتھ تھی صبح میرے آفس میں بھی میرے ساتھ تھی اسکو کیا ہو گیا ،

    تو راکھی نے کہا کہ مجھے کوئی مسئلہ نہیں ہے لیکن آپ نے اس نکاح کی وڈیو کو فیک کہہ دیا ہے جس کی وجہ سے میں ٹوٹ گئی ہوں ،عادل آپ مجھے اپنائیں اوراگر مجھ سے شادی کی ہے تو مجھے عزت اورمیرا حق دیجیے. اس پرکال میں عادل راکھی سے کہتے ہیں کہ شادی والی بات پہ میں کچھ دن بعد بات کروں گا اس کو ابھی ڈسکس نہ کیا جائے. ادل درانی نے خاتون صحافی سے کہا کہ میں چار دن کے بعد آپکو ایک تفصیلی انٹرویو دوں گا پلیز اس بات پہ ابھی بات نہ کی جائے.

  • اسمبلی تحلیل کرنے کیلئے سمری گورنر کو بھیجنے کیخلاف درخواست،فیصلہ آ گیا

    اسمبلی تحلیل کرنے کیلئے سمری گورنر کو بھیجنے کیخلاف درخواست،فیصلہ آ گیا

    وزیر اعلیٰ کی جانب سے اسمبلی تحلیل کرنے کیلئے سمیری گورنر کو بھیجنے کیخلاف درخواست ،عدالت نے فیصلہ سنا دیا

    پنجاب اسمبلی کی تحلیل روکنے کیلئے لاہور ہائیکورٹ میں دائر درخواست کو مسترد کر دیا گیا،ہائیکورٹ آفس نے درخواست پراعتراض عائد کیا تھا کہ درخواست گزارمتاثرہ فریق نہیں ہے ،جس پر جسٹس شاہد کریم نے سماعت کرتے ہوئے اعتراض کو بحال رکھا اور درخواست مسترد کر دی

    لاہور ہائی کورٹ، وزیر اعلیٰ کی جانب سے اسمبلی تحلیل کرنے کیلئے سمری گورنر کو بھیجنے کیخلاف درخواست دائر کی گئی تھی،دائر درخواست میں وزیر اعلی پنجاب، پنجاب حکومت سمیت دیگر کو فریق بنایا گیا ہے، دائر درخواست میں موقف اپنایا گیا ہے کہ وزیر اعلی نے عمران خان کی ایما پر پنجاب اسمبلی تحلیل کرنے کیلئے سمری بھیج دی ہے، چوہدری پرویز الہی کہہ چکے ہیں کہ وہ اسمبلی تحلیل نہیں کرنا چاہتے تھے، چوہدری پرویز الہی نے اسمبلی تحلیل کرنے کی سمری بھیجنے پر اپنا مائینڈ اپلائی نہیں کیا، پنجاب کی عوام نے ممبران صوبائی اسمبلی کو پانچ سال کے لیے منتخب کیا وزیر اعلیٰ پنجاب نے ووٹرز کے مینڈیٹ کے برعکس اقدام کیا وزیر اعلیٰ پنجاب کا مقرر وقت سے پہلے اسمبلی تحلیل کرنا ووٹرز کی توہین ہے عدالت وزیراعلی پنجاب کیجانب سے اسمبلی تحلیل کرنے کی سمری کو کلعدم قرار دے،

    اس سے تو یہ ثابت ہوا کہ پلی بارگین کے بعد بھی ملزم کا اعتراف جرم تصور نہیں ہو گا،چیف جسٹس

    ، 25 کروڑ آبادی میں سے عمران خان ہی نیب ترامیم سے متاثر کیوں ہوئے؟

  • دانیہ شاہ کے کیس میں عدالت نے دعائے عامر کو طلب کر لیا

    دانیہ شاہ کے کیس میں عدالت نے دعائے عامر کو طلب کر لیا

    ڈاکٹر عامر لیاقت جن کی چند نازیبا وڈیوز کو ان کی اہلیہ دانیہ شاہ نے سوشل میڈیا پر وائرل کیا تھا ، اس کے بعد وہ موت کے منہ میں چلے گئے وہ نہ کسی سے مل رہے تھے اور نہ ہی کسی کا فون اٹھا رہے تھے ، دانیہ شاہ کی طرف سے وائرل کی گئیں وڈیوز کے بعد ڈاکٹر عامر لیاقت گوشہ تنہائی میں چلے گئے تھے اور اسی حالت میں دنیا سے چلے گئے. ان کے انتقال کے بعدان کی بیٹی دعائے عامر نے اپنے والد کی اہلیہ دانیہ شاہ پر مقدمہ کر دیا تھا جس کے تحت اسکو گرفتار بھی کر لیا گیا تھا. اس حوالے سے تازہ اطلاعات یہ ہیں کہ کراچی سٹی کورٹ میں ڈسٹرکٹ اینڈ سیشن جج شرقی کی عدالت کے روبرو عامر لیاقت کی نازیبا ویڈیوز وائرل کرنے کے مقدمے میں ملزمہ دانیہ شاہ کی درخواست ضمانت پر سماعت ہوئی

    ہے۔ عدالت نے مدعی مقدمہ دعائے عامر کو آئندہ سماعت پر طلب کرتے ہوئے ایف آئی اے سمیت دیگر کو نوٹسز جاری کردیے اور سماعت 19 جنوری تک ملتوی کردی ہے۔اب دیکھنا یہ ہے کہ دانیہ شاہ اپنے انجام کو پہنچتی ہیں یا نہیں‌. اور اس کیس کا فیصلہ یقینا ایک مثال ضرور سیٹ کریگا ان کے لئے جو کسی کی نازیبا وڈیوز وائرل کرتے ہیں. تاہم ڈاکٹر عامر لیاقت کے بچوں کو امید ہے کہ عدالت انہیں ضرور انصاف دے گی.

  • شوہر نے کہا تم سے ڈرتا نہیں‌ پیار کرتا ہوں‌ صرحا اصغر

    شوہر نے کہا تم سے ڈرتا نہیں‌ پیار کرتا ہوں‌ صرحا اصغر

    چھوٹی سکرین کی اداکارہ صرحااصغر جو ہمیں اکثریوٹیوب پر ڈانس کرتی ہوئی نظر آتی ہیں انہوں نے باقاعدہ اپنا ایک چینل بنا رکھا ہے جس پر وہ اپنی ڈانس کی وڈیوز اپلوڈ کرتی ہیں . ان کے ڈانس کو کافی پسند بھی کیا جاتا ہے ان کے ساتھ ان وڈیوز میں اداکارہ ربیعہ کلثوم بھی دکھائی دیتی ہیں . صرحا اکثر نے کم عمر میں ہی کیرئیر کے عروج پر شادی بھی کر لی ہے وہ کم مگر معیاری کام کرتی ہیں‌ گوکہ ابھی تک انہوں نے مرکزی کردار تو ادا نہیں‌کئے لیکن ایسے کردار ضرور ادا کئے ہیں جن کو شائقین نوٹس کر لیتے ہیں. صرحا اصغر نے حال ہی میں‌ایک انٹرویو دیا ہے جس

    میں‌انہوں نے کہا ہے کہ میرے شوہر نے مجھے ایک بار کہا تھا کہ میں تم سے ڈرتا نہیں‌ہوں پیار کرتا ہوں. انہوں نے یہ بھی کہا کہ مجھے غصہ بہت زیادہ نہیں آتا لیکن اگر غصہ آتا بھی ہے تو تب آتا ہے جب چیزیں ٹھیک نہ ہو رہی ہوں . صرحا نے مزید یہ بھی کہا کہ مجھے بہت عجیب لگتا ہے جب کوئی کہتا ہے کہ صرحا کو بہت غصہ آتا ہے ، حالانکہ میں‌بہت زیادہ غصہ نہیں‌کرتی غصہ آنے والی باتوں‌پر ہی غصہ کرتی ہوں جو کہ جائز اور قدرتی ہے.واضح رہے کہ صرحا بہت نڈر ہیں ان کے دل میں‌جو آتا ہے وہ بول دیتی ہیں.

  • شگفتہ اعجاز نے دل ہلا دینے والی وڈیو شئیر کر دی

    شگفتہ اعجاز نے دل ہلا دینے والی وڈیو شئیر کر دی

    اداکارہ شگفتہ اعجاز جو کہ سوشل میڈیا پر کافی متحرک رہتی ہیں وہ نہ صرف با مقصد وڈیوز بنا کر ٹک ٹاک سمیت دیگر ایپس پر شئیر کرتی ہیں بلکہ اس پر کھل کر بات بھی کرتی ہیں. حال ہی میں‌جو ملک میں‌مہنگائی کی لہر چل رہی ہے وہ ہر طبقے کےلئے پریشان کن ہے. ہر کوئی پریشان ہے لیکن ہمارے حکمران عوام کو ریلیف دینے میں‌ناکام نظر آتے ہیں. حکومت نے سستے آٹا کا ریلیف دیا ہے ، سستا آٹا لینے کےلئے لوگ لمبی قطاروں میں گھنٹوں صرف کررہے ہیں کہ کسی طرح‌سے ان کو سستا آٹا مل جائے اور وہ اپنے بچوں کو کھلا سکیں. اس دوران بہت سارے لوگ

    دھکم پیل میں اپنی جانیں بھی گنوا چکے ہیں جو کہ یقینا دردناک ہے. مشی خان ، سمیع خان کے بعد اب سینئر اداکارہ شگفتہ اعجاز بھی بول پڑی ہیں. انہوں نے سوشل میڈیا پر ایک ایسی وڈیو شئیر کی ہے جس میں بزرگ جوان ہر عمر کا نوجوان آٹے کی بوری لینے کےلئے کھڑے ہیں. اور منتیں کررہے ہیں‌کہ ہمیں ایک بوری دیدو ، شگفتہ اعجاز نے لکھا کہ کیا یہ قابل یقین ہے ؟‌ یقینا اس وڈیو نے دیکھنے والوں کا دل دہلا دیا ہے یہی نہیں بلکہ دو تین دن سے مسلسل ایسی وڈیوز سوشل میڈیا پر دیکھنے کو مل رہی ہیں . جو کہ ہماری حکومتوں اور سیاستدانوں کے لئے لمحہ فکریہ ہے .

  • شاہ رخ خان کی 4 سال سے فلم ریلیز نہیں ہوئی پھر بھی دنیا کے امیر ترین اداکار

    شاہ رخ خان کی 4 سال سے فلم ریلیز نہیں ہوئی پھر بھی دنیا کے امیر ترین اداکار

    بالی وڈ کے کنگ شاہ رخ خان گزشتہ تیس برسوں شائقین کے دلوں پر راج کررہے ہیں‌. وہ کمرشل ، ماڈلنگ یا ایکٹنگ کا اچھا خاصا چارج کرتے ہیں. شاہ رخ خان نے اپنے ایک انٹرویو میں بتایا تھا کہ میں اب فلموں کا کم چارج کرتا لیکن باقی چیزیں کرنے کے اچھے خاصے پیسے لیتا ہوں . چاہے وہ ایوارڈ فنکشن میں ڈانس کرنا ہو ، ہوسٹنگ ہو یا کمرشل ہو. حال ہی میں ورلڈ آف اسٹیٹسٹکس کی جانب سے مائیکرو بلاگنگ ویب سائٹ ٹوئٹر پر ایک فہرست جاری کی گئی ہے اس فہرست میں‌بتایا گیا ہے کہ دنیا کے کون سے آرٹسٹ امیر ترین ہیں اس فہرست کے مطابق شاہ رخ خان 770 ملین ڈالرز یعنی 6,306 کروڑ بھارتی روپے کی مجموعی مالیت کے ساتھ فہرست میں شامل واحد بھارتی اداکار ہیں۔اس فہرست میں پہلے نمبر

    پر امریکی کامیڈین اور اداکار جیری سین فیلڈ موجود ہیں، جن کی مجموعی مالیت 1 بلین ڈالرز ہے۔یاد رہے کہ شاہ رخ خان کی فلم پٹھان اسی ماہ 25 جنوری کو ریلیز ہونے جا رہی ہے یہ فلم مسلسل تنازعات کا شکار ہے. فلم کا ٹریلر جہاں بہت زیادہ پسند کیا گیا ہے وہیں اس پر تنقید بھی ہو رہی ہے اب دیکھنا یہ ہے کہ شاہ رخ خان کی فلم کامیابی سے ہمکنار ہوتی ہے یا نہیں .