Baaghi TV

Tag: celebrities

  • شوہر کو کیسے منائوں ؟ اشنا شاہ نے مداحوں سے پوچھ لیا

    شوہر کو کیسے منائوں ؟ اشنا شاہ نے مداحوں سے پوچھ لیا

    اداکارہ اشنا شاہ جن کو شاید عادت پڑ گئی ہے کہ وہ خبروں میں ہی رہیں اور ہر وقت سوشل میڈیا پر ڈسکس ہوتی رہیں. چند دن قبل وہ اپنی شادی کو لیکر کافی تنقید کی زد میں رہیں ان کے مداحوں نے ان کی شادی کی تصاویر اور وڈیوز دیکھ کر انہیں آڑھے ہاتھوں لیا اور کہا کہ انڈینز کی کاپی کرنا چھوڑ دیں. اس کے بعد انہوں نے سوشل میڈیا ہی چھوڑنے کا اعلان کر دیا تھا یہ کہہ کر انہوں نے اپنا اکائونٹ ڈی ایکٹیویٹ کر دیا تھا لیکن چند دن کے بعد ہی وہ اس پر واپس آ گئیں. اشنا شاہ کو خبروں میں رہنا پسند ہے اس کےلئے وہ بہانے ڈھونڈتی رہتی ہیں، لہذا انہوں نے انسٹاگرام

    پر ایک پوسٹ کے زریعے اپنے مداحوں سے پوچھا ہے کہ اگر میں گھر میں کتے رکھنا چاہتی ہوں کہ تو ان کو گھر میں لانے کےلئے شوہر کو کیسے منائوں اور قائل کروں . اشنا شاہ کی اس پوسٹ پر بہت سارے سوشل میڈیا صارفین نے ان کو جہاں دلچپسپ مشورے دئیے وہیں کچھ نے کہا کہ آپ کو کیوں‌یہ لگتا ہے کہ بس سوشل میڈیا پر آپ کے بارے میں‌ہی بات ہوتی رہے اور اگر نہیں‌ہو رہی تو آپ خود ہی جواز دے دین.

  • اسد ملک نے ابھی تک شادی کیوں نہیں کی؟ اداکار نے بتا دیا

    اسد ملک نے ابھی تک شادی کیوں نہیں کی؟ اداکار نے بتا دیا

    سئنیراداکار اسد ملک نے اپنے حالیہ انٹرویو میں بتایا ہے کہ میں نے شادی نہیں‌ کی، شادی نہ کرنے کی سب سے بڑی وجہ یہ ہے کہ میں کسی کے ساتھ اپنی تنہائی نہیں‌ بانٹ سکتا پھر چاہے وہ بیوی ہی کیوں نہ ہو. انہوں نے کہا کہ میرے بہت سارے مداحوں کو ابھی تک معلوم ہی نہیں کہ میں نے شادی نہیں‌ کی. اسد ملک نے کہا کہ شادی ایک ذمہ داری والا کام ہے اور مجھے اس سے خوف آتا ہے اسی لئے میں نے آج تک شادی ہی نہیں کی. لیکن ایسا نہیں ہے کہ میں شادی کروں گا ہی نہیں ، بہت جلد میں شادی کرنے والا ہوں اور اپنے مداحوں کے ساتھ شادی کی خوشخبری کو

    شئیر کروں گا، انہوں نے کہا کہ میں حسن کا بہت بڑا کوئی دیوانہ نہیں ہوں ٹھیک ہے حسن سب کو پسند ہوتا ہے لیکن میں حسن پر زہانت کو ترجیح دوں گا. ایک سمجھدار بیوی گھر کو جنت بنا دیتی ہے زندگی کو سہل کر دیتی ہے . مشکل وقت میں اپنی زہانت کو استعمال کرتے ہوئے شوہر کا ساتھ دیتی ہے. لہذامیری ترجیح میں لڑکی کی زہانت پہلے نمبر پر ہو گی. اسد ملک نے کہا کہ کم کم کام اس لئے کرتا ہوں کیونکہ مجھے روٹین کا کام نہیں کرنا.

  • مسز چیٹر جی ورسز ناروے نے پٹھان کی دھلائی کر دی

    مسز چیٹر جی ورسز ناروے نے پٹھان کی دھلائی کر دی

    نوے کی دہائی کی کامیاب ترین اداکارہ رانی مکھر جی ایک بار پھر بڑی سکرین پر آ کر چھا گئی ہیں. تفصیلات کے مطابق رانی مکھر جی کی فلم مسز چیٹر جی ورسز ناروے حال ہی میں ریلیز ہوئی ہے. ناورے میں اس فلم کی ریلیز نے کامیابی کے نئے ریکارڈز قائم کر دئیے ہیں. جی ہاں رانی مکھر جی کی فلم مسز چیٹر جی ورسز ناورے نے بالی وڈ فلم پٹھان کے بزنس کو پیچھے چھوڑ دیا ہے. فلم نے پہلے تین دن پٹھان اور رئیس سے زیادہ کمائی کی ہے. یوں رانی مکھر جی کی فلم نے پٹھان سے زیادہ بزنس کر کے ریکارڈ قائم کر دیا ہے. ناورے میں رانی کی حالیہ فلم کو

    بہت زیادہ پسند کیا جا رہا ہے. ایسا لگ رہا ہے کہ ناورے میں شاہ رخ خان سے زیادہ رانی مکھر جی کے پرستار ہیں جو ان کو چاہتے ہیں. کہا جا رہا ہے کہ پٹھان کے بعد اس سال کی بالی وڈ کی ابھی تک کی مسز چیٹر جی ورسز ناورے دوسری بڑی ہٹ ہے. یاد رہے کہ رانی مکھر جی اور شاہ رخ خان نے ایک ساتھ کئی فلموں میں کام کیا ہے ان دونوں کی جوڑی کو بہت پسند کیا جاتا رہا ہے. دونوں کی آپس میں‌دوستی بھی خوب ہے لیکن دونوں کی فلم کے بزنس نے ایک دوسرے کو دیدی ہے ٹکر.

  • یشما گل کی ماں جب انہیں شادی کرنے کا کہتی ہیں تو وہ کیا جواب دیتی ہیں؟

    یشما گل کی ماں جب انہیں شادی کرنے کا کہتی ہیں تو وہ کیا جواب دیتی ہیں؟

    ٹی وی اداکار یشما گل نے اپنے حالیہ انٹرویو میں کہا ہے کہ مجھ سے سے ایک انٹرویو میں سوال ہوا تھا کہ مجھے کونسا ہیرو اچھا لگتا ہے تو آپشن میں فیروز خان کا نام دیا گیا تو میں نے یہ کہا تھا کہ فیروز خان کی اداکاری بھی اچھی ہے اور ہیرو کی تعریف میں پورا اترتے ہیں. میں نے یہ نہیں کہا تھا کہ وہ میرا کرش ہیں. انہوں نے کہا کہ میں میری ماں کہتی ہیں کہ 29 سال کی ہو گئی ہو اور ابھی تک تمہیں کوئی لڑکا پسند نہیں آیا اپنے اردگرد انڈسٹری میں ہی کسی کو دیکھ لو، تو میں کہتی ہوں کہ امی مجھے اپنے اردگرد تو کوئی پسند نہیں آتا. جن کے ساتھ کام کررہے

    ہوتے ہیں ان کے ساتھ سیٹ پر ہی وقت گزار لیں بڑی بات ہے زندگی گزارنا بہت مشکل ہے. انہوں نے کہا کہ میں نے ابھی تک صرف ایک ہی فلم میں کام کیا ہے اور اسکا نام ہے رانگ نمبر ٹو. اس کے بعد بھی موویز آفر ہوئیں لیکن کوئی کردار پسند نہیں آیا اگر پسند آیا تو یقینا کروں گی. یشما گل نے کہا کہ میں جب آسٹریلیا میں پڑھ رہی تھی اس وقت میری ماں نے مجھے کچھ پیسے دئیے تو میں نے گاڑی خریدی. مجھے کافی سال ہو گئے ہیں انڈسٹری میں لیکن اب جا کر اپنے پیسوں کی گاڑی خریدی ہے.

  • عاطف اسلم کے گھر بیٹی کی پیدائش

    عاطف اسلم کے گھر بیٹی کی پیدائش

    معروف گلوکار عاطف اسلم نے اپنے مداحوں کے ساتھ ایک خوشخبری شئیر کی ہے اور وہ خوشخبری ہے کہ عاطف اسلم کے گھر بیٹی کی پیدائش ہوئی ہے . عاطف اسلم نے یہ خبر اپنے مداحوں کو سوشل میڈیا پوسٹ کے زریعے دی اور لکھا کہ میری اہلیہ اور میری بیٹی دونوں خیریت سے ہیں. عاطف اسلم نے اپنی سوشل میڈیا پوسٹ میں اپنی بیٹی کو ملکہ کہہ کر مخاطب کیا.انہوں نے اپنی بیٹی کا نام ’حلیمہ عاطف اسلم‘ رکھا ہے، عاطف نے لکھا کہ حلیمہ عاطف کی طرف سے مداحوں کو رمضان مبارک۔ عاطف اسلم نے جیسے ہی بیٹی کی پیدائش کی خوشخبری مداحوں کے

    ساتھ شئیر کی تو انہیں مبارکباد ملنے کا سلسلہ شروع ہو گیا. بھارتی اداکار شرد ملہوترا اور پاکستانی اداکار احمد علی بٹ، اعجاز اسلم، منظر صہبائی نے بھی عاطف اسلم کو بیٹی کی پیدائش کی مبارکباد پیش کی۔یاد رہے کہ عاطف اسلم اور سارا بھروانہ نے دس سال قبل محبت کی شادی کی. دونوں کا ایک بیٹا بھی ہے اور دونوں ایک خوشگوار زندگی بسر کررہے ہیں. عاطف اسلم ایک بڑی تعداد میں مداح رکھتے ہیں، وہ دور حاضر کے مقبول ترین گلوکار ہیں جن کے گیتوں کو نہ صرف پاکستان بلکہ پوری دنیا میں پسند کیاجاتا ہے.

  • یقین نہیں آ رہا میں آپ سے سے ملی ہوں مشی خان کا عمران خان کے ساتھ ملاقات پرتبصرہ

    یقین نہیں آ رہا میں آپ سے سے ملی ہوں مشی خان کا عمران خان کے ساتھ ملاقات پرتبصرہ

    پاکستان کے شوبز ستارے بڑی تعداد میں پی ٹی آئی کے چئیر مین عمران خان کو سپورٹ کرتے ہیں . حال ہی میں‌ماہرہ خان نے اپنے ایک انٹرویو میں کہا ہے کہ میں پٹھان ہو ں اور پٹھان سیاستدان کو ہی سپورٹ‌کرتی ہوں. ماہرہ خان کا اشارہ عمران خان کی طرف تھا. اسی طرح سے مشی خان بھی عمران خان کی بہت بڑی سپورٹر ہیں. انہوں نے حال ہی میں عمران خان کے ساتھ انکی رہائش گاہ زمان پارک میں ملاقات کی ہے. مشی خان اس ملاقات پر بہت زیادہ خوش ہیں ، اس ملاقات میں ان کے ساتھ دیگر شوبز ستارے بھی موجود تھے. مشی خان نے سوشل میڈیا پر اپنی

    اور عمران خان کی ملاقات کے دوران لی گئی تصویر شئیر کی اور اس کا کیپشن لکھا کہ مجھے تو ابھی بھی یقین نہیں آ رہا کہ میں آپ سے ملی ہوں یا میری آپ کے ساتھ ملاقات ہوئی ہے. مشی خان کے ساتھ جتنے بھی دیگر شوبز ستارے ملے ان کی بھی خوشی کا ٹھکانہ نہیں ہے، سب اسی ملاقات کی تصاویر سوشل میڈیا پر لگا کر دلچپسپ کیپشنز لکھ رہے ہیں اور اپنے اپنے انداز میں‌خوشی کا اظہار کررہے ہیں. واضح رہے کہ مشی خان عمران خان کو اس ملک کا مسیحا سمجھتی ہیں اور باقی تمام سیاستدانوں کو غدار اور ملک دشمن سمجھتی ہیں.

  • حج مہنگا لیکن نماز کی ادائیگی مفت ہے فیضان شیخ

    حج مہنگا لیکن نماز کی ادائیگی مفت ہے فیضان شیخ

    جیسے ہی ماہ رمضان کے چاند کا اعلان ہوا تو ہر کسی کو ہر طرف سے مبارکباد کا سلسلہ موصول ہونا شروع ہو گیا. اداکار فیضان شیخ نے بھی اپنے مداحوں کو رمضان کی مبارکباد دی . اور کہا کہ رمضان کا مہینہ شروع ہو چکا ہے میں سب کو اسکی مبارکباد پیش کرتا ہوں. ہاں ٹھیک ہے حج مہنگا ہو گیا ہے وہ ہم میں سے بہت سارے لوگوں کی پہنچ سے باہر ہے لیکن نماز اب بھی مفت ہے اسکی ادائیگی کرنے میں‌ بالکل بھی پیسہ نہیں لگتا. حج تو ویسے بھی صاحب استطاعت لوگوں پر فرض ہے. انہوں نے کہا کہ مہنگائی جتنی بھی بڑھ گئی ہے لیکن زکوۃ کی شرح ابھی

    بھی نہیں بڑھی اس لئے پریشان نہ ہوں اور خدا کی عبادت کریں ، ایمانداری سے چلیں ، روزے رکھیں ، پانچ وقت کی نماز کی پابندی کریں. انہوں نے کہا کہ سچ بولنے پر بھی کسی قسم کا ٹیکس نہیں ہے. یوں فیضان شیخ نے الگ اور منفرد انداز میں اپنے مداحوں کو رمضان کی مبارکباد دی. فیضان شیخ کے اس انداز کوکافی سراہا گیا اور انہیں بھی ان کے مداحوں نے رمضان کی مبارکباد دیکر دعائیں دیں.

  • سپاٹی فائی نے اپنی ویب سائٹ سے بالی وڈ گانے کیوں ہٹائے وجہ سامنے آ گئی

    سپاٹی فائی نے اپنی ویب سائٹ سے بالی وڈ گانے کیوں ہٹائے وجہ سامنے آ گئی

    آڈیو اسٹریمنگ اور میڈیا سروس اسپاٹی فائی نے اپنی ویب سائٹ سے چند بالی وڈ گانے ہٹائے تو ایک تہلکہ مچ گیا سوشل میڈیا پر اسے بہت زیادہ ڈسکس کیا گا لیکن سپاٹی فائی نے اپنی پوزیشن کلئیر کرتے ہوئے کہا ہے کہ ہم نے اپنی ویب سائٹ سے 100 کے قریب بالی وڈ کے گانے ہٹائے ہیں اس میں‌کوئی شک نہیں ہے لیکن ہم نے ایسا وجہ کے تحت کیا ہے ، اور وجہ یہ ہے کہ ان تمام گانے جن کو ہٹایا گیا ہے ان کے مالکان کے ساتھ نیا معاہدہ نہیں ہو سکا.اور اگر نیا معاہدہ نہ ہو تو ہم وہ چیز اپنی ویب سائٹ سے ہٹا دیتے ہیں. یاد رہے کہ آڈیو پلیٹ فارم سے گانے ہٹائے

    جانے کے بعد متعدد بھارتی مداحوں نے سماجی رابطے کی ویب سائٹ ٹوئٹر پر اسپاٹی فائی کے خلاف احتجاج بھی کیا. ایک سوشل میڈیا صارف نے لکھا کہ بس فیصلہ ہو گیا، میں ایپل میوزک کی طرف جا رہا ہوں۔ میں نہیں مان سکتا کہ سپاٹی فائی نے تمام بالی وڈ گانے ہٹا دیے ہیں۔ میں رو رہا ہوں۔اسی طرح سے ایک اور مداح نے لکھا کہ میری آدھی پلے لسٹ ختم ہو چکی ہے اور آج رات میری سالگرہ کی تقریب ہے۔کھیل ختم ہو گیا.

  • بگ باس 11 کی حنا خان نے عمرہ کی سعادت حاصل کر لی

    بگ باس 11 کی حنا خان نے عمرہ کی سعادت حاصل کر لی

    بھارتی اداکارہ حنا خان جنہوں نے بگ باس 11 میں بطور امیدوار شرکت کی تھی انہوں نے ھال ہی میں عمرے کی سعادت ھاصل کر لی ہے. حنا خان نے عمرہ کی ادائیگی اپنی فیملی کے ساتھ کی اور تصاویر بھی سوشل میڈیا پر جاری کیں،. حنا خان نے عمرہ کی ادائیگی کے دوران اور اس سے پہلے کی تصاویر سوشل میڈیا پر جاری کیں ، عمرہ کے بعد انہوں نے ایک وڈیو پوسٹ کی اور لکھا کہ میں نے اپنی فیملی کے ہمراہ عمرہ کی ادائیگی کر لی ہے میری دعا ہے کہ خدا ہماری دعائیں قبول فرمائے. اس وڈیو میں حنا خان چہرے سے بہت ہی پر سکون اور خوش دکھائی دے رہی ہیں. حنا خان کی اس وڈیو کے بعد ان کو انکے مداحوں کی جانب سے مبارکبادیں موصول ہونا شروع ہو گئیں . بہت سارے مداحوں نے ماشاء اللہ لکھ کر کہا

    کہ خدا آپ کا عمرہ قبول فرمائے اور آپ کی دعائیں قبول فرمائیں. یاد رہے کہ یہ پہلا موقع نہیں‌ہے کہ کسی اداکار نے عمرہ یا حج کی ادائیگی کی ہے تو اسکی تصاویر سوشل میڈیا پر وائرل ہو رہی ہیں اس سے قبل بھی شاہ رخ خان ، عامر خان و دیگر کی ایسی وڈیوز وائرل ہو چکی ہیں جس میں وہ خدا کے گھر میں کھڑے ہیں.

  • کیا عامر خان اور کرن رائو پھر سے ایک ہو گئے؟

    کیا عامر خان اور کرن رائو پھر سے ایک ہو گئے؟

    بالی وڈ اداکار عامر خان اور کرن رائو نے محبت کی شادی کی اور یہ شادی تقریبا 15 سال تک برقرار رہی ،. اس کے بعد انہوں نے نہایت ادب اور احترام کے ساتھ ایک دوسرے سے اپنے راستے جدا کر لئے. لیکن طلاق کے بعد عامر‌خان اور کرن رائو ایک دوسرے کے ساتھ کافی زیادہ دکھائی دینے لگے ہیں. یہاں تک کہ کہیں خوش کا موقع ہو یا غم کا، کرن اور عامر خان ایک ساتھ ہی تقریب میں آتے اور جاتے ہیں. یوں ان کا ایک دوسرے کے ساتھ طلاق کے بعد بھی آنا جانا رہتا ہے خبروں میں . حال ہی میں بھارت میں نامور بزنس مین کشور بجاج کا انتقال ہوا تو اس موقع پر جہاں بالی وڈ کی دیگر شخصیات بزنس مین کے گھر تعزیت کے لئے پہنچیں وہیں عامرخان کو کرن رائو کے ساتھ دیکھا گیا. دونوں ایک ہی وقت میں آئے اور

    ایک ساتھ واپس بھی چلے گئے. ان کے ایک ساتھ آنے اور جانے کے عمل نے ایک بار پھر انہیں خبروں کی زینت بنا دیاہے. طلاق کے بعد کرن کے ساتھ تعلق کے حوالے سے عامر خان کہتے ہیں کہ میرا ان کے ساتھ ایک اچھا تعلق ہے وہ مجھے سمجھتی ہیں لیکن وہ الگ بات ہے کہ ہم ایک دوسرے کے ساتھ نہیں چل سکے لیکن ہم اپنے اس رشتے سے بھی خوش ہیں.