لالی وڈ اداکار معمر رانا نے اپنے حالیہ انٹرویو میںکہا ہے کہ میری فلم چوڑیاں جو کہ ساٹھ لاکھ میںتیار ہوئی تھی، لیکن اس نے 48 کروڑ کا بزنس کیا ، مجھے اس فلم کا 85 ہزار ملا تھا ، اور میری خوشی کا ٹھکانہ نہیں تھا مجھے ایسا لگ رہا تھا کہ پتہ نہیں کیا خزانہ میرے ہاتھ لگ گیا ہے. مجھے سمجھ نہیں آرہی تھی کہ میں کیا کروں اتنے زیادہ پیسوں کا، انہوں نے کہاکہ آج کی فلمیں ڈرامہ لگتی ہیں ، ہمیں اس پر توجہ دینی چاہیے ، اگر ہم اس پر توجہ نہیں دیں گے اور جلدی یہ نہیںہو گا تو پھر تو بہت جلد میں بھی یوٹیوب چینل پر ہی بیٹھا ہوا نظر آئوں گا، معمر رانا نے کہا کہ کچھ فلمیں اچھی بھی بنی ہیں جس میں بول قابل زکر ہے.
لوگوں نے اس فلم کو بہت زیادہ پسند کیا . معمر رانا نے کہا کہ سنی دیول کی فلم غدر ہٹ ہوئی ہے لیکن پاکستان مخالف ایجنڈا ہونے کی وجہ سے ایسا ہوا ہے، اور ”سنی دیول بھارتی فلموں میں ڈائیلاگ بولتا رہتا ہے کبھی پاکستان آ کر ایسے ڈائیلاگ بول کر دکھائے نا”. بالی وڈ کے حالات تو خود بہت خراب ہیں بس وہ فلمیں چلانے کےلئے پریشان نظر آتے ہیں ایسے میںپٹھان اور غدر ہٹ ہوجاتی ہے تو وہ اچھلنا شروع کر دیتے ہیں .
