Baaghi TV

Tag: celebrities

  • امجد اسلام امجد اچھے دوست تھے مبشر لقمان

    امجد اسلام امجد اچھے دوست تھے مبشر لقمان

    شاعر، ڈرامہ نگار اور نقاد امجد اسلام امجد آج لاہور میں انتقال کر گئے ہیں، ان کے انتقال پر گہرے رنج اور دکھ کا اظہار کیا جا ر ہا ہے. معروف صحافی مبشر لقمان نے امجد اسلام امجد کے انتقال پر دکھ کا اظہار کرتے ہوئے کہا ہے کہ امجد میرے بہت اچھے دوست تھے وہ ایک زندہ دل آدمی تھے ، ہمیشہ چہرے پر مسکراہٹ سجائے رکھتے اور ملتے تو بہت ہی پرجوش انداز میں ملتے. انہوں نے کہا کہ ویسے تو ان کے ساتھ بہت زیادہ ملاقاتیں رہیں لیکن آخری بار وہ ہمارے گھر اس وقت آئے جب وہ بیرون ملک سے کسی دورے سے وطن واپس آئے تھے ، میں ان کی آمد پر کافی خوش تھا ان کی محفل میں کیسے وقت گزرتا تھا نہیں پتہ چلتا تھا. ان کے ساتھ آخری ملاقات میں ہمارے بہت سارے دوست تھے. مجھے ان کے

    انتقال کا دھچکا لگا ہے. مبشر لقمان نے کہا کہ ادب کے لئے ان کی خدمات کو ہمیشہ یاد رہے گا. مبشر لقمان نے کہا کہ امجد اسلام نے اپنے قلم سے لوگوں کے دلوں پر راج کیا. ان کا لکھا ہوا آنے والی نسلوں کے لئے مشعل راہ رہے گا. واضح رہے کہ امجد اسلام امجد لاہور میں آج سے شروع ہونے والے پاکستان لٹریچر فیسٹیول کے دوسرے روز شرکت کرنے والے تھے. ان کے اس فیسٹیول میں مختلف سیشنز رکھے گئے تھے.

  • امجد اسلام امجد انتقال کر گئے

    امجد اسلام امجد انتقال کر گئے

    معروف شاعر ، ڈرامہ نگار، کالمسٹ امجد اسلام امجد انتقال کر گئے ہیں.امجد اسلام امجد کا شمار اردو کے بہترین اساتذہ میں ہوتا ہے ۔ امجد اسلام امجد اور عطا الحق قاسمی دونوں ہی ایم اے او کالج میں اردو پڑھاتے رہے ہیں۔ان کی خدمات کے عوض انہیں ایوارڈز سے بھی نوازا گیا. 80 کی دہائی میں انہیں حکومت پاکستان کی طرف سے تمغہ حسن کارکردگی سے نوازا گیا۔امجد اسلام امجد نے پنجاب یونیورسٹی سے فرسٹ ڈویژن میں ایم اے (اردو) کیا۔ ایم او کالج میں درس و تدریس کے شعبہ سے بھی منسلک رہے. 70 کی دہائی میں پنجاب آرٹ کونسل کے ڈپٹی ڈائریکٹر مقرر ہوئے۔نوے کی دہائی میں وہ دوبارہ ایم اے او کالج میں ہی شعبہ درس و تدریس سے منسلک ہو گئے۔ یہاں سے ان کی تعیناتی بطور ڈائریکٹر چلڈرن کمپلکس ہوئی اور وہیں سے انہوں نے ریٹائرمنٹ لی۔ امجد اسلام امجد ڈرامہ نگاری کی طرف بھی آئے اور یہاں بھی اپنے قلم کا لوہا منوایا. 1975ء

    میں ٹی وی ڈراما (خواب جاگتے ہیں ) پر گریجویٹ ایوارڈ ملا۔ انہوں نے بہت سارے ڈرامے لکھے ان کے معروف ڈراموں میں وارث، دن، فشار قابل زکر ہیں ہیں۔ انکے شعری مجموعہ برزخ اور جدید عربی نظموں کے تراجم عکس کے نام سے شائع ہوچکے ہیں جبکہ افریقی شعرا کی نظموں کا ترجمہ کالے لوگوں کی روشن نظمیں کے نام سے لاہور سے شائع ہوچکا ہے۔ اس کے علاوہ انہوں نے تنقیدی مضامین کی ایک کتاب (تاثرات) بھی لکھی . ان کے شعری مجموعوں میں .بارش کی آواز.شام سرائےاتنے خواب کہاں رکھوں.نزدیک.یہیں کہیں.ساتواں در.فشار.سحر آثار.ساحلوں کی ہوا.محبت ایسا دریا ہے.برزخ قابل زکر ہیں .امجد اسلام امجد کے انتقال پر گہرے رنج اور افسوس کا اظہار کیا جا رہا ہے اور کہا جا رہا ہے کہ امجد اسلام امجد کا انتقال ادب کو ایک بہت بڑا دھچکا ہے.

  • سہیل احمد نے کس اداکار کو اپنا استاد کہہ دیا ؟‌

    سہیل احمد نے کس اداکار کو اپنا استاد کہہ دیا ؟‌

    اداکار سہیل احمد جو عزیزی کے نام سے بھی جانے جاتےہیں انہوں نے گزشتہ روز معروف اینکر کامران شاہد کی فلم ہوئے تم اجنبی کے ٹریلر لانچ میں شرکت کی . چونکہ سہیل احمد اس فلم میں اہم کردار ادا کررہے ہیں انہوں نے کہا کہ میں نے ہمیشہ یہ سوچ کرکے کردار سائن کئے کہ ان میں کچھ مختلف ہو، اور کامران شاہد نے جو مجھے کردار آفر کیا وہ کافی مختلف تھا. انہوں نے کہا کہ فلم میں محمود اسلم نے کمال کی اداکاری ہے میں نے توہمیشہ ہی ان سے بہت کچھ سیکھا ہے. اگر میں یہ کہوں کہ وہ میرے استاد ہیں تو بے جا نہ ہوگا. انہوں نے ہمیشہ ہی ایسا کام کیا ہے جو ان کو دوسروں سے یکسر منفرد بناتا ہے. انہوں نے یہ بھی کہا کہ فلم ہوئے تم اجنبی کو بڑے سکیل پر بہت محنت کے ساتھ بنایا گیا ہے اگران کو کوئی سین

    دوبارہ کرنا پڑا تو انہوں نے کیا. کامران شاہد ایک باصلاحیت ڈائریکٹر ہیں انہوں نے کہانی کے مطابق کاسٹنگ کی ہے اور اپنے والد سے بھی انہوں نے ڈائریکٹر بن کر ہی کام لیا. امید ہے کہ شائقین کو ہم سب کی یہ کوشش ضرور پسند آئیگی. سہیل احمد نے یہ بھی کہا کہ ایسی فلمیں سالوں میں بنتی ہیں اور پاکستان میں ایسی فلمیں کم بنی ہیں جیسی ہوئے تم اجنبی ہے.

  • میں رسک لینے سے نہیں ڈرتی نادیہ حسین

    میں رسک لینے سے نہیں ڈرتی نادیہ حسین

    معرف ماڈل اور اداکارہ نادیہ حسین نے اپنے حالیہ انٹرویو میں کہا ہے کہ میں کبھی بھی رسک لینے سے نہیں گھبراتی آپ مجھے بہادر کہہ سکتےہیں انہوں نے کہا کہ میں وہ کام کر لیتی ہوں جن کے بارے میں کہا جا رہا ہوتا ہے کہ ایسا کیا تو یہ ہو جائیگا ویسا کیا تو وہ ہوجائیگا. انہوں نے کہا کہ انسان کو زندگی میں رسک لینے چاہیے. انہوں نے کہا کہ میں نے محبت کی شادی کی اس لئے میں بچوں کی محبت کی شادی کے خلاف بالکل بھی نہیں ہوں، میں بچپن میں ٹام بوائے ٹائپ تھی ، گھر کے باہر سائیکل چلاتی ، اور میرے گھر کا ماحول ایسا تھا کہ ہم پر اس طرح کی پابندی نہیں‌لگائی جاتی تھی کہ یہ کرو اور وہ نہ کرو یہ پڑھو اور وہ نہ پڑھو، مجھے میری مرضی کا کیرئیر چننے کی اجازت دی گئی میں نے اپنی

    مرضی سے ماڈلنگ کا آغاز کیا خدا نے مجھے عزت دی. انہوں نے مزید کہا کہ اداکاری جب اچھا کردار ملے تو کرلیتی ہوں نہیں‌تو پھر اپنے بزنس میں لگی رہتی ہوں ، جب مجھے میرے بزنس میں تھوڑا سا بھی نقصان ہوجانے کا خدشہ ہو تو میں گھبرا جاتی ہوں. میں اپنا بزنس بہت دلچپسی سے چلاتی ہوں . میں پاکستان کی خواتین کو بااختیار دیکھنا چاہتی ہوں. میں چاہتی ہوں کہ ان کو ان کی مرضی کے مطابق جینے دیا جائے.

  • بگ باس 16 کی سابق کنٹیسٹینٹ گوری نگوری نے بتا دیا کے فائنل میں ان کا فیورٹ کون ہو گا ؟‌

    بگ باس 16 کی سابق کنٹیسٹینٹ گوری نگوری نے بتا دیا کے فائنل میں ان کا فیورٹ کون ہو گا ؟‌

    بگ باس کا فائنل جیسے جیسے قریب آرہا ہے کون ہو گا شو کا ونر اس ھوالے سے تبصروں کی گونج سوشل میڈیا پر زیادہ سنائی دے رہی ہے. ہر طرف کوئی وڈیو میں اپنا فیورٹ بتا رہا ہے تو کوئی پوسٹ میں لکھ رہا ہےکہ کس کو بگ باس 16 کا ونر ہونا چاہیے. بگ باس کی سابق کنٹسیٹنٹ گوری نگوری کی حال ہی میں ایک وڈیو وائرل ہو رہی ہے جس میں ان کو ائیر پورٹ‌پر دیکھا جا سکتا ہے، میڈیا نے ان سے سوال کیا کہ بگ باس کے گھر میں ان کا فیورٹ کون ہے؟ اور آپ کو کیا لگتا ہے کہ شو کس کو جیتنا چاہیے تو اس کے جواب میں انہوں نے کہا کہ ایم سی سٹین ، پریانکا

    اور شیو تینوں کے ساتھ میرا اچھا تعلق رہا ہے لہذا میں یہ نہیں کہہ سکتی کہ کون ونر ہو گا یا کس کو ونر ہونا چاہیے . میری دعائیں سب کے ساتھ ہیں. میں بگ باس دیکھتی ہوں لطف اندوز ہوتی ہوں اور میں موجودہ پارٹیسپینٹس سےپیار بھی کرتی ہوں لیکن کسی ایک کو فیورٹ‌بتا کر کسی دوسرے کو ناراض نہیں کر سکتی. یاد رہے کہ بگ باس 16 کے بہت چرچے ہیں اس بار کے کنٹسیٹنس کافی دلچپسپ رہے، اگر سوشل میڈیا پر ہونے والے تبصروں کی مانیں تو پریانکا چوپڑا ونر دکھائی دیتی ہیں.

  • فواد خان اور صنم سعید کی ویب سیریز برزخ سیریز مینیا فلم فیسٹیول میں پیش کی جائیگی

    فواد خان اور صنم سعید کی ویب سیریز برزخ سیریز مینیا فلم فیسٹیول میں پیش کی جائیگی

    معروف اداکار فواد خان اور صنم سعید جنہوں نے جب جب ایک ساتھ سکرین شئیر کی ہے لوگوں کی بڑی تعداد نے انہیں بہت پسند کیا ہے ان کا ڈرامہ زندگی گلزار ہے آج تک مقبول ہے. اب یہ جوڑا ایک بار پھر دھوم مچانے جا رہا ہے جی ہاں فواد خان اور صنم سعید کی ویب سیریز ” برزخ ” مارچ 2023 میں فرانس میں ہونے والے سیریز مینیا فلم فیسٹیول میں پیش کی جا رہی ہے. فرانس میں ہونے والے اس فلم فیسٹیول میں بھارتی اسٹریمنگ پلیٹ فارم زندگی اوریجنل کی سیریز ’برزخ‘ وہ واحد ویب سیریز ہے جسے ساوتھ ایشیا سے منتخب کیا گیا ہے ۔ کہا جا رہا ہے کہ فواد خان اس ویب سیریز میں سنگل پیرینٹ کے روپ میں نظر آئیں گے جبکہ صنم سعید ایک پراسرار کردار ادا کرتی نظر آئیں گی. اس ویب سیریز کو

    بہترین سیریز، بہترین ہدایت کار، بہترین اداکارہ، بہترین اداکار کے ساتھ ساتھ اسٹوڈنٹ جیوری ایوارڈ کے لیے بھی نامزد کیا گیا ہے۔اس ویب سیریز کو عاصم عباسی نے ڈائریکٹ کیا ہے ان کہنا ہے کہ یہ ویب سیریز ضرور پذیرائی حاصل کریگی اور ایوارڈ اپنے نام کریگی. یاد رہے کہ فواد خان اور صنم سعید کی آن سکرین جوڑی کو بے حد سراہا جاتا ہے امید ہے کہ اس ویب سیریز میں بھی انک دونوں کی جوڑی کو بہت پسند کیا جائیگا.

  • شلپا شیٹی کی والدہ نے بگ باس میں پریانکا کو فیورٹ قرار دیدیا

    شلپا شیٹی کی والدہ نے بگ باس میں پریانکا کو فیورٹ قرار دیدیا

    شلپا شیٹی جو کہ بالی وڈ کی معروف اداکارہ ہیں ان کی بہن شمیتا شیٹی دو بار بگ باس کے گھر گئیں لیکن دونوں بار ہی وہ مایوس لوٹیں کیونکہ وہ بگ باس کی ونر نہ بن سکیں. بگ باس کو چونکہ بہت شوق سے ہندوستان میں دیکھا جاتا ہے اس لئے ہر کوئی اپنا فیورٹ رکھتا ہے. اب جبکہ بگ باس 16 کا فائنل ہونے جا رہا ہے تو ہر کوئی سوشل میڈیا پر بڑی تعداد میں اپنے اپنے پسندیدہ کنٹیسٹنس کو سپورٹ کررہے ہیں ،ایسے میں شلپا شیٹی کی والدہ سنادا شیٹی کیسے پیچھے رہ سکتی تھیں. انہوں نے حال ہی میں اپنے ٹویٹر اکائونٹ سے ایک ٹویٹ کیا ہے جس میں انہوں نے کہا کہ مجھے

    بہت خوشی ہے کہ بگ باس 16 کا فائنل ہونے جا رہا ہے. انہوں نے یہ بھی کہا کہ پریانکا چوہدری میری پسندیدہ پارٹیسپینٹ ہیں ، انہوں نے اس گیم کو بہت ہی خوبصورتی کے ساتھ کھیلا. جس نفاست کے ساتھ انہوں نےبگ باس کو کھیلا ہے انہیں ہی جینا چاہیے اور ویسے بھی پریانکا صرف میری نہیں جنتا کی فیورٹ ہیں. یوں‌شلپا شیٹی کی والدہ سنادا شیٹی کا یہ ٹویٹ بہت زیادہ وائرل ہو رہا ہے.

  • یوویکا چوہدری کا بگ باس کی انتظامیہ پر بڑا الزام

    یوویکا چوہدری کا بگ باس کی انتظامیہ پر بڑا الزام

    جیسا کہ 12 فروری یعنی اتوار کے دن بگ باس 16 کا فائنل ہونے جا رہا ہے ، گھر میں 5 ممبرز ہیں جن میں شیو ٹھاکرے ، ایم سی سٹین ، پریانکا چوہدری ، شالین اور ارچنا گوتھم ، ان سب کو پسند کرنے والوں کی گھر سے باہر ایک بڑی تعداد ہے اب دیکھنا یہ ہے کہ جنتا کس کو سب سے زیادہ ووٹ دیتی ہے. تاہم یوویکا چوہدری نے بگ باس کی انتظامیہ پر الزام لگاتے ہوئے سوشل میڈیا پر پوسٹ لگائی اور لکھا کہ شیو اور سٹین جنتا کی چوائس ہیں اور پریانکا چوہدری چینل کی چوائس ہے. لیکن مجھے امید ہے کہ بگ باس کا ونر سٹین اور شیو میں سے کوئی ایک ہو گا . پریانکا بگ باس 16 کی ونر بنیں یہ مناسب نہ ہوگا. انہوں نے یہ بھی کہا کہ جنتا زیادہ ہو سکے سٹین اور شیو کو ووٹ کریں .

    یاد رہے کہ شیو ٹھاکرے جو کہ جیت کے لئے مضبوط امیداور ہیں وہ پہلے بگ باس مراٹھی کر چکے ہیں اور پریانکا ایک بڑی فین فالونگ رکھتی ہیں اور ان کی دیوانی تو بالی وڈ کی سلیبرٹیز بھی بن چکی ہیں. 12 فروری کا فائنل جو کہ سلمان خان ہوسٹ کریں گے دیکھنا ہے کہ وہ کس کی جیت کا اس روز اعلان کریں . بگ باس کا اس سیزن میں‌ 4 ہفتے کا اضافہ کیا گیا.

  • روینہ ٹنڈن بچپن سے ہی کس ہیرو کی تھیں دیوانی ؟‌

    روینہ ٹنڈن بچپن سے ہی کس ہیرو کی تھیں دیوانی ؟‌

    نوے کی دہائی کی سپر ہٹ اداکارہ روینہ ٹنڈن جو اپنی اداکاری ، انداز اور خوبصورتی کی وجہ سے جانی جاتی تھیں ، انہوں نے ہندی فلموں میں آتے ہی دھوم مچا دی ان کی پہلی ہی فلم کامیاب ہو گئی اس فلم کا نام تھا پتھر کے پھول . روینہ ٹنڈن نے پھر کھی بھی پیچھے مڑ کر نہ دیکھا. روینہ ٹنڈن نے اپنے حالیہ انٹرویو میں کہا ہے کہ میں جب چھوٹی تھی تو سنجے دت کی فلمیں بہت شوق سے دیکھتی تھی ، میں ان کی دیوانی تھی ،مجھے وہ سب سے زیادہ حسین لگتے تھے میرا دل کرتا تھا کہ میں ان کے ساتھ ایک فلم کروں اور مجھے خدا کی ذات نے موقع دیا بھی اپنے پسندیدہ ہیرو

    کے ساتھ کام کرنے کا. مجھے یہ بھی خوشی ہے کہ سنجے دت کے ساتھ بھی میری آن سکرین جوڑی کو بہت زیادہ سراہا گیا. یاد رہے کہ روینہ ٹنڈن کا چند ایک ہیروز کے ساتھ نام جڑا اور کہا جاتا ہے کہ اکشے کمار کے ساتھ تو ان کی منگنی بھی ہو چکی تھی لیکن اکشے کمار بھنوروں جیسی طبیعت رکھتے تھے اس لئے روینہ ٹنڈن اس چیز کو برداشت نہ کر سکیں اور اکشے کمار سے اپنے راستے الگ کر کر لئے. اکشے سے دوستی ختم ہونےکے بعد روینہ کافی عرصہ پریشان رہیں لیکن جلد ہی وہ نارمل لائف میں واپس آگئیں.

  • راکھی ساونت کے سابق شوہر ان کی حمایت میں کھڑے ہو گئے

    راکھی ساونت کے سابق شوہر ان کی حمایت میں کھڑے ہو گئے

    بالی وڈ اداکارہ راکھی ساونت تین شادیاں کر چکی ہیں لیکن انکی کوئی بھی شادی کامیاب نہیں‌ ہو سکی. ان کی تیسری شادی کے لئے وہ مسلمان تک ہو گئیں اور اپنا نام فاطمہ رکھ لیا. راکھی کے مطابق وہ مسلسل عادل سے مار کھا رہی تھیں وہ لڑکیوں میں انوالو تھا جسکی وجہ سے ان کی شادی خراب ہو رہی تھی. جہاں راکھی ساونت کی حمایت میں بہت سارے لوگ کھڑے ہیں وہیں ان کے سابق شوہر رتیش بھی ان کی حمایت میں‌کھڑے ہو گئے ہیں ، ان کا کہنا ہےکہ راکھی کے ساتھ جو کچھ بھی ہوا اور ہو رہا ہے وہ غلط ہے ، میں اس دکھ کی گھڑی میں راکھی ساونت کے ساتھ کھڑا ہوں. رتیش نے مزید کہا کہ ہمارے راستے الگ ہونے کی بہت ساری وجوہات تھیں شاید ہم ساتھ نہیں چل سکتے تھے اس لئے ایک دوسرے سے

    راہیں جدا کر لیں لیکن اس کے باوجود میں راکھی کی بہت عزت کرتا ہوں بھگوان ان کے لئے آسانیاں کریں ، یقینا راکھی نے ساری زندگی کافی پریشانیاں دیکھی ہیں، یاد رہے کہ راکھی ساونت کی حال ہی میں والدہ کا انتقال ہوا ہے وہ کینسر کی مریضہ تھیں اور کینسر ان کے پورے جسم میں پھیل گیا تھا جسکی وجہ سے وہ صحیتابی کی طرف نہ آسکیں.