Tag: cricket

قومی کرکٹ ٹیم کے کپتان سرفراز احمد نے سری لنکا سے شیڈول ٹی ٹوئنٹی سیریز سے پہلے پریس کانفرنس کرتے ہوئے کہا ہے کہ ٹی ٹوئنٹی ایک ایسا فارمیٹ ہے جس میں آپ کسی بھی ٹیم کو ہلکا نہیں لے سکتے اور جس طرح سری لنکن ٹیم ون ڈے سیریز میں ہمارے خلاف کھیلی ہے اس سے صاف ظاہر ہوتا ہے کہ سری لنکا کے نوجوان کھلاڑیوں میں پوٹینشل موجود ہے اور وہ کسی بھی ٹیم کو ہرا سکتے ہیں،
ٹی ٹوئنٹی ورلڈ کپ کی تیاریوں کے متعلق سوال پر سرفراز کا کہنا تھا کہ میگا ایونٹ کو مدنظر رکھ کر پلاننگ کر رہے ہیں، مستقبل کے شیڈول کو دیکھیں تو قومی ٹیم کے پاس کافی ٹی ٹوئنٹی انٹرنیشنل ہیں جن کی بدولت ورلڈ کپ کیلئے اچھی تیاری کو ممکن بنایا جا سکے گا ، اور ٹی ٹوئنٹی ٹیم میں احمد شہزاد اور عمر اکمل جیسے سینئر کھلاڑیوں کا سکواڈ میں آنا خوش آئند ہے،
یہ بھی پڑھیں
حسن علی کا شاداب خان کیلئے دلچسپ پیغام

پاکستان کرکٹ ٹیم کے لیگ اسپنر و آل راؤنڈر شاداب خان آج اپنی اکیسویں سالگرہ منا رہے ہیں اور دوست واحباب سے جنم دن کی مبارکباد وصول کر رہے ہیں ، ان کے ٹیم میٹ اور دیرینہ دوست حسن علی نے بھی شاداب خان کیلئے نیک خواہشات کا اظہار کرنے کیلئے سماجی رابطوں کی ویب سائٹ ٹوئٹر پر ٹویٹ کیا اور کہا "لوگوں کے جنم دن آتے جاتے رہتے ہیں لیکن تم جیسے دوست زندگی میں بار بار نہیں ملتے ، اور مجھے اس بات کی خوشی ہے کہ تم میرے سب سے اچھے دوست ہو ، صدا خوش رہو اور جنم دن کی ڈھیروں خوشیاں مبارک ”

Birthdays come around every year,but friends like you only come once in a lifetime. I’m so glad and lucky you came into my life. Best wishes on your special day.Happy birthday Shaddy 🥳🥳🎂🎂#suchiyaari pic.twitter.com/nUN8WD6iru

— Hassan Ali 🇵🇰 (@RealHa55an) October 4, 2019

پاکستان کرکٹ ٹیم کے سلامی بلے باز عابد علی نے نجی ٹی وی چینل کو ایک انٹرویو دیتے ہوئے کہا ہے کہ میں اپنے کھیل کو بہتر سے بہتر بنانے کیلئے کرکٹ کے عظیم کھلاڑیوں کی ویڈیوز بھی دیکھتا ہوں تا کہ ان کی تکنیک اور انداز کو دیکھ کر اپنے کھیل کو بہتر بنا سکوں،
عابد علی نے سری لنکا کیخلاف کھیلی جانے والی ون ڈے سیریز کے تیسرے ون ڈے میں انجڑڈ امام الحق کی جگہ فخر زمان کے پاکستان کی اننگز کا آغاز کیا اور شاندار بلے بازی کا مظاہرہ کرتے ہوئے 76 رنز بنائے ،
عابد علی نے مزید کہا کہ اوپننگ جوڑی کیلئے قومی کھلاڑیوں میں مقابلے کا پایا جانا قومی ٹیم کیلئے خوش آئند ہے اور اس سے پاکستان کے ٹاپ آرڈر کی بیٹنگ مزید مستحکم ہو گی، اور مجھے جب جب قومی ٹیم میں جگہ ملے گی میں اپنی سلیکشن کو درست ثابت کرتا رہوں گا ،

برسبین ہیٹ نے آنے والے بگ بیش کے سیزن کے دوسرے نصف حصے کیلئے اے بی ڈویلیئرز کے ساتھ معاہدہ کر لیا ہے۔ وہ ریٹائر ہونے والے برینڈن میک کولم کی جگہ لیں گے۔
گابا فرنچائز کے لئے دستخط کرنے پر اے بی ڈی نے کہا ، "آپ ریٹائرمنٹ کے بعد ایسے لمحوں سے گزرتے ہیں جب آپ واقعی میں کھیلنے کے خواہشمند ہوتے ہیں ، پھر آپ صرف گھر میں بھی رہنا چاہتے ہیں۔ اس میں توازن رکھنا واقعی مشکل ہے۔ گھر میں رہنا اور کرکٹ میں وقت گزارنے کے معاملے میں بڑی سوچ بچار سے کام لیتا ہوں ، اور جسم قدرے بوڑھا ہوتا جا رہا ہے لہذا میں زیادہ نہیں کھیل سکتا۔
"میں کرسمس اور نئے سال کی چھٹیوں کے دوران گھر میں رہنا پسند کرتا ہوں ، لیکن میں برسبین آنے اور تفریح ​​میں شامل ہونے کیلئے بھی بے چین تھا۔ بگ بیش دنیائے کرکٹ کے بہترین ٹورنامنٹس میں سے ایک ہے اور میں کافی عرصے سے اسے فالو کر رہا ہوں ۔ اب تک میں ان تمام کھلاڑیوں سے بگ بیش اور برسبین ہیٹ کی کافی تعریف سنی ہے جو پہلے یہ ٹورنامنٹ کھیل چکے ہیں۔ اور میں برسبین ہیٹ کی جرسی پہننے کیلئے کافی پرجوش ہوں، بگ بیش میں کرکٹ کا معیار اچھا ہے ، اور بہت زیادہ شائقین کرکٹ میچز دیکھنے آتے ہیں”

کراچی: پاکستان نے سری لنکا کو دوسرے ون ڈے انٹرنیشنل میں 67 رنز سے شکست دے دی ، پاکستان اور سری لنکا کے درمیان دوسرا ون ڈے کراچی میں کھیلا گیا، پاکستان نے سری لنکا کیخلاف ٹاس جیت کر پہلے بیٹنگ کا فیصلہ کیا ، پاکستان نے پہلی اننگز میں مقررہ 50 اوورز میں 305 رنز بنائے ،
پاکستان کی اننگز کا آغاز فخر زمان اور امام الحق نے کیا، اور 73 رنز کی شراکت داری قائم کی ، اس کے بعد امام الحق 31 رنز ڈی سلوا کا شکار ہو گئے، فخر زمان پاکستان میں اپنے پہلے ون دے میچ کو 54 رنز کی اننگز سے یادگار بنا لیا ، لیکن میچ کی پہلی اننگز کی سرخی پاکستان کرکٹ ٹیم کی رن مشین بابر اعظم ثابت ہوئے جنہوں نے 105 گیندوں پر 4 چھکوں اور 8 چوکوں کی مدد سے 115 رنز کی شاندار اننگز کھیلی اور کیریر کی گیارھویں سینچری اسکور کی ، حارث سہیل نے 40 اور افتحار احمد نے 32 رنز کی اننگز کھیلی، سری لنکا کی جانب سے ڈی سلوا نے دو جبکہ لاہیرو کمارا اور ادانا نے ایک ایک وکٹ حاصل کی ،
جواب میں سری لنکن ٹیم 305 رنز کے تعاقب میں 238 رنز پر آل آؤٹ ہو گئی ، سری لنکن ٹیم کے پہلے پانچ کھلاڑی 28 رنز کے مجموعے پر پویلین لوٹ چکے تھے، اس کے بعد شیہان جے سوریا اور داسن شانکا نے 177 رنز کی شاندار اننگز شراکت داری قائم کی، اور پاکستان کی بولنگ لائن کی کمزوریوں کو کھول دیا ، ، سری لنکا کی جانب سے شیہان جے سوریا نے 95 رنز کی دھواں دار اننگز کھیلی اور داسن شانکا نے 68 رنز بنا کر جے سوریا کا بھرپور ساتھ دیا، لیکن ان دونوں بلے بازوں کے آؤٹ ہونے کے بعد کوئی سری لنکن کھلاڑی جم کر کھیل نہ سکا، پھر عثمان خان شنواری نے جے سوریا کو آؤٹ کرکے ٹیم کو کم بیک کروایا اور سری لنکن ٹیم 238 رنز کے مجموعے پر پویلین لوٹ گئی،
پاکستان کی جانب سے عثمان خان شنواری نے 10 اوورز میں 51 رنز دے کر پانچ کھلاڑیوں کو آؤٹ کیا، شاداب خان نے دو جبکہ محمد عامر، عماد وسیم اور وہاب ریاض نے ایک ایک کھلاڑی کو آؤٹ کیا، شاندار باؤلنگ اسپیل کی بدولت عثمان شنواری کو میچ کے بہترین کھلاڑی کا ایوارڈ دیا گیا ،