Baaghi TV

Tag: celebrities

  • علی عظمت بد تمیز ہیں سوشل میڈیا صارفین

    علی عظمت بد تمیز ہیں سوشل میڈیا صارفین

    گلوکار علی عظمت جو اپنے جارہانہ رویے کی وجہ سے جانے جاتے ہیں وہ اکثر ایسی باتیں کر دیتے ہیں کہ جس کی وجہ سے سوشل میڈیا پر ان پر کافی تنقید کی جا تی ہے۔ حال ہی میں علی عظمت 53برس کے ہوئے اس خوشی میں انہوں نے کیک کاٹا اور سالگرہ میں انہوں نے اپنے قریبی دوستوں اور رشتہ داروں بلایا علی عظمت کی کیک کاٹنے کی وڈیو سوشل میڈیا پرکافی وائرل ہورہی ہے۔ اس میں دیکھا جا سکتا ہے کہ علی عظمت اپنے دوست کو اپنے بازﺅں میں زور سے دبوچتے ہیں اور انہیں کیک کھلاتے ہیں ۔ یہ وڈیو سوشل میڈیا پر تیزی سے وائرل ہوئی ، اور سوشل

    میڈیا صارفین نے لے لیا علی عظمت کو آڑھے ہاتھوں اور کہا کہ علی عظمت کو اپنے گھر آئے مہمانوں کے ساتھ اس طرح کا سلوک نہیں کرنا چاپیے ، چاہے کوئی آپ کا کتنا بھی اچھا دوست کیوں نہ ہوں ۔ علی عظمت پر تنقید کرتے ہوئے کئی سوشل میڈیا صارفین نے تو یہاں تک کہہ دیا کہ گلوکار 53برس کے ہو کے بھی نہیں سمجھ سکے کہ دوسروں کے ساتھ کیسے پیش آنا ہے۔

  • وسیم اکرم اداکاری کوجاری رکھیں گے ؟

    وسیم اکرم اداکاری کوجاری رکھیں گے ؟

    معروف کرکٹر وسیم اکرم اور ان کی اہلیہ شنیرا کی فلم منی بیک گارنٹی سے ان دونوں نے اپنا فلمی کیرئیر شروع کیا ہے۔ وسیم اکرم کی فلم میں اداکاری بہت زیادہ پسند کی جا رہی ہے ، اب لوگوں کے زہنوں میں سوال ہے کہ وسیم اکرم اداکاری کے مزید پراجیکٹس کریں گے یا نہیں ، اس سوال کا جواب انہوں نے ایک غیر ملکی صحافی کو انٹرویو دیتے ہوئے کہا ہے کہ مجھے فلم میں کام کرنے کا بہت مزا آیا ، یہ ایک نیا تجربہ تھا لیکن اپنے دوست فیصل قریشی کے کہنے پر فلم کر لی ، فواد خان کے ساتھ کام کرنا ان کے سامنے ڈائیلاگز بولنا اتنے آسان نہ تھے کیونکہ میں

    کنفیوژ ہو جاتا تھا لیکن فواد خان نے ایسا احساس تک نہیں ہونے دیا۔ وسیم اکرم سے جب یہ پوچھا گیا کہ آپ مزید اداکاری کریں گے تو وسیم اکرم نے کہا کہ انسان کو وہ کام کرنا چاہیے جو اسے کرنا آتا ہے، اداکاری بہت مشکل کام ہے ، ڈائیلاگز ، سکرپٹ یاد کرنا آسان نہیں ہوتا۔ اور اس میں بہت سارا وقت درکار ہوتا ہے جبکہ ماڈلنگ اس کی نسبت آسان ہوتی ہے۔ اگر کوئی مزید آفر آئی تو میں سوچوں گاکہ میں نے اداکاری کرنی ہے یا نہیں لیکن میرا یہ ماننا ہے کہ انسان وہی کرے جو اسکو آتا ہے جس میں وہ ماہر ہے۔

  • ہر حال میں خدا کا شکر ادا کریں شہروز سبزواری

    ہر حال میں خدا کا شکر ادا کریں شہروز سبزواری

    بہروز سزواری کے صاھبزادے شہروزسبزواری نے اپنی اہلیہ کے ساتھ ایک نجی ٹی وی کے شو میں شرکت کی وہاں انہوں نے ایک الگ ہی منطق بتائی، ان سے جب سوال ہوا کہ مہنگائی بڑھ رہی ہے کیا کہیں گے ، تو انہوں نے کہا کہ مہنگائی بڑھ رہی ہے آپ ٹھیک کہہ رہی ہیں لیکن میں سمجھتا ہوں کہ اگر خدا کا شکر ادا کرتے رہیں تو مہنگائی مہنگائی نہیں لگتی ۔ میں یہ بھی جانتا ہوں کہ بہت سارے لوگ میرے اس بات سے اتفاق نہیں کریں گے لیکن ہر ھال میں خدا کا شکر ادا کرتے رہنا چاہیے ، چاہے مہنگائی ہی کیوں نہ ہو اس پر بھی خدا کا شکر ادا کریں۔

    شہروزز سبزواری کے انٹرویو کا کلپ سوشل میڈیا پر وائرل ہو رہا ہے جس پر صارفین دلچپسپ تبصرے کررہے ہیں ، صارفین کا کہنا ہے کہ جن کے گھر میں دانے ہوتے ہیں وہ ایسے ہی باتیں کرتے ہیں۔ جن کی آمدنی کم ہے وہ مہنگائی پر شکر ادا کریں ٹھیک ہے لیکن اخراجات کیسے پورے ہوں، عجیب منطق ہے شہروز کی کہ مہنگائی جتنی بھی ہو بس خدا کا شکر ادا کرتے رہنا چاہیے۔ اس انٹرویو میں شہروز کے ساتھ ان کی اہلیہ صدف کنول بھی موجود تھیں ۔

  • ارجن کے لئے کھانا خود بناتی ہوں ملائکہ اروڑا

    بالی وڈ اداکارہ اور رقاصہ ملائکہ اروڑ ا نے اپنے حالیہ انٹرویو میں ارجن کپور کی تعریفوں کے پل باندھتے ہوئے کہا ہے کہ ارجن کی طبیعت بہت سادہ ہے۔ اورمیں اسی وجہ سے ان کو پسند کرتی ہوں، ارجن کو بالکل بھی کھانا نہیں بنانا آتا۔ ملائکہ نے کہا کہ میں خود ارجن کے لئے کھانا بناتی ہوں اور مجھے بہت اچھا لگتا ہے اپنے بہت قریبی دوست کے لئے کھانا بنانا۔ ارجن کو میرے ہاتھ کا کھانا بہت پسند ہے ۔انہوں نے یہ بھی کہا کہ مجھے بہت حیرت ہوتی ہے جب ارجن سے کہا جاتا ہے کہ آپ ملائکہ کے لئے کھانا بنائیں یا ان کے لئے چائے بنائیں ، بھئی جب ان کو کھانا

    بنانا آتا ہی نہیں چائے بنانی آتی ہی نہیں تو میں کیوں ان سے کہوں کہ وہ میرے لئے کھانا بنائیں۔ اتنا کافی ہے کہ وہ میرے ساتھ ہیں مجھ پہ اعتبار کرتے ہیں اور میرے ہاتھ کی بنی چیزیں شوق سے کھاتی ہیں۔ ملائکہ اروڑہ نے کہا کہ ارجن اور میرے درمیان جو بانڈنگ ہے وہ بہت زبردست ہے اور ہم ایکدوسرے کی پسند نہ پسند سے بخوبی واقف ہیں ۔ ہم ایک دوسرے کے مزاج کو بھی بہت اچھے سے سمجھنے لگے ہیں۔

  • شفالی شاہ کو ان کے دوست کیا کہہ کر چھیڑتے ہیں؟

    شفالی شاہ کو ان کے دوست کیا کہہ کر چھیڑتے ہیں؟

    بالی وڈ اداکارہ شفالی شاہ جنہوں نے اپنے بہترین کام کی بدولت شوبز انڈسٹری میں اپنا نام اور مقام بنایا ، انہوں نے ٹی وی پر نہایت شہرت سمیٹی ان کی شہرت کا یہ عالم تھا کہ بالی وڈ انکو فلموں میں لینے کے لئے مجبور ہو گیا۔ شفالی شاہ کو پہلی بار 1998میں فلم ستیا میں کام کرنے کا موقع میسر آیا ۔ اس میں انہوں نے اداکار منوج باجپائی کے مقابلے میں کردار ادا کیا۔ پہلی ہی فلم میں ان پر ایک ایسا گانا پکچرائز ہوا کہ جو کہ ہندی گانوں میں ایک کلاسک کی حیثیت رکھتا ہے۔ گانے کے بول تھے سپنے میں ملتی ہے ، اس گیت نے بہت شہرت حاصل کی ، اس میں شفالی اور منوج

    باجپائی ڈانس کرتے ہوئے بھی دکھائی دئیے۔ اس گیت سے جڑی یادوں سے پردہ اٹھاتے ہوئے شفالی شاہ نے کہا ہے کہ میرے دوست آج بھی مجھے سپنے میں ملتی ہے بجا کر چھیڑتے ہیں۔ انہوں نے کہا کہ مجھے اچھا لگتا ہے جب میرے دوست مجھے میر ا ہی گانا بجا کر یا گا کر چھیڑتے ہیں ، اس گیت اور فلم کے ساتھ میری بہت ساری یادیں وابستہ ہیں۔

  • تامل زبان میں بات کرو اے آر رحمان کی اہلیہ کوتنبیہ

    تامل زبان میں بات کرو اے آر رحمان کی اہلیہ کوتنبیہ

    اے آر رحمان جو کہ موسیقار ہونے کے ساتھ ساتھ گلوکار اور نغمہ نگار بھی ہیں ان کی بھارت سمیت پوری دنیا میں میوزک کی وجہ سے شہرت ہے۔ اے آر رحمان کا کام نئے آنے والوں کے لئے مشعل راہ ہے۔ اے آر رحمان اس وقت ایک لیجنڈ کی حیثیت رکھتے ہیں ۔ ان کی اہلیہ سائرہ بانو جو کہ بھارت کی مغربی ریاست گجرات کے علاقے کچھ سے تعلق رکھتی ہیں ، انہوں نے حال ہی میں چنئی میں منعقدہ ایوارڈ تقریب میں سٹیج پر آ کر بتایا کہ مجھے اپنے شوہر کی آواز بہت زیادہ پسند ہے ، ان کی آواز کی وجہ سے ہی مجھے ان سے محبت ہوئی ، ہماری شادی

    گھر والوں کی رضا مندی سے ہوئی ہمارے تین بچے ہیں۔ ہم دونوں ایک بہت ہی خوشگوار زندگی بسر کررہے ہیں۔ لیکن جب سائرہ بانو سٹیج پر مدعو کی گئیں اور انہوں نے بولنا شروع ہی کیا تھا تو اے آر رحمان نے ان سے کہا کہ تامل زبان میں بات کرو، انکی اہلیہ نے کہا کہ مجھے تامل زبان پر عبور نہیں ہے لہذا میں انگلش میں ہی بات کر لیتی ہوں ، یوں انہوں نے انگریزی میں چند جملے بول کر دنیا کو بتایا کہ وہ اپنے شوہر کے ساتھ کتنی محبت کرتی ہیں۔

  • عید کی چھٹیوں کے دوران داا لیجنڈ آف مولا جٹ نے 114 کروڑ کا بزنس کیا

    عید کی چھٹیوں کے دوران داا لیجنڈ آف مولا جٹ نے 114 کروڑ کا بزنس کیا

    دا لیجنڈ آف مولا جٹ گزشتہ برس اکتوبر کے مہینے میں ریلیز کی گئی ، فلم نے پاکستان سمیت دنیا بھر میں ریکارڈ توڑ بزنس کیا ۔ اس فلم کو ریلیز ہوئے چھ ماہ ہو چکے ہیں لیکن فلم مسلسل بزنس کررہی ہے۔ اس عید پر چار اردو اور تین پنجابی فلمیں ریلیز کی گئیں، منی بیک گارنٹی اور ہوئے تم اجنبی دونوں فلمیں بڑے بجٹ اور بڑی کاسٹ کے ساتھ تیار کی گئی ہیں۔ اس کے باوجود یہ فلمیں اتنا بزنس نہیں کر سکیں جتنے کی توقع کی جا رہی تھی ۔ فواد خان اور وسیم اکرم کی موجودگی کے باعث فلم شائقین کو متاثر نہ کر سکی۔ فیصل قریشی کی بطور ہدایتکار یہ پہلی فلم تھی اور بڑی سکرین کے لئے ان کا یہ تجربہ کو ئی خاص اچھا نہیں رہا دوسری طرف ہوئے تم اجنبی بھی کامران شاہد

    کی بطور ڈائریکٹر پہلی فلم تھی اس فلم کا موضوع خشک تھا جس کی وجہ سے فلم میں شائقین نے خاص دلچپسی نہیں لی ۔ باقی فلموں نے بھی منہ کی کھائی اور کوئی ایسی فلم نہیں ہے جس نے اپنی لاگت پوری کی ہو۔ یوں اس سال عید پر سینما گھروں میں لگنے والی فلموں نے شائقین کو مایوس کیا۔ تاہم دا لیجنڈ آف مولا جٹ ایسی فلم رہی ہے جو ریلیز سے لیکر اب تک مسلسل اچھا بزنس کررہی ہے۔

  • کریسن پریرا شارجہ جیل سے رہا ہو گئیں

    کریسن پریرا شارجہ جیل سے رہا ہو گئیں

    یکم اپریل کو بھارتی اداکارہ کریسن پریرا شارجہ پہنچیں تو وہاں انہیں ائیر پورٹ پر گرفتار کر لیا گیا ، ان کے پاس ایک ٹرافی تھی جس میں منشیات تھیں ، پولیس نے اداکارہ کو رنگے ہاتھوں پکڑ کر بھارت کے سفاتخانے کو مطلع کر دیا تھا۔ تاہم ممبئی پولیس کا شبہ تھا کہ اداکارہ کو پھنسایا گیا ہے۔ کریسن پریرا کے حوالے سے اب خبر ہے کہ انہیں شارجہ کی جیل سے رہائی مل گئی ہے اور وہ بھارت واپس آرہی ہیں۔ کریسن پریرا کو رہائی کن بنیادوں پر ملی ہے اس حوالے سے تفصیلات تاحال سامنے نہیں آئیں لیکن یہ خبر ضرور سامنے آچکی ہے کہ اداکارہ کو شارجہ جیل سے رہائی مل

    چکی ہے۔ واضح رہے کہ شارجہ پولیس نے جب اداکارہ کریسن پریرا کو گرفتار کیا تو ممبئی کرائم برانچ نے معاملے کی تحقیقات کیں اور انہیں پتہ چلا کہ اداکارہ کو جس نے ٹکٹ لیکر دی تھی اس کی بہن کا جھگڑا اداکارہ کی والدہ کے ساتھ چند روز قبل ہوا تھا ، اس کا بدلہ لینے کے لئے انتھونی نامی شخص نے کریسن پریرا کو شاجہ سے بھارت واپسی کا جعلی ٹکٹ بھی دیا اور اسی نے اسے ٹرافی دی کہ وہ اسے شارجہ لیجائے۔ اداکارہ اس بات سے بے خبر تھیں کہ ٹرافی میں منشیات رکھی ہوئی ہیں۔

  • کومل رضوی کے ہاتھ پیلے ہو گئے

    کومل رضوی کے ہاتھ پیلے ہو گئے

    گلوکارہ و اداکارہ کومل رضوی شادی کے بندھن میں بندھ گئی ہیں. ان کی شادی کی تقریبات امریکہ میں ہوئیں اور ان کے شوہر کا تعلق بھی امریکہ سےہی ہے. علی اپل امریکی بزنس ٹائیکون ہیں اور سیلیکون ویلی کے مالک ہیں. کومل رضوی نے اپنی مہندی اور مائیوں کی تقریب میں خود رقص کیا اور بہت ہی خوبصورت بھی لگ رہیں تھیں. سوشل میڈیا پر ان کے رقص کی وڈیوز وائرل ہو رہی ہیں جن میں دیکھا جا سکتا ہے کہ گلوکارہ بھارتی اداکارہ ایشوریا رائے کے گیت کجرا رے پر ڈانس کررہی ہیں. کہا جا رہا ہے کہ کومل رضوی کی شادی کی تقریب میں ان کے قریبی

    دوستوں اور رشتہ دارں نے شرکت کی. تمام تقریبات بہت دھوم دھام سے کی گئیں. کومل رضوی اب مسز علی اپل بن چکی ہیں. واضح رہے کہ کومل رضوی اس سے پہلے بھی شادی کے بندھن میں بندھ چکی ہیں لیکن ان کا پہلا رشتہ ناکامی سے دوچار ہوا. اس رشتے کے ختم ہونے کے بعد کومل نے ڈراموں کا رخ بھی کیا اداکاری بھی کی لیکن شائقین کو زیادہ متاثر نہ کر سکیں‌. کومل رضوی نے کئی گیت بھی گائے ہیں اور بطور گلوکارہ ان کی شناخت بنی یہاں تک کہ ان کی شہرت بھارت بھی پہنچی.

  • فلم دوڑ کے میکرز پریشان

    فلم دوڑ کے میکرز پریشان

    اس عید پر چار اردو فلمیں ریلیز ہوئیں جن میں ایک دوڑ تھی ، اس فلم کے میکرز ہیں کافی پریشان ، ان کا دعوی ہے کہ فلم دوڑ کے ساتھ زیادتی کی گئی ہے ، کیونکہ اسکو شو نہیں دئیے گئے ، اگر کوئی شو دیا بھی گیا ہے تو وہ رات گئے دیا ہے . ہم نے ایک اچھی فلم تیار کی شائقین کے لئے لیکن شائقین کو اس فلم سے دور رکھ کر ان کے ساتھ بے حد زیادتی کی گئی ہے اگر ایسا ہی سلسلہ چلتا رہا تو ہم فلمیں نہیں‌بنائیں گے. دوسری طرف دوڑ فلم کی کاسٹ چند روز قبل فلم دیکھنے کےلئے سینما گھر پہنچ گئی فلم کی ساری کاسٹ شبستان سینما میں موجود تھی اور انہوں نے

    لوگوں کے ساتھ بیٹھ کر فلم دیکھی. اس فلم کو ندیم چیمہ نے ڈائریکٹ کیا ہے جبکہ لکھا کامران رفیق نے ہے. اگر ہم سینما کی رپورٹس لیں تو پتہ چلتا ہے کہ فلم دوڑ شائقین کو متاثر کرنے میں ناکام رہی ہے جبکہ دوڑ فلم کے میکرز کا دعوی ہے کہ ہمارے ساتھ زیادتی کی گئی ہے ، بڑے بجٹ کی بڑی فلموں کو مکمل طور پر شوز دئیے گئے . چھوٹی فلموں کو بھی شوز دئیے جانے چاہیں اس طرح کی زیادتی فلم میکرز کا حوصلہ توڑتی ہے.