Baaghi TV

Tag: celebrities

  • سجاد علی نے اپنی اہلیہ اور بیٹی کے ساتھ انور مقصود کا سٹیج پلے دیکھا

    سجاد علی نے اپنی اہلیہ اور بیٹی کے ساتھ انور مقصود کا سٹیج پلے دیکھا

    معروف گلوکار سجاد علی کو الحمراء میں دیکھ کر لوگ حیران رہ گئے جب وہ وہاں انور مقصود کا سٹیج ڈرامہ دیکھنے کے لئے پائے گئے. سجاد علی کے ساتھ ان کی اہلیہ اور بیٹی بھی تھیں. اس موقع پر میڈیا سے گفتگو کرتے ہوئے سجاد علی نے کہا کہ میں‌اپنی زندگی میں پہلی بار کسی سٹیج پلے کو دیکھنے کےلئے آیا ہوں. چونکہ میرا انور مقصود کے ساتھ بہت اچھا تعلق ہے اور ان کے کام کا میں کیا ساری دنیا دیوانی ہے وہ جب بھی کچھ لکھتے ہیں وہ سبق آموز ہوتا ہے اسلئے آج میں خاص کر یہ ڈرامہ دیکھنے کے لئے آیا ہوں. سجاد علی نے کہا کہ انور مقصود نے جب مجھے کہا کہ آپ یہ ڈرامہ دیکھنے آئیں تو مجھے لگا

    کہ یقینا اس میں کچھ الگ ہی بات ہو گی ، میں نے سٹیج ڈرامہ دیکھا ہے بہت اچھا ہے جس طرح سے ڈرامے کو سٹیج کیا گیا ہے وہ قابل ستائش ہے ، ڈرامے کے تمام کرداروں نے بہت محنت کی ہے. سجاد علی نے کہا کہ سبق آموز سٹیج پلیز نوجوان نسل کو دکھائے جانا وقت کی اہم ضرورت ہے . میں نے کبھی سٹیج پلے دیکھا نہیں تھا لیکن آج دیکھا ہے تو بہت مزا آیا ہے. ڈرامہ دیکھتے ہوئے بہت بار ایسا ہوا کہ زہن اُن وقتوں میں چلا گیا جب تقسیم ہند ہو رہی تھی .

  • انور مقصود کا ساڑھے 14 اگست کا لاہور میں میڈیا شو

    انور مقصود کا ساڑھے 14 اگست کا لاہور میں میڈیا شو

    معروف رائٹر انور مقصود کا سٹیج پلے ساڑھے 14 اگست کا لاہور میں گزشتہ شب میڈیا شو کیا گیا.اس میں سجاد علی ، تجزیہ نگار امتیاز عالم ، ساجد حسن اور انکی اہلیہ، ڈاکٹر یونس ملک و دیگر نے شرکت کی ، ڈرامے کو دیکھنے کےلئے نوجوانوں کی ایک بڑی تعداد آئی. ساڑھے 14 اگست میں گاندھی اور محمد علی جناح کے آپسی مکالموں اور اُس وقت کے دور کو دکھایا گیا جب تقسیم ہو رہی تھی. ڈرامے کے ڈائیلاگز کمال مہارت کے ساتھ لکھے گئے ہیں ، ہر مکالمہ سننے والوں کے لئے ایک سبق ہے. ڈرامے میں جناح اور گاندھی کے خوبصورت مکالموں کو سن کو تقسیم ہند کے وقت کی یاد بخوبی آتی ہے اور آنکھوں کے سامنے وہ منظر دوڑ جاتا ہے اور محسوس ہوتا ہے کہ شاید ہم

    اسی دور میں بیٹھے ہوئے ہیں جب یہ سب ہو رہا تھا. ڈرامے میں جناح اور گاندھی کا کردار نوجوان لڑکوں نے ادا کیا ہے. ساڑھے 14 اگست لاہور سے پہلے کراچی اور اسلام آباد میں پیش کیا گیا جہاں یہ ڈرامہ کئی ماہ تک چلا . لاہور میں یہ ڈرامہ تین سے چار ہفتے تک جاری رہے گا. بہت عرصے کے بعد کسی سٹیج پلے کو شائقین کی ایک بڑی تعداد دیکھنے کےلئے الحمراء کا رخ کررہی ہے.

  • آئمہ بیگ نے بتا دیا اداکاری کریں گی یا نہیں ؟‌

    آئمہ بیگ نے بتا دیا اداکاری کریں گی یا نہیں ؟‌

    گلوکارہ آئمہ بیگ نے اپنے ایک حالیہ انٹرویو میں کہا ہے کہ ہو سکتا ہے مستقبل میں اداکاری کروں. مجھے اداکاری کی آفرز آتی رہی ہیں چونکہ میرا مکمل فوکس میرے گلوکاری کے کیرئیر پر ہے لہذامیں نے اداکاری کی آفرز کو سنجیدگی سے نہیں لیا. آئمہ بیگ نے مزید کہا کہ میرے پاس کئی ایسی آفرز آئیں جن کے لئے میں نے ہاں نہیں‌کی اور بعد میں وہی پراجیکٹس جس نے بھی کئے سپر ہٹ ہوئے. آئمہ بیگ نے کہا کہ گلوکاری کا مجھے بچپن سے ہی شوق تھا اور میں گلوکارہ ہی بنی، اداکاری میں کر بھی سکتی ہوں ، ہو سکتا ہے کہ آپ لوگ مجھے مستقبل میں کسی اہم

    اور بہت اچھے پراجیکٹ میں دیکھیں ایسا نہیں‌ہے کہ میں اداکاری بالکل ہی نہیں‌کرنے کا ارادہ رکھتی. یاد رہے کہ آئمہ بیگ خاصی پر اعتماد ہے وہ نہ صرف پر اعتماد ہیں بلکہ بہت اچھا ڈانس بھی کر لیتی ہیں، وہ ایک مکمل ہیروئین میٹیریل لگتی ہیں ان کے مداح ان کو اداکاری کرتے ہوئے دیکھنا چاہتے ہیں اب دیکھنا یہ ہے کہ آئمہ فلم سے اداکاری کا کیرئیر شروع کرتی ہیں یا کسی ڈرامے سے.

  • آئمہ بیگ کی ڈانس وڈیو وائرل

    آئمہ بیگ کی ڈانس وڈیو وائرل

    گلوکارہ آئمہ بیگ نے اپنا گیت وشملے گزشتہ روز ریلیز کیا اس تقریب میں کورویوگرافر سونو ڈینجرس نے اپنی ٹیم کے ساتھ اس گانے پر پرفارم کیا، سونو نے ہی اس گیت کی کوریوگرافی کی ہے. سونو جب وشملے پر پرفارم کررہے تھے آئمہ اس دوران کافی محظوظ ہو رہیں تھیں ، آئمہ نے ساحر علی بگا سے جا کر کہا کہ آئیں ہم دونوں بھی سٹیج پر ڈانس کرتے ہیں جس پر انہوں نے ہنستے ہوئے منع کیا لیکن سونو ڈینجرس نے آئمہ اور ساحر علی بگا دونوں کو سٹیج پر بلایا ، اور یوں سب نے مل کر ڈانس کیا، آئمہ بیگ نے کمال مہارت کے ساتھ ڈانس کیا ، ان کی ڈانس یہ وڈیو

    سوشل میڈیا پر گزشتہ رات سے خاصی وائرل ہو رہی ہے. آئمہ بیگ نے وائٹ رنگ کا لہنگا زیب تن کر رکھا ہے اور نہایت ہی خوبصورت لگ رہی ہیں. آئمہ وشملے گیت میں خود ہی پرفارم کرتی ہوئی ںظر آرہی ہیں، ان کی پرفارمنس دیکھ کر بالکل نہیں‌لگتاکہ وہ صرف ایک گلوکارہ ہیں ، ڈانس دیکھ کر محسوس کیا جاسکتا ہے آئمہ آنے والے وقتوں میں شاید اداکاری کی طرف آئیں گی.یاد رہے کہ وشملے گیت کی تقریب میاں یوسف صلاح الدین کی حویلی بارود خانہ میں رکھی گئی.

  • آئمہ بیگ تقریب میں برہم کیوں ہوئیں؟‌

    آئمہ بیگ تقریب میں برہم کیوں ہوئیں؟‌

    نامور گلوکارہ آئمہ بیگ جنہوں نے گزشتہ روز لاہور میں ایک تقریب کے زریعے ساحر علی بگا کے ساتھ گایا ہوا نیا گیت وشملے ریلیز کیا. اس موقع پر ایک صحافی نے ان سے پوچھا کہ خبریں آتی رہیں کہ آپ کے اور ساحر علی بگا کے درمیان چپقلش رہی جس کی وجہ سے آپ دونوں نے ایک ساتھ کافی عرصہ تک گایا نہیں. اس پر آئمہ بیگ ہو گئیں برہم اور بولیں کہ اس طرح کے سوالات آپ کو نہیں‌پوچھنے چاہیں اور سوشل میڈیا کی خبروں پر بالکل دھیان نہیں‌دینا چاہیے.ہم صحافیوں کی بہت عزت کرتے ہیں اور چاہتے ہیں کہ صحافی حضرات بھی ہماری عزت کریں

    اگرایسا نہیں ہوا تو اب ہم چپ نہیں رہیں گے اور ہم بھی بولیں گے. آئمہ بیگ نے کہا کہ مجھے اس قسم کے سوالات بے حد برے لگتے ہیں جو کسی کی ذاتی زندگی یا پسند نہ پسند کے ساتھ جڑے ہوں. اس موقع پر ساحر علی بگا بھی آئمہ بیگ کے ساتھ موجود تھے تاہم وہ خاموش رہے اور انہوں نے صحافی کے اس سوال کا نہ جواب دیا اور نہ ہی آئمہ بیگ کے رد عمل ہر اپنا کوئی رد عمل ظاہر کیا. یاد رہے کہ ساحر علی بگا اور آئمہ بیگ کے درمیان اختلافات کی خبریں چلتی رہی ہیں.

  • ساحر علی بگا اور آئمہ بیگ کا ’وشملے‘ ریلیز کر دیا گیا

    ساحر علی بگا اور آئمہ بیگ کا ’وشملے‘ ریلیز کر دیا گیا

    معروف میوزیشن اور گلوکار ساحر علی بگا اور آئمہ بیگ جو پہلے بھی ایک ساتھ کئی گیت گا چکے ہیں ، اس بار یہ دونوں ایک ایسے گیت کے ساتھ آئے ہیں جس میں پنجابی ، بلوچی اور سرائیکی زبان کا استعمال کیا گیا ہے. اس گیت کا نام ہے وشملے ، گزشتہ روز لاہور میں منعقدہ ایک تقریب میں اسے ریلیز کر دیا گیا. رنگا رنگ تقریب میں گلوکار ساحر علی بگا، آئمہ بیگ ، علی ذیشان اور عدنان قاضی شریک ہوئے۔ گانے کی ریلیز کے موقع پر گلوکار ساحر علی بگا نے کہا کہ ہمیشہ اپنے کام سے پاکستانی ثقافت کے مختلف رنگوں کو دکھانے کی کوشش کی ہے۔ ’ وشملے‘ گیت بلوچ زبان کو ٹریبیوٹ ہے.کئی برسوں سے پنجابی زبان کے مشہور گیت میوزک لوورز کے لیے ریلیز کئے آب کی

    بار ساری توجہ بلوچ ثقافت اور زبان کی پروموشن پر رہی۔ گانے کی ریلیز پر گلوکار آئمہ بیگ نے کہا کہ وشملے گیت کو ناصرف لوگ شادی کے خوشیوں بھرے مواقعوں پر سننیں گے بلکہ گانے کی ویڈیو کے ذریعے اجاگر کئے گئے خوبصورت ملکی ثقافتی رنگوں سے بھی متاثر ہونگے۔ بلوچی گیت ’وشملے‘ کی ویڈیو نامور ڈائریکٹر عدنان قاضی نے ڈائریکٹ کی ہے۔ گانے کی ریلیزپر عدنان قاضی کا کہنا تھا کہ گانے ویڈیو میں مختلف ثقافتی رنگ اتحاد کا پیغام دے رہے ہیں۔ گانے کی ویڈیو ڈائریکٹ کرنے پر فخر ہے.وشملے گیت کو آئمہ اور ساحر علی بگا کے مداح کافی پسند کررہے ہیں.

  • میں نے اپنے بیس سالہ کیرئیر میں بہت ساری غلطیاں کیں لیکن …. شاہد کپور

    میں نے اپنے بیس سالہ کیرئیر میں بہت ساری غلطیاں کیں لیکن …. شاہد کپور

    بالی وڈ اداکار شاہد کپور نے حال ہی میں ایک انٹرویو دیا ہے اس میں انہوں نے اپنے بیس سالہ کیرئیر کے بارے میں کھل کر بات کی ہے انہوں نے اپنے ابتدائی دنوں کو یاد کرتے ہوئے کہا کہ میں نے اپنے بیس سالہ کیرئیر میں بہت ساری غلطیاں کیں اور ان غلطیوں سے بہت کچھ سیکھا. میرا کیرئیر جیسا بھی رہا لیکن مجھے اس پر فخر ہے. میں نے بہت سارے کردار ایسے بھی کئے جو نہیں‌کرنے چاہیں تھے جب کہ کچھ ایسے کردار بھی کئے جو میری پہچان بنے. میں تو اپنے سارے جونئیرز کو یہی کہوں گا کہ اپنی غلطیوں سے نہ صرف سیکھیں بلکہ کرداروں اور پراجیکٹس کا انتخاب بہت ہی زیادہ سوچ سمجھ کر کریں. یاد رہے کہ شاہد کپور کا شمار بالی وڈ میں سب سے زیادہ پسند کیے جانے والے اداکاروں میں ہوتا ہے۔ انہوں نے

    2003 میں عشق وشک سے بالی وڈ میں اپنے کیریئر کا آغاز کیا اور تب سے وہ اپنی جاندار اداکاری سے ناظرین کو محظوظ کر رہے ہیں۔ شاہد کپور کا اپنے کیرئیر میں بہت ساری ہیروئینز کے ساتھ نام جڑا جن کے ساتھ نام جڑا ان میں کرینہ کپور کا نام سر فہرست ہے دونوں شادی کرنے والے تھے لیکن ایسا نہ ہو سکا اور دونوں نے اپنے اپنے راستے الگ کر لئے.

  • اب میں اکیلا نہیں رہا سدھارتھ ملہوترا نے ایسا کیوں کہا ؟

    اب میں اکیلا نہیں رہا سدھارتھ ملہوترا نے ایسا کیوں کہا ؟

    سدھارتھ ملہوترا اور کیارا ایڈوانی جو گزشتہ ماہ شادی کے بندھن میں بندھے. دونوں شادی کے بعد ہنی مون پر روانہ ہوئے تھے، ہنی مون سے واپسی پر ان کو گھیر لیا میڈیا نے. سوشل میڈیا پر ایک وڈیو وائرل ہو رہی ہے جس میں سدھارتھ سے جب سولو تصویر مانگی گئی تو انہوں نے مزاحیہ انداز میں جواب دیا. میڈیا نے جب سدھارتھ ملہوترا سے سولو تصویر مانگی تو انہوں نے کہا کہ اب میں سولو رہا نہیں ، سدھارتھ کے اس جواب کو وہاں کھڑے لوگوں کے ساتھ ساتھ سوشل میڈیا پر بہت پسند کیا گیا . سوشل میڈیا پر مداحوں نے اس ویڈیو پر ردعمل کا اظہار کیا اور کہاکہ سدھارتھ نے ایسا جواب دیکر دل جیت لیا ہے. دوسری طرف سدھارتھ نے انٹرویو دیتے ہوئے کہا کہ میری فلم شیرشاہ کے ساتھ میری اچھی یادیں

    ہمیشہ ہی وابستہ رہیں گی کیونکہ اس فلم نے مجھے ایک نئی زندگی دی ، اسی کے سیٹ پر کیارا سے ملاقات ہوئی. انہوں نے کہا کہ میں کیارا کو پا کر بہت زیادہ خوش ہوں وہ جتنی اچھی اداکارہ ہیں اس سے بھی زیادہ اچھی بیوی ہیں . شائقین ہم دونوں کو بہت جلد بڑی سکرین پر دیکھیں گے. میں مداحوں کا شکر گزار ہوں کہ جنہوں نے ہم دونوں کو ہمیشہ ہی بہت زیادہ پیار دیا.

  • سبق آموز سکرپٹس میری ترجیحات میں ہوتے ہیں شائستہ لودھی

    سبق آموز سکرپٹس میری ترجیحات میں ہوتے ہیں شائستہ لودھی

    اداکارہ شائستہ لودھی جو ان دنوں ڈرامہ سیریل سمجھوتہ میں نظر آرہی ہیں اس ھوالے سے انہوں نے حال ہی میں ایک انٹرویو دیا ہے اس میں انہوں نے کہا ہے کہ ہم کیوں سمجھتے ہیں کہ اگر والدین بوڑھے ہوگئے ہیں تو وہ اب صرف ہمارے بچوں کو ہی پالیں گے. ہم یہ کیوں نہیں سمجھتے کہ ماں باپ کو بھی توجہ کی ضرورت ہوتی ہے. اس ڈرامے میں دکھایا گیا ہے کہ والدین جب بورھے ہوجاتے ہیں تو ان کے مسائل کیا کیا ہوتے ہیں اور ان کی زندگی کو کس طرح سے بہتر بنایا جا سکتا ہے.. شائستہ لودھی نے کہا کہ میرے پاس جب بھی کوئی پراجیکٹ آتا ہے تو میں یہ

    دیکھتی ہو کہ اس میں اداکاری کا کتنا مارجن ہے. میں نے پردیس ڈرامہ بھی اسی لئے کیا تھا کیونکہ اس میں بھی عام خواتین اور فیملیز کے مسائل دکھائے گئے تھے. ڈرامہ سیریل سمجھوتہ میں بھی فیملیوں کو ایشوز کو ڈسکس کرنے کے ساتھ والدین کے بڑھاپے کو کس طرح بہتر بنایا جا سکتا ہے جیسا پیغام ہے. شائستہ لودھی نے کہا کہ مجھے اس وقت بہت خوشی ہوتی ہے جب خواتین ملتی ہیں تو کہتی ہیں کہ آپ نے فلاں ڈرامے میں جو کردار کیا وہ تو ہماری زندگی سے بہت ملتا جلتا ہے.

  • حرامانی نے اپنا نیا گانا یاریاں ریلیز کر دیا

    حرامانی نے اپنا نیا گانا یاریاں ریلیز کر دیا

    حرامانی جنہیں اداکاری کے میدان میں بہت زیادہ پسند کیاجاتا ہے انہوں نے ڈرامہ سیریل میرے پاس تم ہو میں ٹیچر کا کردار کرکے شائقین کے دل جیت لئے. حرامانی کو اداکاری کے ساتھ ساتھ گلوکاری کا بھی شوق ہے انہوں نے حال ہی میں اپنا نیا گانا یاریاں ریلیز کیا ہے. اپنی برتھ ڈے کے موقع پر انہوں نے اپنے مداحوں کو گانے کی صورت میں تحفہ دیا ہے. حرامانی کے نئے گیت کو بہت زیادہ پسند کیا جا رہا ہے. حرامانی نے یاریاں گیت کو بہت ہی پرفیکٹ انداز میں گایا ہے. اس سے پہلے بھی حرامانی نے فراری گانا گایا تھا جسے بے حد پسند کیا گیا تھا. حرامانی اکثر ملک میں

    اور ملک سے باہر کنسرٹس کرتی ہوئی دکھائی دیتی ہیں. حرامانی اس حوالے سے کہتی ہیں کہ مجھے گانا گانے کا بچپن سے ہی شوق تھا اور میرے والد نے میری بہت حوصلہ افزائی کی اور اب مانی مجھے کہتے ہیں کہ تم کو گائیکی میں دلچپسی ہے تو تمہیں گانا چاہیے. حرامانی کہتی ہیں کہ میں اپنے مداحوں کے لئے گاتی ہوں جب تک میرے مداح چاہیں گے میں نہ صرف اداکاری کروں گی بلکہ گیت بھی گائوں گی. یاد رہے کہ حرامانی کا اس وقت ڈرامہ انڈسٹری کی کامیاب ترین اداکارائوں ہوتا ہے.