Tag: cricket

لارڈز (اے پی پی) نیتھن لیون نے ٹیسٹ کرکٹ میں مجموعی طور پر 355 وکٹیں حاصل کرکے بریٹ لی کا ریکارڈ برابر کردیا.

تفصیلات کے مطابق مایہ ناز آسٹریلوی سپنر نیتھن لیون نے ٹیسٹ کرکٹ میں سابق ہم وطن باﺅلر بریٹ لی کی زیادہ وکٹوں کا ریکارڈ برابر کر دیا۔ اسطرح وہ زیادہ وکٹیں لینے والے مشترکہ طور پر تیسرے آسٹریلوی باﺅلر بن گئے ہیں۔ انہوں نے انگلینڈ کے خلاف شروع ہونے والے دوسرے ایشز ٹیسٹ میچ کی پہلی اننگز میں بین سٹوکس، جونی بیئرسٹو اور سٹورٹ براڈ کو آﺅٹ کر کے یہ اعزاز حاصل کیا۔ دونوں باﺅلرز نے یکساں 355 وکٹیں لے رکھی ہیں۔ آسٹریلیا کی جانب سے شین وارن 708 وکٹیں لیکر پہلے اور گلین میگراتھ 563 وکٹیں لیکر دوسرے نمبر پر موجود ہیں۔

کیپ ٹاؤن (اے پی پی) جنوبی افریقہ نے دورہ بھارت کیلئے ٹیسٹ اور ٹی ٹونٹی سکواڈز کا اعلان کردیا۔

تفصیلات کے مطابق جنوبی افریقہ نے بھارت کیخلاف سیریز کا اعلان کردیا. اینرچ نورٹج، روڈی سیکنڈ اور سینوران موتھوسیمی کو پہلی مرتبہ ٹیسٹ سکواڈ کا حصہ بنایا گیا ہے جبکہ ڈی کوک کو ٹی ٹونٹی ٹیم کی قیادت کی ذمہ داری سونپی گئی ہے۔ سابق کپتان ڈوپلیسی ٹیم میں جگہ بنانے میں ناکام رہے البتہ وہ ٹیسٹ ٹیم کی قیادت جاری رکھیں گے۔ ایڈن مرکرم، تھیونس ٹی بروئن، لونگی نگیڈی اور ڈیل سٹین کو بھی ٹی ٹونٹی سکواڈ میں شامل نہیں کیا گیا۔ اعلان کردہ ٹیسٹ سکواڈ کپتان فاف ڈوپلیسی، نائب کپتان ٹیمبا باووما، تھیونس ڈی بروئن، ڈی کوک، ڈین ایلگر، زبیر حمزہ، کیشو مہاراج، ایڈن مرکرم، سینوران موتھوسیمی، لونگی نگیڈی، اینرچ نورٹج، ورنن فلینڈر، ڈین پائیڈت، کگیسوربادا اور روڈی سیکنڈ پر مشتمل ہے۔

دوسری جانب ٹی ٹونٹی سکواڈ میں کپتان ڈی کوک، نائب کپتان ریسی وانڈر ڈوسن، ٹیمبا باووما، جونیئر ڈیلا، بوجرن فورٹوئن، بیورن ہینڈرکس، ریزا ہینڈرکس، ڈیوڈ ملر، اینرچ نورٹج، اینڈائل فیلک وایو، ڈیوائن پریٹوریس، کگیسوربادا، تبریز شمسی اور جان جان سمٹس شامل ہیں۔

لارڈز (اے پی پی) انگلینڈ نے آسٹریلیا کے خلاف شیڈول دوسرے ایشز کرکٹ ٹیسٹ میچ کیلئے سکواڈ کا اعلان کردیا، معین علی کو ڈراپ کردیا گیا.

تفصیلات کے مطابق ورلڈ کپ ہیرو فاسٹ باﺅلر جوفرا آرچر کو بھی سکواڈ کا حصہ بنایا گیا ہے اور امکان ہے کہ وہ دوسرے ٹیسٹ میں ڈیبیو کریں گے، آرچر کو کمر کی تکلیف کے باعث احتیاطی تدابیر کے طور پر پہلے ٹیسٹ سے باہر بٹھایا گیا تھا لیکن انگلش ٹیم کو دوسرے ٹیسٹ میچ میں فاسٹ باﺅلر جیمز اینڈرسن کی خدمات حاصل نہیں ہوں گے اسلئے وہ دوسرا ٹیسٹ کھیلنے کیلئے مضبوط امیدوار بن گئے ہیں۔ انگلینڈ کا اعلان کردہ سکواڈ کپتان جوروٹ، جوفرا آرچر، جونی بیئرسٹو، سٹورٹ براڈ، روری برنز، جوز بٹلر، ثام کیورن، جوئے ڈینلی، جیک لیچ، جیسن روئے، بین سٹوکس اور کرس ووکس پر مشتمل ہے.

واضح رہے کہ انگلینڈ اور آسٹریلیا کے درمیان دوسرا ایشز ٹیسٹ میچ 14 اگست سے شروع ہو گا اور کینگروز کو پانچ میچوں کی سیریز میں 1-0 کی برتری حاصل ہے.

لاہور: پاکستان کرکٹ بورڈ کے نئے سینٹرل کنٹریکٹ کے ساتھ ہی کھلاڑیوں کی تنخواہوں میں اضافہ ہوگیا ہے.

تفصیلات کے مطابق پی سی بی نے 19 کھلاڑیوں کے لیے سینٹرل کنٹریکٹ کا اعلان کیا جس کے ساتھ کھلاڑیوں کی تنخواہوں میں بھی اضافہ ہوا ہے. سینٹرل کنٹریکٹ کےمطابق کٹیگری اے میں سرفراز احمد، بابر اعظم اور یاسر شاہ شامل ہیں۔ کٹیگری بی میں اسد شفیق، اظہر علی، حارث سہیل، امام الحق، محمد عباس، شاداب خان ، شاہین شاہ آفریدی اور وہاب ریاض شامل ہیں جب کہ کٹیگری سی میں عابد علی، حسن علی، فخر زمان، عماد وسیم، محمد عامر، محمد رضوان، شان مسعود اور عثمان شنواری کو رکھا گیا ہے۔ ’اے‘ کیٹگری میں ایک کھلاڑی کو ماہانہ تقریباً 8 لاکھ روپے ملا کرتے تھے لیکن اس بار یہ رقم بڑھا کر 11 لاکھ روپے سے زیادہ کر دی گئی ہے۔ ’بی‘ کیٹگری کے کھلاڑی کو تقریباً 8 لاکھ روپے اور ’سی‘ کیٹگری کے کھلاڑی کو پانچ لاکھ75ہزار روپے سے زیادہ ملیں گے۔

یاد رہے کہ پی سی بی نے سینئر کرکٹرز شعیب ملک اور محمد حفیظ کو سینٹرل کنٹریکٹ جاری نہیں کیا، جس سے ان دونوں کے کیرئر پر سوالات اٹھنا شروع ہوگئے ہیں.

لندن (اے پی پی) انگلش لیگ سپنر عادل رشید فٹنس مسائل کے باعث بقیہ کاؤنٹی سیزن سے باہر ہو گئے.

انگلینڈ کے مایہ ناز لیگ سپنر عادل رشید فٹنس مسائل کے باعث بقیہ سیزن سے باہر ہو گئے۔ وہ کندھے کی انجری میں مبتلا ہیں۔ عادل رشید نے اپنے بیان میں کہا کہ ورلڈ کپ کے بعد میرا کاﺅنٹی کرکٹ میں کم بیک کرنے کا ارادہ تھا لیکن سکین کی رپورٹ کے بعد ڈاکٹرز نے مکمل آرام کا مشورہ دیا ہے اسلئے میں رواں سال شیڈول بقیہ کسی بھی ٹورنامنٹ میں حصہ نہیں لوں گا۔ پورے ورلڈ کپ کے دوران درد کش انجیکشن کا سہارا لیتا رہا لیکن میگا ٹورنامنٹ کے بعد کندھے کا درد مزید بڑھ گیا تھا اسلئے میں خود بھی سمجھتا ہوں کہ آرام میرے لئے بہتر رہے گا۔

دوسری جانب یارکشائر ڈائریکٹر آف کرکٹ مارٹن موکسن نے کہا کہ عادل رشید کے بقیہ سیزن سے باہر ہونے پر بے حد مایوسی ہوئی تاہم ہماری ہمدردیاں ان کے ساتھ ہیں اور خواہش ہے کہ وہ مکمل فٹ ہو کر دوبارہ ٹیم جوائن کریں۔

کنگسٹن (اے پی پی) ویسٹ انڈیز نے بھارت کے خلاف ہوم ٹیسٹ سیریز کیلئے سکواڈ کا اعلان کردیا ہے. راخیم کورنوال پہلی مرتبہ سلیکٹرز کا اعتماد حاصل کرنے میں کامیاب ہوگئے ہیں جبکہ گیل ٹیم میں جگہ نہ بنا سکے.

تفصیلات کے مطابق ویسٹ انڈیز نے بھارت کے خلاف رواں ماہ شیڈول ہوم ٹیسٹ سیریز کیلئے 13 رکنی سکواڈ کا اعلان کر دیا، 26 سالہ ہارڈ ہٹنگ آف سپننگ آل راﺅنڈر راخیم کورنوال کو پہلی مرتبہ سکواڈ کا حصہ بنایا گیا ہے، جارح مزاج اوپننگ بیٹسمین کرس گیل جنہوں نے ورلڈ کپ کے دوران بھارت کے خلاف ٹیسٹ کھیلنے کی خواہش ظاہر کی تھی کو ٹیم میں شامل نہیں کیا گیا۔ اعلان کردہ سکواڈ کپتان جیسن ہولڈر، کریگ بریتھویٹ، ڈیرن براوو، شمارخ بروکس، جان کیمپ بیل، روسٹن چیس، راخیم کورنوال، شین ڈورچ، شینن گبرائل، شمرون ہٹمائر، شائی ہوپ، کیموپال اور کیمر روچ پر مشتمل ہے۔

واضح رہے کہ ویسٹ انڈیز اور بھارت کے درمیان آئی سی سی ورلڈ ٹیسٹ چیمپئن شپ کے سلسلے میں پہلا ٹیسٹ میچ 22 اگست سے شروع ہوگا۔

کولمبو (اے پی پی) سری لنکا نے نیوزی لینڈ کے خلاف پہلے ٹیسٹ میچ کیلئے سکواڈ کا اعلان کردیا، میتھیوز اور چندیمل کی دوبارہ واپسی ہوئی ہے.

تفصیلات کے مطابق سری لنکا نے نیوزی لینڈ کے خلاف شیڈول ہوم ٹیسٹ سیریز کے سلسلے میں پہلے میچ کیلئے سکواڈ کا اعلان کر دیا، اینجلو میتھیوز اور دنیش چندیمل کی دوبارہ سکواڈ میں واپسی ہوئی ہے، جبکہ دلروون پریرا کو ڈراپ کردیا گیا ہے۔ اعلان کردہ سکواڈ کپتان دیمتھ کرونارتنے، اینجلو میتھیوز ، چندیمل، لاہیرو تھریمانے، کوسل مینڈس، کوسل جانتھ پریرا، نیروشن ڈکویلا، دھنن جایا ڈی سلوا، اکیلا دانن جایا، لاستھ ایمبل ڈینیا، سرنگا لکمل، لاہیرو کمارا، اوشادا فرننڈو، لکشن سنداکن اور وشوا فرننڈو پر مشتمل ہے۔

واضح رہے کہ سری لنکا اور نیوزی لینڈ کے درمیان ٹیسٹ سیریز کا آغاز 14 اگست سے ہو گا جس کیلئے سری لنکا نے اسکواڈ کا اعلان کردیا ہے۔

لاہور: پاکستان کے مایہ ناز آل راؤنڈر شعیب ملک نے گلوبل ٹی 20 لیگ میں دھواں دار بیٹنگ کرتے ہوئے چھکے مار کے میڈیا باکس کے شیشے توڑ دیئے.

تفصیلات کے مطابق شعیب ملک نے گلوبل ٹی 20 لیگ میں دھواں دار بیٹنگ کی. انہوں نے ایک ہی میچ میں 2 زبردست چھکے مار کر گراؤنڈ میں موجود میڈیا باکس کے شیشے توڑ دیئے. ان چھکوں پر کمینٹیٹرز نے دلچسپ تبصرہ کرتے ہوئے کہا کہ شعیب ملک کے یہ 2 چھکے گلوبل ٹی 20 لیگ انتظامیہ کو بہت مہنگے پڑے ہیں.

https://twitter.com/World7969/status/1160139799644295168

دوسری جانب گلوبل ٹی ٹونٹی کرکٹ لیگ اختتامی مرحلے میں داخل ہوگئی. برامپٹن والوز اور وائنی پیگ ہاکس کے درمیان کوالیفائر میچ آج کھیلا جائے گا جبکہ دفاعی چیمپئن وان کوور نائٹس کی ٹیم لیگ کے فائنل میں پہنچ چکی ہے۔ گلوبل ٹی 20 لیگ کا فائنل 11 اگست اتوار کو کھیلا جائے گا.

لارڈز (اے پی پی) انگلش آل راؤنڈر بین سٹوکس نےکہا ہے کہ آسٹریلیا کو دوسرے ٹیسٹ میچ شکست دیکر ایشز میں جاندار کم بیک کرینگے.

تفصیلات کے مطابق انگلینڈ کرکٹ ٹیم کے مایہ ناز آل راﺅنڈر بین سٹوکس نے کہا ہے کہ کینگروز کو دوسرے ٹیسٹ میچ میں شکست دیکر ایشز سیریز میں جاندار کم بیک کرینگے۔ انہوں نے کہا کہ آسٹریلیا کے خلاف دوسرے ٹیسٹ میچ کےلئے حکمت عملی تیار کرلی ہے۔ انہوں نے کہا کہ پہلے ٹیسٹ میچ میں جو غلطیاں ہوئیں ہیں انکو دوسرے میں نہیں دوہرائیں گے۔ انگلینڈ اور آسٹریلیا کی ٹیموں کے درمیان پانچ ٹیسٹ میچوں کی ایشز سیریز کا دوسرا میچ 14 اگست سے لندن، لارڈز کے مقام پر شروع ہوگا۔ اپنے ایک بیان میں سٹوکس نے کہا ہے آسٹریلوی ٹیم نے پہلے ٹیسٹ میچ میں اچھا کھیل پیش کرکے کامیابی حاصل کی۔ انہوں نے کہا کہ انکی ٹیم نے کینگروز کے خلاف دوسرے ٹیسٹ میچ کے لئے حکمت عملی تیار کر لی ہے۔

انہوں نے مزید کہا کہ آسٹریلیا کے خلاف دوسرے ٹیسٹ میچ میں مربوط حکمت عملی کے تحت جیت کے لئے میدان میں اتریں گے اور کینگروز کو شکست دیکر سیریز میں جاندار کم بیک کرینگے۔ انہوں نے اپنی ٹیم کو خبردار کیا ہے کہ سیریز میں کم بیک کرنے کے لئے کینگروز کے خلاف دوسرے ٹیسٹ میں 100 فیصد کارکردگی کا مظاہرہ کرنا ہوگا۔

کولمبو (اے پی پی) نیوزی لینڈ کے فاسٹ‌ بالر ٹرینٹ بولٹنے کہا ہے کہ سری لنکا کو پہلے ٹیسٹ میں زیر کر کے سیریز کے فاتحانہ آغاز کیلئے پر جوش ہیں.

تفصیلات کے مطابق نیوزی لینڈ کی کرکٹ ٹیم کے مایہ ناز فاسٹ باﺅلر ٹرینٹ بولٹ نے کہا ہے کہ سری لنکن ٹیم کو پہلے ٹیسٹ میچ میں شکست دیکر دو میچوں کی سیریز کا آغاز فاتحانہ انداز میں کرنے کیلئے مکمل طور پر تیار ہیں۔ سری لنکا اور نیوزی لینڈ کی ٹیموں کے درمیان دو ٹیسٹ میچوں کی سیریز کا پہلا ٹیسٹ میچ 14 اگست سے گال میں شروع ہوگا۔ اپنے ایک بیان میں بولٹ نے کہا کہ آئی لینڈرز کو انکی سرزمین پر شکست دینا آسان نہیں تاہم ہدف کے حصول کےلئے ٹیم کو تینوں شعبوں میں عمدہ کارکردگی دکھانا ہوگی۔ انہوں نے کہا کہ آئی لینڈرز کو پہلے ٹیسٹ میچ میں شکست دیں گے۔ انہوں نے امید ظاہر کی ہے کہ اس مقصد کے حصول کےلئے کھلاڑی پہلے ٹیسٹ میچ میں غیرمعمولی کارکردگی کا مظاہرہ کرکے ٹیم کو فتح دلانے میں کردار ادا کریں گے۔

انہوں نے مزید کہا کہ ہم پر کوئی دباﺅ نہیں، ہر کوئی جانتا ہے کہ اگر ہم میچ جیت گئے تو سیریز بھی جیت جائیں گے۔ سارا پریشر میزبان ٹیم پر ہو گا اسلئے ہم میچ جیتنے کیلئے 100 فیصد کارکردگی دکھانے کی کوشش کریں گے۔