Baaghi TV

Tag: celebrities

  • بھارتی کرکٹر بیٹر شبمن گل ڈیٹ سارا کو کرتے رہے اور پسندیدہ اداکارہ کوئی اور نکلی

    بھارتی کرکٹر بیٹر شبمن گل ڈیٹ سارا کو کرتے رہے اور پسندیدہ اداکارہ کوئی اور نکلی

    کرکٹ کا جنون پوری دنیا میں‌پایا جاتا ہے لہذا کرکٹرز کی شہرت پوری دنیا میں‌پائی جاتی ہے جیسے ہی کوئی کرکٹر کسی کے ساتھ ڈیٹ کرنے لگتا ہے تو ساری دنیا کو اس کی خبر ہوجاتی ہے. بیٹر شبمن گل جو کہ بھارتی معروف کرکٹر ہیں وہ ایک عرصے سے سیف علی خان کی بیٹی سارا خان کو ڈیٹ کررہے ہیں اور ان دونوں کی دوستی کے چرچے بھی بہت زیادہ ہیں ایسا کہا جا رہا تھا کہ شاید یہ دونوں بہت جلد شادی کر لیں گے لیکن بیٹر شبمن گل نے یہ کلئیر کر دیا ہے کہ وہ سارا خان کے ساتھ شادی نہیں کرنے والے. حال ہی میں میڈیا نے ان سے سوال کیا کہ کیا آپ

    سارا خان کو ڈیٹ کررہے ہیں تو انہوں نے کہا کہ ہاں جی . جب ان سے پوچھا گیا کہ آپ کی پسندیدہ اداکارہ کون سی ہیں تو انہوں نے سارا علی خان کا نام لینے کی بجائے رشمیکا مندانہ کا نام لیا اور کہا مجھے وہ بہت اچھی لگتی ہیں جبکہ سارا علی خان کے بارے میں کہا کہ وہ بہت فٹ ہیں. یوں بیٹر شبمن گل نے ان تمام افواہوں کا دم توڑ دیا جن کے مطابق کہا جا رہا تھا کہ سارا اور بیٹر شبمن گل شادی کرنے والے ہیں.

  • سنجے دت اکشے کمار اور سنیل شیٹی ایک ساتھ

    سنجے دت اکشے کمار اور سنیل شیٹی ایک ساتھ

    بالی وڈ کے اداکار سنجے دت اب بہت جلد اکشے کمار ، سنیل شیٹی اور پاریش روال کے ساتھ نظر آئیں گے ، پہلے یہ باتیں میڈیا میں گردش کررہی تھیں کہ سنجے دت اکشے کمار اور سنیل شیٹی کے ساتھ فلم ہیرا پھیری تھری میں نظر آئیں گے لیکن اس بات کی تصدیق کسی بھی اداکار نے نہیں‌کی تھی لیکن سنجے دت نے اب اس فلم کا حصہ ہونے کی تصدیق کر دی ہے. سنجے دت نے حال ہی میں میڈیا کو بتایا ہے کہ میں ہیرا پھیری تھری کا حصہ ہوں اور میں بہت زیادہ پرجوش ہوں کہ مجھے اکشے کمار ، سنیل شیٹی اور پاریش راول کے ساتھ کام کرنے کا موقع میسر آرہا ہے.

    مجھے بہت امید ہے کہ ہیرا پھیری تھری بھی کامیابی کے ساتھ ہمکنار ہو گی. فلم میں میرا کردار کافی ہٹ کر ہے دیکھنے والوں کو یقینا پسند آئیگی. یاد رہے کہ ہیرا پھیری اپنے دور کی سپر ہٹ فلم ہے اس فلم میں اکشے کمار ، سنیل شیٹی اور پاریش وارل کی کامیڈی کی ٹائمنگ اتنی زبردست تھی کہ شائقین نے ایک بار دیکھنے کے بعد دوسری بار فلم ضرور دیکھی. پہلے یہ خبریں تھیں کہ شاید اکشے کمار فلم کا حصہ نہیں‌بنیں گے لیکن سنجے دت کی میڈیا ٹاک کے بعد کنفرم ہو گیا ہے کہ اکشے کمار ہیرا پھیری تھری میں کام کررہے ہیں.

  • کارتک آریان کی ڈیلاس میں مقبولیت

    کارتک آریان کی ڈیلاس میں مقبولیت

    بالی وڈ اداکار کارتک آریان کی مقبولیت دن بہ دن بڑھتی ہی جا رہی ہے ، ہندوستان کے علاوہ ان کے پرستار بڑی تعداد میں دنیا کے دوسرے ملکوں میں بھی پائے جاتے ہیں. کارتک آج کل امریکی ریاست ڈیلاس میں ہیں اور انہوں نے وہاں پر ہولی منائی. کارتک آریان نے انسٹاگرام پر ایک وڈیو شئیر کی جس میں دیکھا جا سکتا ہے کہ وہ اپنی گاڑی کی چھت پر چڑھے ہوئے ہیں اور ان کے اردگرد ان کے مداح بڑی تعداد میں‌جمع ہیں کارتک آریان نے اپنے مداحوں کے ساتھ خوب جم کر ہولی منائی اور ساتھ ہی ان لمحات کو اپنے موبائل کیمرے کی آںکھ میں‌محفوظ کر لیا

    اور اس وڈیو کو بعد ازاں سوشل میڈیا پر بھی شئیر کیا. کارتک آریان نے لکھا کہ یہ ہولی مجھے ہمیشہ یاد رہے گی . مجھے اندازہ نہیں تھا کہ امریکہ میں بھی مجھے اتنا پسند کیا جاتا ہے. اپنے ملک میں تو انسان کو ہر تہوار کا اچھا احساس ہوتا ہے لیکن پردیس میں اپنے ملک جیسا احساس ہونا بہت ہی الگ احساس ہے. کارتک آریان نے اپنے ڈیلاس کے مداحوں کا شکریہ ادا کیا اور ان تمام لوگوں کا شکریہ ادا کیا جو انہیں بے حد پسند کرتے ہیں.

  • رات کے دو بجے سیف علی خان کے گھر میڈیا نے ہلا بول دیا ، اداکار بھڑک اٹھا

    رات کے دو بجے سیف علی خان کے گھر میڈیا نے ہلا بول دیا ، اداکار بھڑک اٹھا

    بالی وڈ اداکار سیف علی خان جن کی پوری فیملی ہر وقت میڈیا کی نظروں میں رہتی ہیں ان کے گھر رات کے دو بجے بیس میڈیا پرسنز نے ہلا بول دیا. سیف علی خان میڈیا کے یوں رات دو بجے زبردستی گھر میں گھس آنے پر ہیں شدید خفا ان کا کہنا ہے کہ ہم نے ہمیشہ میڈیا کے ساتھ تعاون کیا انہوں نے ہمیں‌جہاں‌روکا ہم رک گئے. اور تصاویر بنوائیں لیکن یہ رویہ بالکل مناسب نہیں ہے کہ رات کے دو بجے میرے گھر میں میڈیا گھس آئے اور وہ بھی بغیر اجازت . انہوں نے کہا کہ ہم میڈیا کی عزت کرتے ہیں اسکا ملطب یہ نہیں میڈیا ہمارے سر پر ہی چڑھ جائے اور آدھی رات کو بھی ہماری پرائیویسی یہاں تک کہ ہمارے گھر میں گھس آئے. اداکار نے کہا کہ میڈیا اپنی حدود میں رہے تو

    بہت بہتر ہو گا. میرے گارڈ کے خلاف نہ میں کوئی پرچہ درج کروا رہا ہوں نہ ہی میڈیا کے ان بیس لوگوں کے خلاف کوئی پرچہ درج کروا رہاہوں لیکن ہر بات کی کوئی حد ہوتی ہے. اور میڈیا بس اپنی حد میں رہے. یاد رہے کہ سیف علی خان کے گھر جو میڈیا پرسنز رات کے دو بجے داخل ہوئے انہوں نے گارڈ کے ساتھ زبردستی کی اور اداکار کی بغیر اجازت کے گھر میں داخل ہو کر کھڑے ہو گئے .

  • صندل خٹک نے حریم شاہ کو دھمکی لگا دی

    صندل خٹک نے حریم شاہ کو دھمکی لگا دی

    معروف ٹک ٹاکر حریم شاہ کی گزشتہ دنوں نازیبا وڈیوز وائرل ہوئیں جس کے بعد سوشل میڈیا پر ان کے بارے میں ٹرینڈز بنے ، حریم شاہ نے ایک انٹرویو میں دعوی کیا کہ یہ وڈیوز ان کی سہلیوں صندل خٹک اور عائشہ نے وائرل کی ہیں ، ان کے پاس میرا موبائل ہر وقت رہتا تھا اور انہوں نے ہی یہ گھٹیا حرکت کی ہے. حریم شاہ کے اس بیان پر صندل خٹک بھی آ گئی ہیں میدان میں انہوں نے کہا ہے کہ حریم شاہ جھوٹ بول رہی ہیں انہوں نے سستی شہرت حاصل کرنے کےلئے اپنی وڈیوز خود لیک کی ہیں اور یہ وڈیوز ان کے بوائے فرینڈ نے شوٹ کی تھیں اور اب وہ کہہ رہی ہیں کہ میرے شوہر نے یہ وڈیوز بنائی ہیں.حریم شاہ کو شرم آنی چاہیے ہم پر الزام لگاتے ہوئے ، اگر حریم شاہ میں‌ ہمت ہے تو مجھ پر کیس

    کرے ورنہ میں اس پر ہتک عزت کا دعوی کروں گی. صندل خٹک نے کہا کہ حریم شاہ ماضی میں‌بھی ایسی حرکات کر چکی ہیں اور الزام دوسروں پر دھرتی ہیں ، اس بار انہوں نے الزام ہم پر دھر دیا ہے. ان کا فون کیسے ہیک ہو گیا؟‌حریم شاہ سچی ہیں تو ہم پر کیس کرکے قانونی کاروائی کریں دودھ کا دودھ پانی کا پانی ہوجائیگا.

  • میری بیٹی عالیہ جیسی نہ بنے رنبیر کپور نے ایسا کیوں کہا ؟‌

    میری بیٹی عالیہ جیسی نہ بنے رنبیر کپور نے ایسا کیوں کہا ؟‌

    حال ہی میں رنبیر کپور کا ایک انٹرویو ہوا اس میں ان سے سوال کیا گیا کہ انکی کیا خواہش ہے کہ ان کی بیٹی راحا کس کے جیسی بنے آپ جیسی یا عالیہ جیسی تو رنبیر کپور نے بہت ہی دلچپسپ جواب دیا انہوں نے کہا کہ میں چاہتا ہوں کہ راحا اپنی ماں عالیہ جیسی نظر آئے. لیکن یہ بھی سوچتا ہوں کہ عالیہ جیسی دوسری لڑکی کو گھر میں سنبھالنا بہت زیادہ مشکل ہو گا ، کیونکہ عالیہ کی شخصیت سحر انگیز ہے اور وہ بہت زیادہ بولتی اور متحرک ہیں. انہوں نے کہا کہ ایک ہی گھر میں دو ایک جیسی لڑکیاں سنبھالنا میرے بہت زیادہ مشکل ہوگا. امید ہے راحا میرے جیسی خاموش طبع ہو گی. رنبیر اور عالیہ جیسا کہ دونوں ہی اپنی بیٹی سے بہت محبت کرتے ہیں وہ اپنی بیٹی کو ساتھ ساتھ رکھتے ہیں یہی وجہ ہے کہ حال ہی میں عالیہ رنویر سنگھ کے ساتھ راکی اور رانی کی پریم کہانی کی شوٹنگ کے لیے کشمیر روانہ ہوئیں۔اور وہ اپنی بیٹی راہا کو بھی

    اپنے ساتھ لے گئیں کیونکہ رنبیر اپنی فلم کی پروموشن میں مصروف تھے۔ رنبیر نے اس حوالے سے کہا کہ میری کوشش ہوتی ہے کہ راحا کو میں خود سنبھالوں لیکن اگر میری مصروفیت بہت زیادہ ہو تو پھر عالیہ بیٹی کو مکمل وقت دیتی ہے چاہے وہ شوٹنگ پر ہی کیوں نا ہو. یاد رہے کہ عالیہ اور رنبیر کپور کی شادی گزشتہ برس اپریل میں ہوئی تھی. تاہم رشی کپور اپنے بیٹے کی شادی سے پہلے ہی چل بسے.

  • رانی مکھرجی کا ابتدائی دنوں میں اپنی آواز پر ہونے والی تنقید پر حالیہ ردعمل

    رانی مکھرجی کا ابتدائی دنوں میں اپنی آواز پر ہونے والی تنقید پر حالیہ ردعمل

    رانی مکھرجی بالی وڈ کی سب سے زیادہ پسند کی جانے والی اداکاراؤں میں سے ایک ہیں۔ جب بھی وہ بڑی اسکرین پر آتی ہےتو شائقین کو اپنے سحر میں جکڑ لیتی ہیں. رانی مکھر جی آخری بار بنٹی اور ببلی 2 میں نظر آئی تھیں.رانی بہت جلد ایک بار پھر بڑی سکرین پر آنے کے لئے تیار ہیں . انہوں نے اپنے حالیہ انٹرویو میں انکشاف کیا ہے کہ جب میں انڈسٹری میں آئی تو میری آواز پر بہت زیادہ تنقید کی جاتی تھی، لیکن میں کبھی بھی اس قسم کی تنقید پر نہیں گھبرائی تھی اور نہ ہی یہ سوچتی تھی کہ لوگوں کی میرے بارے میں کیا رائے ہے. اگر میں ایسا کرتی تو پھر میں خود پر اور خود کے کام پر توجہ نہ دے پاتی. میں نے ہمیشہ یہی ضروری سمجھا کہ میں اچھی باتوں کو زہن میں رکھوں اور بری باتوں کو بھول

    جائوں. ہاں میں نے تعمیری تنقید کو سراہا لیکن مجھے توڑنے کے لئے یا میری توجہ میرے کام سے ہٹانے کے لئے جب بھی تنقید کی گئی میں نے اسکو پائوں کی ٹھوکر پر رکھا. انہوں نے مزید کہا کہ اگر میں واقعی اس بات پر یقین کر لیتی کہ دوسرے لوگ میری آواز کے بارے میں کیا سوچتے ہیں تو میری آواز کو لاکھوں لوگ پسند نہ کر پاتے. مجھے خوشی ہے کہ لوگ میری آواز نہ کو نہ صرف پہچانتے ہیں بلکہ پسند بھی کرتے ہیں. رانی نے کہا کہ انسان خود پر یقین کرے اور اردگرد کی باتوں پر دھیان نہ دے تو وہ یقینا بہت آگے جاسکتا ہے اور میں نے بھی یہی کیا.

  • میرے جلدی جاگنے اور سونے پر اعتراض کیوں؟‌اکشے کمار برس پڑے

    میرے جلدی جاگنے اور سونے پر اعتراض کیوں؟‌اکشے کمار برس پڑے

    بالی وڈ کے کھلاڑی اکشے کمار نے ایک اپنے ایک انٹرویو میں کہا ہےکہ میں جلدی سوتا ہوں اور صبح جلدی اٹھتا ہوں ، مجھ سے سوال کیا جاتا ہے کہ آپ جلدی کیوں سوتے ہیں ؟ بھئی رات سونے کے لئے بنی ہے تو سوئوں گا نا ؟ پھر مجھ سے سوال ہوتا ہے کہ آپ صبح جلدی کیسے اٹھ جاتے ہیں بھئی صبح اٹھنے کے لئے ہی بنی ہے اور میں رات بھر سو کے صبح اٹھوئوں گا ہی نا. اکشے کمار نے یہ بھی کہا کہ میں ڈانس پارٹیز اور مختلف قسم کی پارٹیز میں نہیں جاتا تو اس پر بھی سوال ہوتا ہے کہ ایسا کیوں ؟‌بھئی میری مرضی ہے میں نہیں جاتا پارٹیز میں ، میں نے اپنی زندگی میں

    اصول بنایا ہے کہ میں نے دن میں کام کرنا ہے رات کو سونا ہے ، کبھی کہیں کسی سے ملاقات ہوجائے تو اچھی بات ہے کر لیتا ہوں لیکن میں سارے کام چھوڑ کر اور نیند خراب کرکے کہیں نہیں جا سکتا. اکشے کمار نے کہا کہ مجھے تو سمجھ نہیں آتی کہ لوگ اتنی نظر کیوں رکھتے ہیں یہ نہیں دیکھتے کہ ہر کسی کی مرضی ہے اس نے اسکے مطابق ہی چلنا ہے تو پھر اعتراض کیسا.

  • پتا نہیں میرے بوائے فرینڈ نے مجھ سے تعلق کیوں توڑا ؟‌ نوال سعید

    پتا نہیں میرے بوائے فرینڈ نے مجھ سے تعلق کیوں توڑا ؟‌ نوال سعید

    اداکارہ نوال سعید نے اپنے حالیہ انٹرویو میں کہا ہے کہ میرا ایک بوائے فرینڈ تھا اس نے میرے ساتھ جینے مرنے کی قسمیں کھائیں تھیں ہم نے اپنی شادی شدہ زندگی کیسے گزارنی ہے اسکی منصوبہ بندی کی تھی لیکن پتہ نہیں اچا نک کیا ہوا کہ اس نے سارے تعلق واسطے رابطے توڑ دئیے اور مجھے اکیلا چھوڑ کر چلا گیا. میں نے اس سے رابطہ کرکے وجہ جاننے کی کوشش کی لیکن اس نے رابطہ کرنے اور وجہ بتانے سے بھی انکار کر دیا . نوال سعید نے کہا کہ مجھے شادی کرنے کا بہت شوق ہے میں چاہتی ہوں کہ میرا گھر بس جائے میری جلد ازجلد شادی ہوجائے.

    میں اب ایک ایسا مرد اپنی زندگی میں چاہتی ہوں جو دھوکہ نہ دے ، مجھے دل سے اپنائے اس میں انا نہ ہووہ دوسروں کو کمتر نہ سمجھے. نوال سعید نے کہا کہ مجھے اگر آج اچھا لڑکا مل جائے میں شادی کر لوں گی ، مجھے کوئی افسوس نہیں‌ہو گا کہ میں بہت جلد شادی کررہی ہوں. انہوں نے کہا کہ انسان کو اگر پیار کرنے والا ساتھی مل جائے تو وہ مشکل سے مشکل وقت بھی ہنس کر گزار لیتا ہے.نوال سعید نے یہ بھی کہا کہ دوسروں کو دھوکہ دینے والے کبھی خوش نہیں‌رہتے.

  • یاسر حسین جاوید اختر میں بول پڑے

    یاسر حسین جاوید اختر میں بول پڑے

    اداکار ، میزبان اور رائٹر یاسر حسین نے جاوید اختر کے حق میں بیان دیتے ہوئے کہا ہے کہ جاوید اختر لاہور میں جو بھی کہہ کر گئے ہیں یہ ان کی مجبوری ہو گی ، بھارت ایک سیکولر ملک ہےوہاں رہنا آسان نہیں ہے. لہذا جاوید اختر کو بھی پتہ تھا کہ انہوں نے ملک واپس جانا ہے اور اگرملک کے حق میں بیان دیا تو وہاں پذیرائی ملے گی اور رہنا آسان ہو جائیگا. یاسر حسین نے کہا کہ جاوید اختر نے جو کچھ بھی کہا ہےکہ اس کے بعد بھی میں ان کے گیت پسند کرتا ہوں ، وہ باشعور آدمی ہیں‌جانتے ہیں کہ ان کو کب کہاں‌کیسے بات کرنی ہے لہذا انہوں نے جو بھی کہا ہے وہ مجبوری میں کہا ہے. بھارت اچھا مہمان نواز نہیں‌ہے ، لاہوریوں نے جیسی مہمان نوازی کی ہے اسکو دیکھ کر

    یقینا جاویداختر بھی بہت خوش ہوئے ہوں گے، ہم نے ایک اچھے میزبان ہونے کا ثبوت دیا ہے. جاوید اختر کی بات کو غلط سمجھنے کی بجائے ان کی مجبوری کو سمجھا جانا چاہیے. یوں یاسر حسین نے جاوید اختر کا بیان ان کی مجبوری سمجھتے ہوئے پاکستانیوں‌کو اپنا غصہ ٹھنڈا کرنے کی تجویز دیدی ہے. یاد رہے کہ جاوید اختر اس بار حال ہی میں فیض میلے میں آئے اور وہاں ایک سیشن میں انہوں نے پاکستان کو دہشت گرد ملک ہونے کا طعنہ دیا.