بھارتی فوج کی لائن آف کنٹرول کی نکیال سیکٹرمیں بلا اشتعال فائرنگ سے ایک پاکستانی شخص شہید جبکہ تین خواتین زخمی ہوگئیں جبکہ پاک فوج کے شعبہ تعلقات عامہ (آئی ایس پی آر) کی طرف سے جاری کردہ بیان کے مطابق 21 اگست 2023 کو بھارتی فوج نے آزاد کشمیر میں نکیال سیکٹر میں بلا اشتعال فائرنگ کی جس کے نتیجے میں معصوم شہریوں کو نشانہ بنایا گیا ، اس دوران ضلع کوٹلی کے گاؤں اولی کے 60 سالہ رہائشی غیاث شہید ہو گئے جبکہ اس دوران کھیت میں گھاس کاٹتے ہوئے 3 خواتین زخمی ہوئیں۔
بیان کے مطابق یہ کھلم کھلا بھارتی جارحیت موجودہ سیزفائرمفاہدے کی صریحاً خلاف ورزی ہے۔ پاکستان اپنی سرحدوں پرامن وسکون کا خواہاں ہے تاہم اپنے شہریوں کے جان ومال کے تحفظ کے لیے تمام ضروری اقدامات کیے جائیں گے۔پاکستانی عوام کے خلاف کسی بھی مہم جوئی کا ہماری مرضی کے وقت اورجگہ پربھرپورجواب دیا جائے گا۔
مزید یہ بھی پڑھیں؛
ماہرہ کے ساتھ کام کرنے کا سوال ہی نہیں پیدا ہوتا خلیل الرحمان کا ایک بار ماہرہ پر وار
دوست کی کمسن بیٹی سےزیادتی کےالزام میں افسر معطل
ملکی سلامتی کے فیصلوں کی حمایت اشد ضروری، تجزیہ، شہزاد قریشی
برادر ممالک کے باہمی فائدے کیلئے تعلقات مزید فروغ دینے کی ضرورت. ڈاکٹر توفیق بن فوزان الربیعہ
تاہم خیال رہے کہ سابق آرمی چیف جنرل قمرجاوید باجوہ کے دورمیں پاکستان اوربھارت کی افواج کے ڈی جی ایم اوز کے درمیان ایک معاہدہ طے پایا تھا ، جس کے مطابق ایل او سی پرامن برقراررکھنے کیلئے اقدامات کیے جائیں گے۔