Baaghi TV

Tag: celebrities

  • شرابی باپ کی موت کے بعد دیوداس بنانے کا فیصلہ کیا سنجے لیلا بھنسالی

    شرابی باپ کی موت کے بعد دیوداس بنانے کا فیصلہ کیا سنجے لیلا بھنسالی

    فلمساز سنجے لیلا بھنسالی ایک لیجنڈ ہیں اور ان کا شمار بالی وڈ کے نامور فلم میکرز میں ہوتا ہے ان کے کریڈٹ پر دیوداس، گنگوبائی کاٹھیاواڑی، رام لیلا جیسی کامیاب فلمیں ہیں۔ ویسے تو انہوں نے بہت بڑے بڑے شاہکار بنائے لیکن دیوداس ان کے کیرئیر کی بطور فلم میکر ایک بہترین فلم مانی جاتی ہے۔ اس فلم میں شاہ رخ خان، ایشوریہ رائے بچن اور مادھوری ڈکشٹ نے مرکزی کردار ادا کیے تھے اور یہ 50 کروڑ کے بجٹ سے بنائی گئی تھی۔ حال ہی میں سنجے لیلا بھنسالینے دیوداس کے حوالے سے ایک انکشاف کیا ہے اور بتایا ہے کہ اس فلم نے کس طرح ان کی ذاتی

    زندگی کو کس طرح متاثر کیا اور انہوں نے کب فیصلہ کیا کہ یہ دیوداس بنائیں گے۔ سنجے لیلا بھنسالی نے سیمی گریوال کے ساتھ ایک انٹرویو میں کہا ہے کہ اس فلم میں کچھ چیزیں میرے لئے بہت اہم تھیں ، انہوں نے کہا کہ مجھے لگتا ہے کہ دیوداس کی شروعات میرے والد کی موت سے ہوئی تھی۔ وہ شرابی تھا اور مر گیا۔میری ماں نے بہت مشکل وقت دیکھے ، میں نے والد کے آخری وقتوں میں یہ دیکھا کہ مرتے وقت میرے باپ نے اپنا ہاتھ میری ماں کی طرف بڑھایا ، میرا والد مرتے ہوئے لمحے میری ماں کے پاس پہنچا اور تب مجھے احساس ہوا کہ میری ماں نے اس لمحے کے لیے اپنے 22 سال قربان کر دئیے اور اسی چیز نے مجھے متوجہ کیا، اور اس طرح دیوداس شروع ہوئی۔

  • دیپیکا پڈوکون بے شرم رنگ گانے پر تنقید پر بو ل پڑیں

    دیپیکا پڈوکون بے شرم رنگ گانے پر تنقید پر بو ل پڑیں

    بالی وڈ اداکارہ دپیکا پڈوکون نے جب سے فلمی کیرئیر شروع کیا ہے تب سے لیکر اب تک اتنے برسوں میں ان کو بار بارتنقید کا سامنا رہا لیکن وہ زیادہ تر خاموش رہیں انہوں نے کبھی رد عمل نہیں دیا ۔تاہم اب وہ بول پڑی ہیں ، اداکارہ نے اپنے حالیہ انٹرویو میں پٹھان کے گانے بے شرم رنگ پر ہونے والی تنقید پر ایک رد عمل دیا ہے ۔ انہوں نے کہا ہے کہ اس گانے میں ، میں نے جو لباس پہنا اس کے رنگ کو لیکر جو طوفان اٹھا اس پر میں یہی کہوں گی کہ ”مجھے نہیں معلوم کہ مجھے اس کے بارے میں کچھ محسوس کرنا چاہیے یا نہیں۔ لیکن سچ یہ ہے کہ مجھے اس کے بارے میں کچھ محسوس نہیں ہوتا۔” یوں اداکارہ نے اپنے ایک ہی فقرے سے اپنے اوپر ہونے والی تنقید کو ہوا میں اڑا دیا۔ یاد رہے کہ دیپیکا پڈوکون کی فلم

    پٹھان کے گیت بےشرم رنگ پر شدید تنقید کی گئی اس کے باوجود انڈیا میں اس فلم نے باکس آفس پر 500 کروڑ روپے سے زیادہ کی کمائی کی۔37 سالہ اس وقت سرخیوں میں آئی جب اس نے پٹھان کے ہٹ گانے بیشرم رنگ کے ایک سیکونس میں زعفرانی رنگ کا مختصر لباس زیب تن کیا۔ بھارت کی دائیں بازو کی کئی تنظیموں نے دعویٰ کیا کہ گانے میں زعفرانی رنگ کی توہین کی گئی ہے کیونکہ یہ ہندو برادری کے لیے مقدس ہے۔

  • ریکھا اور عمران خان کی شادی کی خبروں پر اداکارہ کی ماں نے کیا کہا ؟

    ریکھا اور عمران خان کی شادی کی خبروں پر اداکارہ کی ماں نے کیا کہا ؟

    سابق کرکٹر اور وزیراعظم پاکستان عمران کا نام ان کی جوانی میں بہت ساری انڈین ہیروئنز کے ساتھ جڑا ، جن میں شبانہ اعظمی ، زینت امان اور ریکھا کے نام قابل زکر ہیں۔ ایک بھارتی فلمی جریدے مووی میں یہ خبر چھپی تھی کہ ریکھا اور عمران خان شادی کرنے والے ہیں اور جن دونوں میں یہ خبر چھپی ان دونوں میں اپریل کاپورا مہینہ عمرا ن خان نے انڈیا میں گزارا۔ اس دوران کہا جاتا ہے کہ عمران خان اور ریکھا کی ملاقاتیں رہیں دونوں کو ساحل سمندر پر اور پرائیویٹ پارٹیز کے ساتھ نائٹ کلبز میں بھی دیکھا گیا ۔ جب اخباروں میں ان کی ملاقاتوں کے چرچے ہوئے تو یہ بھی کہا گیا کہ دونوں بہت جلد شادی کرنے والے ہیں ، ریکھا کی ماں نے ایک مسلمان نجومی سے رابطہ کرکے پوچھا کہ ریکھا اور عمران خان

    کا ساتھ کیسا رہے گا تو انہوں نے کچھ تسلی بخش جواب نہیں دیا تھا اس کے باوجود ریکھا کی ماں کو لگتا تھا کہ ان کی بیٹی کے لئے عمران خان سے بڑھ کر کوئی نہیں ہو سکتا، لیکن یہ ملاقاتیں تھوڑا ہی عرصہ جاری رہیں۔ عمران خان سے جب ریکھا کے ساتھ شادی کے حوالے سے پوچھا گیا تو انہوں نے کہا کہ میں کسی فلمی لڑکی کے ساتھ شادی کا سوچ بھی نہیں سکتا، ہاں یہ بات ٹھیک ہے کہ میں کچھ دیر کےلئے فلمی لڑکیوں کی کمپنی کو انجوائے کرتا ہوں۔

  • کیرئیر کے عروج پر بچہ پیدا کرنے کا سوال مرد سے کیوں نہیں ہوتا ؟عالیہ بھٹ کا سوال

    کیرئیر کے عروج پر بچہ پیدا کرنے کا سوال مرد سے کیوں نہیں ہوتا ؟عالیہ بھٹ کا سوال

    بالی وڈ اداکارہ عالیہ بھٹ نے اپنے ایک حالیہ انٹرویو میں کہا ہے کہ کیرئیر تو دونوں کا ہوتا ہے مرد کا بھی اور عورت کا بھی لیکن صرف ہیروئین سے ہی کیوں سوال کیا جاتا ہے کہ اس نے کیرئیر کے عروج پر بچہ پیدا کر لیا ، بھئی یہ سوال مرد سے کیوں نہیں ہوتا کہ اس نے کیرئیر کے عروج پر بچہ پیدا کرنے کا فیصلہ کیا۔ انہوں نے کہا کہ میں ہر کام محبت سے کرتی ہوں ، اور سوچ سمجھ کر فیصلہ کرتی ہوں ، جس کام کے لئے میں دل سے راضی ہوں کر لیتی ہوں ورنہ نہیں کرتی، مجھے لگا کہ مجھے بچے کو دنیا میں لانا چاہیے تو میں نے ماں بننے کا فیصلہ کر لیا۔ انہوں نے کہا کہ میں اپنے اس فیصلے پر نہایت خوش ہوں۔ یاد رہے کہ عالیہ بھٹ اور رنبیر کپور نے اپریل 2022میں شادی کی اور نومبر 2022میں ان کے

    گھر ایک بیٹی کی پیدائش ہوئی دونوں بیٹی کی پیدائش پر نہایت خوش ہیں۔ عالیہ بھٹ نے آج کل فلم راکی اور رانی کی پریم کہانی کی ریلیز کی تیاری کر رہی ہیں۔ کرن جوہر کی ہدایت کاری میں بننے والی اس فلم میں رنویر سنگھ، دھرمیندر، جیا بچن اور شبانہ اعظمی نے بھی اہم کردار ادا کیے ہیں۔ اس کے علاوہ پریانکا چوپڑا اور کترینہ کیف کے ساتھ جی لے زرا کی بھی اسی سال شوٹنگ کی جائیگی ، اور اسی سال عالیہ ہالی وڈ میں ہارٹ آف سٹون سے ڈیبیو کرنے جا رہی ہیں ۔

  • شاہد کپور کے انڈسٹری میں بیس سال مکمل ، اہلیہ میرانے دی گرینڈ پارٹی

    شاہد کپور کے انڈسٹری میں بیس سال مکمل ، اہلیہ میرانے دی گرینڈ پارٹی

    بالی وڈ اداکار شاہد کپور کو انڈسٹری میں بیس مکمل ہو گئے ہیں، انہوں نے 2003میں اپنے کیرئیر کا آغاز فلم عشق وشق سے کیا ، وہ ابتدائی طور پر رومانوی کرداروں میں نظر آئے اس کے بعد انہوں نے ایکشن فلموں میں بھی کام کیا اورکئی ایوارڈ حاصل کئے۔ شاہد کپور کے انڈسٹری میں بیس سال مکمل ہونے پر ان کی اہلیہ میرا نے اہتمام کیا ایک گرینڈ پارٹی کا۔ شاہد کپور گزشتہ چند برسوں سے سکرین پر کم نظر آرہے ہیں لیکن وہ اسی سال عباس ظفر کی فلم بلڈی ڈیڈی میں نظر آئیں گے۔ شاہد کپور معروف اداکار پنکج کپور اور نیلیما عظیم کے بیٹے ہیں ، شاہد کپور نے شامک داور کی اکیڈمی سے ڈانس کی تربیت حاصل کی ، وہ نوے کی دہائی کی چند فلموں میں بیک گراونڈ ڈانسر کے طور پر نمودار ہوئے، اور بعد میں

    انہیں میوزک ویڈیوز اور ٹیلی ویژن اشتہارات میں بھی دیکھا گیا ۔شاہد کپور نے جب اپنا فلمی کیرئیر شروع کیا تو عشق وشق کے سپر ہٹ ہونے کے بعد انہوں نے ایک سے بڑھ کر ایک ہٹ فلم دی ، جس میں امتیاز علی کی رومانٹک کامیڈی جب وی میٹ (2007) اور وشال بھردواج کی ایکشن فلم کمینے (2009) کا نام قابل زکر ہے ۔ شاہد کپور کا نام کرینہ کپور کے ساتھ بھی جڑا ، دونوں ایک دوسرے کی محبت میں گرفتار تھے لیکن دونوں ہی ایک دوسرے سے الگ ہو گئے اور ان کی محبت کی کہانیاں ختم ہوں گئیں کیونکہ کرینہ نے سیف علی خان کے ساتھ شادی کر لی اور شاہد کپور نے میرا کے ساتھ شادی کر لی۔

  • میں نے پہلے کبھی عمران خان کے لئے لوگوں کی اتنی دیوانگی نہیں دیکھی عمران عباس

    میں نے پہلے کبھی عمران خان کے لئے لوگوں کی اتنی دیوانگی نہیں دیکھی عمران عباس

    اداکار عمران عباس جو کہ عمران خان کو بہت پسند کرتے ہیں ان کے سیاسی نظریات سے اتفاق کرتے ہیں وہ بہت زیادہ خوش ہیں عمران خان کی رہائی کے حکم کے بعد ۔ انہوں نے اپنے سوشل میڈیا اکاﺅنٹ پر ایک پوسٹ کی جس میں انہوں نے لکھا کہ میں بحرین جانے کےلئے اس وقت ائیرپورٹ پر موجود ہوں اور جیسے ہی عمران خان کی رہائی کا حکم دیا گیا ہے تو لوگوں نے یہ یہاں خوشیاں منائی ہیں ، ایک دوسرے کے گلے ملے ہیں اور ان کی آنکھوں میں خوشی کے آنسو ہیں، ہر کوئی ایک دوسرے کو مبارکباد دے رہا ہے، میں نے ایسی خوشی اور دیوانگی پہلے کبھی عمران خان کے لئے نہیں دیکھی۔ عمران عباس نے کہا کہ اس بار تو عمران خان کے لئے لوگوں کی محبت ہر حد کو پار کر گئی ہے۔ یاد رہے کہ

    صرف عمران عباس ہی نہیں فنکاروں کی ایک بڑی تعداد عمران خان کو سپورٹ کرتی ہے۔ آج کل چونکہ ملک میں سیاسی ماحول کافی گرم ہے اور عمران خان کی گرفتاری کے بعد خصوصی طور پر جو توڑ پھوڑ پی ٹی آئی کے شرپسندوں نے کی ہے اس کے بعد تو لوگوں کا گھروں سے باہر نکلنا محال ہے، اب جبکہ چیف جسٹس آف پاکستان نے عمران خان کی رہائی کے احکامات جاری کر دئیے ہیں ممکن ہے ملک میں امن امان کی فضا قائم ہو۔

  • راکھی کا عمران خان کے حوالے سے پاکستانیوں کو پیغام

    راکھی کا عمران خان کے حوالے سے پاکستانیوں کو پیغام

    بالی وڈ کی معروف آئٹم گرل اور اداکارہ راکھی ساونت نے اپنے ایک وڈیو پیغام میں کہا ہے کہ اٹھو پاکستانیوں عمران خان کے لئے اٹھو ، اس کے لئے کچھ کرو، اگر ہمارے ہاں ایسا ہوا ہوتا تو ہم بینڈ بجا کر رکھ دیتے ، انہوں نے پاکستانیوں کو ایک اور مشورہ دیا انہوں نے کہا کہ ٹک ٹاک چھوڑو اور عمران خان کے لئے کچھ کرو ۔ یوں راکھی ساونت نے پاکستانیوں پر طنز بھی کر دی ہے تم لوگ ٹک ٹاک پر بیٹھے رہتے ہو اور کچھ کرنے کا مشورہ بھی دیدیا۔ عمران خان انڈیا میں خصوصی طور پر اس لئے آج کل بہت مقبول ہیں کیونکہ وہ پاکستانی فوج کے خلاف زہر اگل رہے ہیں اور انڈین میڈیا اس چیز کو بہت زیادہ اچھا ل رہا ہے۔ کیونکہ انڈیا ہمیشہ سے ہی یہی چاہتا ہے کہ پاکستان میں فوج کے خلاف جذبات ابھریں اور

    جو کام انڈیا اسرائیل نہیں کر سکا وہ عمرا ن خان نے کر دکھایا ہے تبہی تو انڈین میڈیا عمران خان کو ہیرو کے طور پر پیش کر رہا ہے اور بھارتی بھی عمران خان کو اسی لئے سپورٹ کررہے ہیں۔ یہاں تک کہ دنیا کے دیگر ممالک میں بھی عمران کا فوج مخالف بیانیہ بہت زیادہ پسند کیا جا رہا ہے اور وہاں بھی عمران خان کو ہیرو کے طور پر پیش کیا جا رہا ہے۔ یاد رہے کہ گزشتہ روز چیف جسٹس آف پاکستان نے عمران خا ن کی گرفتاری کو غیرقانونی قرار دیدیا ہے۔

  • شاہ رخ خان کی محبت کے بارے میں ایک خوبصورت بات

    شاہ رخ خان کی محبت کے بارے میں ایک خوبصورت بات

    بالی وڈ کے کنگ شاہ رخ خان نے اپنے حالیہ انٹرویو میں کہا ہے کہ جب مجھے پیار محبت کے اظہار کے سینز کرنے ہوتے ہیں یہ کہنا ہوتا ہے کہ آئی لو یو ، تو مجھے بہت کوفت ہوتی ہے ایسا کرنے سے کیونکہ ذاتی زندگی میں میرا یقین ہے کہ اگرآپ محبت کرتے ہو تو آپ کو کہنے کی ضرورت نہیں پڑتی اور اگر کہنے کی ضرورت پڑ گئی تو پھر وہ محبت نہیں ۔ اداکار نے مزید یہ بھی کہا کہ میں نے اپنی زندگی میں خصوصی طور پر باپ کے انتقال کے بعد بہت مشکل وقت دیکھا ہے ، لیکن ہر مشکل وقت میں میری ماں نے میری حوصلہ افزائی کی ، انہوں نے مجھے ادب

    آداب سکھایا انہوں نے مجھے دین کے مطابق چلنا سکھایا ، مجھے یاد ہے کہ میں جب چھوٹا تھا تو میری ماں مجھے کہا کرتی تھی کہ کھانا اتنا لینا بیٹا جتنے کی ضرورت ہے ضائع مت کرنا ۔وہ مجھے کہا کرتی تھی کہ کسی پر کبھی انحصار نہ کرنا اپنے کام خود کرنا ۔ شاہ رخ خان نے یہ بھی کہا کہ میری ماں نے میرے ساتھ کیرئیر بنانے کے ھوالے سے بھی زبردستی کبھی نہیں کی تھی ہمیشہ یہی کہا کہ جو دل کرے وہی کرو لیکن دل لگا کر محنت کر کے ساتھ کرو۔میں بھی اپنے بچوں کے ساتھ زبردستی کا قائل نہیں ہوں ان کو اپنی زندگی میں جو کرنا ہے کر کریں میں کبھی ان کو مجبور نہیں کروں گا کہ یہ کرو اور وہ نہ کرو۔

  • مجھے کوئی نہیں‌ ہرا سکتا شہناز گل

    مجھے کوئی نہیں‌ ہرا سکتا شہناز گل

    بالی وڈ اداکارہ شہناز گل نے اپنے ایک ھالیہ انٹرویو میں کہا ہے کہ مجھے کوئی نہیں ہرا سکتا ، جہاں‌میں ہوتی ہوں پھر میں ہی وہیں‌ہوتی ہوں کوئی اور نہیں‌آسکتا. شہناز گل کو ہرانا اتنا آسان نہیں ہے. میں جو جگہ بناتی ہوں اسکو بہت مشکل سے چھوڑتی ہوں. میں نے آج تک جو بھی کام کیا ہے بہت محنت سے کیا ہے . کبھی کسی کا حق نہیں مارا ، کبھی سازش نہیں کی اسلئے مجھے میرے رب کی ذات نے میری محنت کا بہت زیادہ پھل دیا ہے. میں خوش ہوں کہ مجھے اوپر والے نے اتنی کامیابی سے نوازا ہے. آج میرے پاس جتنی شہرت ہے شاید یہ کسی کا خواب ہی ہو سکتی ہے.

    اداکارہ نے یہ بھی کہا کہ شہرت پانا آسان ہے لیکن اس شہرت کو برقرار رکھنا بہت مشکل ہے. میں کوشش کرتی رہتی ہوں کہ مجھے جو خدا نے شہرت دی ہے اسکو سنبھال سکوں. یاد رہے کہ شہناز گل کو بالی وڈ میں سلمان خان کی بہت زیادہ سپورٹ حاصل ہے اسی سپورٹ کی وجہ سے ان کو فلم میکرز اور لوگوں کی جانب سے توجہ مل رہی ہے. آج شہناز کیرئیر کی جن بلندیوں‌پر ہیں وہ سلمان خان کی دین ہے اگر یہ کہا جائے تو یقینا بےجا نہ ہو گا .

  • زارا نور عباس نے عمران خان کے حق میں آواز بلند کر دی

    زارا نور عباس نے عمران خان کے حق میں آواز بلند کر دی

    پاکستان تحریک انصاف کے چئیر مین عمران خان دو قبل گرفتار ہوئے ان کی گرفتاری کے بعد ان کے سپورٹرز نے ملک بھر میں توڑ پھوڑ کی ، سرکاری اور اہم حساس عمارات میں گھسے اور کہیں آگ لگائی تو کہیں توڑ پھوڑ کی . عمران خان کی حمایت صرف ایک خاص قسم کا طبقہ کررہا ہے ورنہ تو عمران خان کے چہرے سے نقاب اترنے کے بعد ان کے سارے حمایتی ان سے پیچھے ہٹ گئے ہیں، لیکن شوبز کی کچھ سلیبرٹیز ایسی ہیں جو عمران خان کی اصلیت پہچاننے کو تیار نہیں ہیں، اداکارہ زارا نور عباس بھی انہی میں سے ایک ہیں ، انہوں نے عمران خان کی گرفتاری

    کے بعد کہا ہے کہ عمران خان پاکستان کے لئے لڑرہا ہے وہ اس ملک کے مسائل کو حل کرنا چاہتا ہے وہ اس ملک سے موروثی سیاست کا خاتمہ کرنا چاہتا ہے ، اگر ہم عمران خان کے ساتھ نہ کھڑے ہوئے تو پھر ہم پر وہی لوگ مسلط ہو جائیں گے جنہوں نے اتنے اتنے سال حکومت کی اور پاکستان کے مسائل کو بڑھا دیا. انہوں نے کہا ہمیں عمران خان کے علاوہ کوئی منظور نہیں لہذا اٹھ کھڑے ہوں . یاد رہے کہ عمران کی گرفتاری کو آج دوسرا روز ہے لیکن پی ٹی آئی کے شرپسند ملک بھر میں توڑ پھوڑ کررہے ہیں.