Baaghi TV

Tag: celebrities

  • فلم جوائے لینڈ دہلی فلم فیسٹیول میں نمائش کے لئے پیش

    فلم جوائے لینڈ دہلی فلم فیسٹیول میں نمائش کے لئے پیش

    صائم صادق کی ڈائریکشن میں تیار کردہ فلم جوائے لینڈ نے پہلے کانز فلم فیسٹیول میں دھوم مچائی اب اس نے دہلی فلم فیسٹیول میں دھوم مچا دی ہے. فلم کو دہلی فلم فیسٹیول میں نمائش کے لئے پیش کیا گیا. بھارتیوں کو جوائے لینڈ بے حد پسند آرہی ہے. یہاں تک کہ بھارتی معروف ڈائریکٹر شیکھر کپور نے بھی کہہ دیا ہے کہ فلم جوائے لینڈ بہت ہی اچھی ہے اور معیاری ہے. فلم کی ڈائریکشن اور موضوع کے اعتبار سے پاکستانی اداکاروں کی اداکاری کی کیا ہی بات ہے. بھارت کے معروف صحافی شورتی نے بھی فلم کو سحر انگیز قرار دیدیا ہے ، انہوں نے کہا کہ اس فلم کو دیکھنے کےلئے بھارتیوں کی ایک بڑی تعداد پہنچی اس قدر رش تھا کئی لوگوں کو زمین پر بیٹھ کر فلم دیکھنی پڑی.

    انہوں نے کہا کہ جو لوگ نہیں دیکھ پائے وہ کئی گھنٹے لائن میں‌لگ کر انتظار کرتے رہے تاکہ وہ فلم دیکھ سکیں . انہوں یہ سب باتیں ٹویٹ کے زریعے کہیں ، انہوں نے یہ بھی لکھا کہ لوگوں نے فلم دیکھتے ہوئے نہ صرف تالیاں بجائیں بلکہ جذباتی بھی ہو گئے. یاد رہے کہ جوائے لینڈ فلم کی نمائش پاکستان میں ایک عرصہ تک تنازعہ کا شکار رہی. فلم میں ثراوت گیلانی ، راستی فاروق اور علینا خان نے اہم کردار ادا کئے ہیں، علینا خان نے ایک ٹرانسجینڈر کا کردار ادا کیا ہے .

  • منوج باجپائی نے فلم ویر زارا کیوں کی؟‌ اداکار نے وجہ بتا دی

    منوج باجپائی نے فلم ویر زارا کیوں کی؟‌ اداکار نے وجہ بتا دی

    شاہ رخ خان اور پریتی زنٹا کی فلم ویر زارا اپنے زمانے کی سپر ہٹ فلم ہے اس فلم میں امیتابھ بچن اور ہیما مالنی نے اہم کردار ادا کئے تھے. فلم کا میوزک بھی بہت زیادہ سراہا گیا تھا. ویر زارا میں‌منوج باجپائی کے کردار کو کون بھول سکتا ہے. کئی سال کے بعد منوج باجپائی نے اپنے ایک ھالیہ انٹرویو میں فلم ویر زارا میں کام کرنے کی وجہ بتا دی ہے. انہوں نے کہا کہ جن لوگوں کو لگتا ہے کہ میں نے شاہ رخ خان کی وجہ سے فلم کی وہ کسی غلط فہمی میں ہیں ایسا بالکل نہیں ہے بلکہ میں نے یہ فلم یش راج کی وجہ سے کی تھی. وہ میرے کام کے دیوانے تھے خصوصی طور پر فلم پنجر میں جب سے انہوں نے میرا کام دیکھا تھا وہ میرے مداح بن چکے تھے. لہذا انہوں نے جب ویر

    زارا شروع کی تو مجھے درخواست کی کہ میں ان کے ساتھ کام کروں ، میں نے اپنا کردار سنا تو مجھے بہت اچھا لگا اور میں نے ہاں کردی. اور خوش قسمتی سے فلم نہ صرف سپر ہٹ ہوئی بلکہ میرے کردار کو بھی بے حد سراہا. میرا یش راج کے ساتھ کام کرنے کا تجربہ خوشگوار رہا ہے. اس فلم سے بہت ساری یادیں جڑی ہیں جو آج بھی دل میں کسی پھول کی طرح مہکتی ہیں.

  • فلم جاوید اقبال کا نام ککڑی رکھ دیا گیا

    فلم جاوید اقبال کا نام ککڑی رکھ دیا گیا

    ڈائریکٹر ابو علیحہ کی فلم جاوید اقبال جس پر ریلیز سے قبل ہی پابندی عائد کر دی گئی تھی اس کے بارے میں تازہ ترین اطلاعات یہ ہیں کہ اس فلم کا نام تبدیل کرکے اور سنسر بورڈ کی بتائی ہوئی تبدیلیوں کے مطابق کرکے اسے دوبارہ سنسر بورڈ میں منظوری کے لئے بھیجا جائیگا. فلم کا نیا نام ککڑی رکھ دیا گیا ہے. اس ھوالے سے فلم کے ڈائریکٹر ابو علیحہ کہتے ہیں کہ ہم نے ایک اچھی چیز تیار کی ہے لہذا ہم نے سوچا ہے کہ اسکی ریلیز کی راہ میں جو بھی حائل رکاوٹیں ہیں ان کو دور کرکے شائقین کو ایک معیاری چیز دکھانے کا بندوبست کیاجائے. انہوں نے فلم کو بڑے پردے پر لانے کے لیے

    عزم کا اظہار کرتے ہوئے بتایا کہ فلم کا نیا نام ’ککڑی‘ مرکزی کردار جاوید اقبال کی عرفیت پر مبنی ہے، اسے اس کے بیٹھنے کے طریقے پر یہ نام پکارا جاتا تھا۔انہوں نے کہا کہ میں بہت پر امید ہوں کہ جاوید اقبال اب جس کا نام ککڑی رکھ دیا گیا ہے اسے شائقین بہت زیادہ پسند کریں گے. انہوں نے یہ بھی کہا کہ ہم اس فلم کو عید الفطر پر ریلیز کرنے کا ارادہ رکھتے ہیں. یاسر حسین نے اس میں کمال مہارت کے ساتھ کام کیا ہے. یاد رہے کہ فلم ’ککڑی‘ ایک سیریل کلر جاوید اقبال کی حقیقی کہانی پر مبنی ہے جس نے 1999 میں لاہور میں 100 بچوں کو قتل کرنے کا اعتراف کیا تھا۔دیکھنا یہ ہے کہ فلم میں اس سچے واقعہ کو کس طرح سے دکھایا گیا ہے.

  • امریکی سٹکام ’دی بگ بینگ تھیوری‘ میں‌مادھوری اور ایشوریا بارے تضحیک آمیزالفاظ کا استعمال

    امریکی سٹکام ’دی بگ بینگ تھیوری‘ میں‌مادھوری اور ایشوریا بارے تضحیک آمیزالفاظ کا استعمال

    بالی وڈ اداکارائیں پوری دنیا میں‌ مقبول ہیں ، مادھوری اور ایشوریا رائے کا تو ایک زمانہ دیوانہ رہا ہے. ان دونوں اداکارائوں کے حوالے سے نیٹ فلکس پر نشر کئے جانے والے امریکی سٹکام ’دی بگ بینگ تھیوری‘ میں نازیبا گفتگو کی گئی ہے، ان دونوں اداکارائوں کے مداح کافی ہیں غصے میں. شو کے دوران بھارتی اداکارائوں کے حوالے سے نازیبا اور تضحیک آمیز گفتگو کرنے پر بھارتی مصنف و سوشل ایکٹیوسٹ متھون وجے کمار نے نیٹ فلکس کو قانونی نوٹس ارسال کر دیا ہے۔اس نوٹس میں نیٹ فلکس سے مطالبہ کیا گیا ہے کہ بھارتی اداکارائوں کے حوالے سے کی گئی نازیبا اور تضحیک آمیز گفتگو کو حذف کیا جائے اور اگر نیٹ فلکس نے امریکی پروگرام کی اس قسط کو

    انٹرنیٹ سے نہ ہٹایا تو اس کے خلاف قانونی کارروائی کی جائے گی۔مادھوری ڈکشٹ اور ایشوریا رائے دونوں کے مداح سوشل میڈیا پر نیٹ فلیکس کے خلاف سراپا احتجاج ہیں ان کا کہنا ہےکہ ان دونوں اداکارائوں نے محنت سے نام بنایا ان کے بارے میں ایسی گفتگو اور موازنے کرتے ہوئے شرم آنی چاہیے.یاد رہے کہ مادھوری اور ایشوریا رائے دونوں‌اپنے اپنے دور کی نمبر ون اداکارائیں ہیں. ان کی فلمیں اور کام نئے آنے والوں کے لئے باعث تقلید ہے.

  • میں عیسائی نہیں مسلمان ہوں یشما گل

    میں عیسائی نہیں مسلمان ہوں یشما گل

    اداکارہ یشما گل نے اپنے حالیہ انٹرویو میں کہا ہے کہ میرے بارے میں ہمیشہ ہی کچھ نہ کچھ غلط پھیلایا جاتا ہے، چونکہ میرے نام کےساتھ گل آتا ہے اسلئے میرے بارے میں مشہور کر دیا گیا کہ میں عیسائی ہوں. حالانکہ میں ایک مسلمان گھرانے میں‌پیدا ہوئی اور میرا مذہب اسلام ہے. انہوں نے کہا کہ میری زندگی میں ایک وقت ایسا بھی آیا کہ جب میں زندگی سے مایوس ہو چکی تھی . اس وقت میں نے اپنے مذہب کو پڑھا اور سمجھا. اس سے پہلے مجھے صرف نماز پڑھنی آتی تھی ، لیکن جب مذہب کو پڑھا اور سمجھا تو دلی سکون محسوس ہوا. انہوں نے کہا کہ انسان ڈپریشن میں بہت آگے تک چلا جاتا ہے میرا بھی یہی حال تھا لیکن میں نے خود پر قابو پایا. انہوں نے کہا کہ میں نے ہمیشہ

    کوشش کی ہے کہ ایسے کردار کروں جو شائقین کو پسند آئیں . میں صرف مثبت ہی نہیں‌منفی کردار بھی کرتی ہوں مجھے جو آفر اچھی ملے اسکو قبول کر لیتی ہوں یہ سوچے بغیر کہ اس میں میرا کردار مرکزی ہے یا ثانوی . انہوں نے کہا کہ میرے پاس بہت اچھے پراجیکٹس ہیں جو آن ائیر ہونے والے ہیں یقینا شائقین کو ضرور پسند آئیں گے.

  • زاہد احمد کا ڈرامہ طلاقیں 101 کا ٹریلر جاری

    زاہد احمد کا ڈرامہ طلاقیں 101 کا ٹریلر جاری

    اداکار زاہد احمد جنہوں نے نہایت کم عرصے میں اپنی صلاحیتوں کا لوہا منوایا. اب وہ ایک ایسے موضوع کے ساتھ سکرین پر آرہے ہیں‌ جو کہ بہت سنجیدہ ہے.زاہد احمد ڈرامہ سیریل طلاقیں 101 کے ساتھ چھوٹی سکرین کا رخ کررہے ہیں. اس ڈرامے میں زاہد احمد کے علاوہ دیگر کاسٹ میں نوین وقار، انوشے عباسی، اسامہ خان، زوباب رانا، فارس خالد، یاسر نواز اور ثنا عسکری اہم کرداروں میں‌نظر آئیں گے. زاہد احمد نے اپنے انسٹاگرام اکائونٹ پر ڈرامہ سیریل طلاقیں 101 کا پوسٹر اور ٹریلر شئیر کرتے ہوئے لکھا کہ زاہد احمد عرف رستم کاواس جی ایک نئی کامیڈی ڈرامہ ہے. آپ سب کو یہ نیا ڈرامہ اور میرا کردار ضرور پسند آئیگا. اس طرح کا کردار میں نے پہلے نہیں کیا.اس ڈرامے میں شادی

    شدہ جوڑے کے مسائل ان کے لڑائی جھگڑوں اور ناچاقیوں کی وجوہات کو بیان کیا گیا ہے. اس میں یہ بھی بتایا گیا ہے کہ طلاقوں کی شرح کیوں بڑھ رہی ہے. ٹریلر کا آغاز زاہد احمد ڈائیلاگ سے ہوتا ہے جہاں وہ کہتے ہیں کہ رشتے، انسان کی آنے والی زندگی میں انہی سے سکھ ملتا اور انہی سے دکھ ملتا ہے۔ڈرامے کا ٹریلر کافی پسند کیا جا رہا ہے. اپریل کے مہینے میں آن ائیر جانے والے اس ڈرامے کا انتظار شائقین بےچینی سے کررہے ہیں.

  • میٹھے کے شیدائی انوپم کھیر نے میٹھا چھوڑ دیا

    میٹھے کے شیدائی انوپم کھیر نے میٹھا چھوڑ دیا

    بالی وڈ‌ اداکار انوپم کھیر نے حال ہی میں سوشل میڈیا پر ایک وڈیو جاری کی ہے جس میں وہ بتا رہے ہیں کہ 62 دن سے میں نے میٹھے کو ہاتھ تک نہیں‌ لگایا اسے دیکھا تک نہیں ہے، انہوں نے کہا کہ میں میٹھے کا اتنا شیدائی ہوں کہ لنچ ہو یا ڈنر میں میں‌ میٹھا ضرور کھاتا تھا. انہوں نے کہا کہ 11 سال تک ممبئی میں ایک دوکان سے میٹھا میرے لئے میرے گھر میں آتا رہا اور میں روزانہ کھاتا رہا. میٹھا نہ کھائوں تو ایسے لگتا ہے کہ جیسے میری زندگی میں کچھ مس ہو رہا ہے. لیکن میں نے اب آکرسوچا کہ مجھے میٹھے سے کچھ دوری اختیار کرنی چاہیے. انہوں نے یہ بھی کہا

    کہ مجھے کسی قسم کی بیماری نہیں ہے نہ ہی شوگر کا کوئی مسئلہ کبھی رہا ہے. لیکن میں سمجھتا ہوں کہ پھر بھی میٹھا کھانا کوئی بہت اچھی چیز نہیں ہے. جو لوگ مجھے جانتے ہیں ان کو پتہ ہے کہ میں میٹھے کے بغیر نہیں رہ سکتا لیکن گزشتہ 62 دن سے میٹھا کھایا ہی نہیں اور مزید بھی نہیں کھائوں گا. میں آپ سب سے بھی یہ کہوں گا کہ کسی بھی چیز کی زیادتی نہیں ہونی چاہیے زندگی میں، لہذا میٹھے پر کنٹرول کریں اور اعتدال میں رہ کر ہرچیز کھائیں آپ صحت مند اور توانا رہیں گے.

  • نوجوت سنگھ سدھو کی اہلیہ کینسر کے مرض میں مبتلا

    نوجوت سنگھ سدھو کی اہلیہ کینسر کے مرض میں مبتلا

    سابق کرکٹر اور سیاستدان نوجوت سنگھ سدھو جو کہ 34 سال پرانے کیس میں سپریم کورٹ کی جانب سے مجرم قرار دیے جانے کے بعد مئی 2022 سے پٹیالہ سینٹرل جیل میں بند ہیں۔ ان کی اہلیہ کینسر کے مرض میں مبتلا ہوگئی ہیں. ان کی اہلیہ نے ایک ٹویٹ‌کے زریعے نوجوت سنگھ سدھو کے پرستاروں کو خبر دی کہ میں کینسر کے مرض میں مبتلا ہوں اور سٹیج دوئم ہے. انہوں نے لکھا کہ سدھو جی میں آپ کا انتظار کررہی ہوں ، جتنی تکلیف آپ کاٹ

    رہے ہہیں اتنی ہی تکلیف میں یہاں کاٹ‌رہی ہوں. میں‌جانتی ہوں کہ آپ ایسے جرم کی سزا پا رہے ہیں جو آپ نے کیا ہی نہیں. بار بار آپ کو انصاف سے محروم کیا جا رہا ہے. سچ بہت طاقتور ہوتا ہے ، ایک دن سامنے آکر رہے گا. ہاں‌یہ امتحان ضرور لیتا ہے ، میں آپ سے معذرت کرتی ہوں کہ میں آپکا زیادہ انتظار نہیں‌کر سکتی کیونکہ میں‌کینسر کے مرض میں مبتلا ہو گئی ہوں اور میری سرجری ہے. نوجوت سنگھ سدھو کا یہ ٹویٹ پڑھ کر ان کے پرستار دکھی ہو گئے اور ان کی اہلیہ کی صحیتابی کے لئے دعائیں کرنے لگے. زیادہ تر سوشل میدیا صارفین نے لکھا کہ بہت جلد سدھو آپ کے پاس ہوں گے. انکو انصاف ضرور ملے گا.

  • ہماری اداکارائیں ساتھیوں کو دھوکہ دیتی ہیں فیصل قریشی

    ہماری اداکارائیں ساتھیوں کو دھوکہ دیتی ہیں فیصل قریشی

    اداکار فیصل قریشی نےاپنے ایک حالیہ ٹی وی شو میں کہا ہے کہ ہماری انڈسٹری کی اداکارائیں اپنے ہی ساتھیوں کو دھوکہ دیتی ہیں جوکہ بہت ہی غلط بات ہے. انہوں نے اس بات کو جسٹیفائی کرنے کےلئے ایک واقعہ سنایا اور کہا کہ ایک بار ہماری ایک دوست جو کہ ہیروئین تھیں انہوں نے بتایا کہ اس کی انڈسٹری میں بہت ساری دوستیں ہیں اور ایک تو اسکے بہت ہی قریب تھی. اس نے اسے ہر اس آٍفر کو لینے سے منع کیا جو اچھی تھی ، وہ اپنی سہیلی سے کہتی کہ فلاں ڈرامہ بھی نہ کرنا فلاں بھی نہ کرنا. ایک بار ایسا ہوا کہ اس نے اپنی دوست سے کہا کہ جو تمہیں ڈرامہ آفر ہوا

    ہے اسے بالکل نہ کرنا اس کی سہیلی نے منع کر دیا ہوا یوں کہ جب وہ ڈرامہ آن ائیر گیا تو وہی سہیلی جس نے اپنی سہیلی کوڈرامہ کرنے سے منع کیا تھا وہ اس میں ایکٹنگ کرتی ہوئی نظر آئی. یوں فیصل قریشی نے بتایا کہ کس طرح‌سے انڈسٹری کی لڑکیاں دوستی کے نام پر دوسروں کو دھوکہ دیکر اپنا الو سیدھا کرتی ہیں. انہوں نے کہا کہ میرے ساتھ بھی بہت بار ایسا ہوا کہ میرے زریعے اپنے کام سیدھے کئے گئے لیکن میں نے اس لئے شورنہیں مچایا کہ چلو میرے نام سے کسی کو فائدہ ہو رہا ہے تو کوئی بات نہیں.

  • فلم پٹھان وڈیو گیم سے زیادہ کچھ نہیں یاسر حسین برس پڑے

    فلم پٹھان وڈیو گیم سے زیادہ کچھ نہیں یاسر حسین برس پڑے

    اداکار میزبان اور رائٹر یاسر حسین نے فلم پٹھان کو لے لیا ہے آڑھے ہاتھوں ، انہوں نے فلم کو بکواس قرار دیتے ہوئے کہا ہے کہ فلم میں‌کہانی نام کی تو کوئی چیز ہی نہیں ہے. ایسا لگتا ہے کہ یہ جیسے کوئی وڈیو گیم ہے. انہوں نے کہا ہے کہ اگر آپ سب نے مشن امپاسبل ون دیکھی ہے تو پھر تو آپ کو یہ فلم وڈیو گیم ہی لگے گی اور کہانی تو اسکی ہے ہی نہیں نہ سر ہے فلم کا پیر. یاسر حسین نے پٹھان کے لئے اپنی بھڑاس سوشل میڈیا پر خوب نکالی، یاسر حسین سے بہت سارے سوشل میڈیا صارفین نے اتفاق کرتے ہوئے کہا کہ آپ بالکل ٹھیک کہہ رہے ہیں

    پٹھان ایک کہانی لیس فلم ہے. یاد رہے کہ پٹھان نے انڈیا میں ریکارڈ توڑ بزنس کیا ہے بلکہ انڈیا کے ساتھ ساتھ جہاں جہاں بھی اس فلم کو نمائنش کے لئے پیش کیا گیا ہے وہیں اس نے کامیابی کے نئے ریکارڈز قائم کئے ہیں. اب کہا جا رہا ہے کہ فلم او ٹی ٹی پلیٹ فارم پر بھی ریلیز کی جائیگی. فلم میکرز کا کہنا ہے کہ فلم کی کامیابی کا جشن چلتا رہے گا. شاہ رخ‌خآن اور دیپیکا پڈوکون کے گانوں کو بہت سراہا گیا ہے.