پاکستان بمقابلہ سری لنکا ٹی ٹوئنٹی سیریز کا تیسرا اور آخری میچ قذافی اسٹیڈیم لاہور میں کھیلا جا رہا ہے ، سری لنکا نے ٹاس جیت کر پہلے نیٹنگ کا فیصلہ کیا ، پاکستان نے پچھلا میچ کھیلنے والی ٹیم میں تین تبدیلیاں کی ہیں، پہلے دو میچز میں ناقص کارکردگی دکھانے والے بلے باز احمد شہزاد اور عمر اکمل کو باہر بٹھا دیا گیا نوجوان بالر محمد حسنین کو باہر بٹھا دیا گیا ہے اور ان کھلاڑیوں کی جگہ حارث سہیل، افتحار احمد اور عثمان شنواری کو موقع دیا گیا ہے
قائداعظم ٹرافی، پہلے سیزن کے بعد کونسی ٹیم کہاں کھڑی ہے ؟
قزافی سٹیڈیم میں پاک فوج کی ہائی الرٹ سکیورٹی
Tag: cricket
پاکستان بمقابلہ سری لنکا ، کون کون کھلاڑی آج میچ کھیل رہا ہے ؟
قائداعظم ٹرافی، پہلے سیزن کے بعد کونسی ٹیم کہاں کھڑی ہے ؟
قائداعظم ٹرافی 2019-20 کے پہلے سیزن کا احتتام ہو گیا اور پواائنٹس ٹیبل پر پنجاب کی دونوں ٹیمیں چھائی ہوئی ہیں ، اظہر علی کی قیادت میں سنٹرل پنجاب کی ٹیم پوائنٹس ٹیبل پر سرفہرست ہے۔ ناردرن اور بلوچستان کے خلاف میچ میں فتوحات سمیٹنے والی سنٹرل پنجا ب کی ٹیم اب تک 67 پوائنٹس حاصل کرچکی ہے۔
سندھ کرکٹ ٹیم کو شکست دینے والی سدرن پنجاب کی ٹیم شان مسعود کی قیادت میں 50 پوائنٹس حاصل کرچکی ہے۔ سدرن پنجاب پوائنٹس ٹیبل پر دوسری پوزیشن پر براجمان ہے۔
تیسری پوزیشن پر موجود خیبرپختونخوا کی ٹیم 42 پوائنٹس حاصل کرچکی ہے۔ ادھر سندھ ، بلوچستان اور ناردرن کی ٹیمیں بالترتیب چوتھی، پانچویں اور چھٹی پوزیشن پر موجود ہیں۔
چار روزہ ٹورنامنٹ کے دوسرے مرحلہ کا آغاز 20 روز بعد ہوگا۔اس دوران اقبال اسٹیڈیم فیصل آباد میں نیشنل ٹی ٹونٹی کپ جاری رہے گا۔
قائداعظم ٹرافی کا دوسرا مرحلہ 28 اکتوبر سے شروع ہوگا۔
قائداعظم ٹرافی کے پہلے سیزن میں بلے بازوں کا راج رہا
قائداعظم ٹرافی فرسٹ الیون کرکٹ ٹورنامنٹ کےپہلے مرحلے میں جہاں 29 سنچریاں اور 3 ڈبل سنچریاں اسکور کی گئی تو وہیں 4 مرتبہ باؤلرز نے ایک اننگز میں 5 وکٹیں بھی حاصل کیں۔
4 راؤنڈز پر مشتمل مرحلے میں کل 12 میچزکھیلے گئے۔ خیبرپختونخوا کے بیٹسمین اشفاق احمدایونٹ میں اب تک سب سے زیادہ رنز بنانے والے کھلاڑی ہیں۔انہوں نے 472 رنز اسکور کیے ہیں۔32 سالہ کرکٹر 5 اننگز میں 157 کی اوسط سے 3 سنچریاں اور 1 نصف سنچری اسکور کرچکے ہے۔
اس موقع پر اشفاق احمد کا کہنا ہےکہ وہ قائداعظم ٹرافی کے پہلے مرحلے میں سب سے زیادہ رنز اسکور کرنے پر بے حد خوش ہیں۔ انہوں نے کہا کہ فرسٹ کلاس کرکٹ میں رنز اسکور کرنا کبھی بھی آسان نہیں ہوتا۔
خیبرپختونخوا کے مڈل آرڈربیٹسمین نے کہا کہ وہ ایونٹ میں بہترین نتائج کےحصول کے لیے مثبت کرکٹ کھیل رہے ہیں۔انہوں نے کہا کہ وہ ایونٹ کے دوسرے مرحلے میں بھی رنز کے انبار لگانے کے خواہشمند ہیں۔
32سالہ کرکٹر نے کہا کہ محمد رضوان، افتخار احمد اور فخرزمان جیسے سنیئر کھلاڑیوں کی عدم موجودگی میں ان کے کندھوں پر بھاری ذمہ داری تھی۔ انہوں نے کہ وہ ٹیم کی بہتر کارکردگی میں اپنا حصہ ڈالتے رہیں گے۔
ڈومیسٹک سیزن میں کوکابورا گیند کے استعمال سے ایونٹ میں متوازی کرکٹ کھیلی جارہی ہے۔ پہلے راؤنڈ میں عابد علی اور سمیع اسلم نے ڈبل سنچری اسکور کی تھی۔ سندھ کرکٹ ٹیم کے اوپنر عابد علی نےیو بی ایل اسپورٹس کمپلیکس کراچی میں بلوچستان کے خلاف میچ میں249 رنز کی ناقابل شکست اننگز کھیلی تھی جبکہ سدرن پنجاب کے اوپنر سمیع اسلم نے قذافی اسٹیڈیم لاہور میں سنٹرل پنجاب کے خلاف 243 رنزاسکور کیے۔
ایونٹ کی تیسری ڈبل سنچری سنٹرل پنجاب کے اوپنر سلمان بٹ نے اسکور کی۔ 35 سالہ کرکٹر نے بگٹی اسٹیڈیم کوئٹہ میں میزبان بلوچستان کے خلاف 237 رنز کی اننگز کھیلی۔
باؤلرز خصوصی طور پر اسپنرز نے بھی ایونٹ کےپہلےمرحلے میں کوکابورا کے گیند کابھرپور فائدہ اٹھایا ہے۔ اب تک 4 اسپنرز ایک اننگز میں 5 وکٹیں حاصل کرچکے ہیں۔ لیگ اسپنر یاسر شاہ اب تک ایونٹ میں 15 وکٹیں حاصل کرچکے ہیں۔سب سے زیادہ وکٹیں حاصل کرنے والے اسپنر یاسر شاہ نے قائداعظم ٹرافی کے پہلے مرحلے میں 43.80 کی اوسط سے باؤلنگ کی۔ یاسر شاہ کے علاوہ ناردرن کے نعمان علی، سدرن پنجاب کے محمد عرفان اورخیبرپختونخوا کے عادل امین بھی ایک اننگز میں 5،5 وکٹیں حاصل کرچکے ہیں۔
یہ بھی پڑھیں
پی سی بی نے شائقین کو آج کے میچ میں پنک کپڑے پہن کر آنے کو کیوں کہہ دیا؟
آسٹریلیا نے پاکستان کیخلاف شیڈول ٹی ٹوئنٹی سیریز کیلئے سکواڈ کا اعلان کر دیا
سری لنکا اور پاکستان کے خلاف ٹی 20 سیریز کے لیے آسٹریلوی اسکواڈ کا اعلان کردیا گیا ہے۔کرکٹ آسٹریلیا آئندہ برس اپنے ملک میں شیڈول ٹی ٹوئنٹی ورلڈکپ کی تیاریوں کا آغاز سری لنکا اور پاکستان کے خلاف 3،3 ٹی 20 میچوں کی سیریز سے کررہا ہے، جس کے لیے ایرون فنچ کی قیادت میں 14 رکنی ٹیم کا اعلان کردیا گیا ہے۔ تجربہ کار ڈیوڈ وارنر اور اسٹیو اسمتھ بال ٹیمپرنگ کیس میں سزا ختم ہونے کے بعد اب پہلی بار ٹی 20 اسکواڈ کا حصہ بھی بننے ہوئے کامیاب ہوئے ہیں۔ دیگر کھلاڑیوں میں ایلکس کیری،
آسٹن ایگر، پیٹ کمنز، گلین میکسویل، بین میکڈرمٹ، کین رچرڈسن، بلی اسٹین لیک، مچل اسٹارک، آسٹن ٹرنر، اینڈریو ٹائی اور ایڈم زمپا شامل ہیں۔نیشنل سیلیکٹر ٹریور ہونز کے مطابق ٹی ٹوئنٹی ورلڈ کپ 2020 کو سامنے رکھتے ہوئے کھلاڑیوں کا انتخاب کیاہے۔ ان دونوں سیریز سے کھلاڑیوں کو بہت کچھ سیکھنے کے ساتھ خود کو پرکھنے کا بھی موقع ملے گا۔دورہ پاکستان کے بعد سری لنکن ٹیم آسٹریلیا کے خلاف سیریز کھیلے گی جس کا آغاز 20 اکتوبر سے ہوگا، دوسرا میچ 28 اکتوبر کو شیڈول ہے جبکہ تیسرا اور آخری میچ یکم نومبر کو طے ہے۔ پاکستان اور آسٹریلیا کے درمیان پہلا ٹی 20 میچ 3 نومبر کو سڈنی میں رکھا گیا ہے۔ دوسرا 5 نومبر کو کینبرا میں کھیلا جائے گا جبکہ تیسرا اور آخری میچ 8 نومبر کو پرتھ میں ہوگا۔
سہیل خان کو بھاری جرمانہ ادا کرنا پرے گا
قائداعظم کرکٹ ٹورنامنٹ ميں امپائر کے فيصلوں پر اعتراض کرنے پر فاسٹ بولر سہيل خان کو میچ فیس کا پچاس فیصد جرمانہ کر دیا گیا جبکہ پی سی بی کوڈ آف کندکٹ کی خلاف ورزی پر قومی بلے باز عابد علی کو وارننگ جاری کی گئی ،
کراچي ميں سندھ اور سدرن پنجاب کے درمیان کھیلے گئے ميچ ميں سندھ کرکٹ ٹیم کے فاسٹ باؤلر سہیل خان کو امپائر کے فيصلے پر اعتراض کرنے پر سہیل خان کو پی سی بی کوڈ آف کنڈکٹ کے آرٹیکل 2.8 کی خلاف ورزی پر میچ فیس کا 50 فیصد جرمانہ عائد کیا گیا ۔ جبکہ سندہ کے بيٹسمين عابد علی کو امپائر کے فیصلے پراعتراض کرنے پر پی سی بی کوڈ آف کنڈکٹ کے آرٹیکل 2.13 کے تحت خلاف وارننگ جاری کی گئی ہے
پاکستان بمقابلہ سری لنکا ، سری لنکا نے دوسرا ٹی ٹوئنٹی ہرا کر سیریز جیت لی
ناتجربہ کار سری لنکن ٹیم نے سخت سیکورٹی حصار میں عالمی نمبر ون پاکستان ٹیم کو شکست دیکر ٹی ٹونٹی سیریز جیت لی
پاکستان کے دورہ پر آئی ناتجربہ کار سری لنکن ٹیم نے سخت سیکورٹی حصار میں تین ٹی ٹونٹی میچز کی سیریز کے دوسرے میچ میں میزبان پاکستان ٹیم کو 35 رنز سے شکست دیکر پاکستان کے خلاف پہلی مرتبہ ٹی ٹونٹی سیریز اپنے نام کر لی۔
سری لنکن ٹیم دوسرے ٹی ٹونٹی میچ میں پہلے کھیلتے ہوئے 6 وکٹوں پر 182 رنز سکور کیے تھے جواب میں پاکستان ٹیم 147 رنز بنا کر آوٹ ہو گئی۔تفصیلات کے مطابق قذافی سٹیڈیم میں کھیلے جانے والے دوسرے ٹی ٹونٹی میچ میں سری لنکن کپتان ڈوسن شناکا نے ٹاس جیت کر پہلے بیٹنگ کا فیصلہ کیا۔ گونا تھلینکا اور اویشکا فرنینڈو نے اننگز کا آغاز کیا۔ گونا تھلینکا نے پہلے میچ کی طرح دوسرے ٹی ٹونٹی میچ میں بھی جارحانہ اندار اپنایا۔ سری لنکا کا سکور 16 پر پہنجچا تو اس موقع پر تھلینکا 15 رنز بنانے کے بعد عماد وسیم کی گیند پر وکٹوں کے پیچھے کیچ آوٹ ہو گئے۔ تھلینکا نے 10 گیندوں پر تین چوکوں کی مدد سے 15 رنز سکور کیے۔ نئے کھلاڑی راجہ پکاسا میدان میں آئے انہوں نے بھی جارحانہ اندار اپنایا اور سکور کو 41 تک پہنچا دیا۔ راجہ پکاسا اور فرنینڈو کے درمیان دوسری وکٹ کی شراکت میں 25 رنز کی پارٹنر شپ قائم ہوئی جس کا خاتمہ فرنینڈو کی وکٹ کی صورت میں ہوا جب وہ پاکستانی کھلاڑی شاداب خان کی سیدھی تھرو پر رن آوٹ ہو گئے۔ فرنینڈو نے 8 رنز سکور کیے۔ نئے کھلاڑی شیہان جے سوریا میدان میں آئے انہوں نے راجہ پکاسا کے ساتھ ملکر 10 اوورز کے خاتمے تک اپنی ٹیم کے سکور کو 80 پر پہنچا دیا۔ راجہ پکاسا 33 اور جے سوریا 18 کے سکور پر ناٹ آوٹ تھے۔
سری لنکا سے شکست کے بعد مصباح الحق ٹیم پر برس پڑے
11واں اوور کرانے کے لیے شاداب خان کو بال دیا گیا لیکن وہ مہنگے ثابت ہوئے انہوں نے 2 چھکوں اور ایک چوکے کی مدد سے 19 رنز دیکر سری لنکا کا سکور 99 تک پہنچا دیا۔ سری لنکا نے اپنے 100 رنز 11.1 اوورز میں مکمل کیے۔ دونوں کھلاڑیوں کے درمیان 32 گیندوں پر پچاس رنز کی پارٹنر شپ قائم ہوئی۔ راجہ پکاسا نے 31 گیندوں 2 چوکوں اور 4 چھکوں کی مدد سے ٹی ٹونٹی کرکٹ میں اپنی پہلی نصف سنچری مکمل کی۔ راجہ پکاسا پاکستانی باولرز کے لیے ڈرونا خواب بنا شروع ہو گئے۔ دونوں کھلاڑیوں نے تیسری وکٹ کی شراکت میں 10.2 اوورز میں 94 رنز کی پارٹنر شپ قائم کی جس کا خاتمہ 135 کے ٹوٹل پر اس وقت ہوا جب شیہان جے سوریا اپنی شاٹ پر رن بنانے کی کوشش میں آصف علی کی تھرو پر رن آوٹ ہو گئے۔ جے سوریا نے 28 گیندروں پر چار چوکوں کی مدد سے 34 رنز سکور کیے۔
دباؤ لیے بغیر کرکٹ کھیلی اور کامیابی ملی، سری لنکن بلے باز
دوسری جانب راجہ پکاسا 77 کے سکور پر ناٹ آوٹ کریز پر موجود تھے، نئے کھلاڑی کپتان ڈوسن شناکا میدان میں آئے تاہم میچ کے 17 اوور کی پہلی گیند پر شاداب خان کو بڑی شاٹ کھیلنے کی کوشش میں راجہ پکاسا باونڈری لائن پر کھڑے فخر زمان نے کوئی غلطی کیے بغیر ان کا کیچ لیکر اننگز کا خاتمہ کر دیا۔ راجہ پکاسا نے 48 گیندوں کا سامنا کیا جس میں چھ چھکے اور چار چوکے لگا کر 77 رنز بنائے۔ سری لنکا کی پانچویں وکٹ 145 کے سکور پر اس وقت گری جب بھانوکا بغیر کسی سکور کے رن آوٹ ہو گئے۔ سری لنکا نے اپنے 150 رنز 17.2 اوورز میں پانچ وکٹوں کے نقصان پر پورے کیے۔ 155 کے سکور پر سری لنکا کی چھٹی وکٹ اوڈانا کی گری جنہیں 8 کے انفرادی سکورپر وہاب ریاض نے کلین بولڈ آوٹ کیا۔ سری لنکا کی اننگز کے 20 اوورز مکمل ہوئے تو سری لنکا کا سکور 6 وکٹوں کے نقصان پر 182 رنز تھا۔کپتان ڈوسن شناکا 15 اور ڈی سلوا 2 کے سکور کے ساتھ ناٹ آوٹ رہے۔ پاکستان کی طرف سے باولنگ میں عماد وسیم نے 27 رنز دیکر ایک، وہاب ریاض نے 31 رنز کے عوض ایک، شاداب خان نے 38 رنز کے عوض ایک کھلاڑی کو آوٹ کیا۔ 183 رنز کے ہدف کے حصول کے لیے پاکستان کی طرف سے فخر زمان اور بابر اعظم نے اننگز کا آغاز کیا۔ پاکستان ٹیم کو پہلا نقصان 9 کے ٹوٹل پر اس وقت اٹھانا پڑا جب فخز زمان سری لنکن باولر راجنتھا کی گیند پر کلین بولڈ آوٹ ہو گئے۔ انہوں نے چار گیندوں پر ایک چوکے کی مدد سے 6 رنز سکور کیے۔ پاکستان کو دوسرا نقصان بھی جلد اٹھانا پڑا جب بابر اعظم بھی نوان پردیپ کی گیند پر تین رنز بنا کر کلین بولڈ آوٹ ہو گئے۔ بابر اعظم نے دس گیندوں کا سامنا کیا۔ قومی ٹیم کے کپتان سرفراز احمد خود بیٹنگ کے لیے میدان میں آئے اور آتے ہی جارحانہ اندازر اپنایا۔ پاکستان کا سکور 51 پر پہنچا تو اس موقع پر اوپر تلے احمد شہزاد 13 اور عمر اکمل بغیر کوئی رن بنائے۔ ڈی سلوا کی گیند پر آوٹ ہو کر پویلین لوٹ گئے۔
عمر اکمل سیریز میں مسلسل دوسری مرتبہ بغیر کوئی رن بنائے ایل بی ڈبلیو آوٹ ہوئے۔ اسی اوورز میں ڈی سلوا نے پاکستانی ٹیم کے کپتان سرفراز احمد کو بھی کلین بولڈ کر کے اپنی ٹیم کی کامیابی کو آسان بنا دیا۔ سرفراز احمد نے 16 گیندوں پر تین چوکوں اور ایک چھکے کی مدد سے 26 رنز بنا سکے۔ 52 پر پانچ وکٹیں گرنے کے بعد آصف علی اور عماد وسیم نے محتاط انداز اپنایا اور اگلے دو اوورز میں مزید 16 رنز بنا کر دس اوورز کے خاتمے پر پاکستان کا سکور 68 تک پہنچا دی۔ آصف علی اور عماد وسیم کے درمیان چھٹی وکٹ کی شراکت میں 47 گیندوں پر 75 رنزکی پارٹنر شپ قائم ہوئی جس کا خاتمہ 127 کے سکور پر اس وقت ہوا جب عماد وسیم 48 رنز بنانے کے بعد اوڈانا کی گیند پر ایل بی ڈبلیو آوٹ ہو گئے۔ انہوں نے 29 گیندوں کا سامنا کیا جس میں 8 چوکے لگائے۔
آصف علی 23 رنز پر ناٹ آوٹ کھیل رہے تھے، نئے کھلاڑی وہاب ریاض میدان میں آئے لیکن وہ بھی 7 رنز بنانے کے بعد نوان پردیپ کی گیند پر وکٹوں کے پیچھے شاٹ کھیلنے کی کوشش میں وکٹ کیپر کے ہاتھوں کیچ آوٹ ہو گئے۔ پاکستان کا مجموعی سکور 136 رنز تھا۔ پاکستان کی آٹھویں وکٹ شاداب کی گری جو آتے ہی بغیر کوئی سکور بنائے اوڈانا کی گیند پر شناکا کے ہاتھوں کیچ آوٹ ہو گئے۔ 145 کے ٹوٹل پر پاکستان کے آصف علی بھی 29 رنز بنانے کے بعد پردیپ کی گیند پر کلین بولڈ آوٹ ہو گئے۔ آصف نے 27 گیندوں کا سامنا کیا جس میں تین چوکے لگائے۔ پاکستان کی آخری وکٹ محمد حسنین کی گری جو ایک سکور بنا کر پریدیپ کی گیند پر ڈی سلوا کے ہاتھوں کیچ آوٹ ہوئے۔ محمد عامر 5 رنز کے ساتھ ناٹ آوٹ رہے۔ سری لنکا کی جانب سے باولنگ میں نوان پردیپ نے 25 رنز کے عوض چار، ڈی سلوا نے 38 رنز دیکر تین، اوڈانا نے 38 رنز دیکر دو جبکہ راجنتھا نے 11 رنز کے عوض ایک وکٹ حاصل کی۔ دونوں ٹیموں کے درمیان سیریز کا آخری میچ 9 اکتوبر کو قذافی سٹیڈیم کے اسی میدان میں کھیلا جائیگا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
دباؤ لیے بغیر کرکٹ کھیلی اور کامیابی ملی، سری لنکن بلے باز
سری لنکن بلے باز راجہ پکسا نے میچ کے بعد پریس کانفرنس کرتے ہوئے کہا ہے کہ بطور کھلاڑی میرا کام کارکردگی دکھانا ہے منتخب کرنا سلیکشن کمیٹی کا کام ہے ۔
راجہ پکسا کا مزید کہنا تھا کہ لاہور آکر بہت اچھا لگا یہاں ملنے والا پیار ہمشیہ یاد رہے گا۔ لوگ ہمیں بی ٹیم کہہ رہے تھے اور ہم نے اپنی کارکردگی سے خود کو منوایا ہے ۔ راجہ پکسا کا کہنا تھا اس سیریز سے پہلے ہمارے پاس کھونے کے لئے کچھ نہیں تھا۔
ہم نے دباو لئے بغیر بہترین کرکٹ کھیلی اور کامیابی ملی ۔سری لنکا سے شکست کے بعد مصباح الحق ٹیم پر برس پڑے
قومی ٹیم کے ہیڈ کوچ مصباح الحق کی پریس کانفرنس کرتے ہوئے کہا ہے کہ شکست کبھی بھی اچھی نہیں ہوتی اور ایسی ٹیم سے شکست ہونا جس کے اہم کھلاڑی نہ ہوں مایوس کن ہے ۔
مصباح الحق کا کہنا تھا کہ کچھ ایسی چیزیں سامنے آئی ہیں جن پر کام کرنے کی ضرورت ہے ۔ عمر اکمل اور احمد شہزاد پر سوال پر کہنا تھا کہ عمر اکمل اور احمد شہزاد کارکردگی دکھا کر آئے ہیں ، ہم نے احمد شہزاد اور عمر اکمل کو موقع دیا ہم یہی کرسکتے تھے ،ٹیم کی بدترین بالنگ متعلق سوال پر کہنا تھا کہ ہم اختتامی اوورز میں اچھی باولنگ نہیں کر پارہے اس پر کام کرنے کی ضرورت ہے ۔ شکست پر میں ہی جواب دہ ہوں اور بہت سی چیزیں ہیں جن کے سوال کا جواب تلاش کررہے ہیں ۔ مصباح الحق کا مزید کہنا تھا کہ جب سری لنکن ٹیم آئی تھی تو کچھ لوگ کہ رہے تھے کہ سری لنکا کی بی ٹیم آئی ہے ۔ سری لنکا کو بی ٹیم کہنے والوں کو جواب مل گیا ہے کہ بین الاقوامی کرکٹ میں کوئی ٹیم آسان نہیں ہوتی ۔مصباح الحق
مزید پڑھیں
بھارتی بلے باز گوتم گھمبیر کا کیریئرکیسے ختم ہوا فاسٹ باؤلر محمد عرفان نے بتادیا
پاکستان میں سکیورٹی کا کوئی مسئلہ نہیں ہے ، سری لنکن اوپنر
پاکستان میں ٹی ٹوئنٹی سیریز کیلئے قیام پزیر سری لنکن ٹیم کے اوپنر بلے باز دانوشکا گونتھلاکا نے پریس کانفرنس کرتے ہوئے کہا ہے کہ پاکستان کرکٹ کیلئے ایک محفوظ ملک ہے، ہم یہاں آکر بہت خوش ہیں اور ہمیں سکیورٹی کے متعلق کوئی مسئلہ نہیں ہے ،
پاکستان بمقابلہ سری لنکا پہلے ٹی ٹوئنٹی کے مین آف دا میچ دانوشکا گونا تھلاکا نے کہا ” میں پہلے ٹی ٹوئنٹی میں اپنی پرفارمنس پر بہت خوش ہوں اور اپنے کھیل کو مزید بہتر بنانے کی کوشش کروں گا ،
کھیلوں کے فروغ کیلئے کام کرتے رہیں گے ، صوبائی وزیر کھیل تیمور خان
لاہور: صوبائی وزیر کھیل، امور نوجوانان و سیاحت رائے تیمورخان بھٹی نے کہا ہے کہ پاک سری لنکا ٹی ٹونٹی کرکٹ سیریز کے لئے اعلیٰ سطح کے انتظامات کئے گئے۔اپنے بیان میں انہوں نے کہا ہے کہ شائقین کرکٹ کیلئے پارکنگ ایریا سے سٹیڈیم تک شٹل سروس کی گاڑیاں دستیاب رہیں،
پارکنگ کیلئے وسیع انتظامات کئے گئے، قذافی سٹیڈیم جانے کے لئے شائقین کرکٹ کے لئے جگہ جگہ بینر اور بورڈ لگا کر ان کی رہنمائی کی گئی جن کی مدد سے شائقین آسانی قذافی سٹیڈیم میں داخل ہوئے۔نشتر پارک سپورٹس کمپلیکس میں صفائی کا بھی بہترین انتظام کیا گیا، سپورٹس بورڈ پنجاب اور حکومت پنجاب کے دیگر اداروں کا عملہ شائقین کرکٹ کو سہولتوں کی فراہمی کے لئے اپنے فرائض سرانجام دے رہا ہے،تین میچزکی ٹی ٹونٹی کرکٹ سیریز سے عوام میچز کے ساتھ ساتھ سہولتوں سے بھی لطف اندوز ہوں گے۔سپورٹس کے فروغ اور ترقی کے لئے دن رات کام کررہے ہیں، مستقبل میں بھی ایسے ایونٹس کیلئے بہترین سہولتوں کی فراہمی کا سلسلہ جاری رکھیں گے۔
