راحت فتح علی خان اور ان کا بیٹا شاہ رمان آج کل امریکہ میں شوز کے لئے موجود ہیں، انٹر نیٹ پر ایک وڈیو وائرل ہو رہی ہے جس میں دیکھا جا سکتا ہےکہ دونوں باپ بیٹا سٹیج پر موجود ہیں ، راحت فتح علیخان خاموش ہیں اور اپنے بیٹے کو سن رہے ہیں اور ان کا بیٹا شاہ زمان کسی دا یار نہ وچھڑے ، ویکھ کے تیریاں ناز اداواں دل کردا، گا رہے ہیں ان کی آواز سن کر ایسا محسوس ہو رہا ہےکہ جیسے یہ شاہ زمان نہیں بلکہ نصرت فتح علیخان ہی گا رہے ہیں. انٹرنیٹ پر وائرل ہونے والی اس وڈیو میںجو بھی شاہ زمان کو سن رہا ہے وہ یہی کہہ رہا ہےکہ ایسا محسوس
ہورا ہے کہ جیسے نصرت فتح علیخان گا رہے ہیں. یہ پہلا موقع نہیں ہے کہ شاہ زمان اپنے والد کے ساتھ گا رہے ہیں اس سے پہلے بھی وہ اپنے والد کے ساتھ شوز کر چکے ہیں. شاہ زمان کو سننے والے بے ساختہ کہہ اٹھے ہیں کہ نصرت فتح علیخان کی یاد دلا دی. شاہ زمان کی گائیکی کا انداز ٹھہرائو اور مووز سب نصرت فتح علیخان جیسی ہیں. یاد رہے کہ شاہ زمان نے بھی باقاعدہ میوزک میں اینٹری دے دی ہے اور وہ اپنے والد کے ساتھ اکثر باہر کے ملکوں میں شوز کرتے ہیں اور امریکہ میں ہونے والا شو بھی اسی سلسلے کی کڑی ہے. سننے والے شاہ زمان کو نصرت فتح علیخان جونئیر قرار دے رہے ہیں.
