Tag: crime movies

اسامہ ستی قتل کیس، فیصلہ آ گیا،عدالت نے ملزمان کو سنائی سزا
اسامہ ستی قتل کیس ،افتخار احمد اور محمد مصطفی کو سزائے موت سنا دی گئی
سیشن کورٹ اسلام آباد نے کیس کا فیصلہ یکم فروری کو محفوظ کیا تھا جو آج سنا دیا گیا ہے، عدالت نے دو ملزمان کو سزائے موت، تین ملزمان کو عمر قید کی سزا سنائی ہے، عدالت نے افتخار اور مصطفیٰ کو سزائے موت، سعید احمد ، شکیل احمداور مدثر مختار کو عمر قید کی سزا سنائی ہے،عدالت نے افتخار احمد اور محمد مصطفی کو ایک ایک لاکھ روپے جرمانہ کی بھی سزا سنائی ہے جج زیباچودھری نے اسامہ ستی قتل کیس کا محفوظ شدہ فیصلہ سنا دیا
ڈسٹرکٹ اینڈ سیشن کورٹس اسلام آباد،اسامہ ستی قتل کیس میں عدالت نے پانچوں مجرمان کے وارنٹ جاری کردیے ،عدالت نے مجرمان محمد مصطفیٰ اور افتخار احمد کے سزائے موت کے وارنٹ جاری کردیے ،عدالتی فیصلہ میں کہا گیا ہے کہ محمد مصطفیٰ اور افتخار احمد ایک ایک لاکھ روپے مدعی کو بطور کمپینسیشن ادا کریں،مجرمان مصطفیٰ اور افتخار کی جانب سے مدعی کو کمپینسیشن رقم ادا نہ کرنے پر مزید ایک ایک سال قید کی سزا ہوگی،دیگر دفعات کےتحت مجرمان مصطفیٰ اور افتخار کو تین تین سال قید اور بیس بیس ہزار روپے جرمانے کی سزا دی گئی، عدالت نے مجرمان شکیل احمد، سعید احمد اور مدثر مختار کے عمر قید کے وارنٹ سپریڈنٹ اڈیالہ جیل کو جاری کردیے ،عدالتی فیصلہ میں کہا گیا کہ مجرمان شکیل، سعید اور مدثر ایک ایک لاکھ روپے بطور کمپینسیشن مدعی کو ادا کریں، دیگر دفعات کے تحت مجرمان شکیل، سعید اور مدثر کو تین تین سال قید اور بیس بیس ہزار روپے جرمانہ عائد کیا گیا،ایڈیشنل سیشن جج زیباچوہدری نے سپریڈنٹ اڈیالہ جیل کو تمام مجرمان کے وارنٹ جاری کردیے
اسامہ ستی قتل کیس، عدالتی فیصلے پر اسلام آباد پولیس کا ردعمل بھی آیا، ترجمان اسلام آباد پولیس کا کہنا ہے کہ پولیس اور پراسیکیوشن نے مل کر کیس کی تمام کارروائی مکمل کی۔پولیس خود احتسابی کے عمل میں ہرگز نرمی نہیں کرے گی۔ طاقت کے استعمال کے حوالے سے ناکوں پرموجود تمام جوانوں کی تربیت کی جائے گی۔ تاکہ دوبارہ ایسے واقعات پیش نہ آئیں۔ عدالتوں کے مشکور ہیں جنہوں نے شواہد اور واقعات کی روشنی میں قانون کے مطابق کارروائی کی۔
واضح رہے 2 جنوری کو اسلام آباد جی ٹین میں اے ٹی ایس اہل کاروں کی فائرنگ سے کار سوار نوجوان 21 سالہ اسامہ ستی جاں بحق ہوگیا تھا۔ والد اسامہ ستی نے کہا کہ میرے بیٹے کو جان بوجھ کر گولیاں ماری گئیں، وفاقی پولیس نے قتل میں ملوث 5 اہل کاروں سب انسپکٹر افتخار، کانسٹیبل مصطفیٰ، شکیل، مدثر اور سعید کو قصور وار ثابت ہونے پر پولیس سروس سے برطرف کر دیا تھا،
پولیس فائرنگ سے جاں بحق اسامہ سٹی کی پوسٹ مارٹم رپورٹ آ گئی،کتنی گولیاں لگیں؟
اسامہ ستی قتل کیس، وفاقی کابینہ کا اہم فیصلہ، وزیراعظم کا دبنگ اعلان
اسامہ ستی قتل کیس ، پولیس افسران ملزمان کو بچانے کے لیے سرگرم
جس طرح تحقیقات کروانا چاہیں حکومت تیار ہے، شیخ رشید کا اسامہ ستی کے والد کو فون
پولیس اہلکاروں کو بچانے کی کوشش کی جارہی ہے،مقتول اسامہ ستی کے والد کی درخواست
اسامہ ستی کے والد ندیم ستی نے چیف جسٹس اور وزیر اعظم سے انصاف کی اپیل کی تھی ،ندیم ستی کا کہنا تھا کہ میرے بیٹے اسامہ ستی کو 2 جنوری 2021 کو نا حق قتل کیا گیا، رات 2 بجے بیٹے کو پولیس اہلکاروں نے شہید کیا جس سے شہر میں خوف وہراس پھیلا ،واقعے کے بعد اس وقت کے وزیر اعظم عمران خان نے مجھے ملاقات کے لیے بلایا عمران خان سے ملاقات کے بعد واقعے کی جوڈیشل انکوائری، اور جے آئی ٹی بنائی گئی،جوڈیشل انکوائری اور جے آئی ٹی کی رپورٹس عدالت میں پیش ہوئیں انسداد دہشت گردی عدالت میں ملزمان پر فرد جرم عائد ہو چکی ،کئی گواہوں کے بیانات بھی قلمبند ہو چکے لیکن کیس سست روی کا شکار رہا، ، اسامہ ستی کیس کے بعد نور مقدم، عثمان مرزا اور سری لنکن شہری کے کیس سامنے آئے، تینوں کیسوں کے فیصلے آ چکے لیکن اسامہ ستی کیس کا فیصلہ آج سنایا گیا، عدالت نے ملزمان کو سزا سنا دی ہے
فروری 6, 2023
پشاورپولیس لائن مسجد دھماکہ،حملہ آور نے کونسا مواد کیا استعمال؟
باغی ٹی وی کی رپورٹ کے مطابق خیبر پختونخوا کے صوبائی دارالحکومت پشاور کی پولیس لائنز کی مسجد میں خود کش دھماکہ ہوا تھا جس کی تحقیقات جاری ہیں، دوران تحقیقات اہم پیشرفت سامنے آئی ہے،
پولیس لائنز مسجد میں اسلحہ اور بلٹ پروف جیکٹ پہن کر داخل ہونے پر پابندی عائد کر دی گئی ہے، اس حوالہ سے اعلامیہ جاری کر دیا گیا ہے جس میں کہا گیا ہے کہ ہیلمٹ پہن کر بھی پولیس لائنز مسجد کے اندر داخل ہونے پر پابندی ہو گی،نمازی تلاشی کے بعد پولیس لائنز مسجد میں داخل ہونگے،
پشاور دھماکے میں ٹی این ٹی دھماکہ خیز مواد استعمال کیا گیا خود کش بمبار نے مسجد کے پُرانے حصے میں دھماکا کیا مسجد کے پُرانے حصےّ میں کوئی پِلر موجود نہ تھا مسجد کی دیوار یں صرف اینٹوں کے سہارے کھڑی کی گئی تھیں دھماکے کی وجہ سے مسجد کی دیواریں اور چھت گرنے سے زیادہ شہادتیں ہوئیں،خود کش بمبار اور نیٹ ورک کی تفصیلات بھی حاصل کی جار ہی ہیں، نیٹ ورک تک رَسائی حاصل کی جا رہی ہے 30جنوری کو پولیس لائنز میں ہونے والے دھماکے میں 84 افرادجاں بحق ہوئے تھے
دوسری جانب گزشتہ شب ٹانک میں پولیس چیک پوسٹ پر حملہ کیا گیا تھا ،آئی جی خیبرپختونخوا معظم جاہ انصاری کا کہنا ہے کہ پولیس نے دہشتگردوں کا حملہ پسپا کر دیا پولیس اور دہشتگردوں کے درمیان 10 منٹ سے زائد فائرنگ کا تبادلہ ہوا، واقعے میں کوئی جانی و مالی نقصان نہیں ہوا، علاقہ مکین بھی پولیس کی مدد کو پہنچ گئے،آئی جی خیبر پختونخوا نے فون پر جوانوں کی حوصلہ افزائی کی اورشاباش بھی دی ،آئی جی خیبرپختونخوا معظم جاہ انصاری کا کہنا ہے کہ خیبر پختونخوا میں ریڈ الرٹ ہے، دہشتگردوں کے زخمی ہونے یا مارے جانے کی اطلاعات ہیں، آئی جی خیبرپختونخوا نے ڈی آئی جی ڈی آئی خان کو علاقے میں سرچ آپریشن کی ہدایت کی ہے،
نیشنل ایکشن پلین پر سختی سے عمل کرنے کی ضرورت ہے،
ہ پشاور کا سانحہ دہشت گردوں کی مزاحمت کا تقاضا کر رہا ہے،
وزیراعظم شہباز شریف پشاور پہنچ گئے،
ہوسکتا ہے کہ حملہ آور پہلے سے ہی پولیس لائنز میں موجود ہو
پشاور کی پولیس لائنز مسجد میں نماز جمعہ ادا
فروری 6, 2023
خدا کی بستی میں کھلا "فحاشی کا اڈہ”
شہر قائد کراچی میں ایک طرف پولیس کی جرائم پیشہ عناصر کیخلاف کاروائیاں جاری ہیں تو دوسری جانب فحاشی کے اڈوں پر کسی قسم کی کوئی کاروائی نہیں ہو رہی، سرجانی ٹاؤن خدا کی بستی حسن بروہی گوٹھ میں خاتون دھڑلے سے مبینہ طور پر قحبہ خانے چلانے میں مصروف ہے اور پولیس کو اسکی مدد حاصل ہے،
سرجانی ٹاؤن خدا کی بستی حسن بروھی گوٹھ میں نائیکہ زویا کھلے عام فحاشی کا اڈہ چلانے میں مصروف ہے، سندھ پولیس کے انویسٹیگیشن افسر سُہیل کی مدد سے زویا نامی خاتون نے علاقے میں فحاشی کا اڈہ چلانا شروع کر دیا ہے،پولیس اہلکار سہیل مبینہ طور پر شہر قائد میں فحاشی کے اڈوں کی سرپرستی کرتا ہے،خدا کی بستی سرجانی ٹاؤن میں نائیکہ زویا کی مدد سے پولیس اہلکار نے مبینہ طور پر اڈا قائم کروا رکھا ہے، پولیس اہلکار کے ساتھ شائق بھی اس دھندے میں ملوث ہے، شائق بدنام زمانہ منشیات فروش ہے جس کا کرمنل ریکارڈ بھی موجود ہے،
خدا کی بستی میں قائم فحاشی کے اڈے پر لڑکیوں‌ کو لایا جاتا ہے اور انہیں پانچ سے دس ہزار کے عوض ایک رات کے لئے بھیجا جاتا ہے،منشیات فروش شائق اور زویا نے شادی کر رکھی ہے، اور باقاعدگی سے فحاشی کے اڈے سے ہونیوالی آمدن کا حصہ پولیس اہلکار سہیل کو پہنچایا جاتا ہے،
سرجانی خدا کی بستی کے اہلِ محلّہ اور متصل علاقوں کے مکینوں نے علاقائی پولیس سے مطالبہ کیا ہے کہ فحاشی کے اڈے کو ختم کروایا جائے آئی جی سندھ اس حوالہ سے کردار ادار کریں،سرجانی تھانے میں تعینات پولیس افسر آئی او سُہیل کی انکوائری کرائی جائے اور تمام ثبوتوں کو مدِ نظر رکھتے ہوئے آئی او سُہیل ، نائیکہ زویا ،منشیات فروش شائق خلاف سخت سے سخت کارروائی عمل میں لائی جائے
فحاشی کے اڈے پر چھاپہ، پولیس کو ملیں صرف خواتین ،پولیس نے کیا کام سرانجام دیا؟
جادو سیکھنے کے چکر میں بھائی کے بعد ملزم نے کس کو قتل کروا دیا؟
پولیس کا ریسٹورنٹ پر چھاپہ، 30 سے زائد نوجوان لڑکے لڑکیاں گرفتار
واٹس ایپ پر محبوبہ کی ناراضگی،نوجوان نے کیا قدم اٹھا لیا؟
غیرت کے نام پر سنگدل باپ نے 15 سالہ بیٹی کو قتل کر دیا
بیوی طلاق لینے عدالت پہنچ گئی، کہا شادی کو تین سال ہو گئے، شوہر نہیں کرتا یہ "کام”
50 ہزار میں بچہ فروخت کرنے والی ماں گرفتار
ایم بی اے کی طالبہ کو ہراساں کرنا ساتھی طالب علم کو مہنگا پڑ گیا
دوسری جانب ضلع ویسٹ پولیس نے مضرصحت گٹکا ماوا سپلائی/فروخت کرنے والے ملزمان کو گرفتار کرلیا۔تھانہ پیرآباد پولیس نے اسنیپ چیکنگ کے دوران کاروائی کرکے دو ملزمان کو گرفتار کیا۔ملزمان کو منگھوپیر روڈ جمشید پمپ کے قریب سے گرفتار کیا گیا۔ملزمان سے چھ کلو سے زائد (95 عدد پڑیاں) تیار گٹکا ماوا اور فروختگی کی نقدی برآمد کی گئی ہے، گرفتار ملزمان کے خلاف سندھ گٹکا ماوا ایکٹ کے تحت مقدمات درج کر لئے گئے،گرفتار ملزمان میں واجد ولد گل نواب اور محمد بلال ولد محمد سالار شامل ہیں۔
فروری 6, 2023
امیر ہونے کے نشے نے الیکٹریکل انجینئر کو عادی چور بنا دیا
لاہور میں راتوں رات امیر ہونے کے نشے نے ایک الیکٹریکل انجینئر کو عادی چور بنا دیا۔ شاطر چور نے ایس ایچ او کا گھر بھی نہ چھوڑا۔
رپورٹ کے مطابق ماں باپ نے الیکٹریکل انجینئر بنایا مگر بیٹا عادی چور نکلا، یو ای ٹی کے طالبعلم نے لاہور کے مہنگے ترین علاقوں میں کئی گھروں کا صفایا کر دیا۔
جب رکشہ ڈرائیور نے وسیم اکرم کے والد کو ایک دن کے لیے اغوا کرلیا
ملزم عبدالوہاب آن لائن ٹیکسی ڈرائیور کے روپ میں ریکی کرتا، مسافروں سے معلومات لیتا اور موقع ملتے ہی قیمتی مال پر ہاتھ صاف کر دیتا۔ملزم زیادہ تر ایسے گھروں کو ٹارگٹ بناتا جس کے مکین بیرون ملک مقیم ہیں۔واردات کے وقت اس کادوست بھی اس کا ساتھ دیتا۔ ان لٹیروں سے ایس ایچ او کا گھر بھی محفوظ نہ رہا۔
اسلام آباد میں میاں چنوں کی نوجوان لڑکی سے اجتماعی زیادتی؛ ایف آئی آر درج کرلی…
ڈی ایس پی سی آئی اے فاروق اصغر اعوان کا کہنا ہے کہ ملزمان سو سے زائد وارداتیں کرچکے تھے آخر کار سی سی ٹی وی کیمروں کی وجہ سے پکڑے گئے۔پولیس نے دونوں ملزمان کو گرفتار کر کے قبضے سے 40 لاکھ روپے، زیورات اور قیمتی اشیا برآمد کرلیں۔
فروری 5, 2023
16 سالہ لڑکی شارک کے حملے میں ہلاک
سڈنی: آسٹریلیا کے ساحل پر ڈالفن کے ساتھ تیراکی کرنے والی 16 سالہ لڑکی کو ایک شارک نے اپنے جبڑے میں دبوچ لیا جس سے اس موت واقع ہوگئی۔آسٹریلوی میڈیا کے مطابق پرتھ کے فریمینٹل پورٹ ایریا میں دریائے سوان میں شارک نے ایک لڑکی پر حملہ کردیا۔ شارک کے جبڑے کے گہرے گھاؤ کی وجہ سے لڑکی موقع پر ہی ہلاک ہوگئی۔
پشاور دھماکے کے مبینہ حملہ آور کی سہولت کار کے ساتھ تصاویر سامنے آگئیں
پولیس کا کہنا ہے کہ شارک نے اُس وقت حملہ کیا جب لڑکی نے دریا میں ڈولفن کے پوڈ کے ساتھ تیرنے کے لیے جیٹ سکائی سے چھلانگ لگائی تھی۔ لڑکی زیادہ خون بہہ جانے کے باعث پانی میں ہی دم توڑ گئی تھی۔ابھی یہ واضح نہیں کہ 16 سالہ لڑکی پر حملہ کرنے والی شارک کس قسم سے تعلق رکھتی تھی کیوں کہ آسٹریلیا میں شارک کی 100 سے زائد اقسام موجود ہیں جن میں چند ایک ہی خطرناک ہیں۔
کراچی میں شہریوں نے2 ڈاکوؤں کو زندہ جلادیا
یاد رہے کہ مغربی آسٹریلیا کے اس علاقے میں نومبر 2021 میں بھی ایک 57 سالہ شخص شارک کے حملے میں ہلاک ہوگیا تھا جب کہ سڈنی کے کئی ساحل، بشمول مشہور بوندی اور برونٹے، کو گزشتہ فروری میں شارک کے حملے میں ایک تیراک کی ہلاکت کے بعد بند کر دیا گیا تھا۔
فروری 5, 2023
کراچی:سرچ آپریشن؛ ٹارگٹ کلر،6 اسٹریٹ کرمنلز،5منشیات فروش گرفتار
کراچی: سندھ رینجرز اور پولیس نے پرانا گولیمار اور دیگر ملحقہ علاقوں میں سرچ اور کومبنگ آپریشن کے دوران ایک ٹارگٹ کلر، 6 اسٹریٹ کرمنلز، 5 منشیات فروش، 5 غیر قانونی مقیم تارکین وطن اور 7 مشتبہ افراد سمیت 24 ملزمان کو حراست میں لے لیا۔
ٹھٹھہ :فائرنگ کے 2الگ الگ واقعات 2 زخمی
سندھ پولیس ذرائع کے مطابق سندھ رینجرز اور پولیس نے انٹیلی جنس معلومات کی بنیاد پر پرانا گولیمار اور دیگر ملحقہ علاقوں میں اسٹریٹ کریمنلز، منشیات فروشوں اور جرائم پیشہ افراد کے خلاف سرچ اور کومبنگ آپریشن کیا۔
بلوچستان کے دارالخلافہ کوئٹہ میں دھماکا ،متعدد افراد زخمی
آپریشن کے دوران ایک ٹارگٹ کلر، 6 اسٹریٹ کریمنلز، 5 منشیات فروش، 5 غیر قانونی طور پر مقیم تارکین وطن اور 7 مشتبہ افراد سمیت 24 ملزمان کو حراست میں لے لیا گیا۔ملزمان کے قبضے سے 9 عدد نائن ایم ایم پسٹل، 4 تیس بور پسٹل، ایک بارہ بور شارٹ گن، ایک ایس ایم جی، ایک ایم پی فائیو،381 مختلف اقسام کا ایمونیشن، 570 تنزانیہ ٹوکن، چوری شدہ 17 موبائل فون، 3 موٹر سائیکلیں، 570 گرام کرسٹل بھی برآمد ہوئی۔
جائیدادکیلئے سنگ دل باپ اور دادا نے 9 ماہ کی بچی کو قتل کردیا
گرفتار ملزمان کو مع اسلحہ، ایمونیشن اور مسروقہ سامان مزید قانونی کارروائی کے لیے پولیس کے حوالے کر دیا گیا ہے۔
فروری 5, 2023
75 ہزار روپے جرمانہ ہوگااس کوجس نے چلتی گاڑی میں ممنوع کام کیا
ابوظہبی: متحدہ عرب امارات میں نئے ٹریفک قوانین کی خلاف ورزی پر سخت سزا اور بڑے جرمانے کی منظوری دیدی گئی۔ عرب میڈیا کے مطابق ابوظہبی پولیس نے خبردار کیا ہے کہ چلتی ہوئی گاڑی سے سڑک پر سگریٹ کے ٹکڑے، پانی کی خالی بوتلیں اور پلاسٹک کی تھیلیاں پھینکنے پر 1 ہزار درہم ( پاکستانی 75 ہزار روپے) جرمانہ ہوگا۔
بدمعاشوں، ٹارگٹ کلرز،شوٹرز اور بھتہ خور بچنے نہیں چاہئے، سی سی پی او کا حکم
ٹریفک پولیس کے ترجمان کا کہنا ہے کہ یہ اقدام ٹریفک حادثات میں کمی اور شہر میں صفاتی ستھرائی کو بہتر سے بہترین بنانے کے لیے اُٹھایا گیا ہے۔
ممنوعہ اشیا کا استعمال:معروف جمناسٹ کھلاڑی پر21ماہ کی پابندی
متحدہ عرب امارات دنیا کے ان گنے چنے ممالک میں شمار ہوتا ہے جہاں دنیا بھر سے لوگ سیاحت اور کاروبار کے لیے آتے ہیں۔ دنیا کی بلند ترین عمارتوں سے سجے اس ملک میں ٹریفک قوانین پر کافی سختی برتی جاتی ہے۔ابوظہبی، دبئی اور شارجہ کا ٹریفک کافی پُرہجوم ہوتا ہے اور ٹریفک قوانین کی معمولی سی خلاف ورزی پر گھنٹوں ٹریفک جام ہوجاتا ہے۔
فواد چودھری گرفتاری کے وقت نشے کی حالت میں تھے، میڈیکل رپورٹ
یاد رہے کہ کچھ عرصہ پہلے کویت نے عوامی مقامات پر سگریٹ نوشی کے خلاف سخت اقدامات کو نافذ العمل کردیا ہے۔رپورٹ کے مطابق کویت کی انوائرمنٹ پبلک اتھارٹی کی جانب سے جاری بیان میں کہا گیا کہ ملک بھر میں عوامی مقامات پر سگریٹ نوشی کرنے کی سخت ممانعت ہے، خلاف ورزی کے مرتکب افراد پر پانچ ہزار دینار جرمانہ عائد کیا جائے گا۔
سرکاری ترجمان اور پبلک ریلیشنز آفیسر شیخہ الابراہیم نے بتایا کہ جرمانے کا اطلاق صرف سگریٹ نوشی نہیں بلکہ الیکٹرانک سگریٹ، الیکٹرانک حقہ (شیشہ) اور تمباکو نوشی کے مقصد کے لیے استعمال ہونے ہر اشیا پر ہوگا۔
فروری 5, 2023
کراچی :اسنوکر کلب میں گھس کر نوجوان کو قتل کردیاگیا
کراچی: لیاری چاکی واڑہ میں نامعلوم مسلح ملزمان نے اسنوکر کلب میں گھس کر ایک نوجوان کو فائرنگ کرکے قتل کردیا۔تفصیلات کے مطابق چاکیواڑہ تھانے کے علاقے لیاری ٹینڈری روڈ ہندو پاڑا کے قریب نامعلوم مسلح ملزمان نے فائرنگ کرکے ایک شخص کو قتل کردیا جس کی لاش ضابطے کی کارروائی کے لیے سول اسپتال منتقل کی گئی جہاں مقتول کی شناخت 25 سالہ سرفرازولد خیر محمد کے نام سے کی گئی۔
اس حوالے سے چاکیواڑہ پولیس نے بتایا کہ مقتول اسنوکر کلب میں اسنوکر کھیل رہا تھا کہ اسنوکر کلب میں 2 نامعلوم مسلح ملزمان داخل ہوئے اور مسلح ملزمان نے اندھا دھند فائرنگ کردی اور فرار ہوگئے۔
فائرنگ کے نتیجے میں مقتول جسم پر چار گولیاں لگنے سے موقع پر ہی جاں بحق ہوگیا، مقتول 2 بچوں کا باپ تھا اور کسی سرکاری جگہ پر چوکی داری کیا کرتا تھا۔پولیس کا کہنا ہے کہ فوری طور پر یہ کہنا قبل از وقت ہوگا کہ مقتول کے قتل کی کیا وجہ ہے اور کون اس کے قتل میں ملوث ہیں؟ اس حوالے سے تفتیش کی جا رہی ہے۔
یاد رہے کہ کراچی کے علاقے نیوکراچی اجمیر نگری میں ڈکیتی کے دوران شہریوں نے 2 ڈٓاکوؤں کو پکڑ کر زندہ جلادیاتھا۔ایس ایس پی سینٹرل رانا معروف کا کہنا ہے کہ رکشہ اسٹینڈ پر 2 ڈاکو واردات کررہے تے کہ موقع پر موجود لوگوں نے دونوں کو پکڑ لیا، مشتعل شہریوں نے تشدد کا نشانہ بنانے کے بعد دونوں ڈاکوؤں کو زندہ جلادیا گیا۔
پولیس کا کہنا ہے کہ ڈاکوؤں کو آگ لگانے والے 5 شہریوں کو گرفتار کرلیا گیا ہے، ویڈیوز کی مدد سے ڈاکوؤں کو جلانے والے مزید لوگوں کی شناخت کررہے ہیں، ملزمان کے قبضے سے اسلحہ، موٹر سائیکل، چھینے گئے موبائل فونز بھی ملے ہیں۔واقعے کے بعد پولیس کی بھاری نفری علاقے میں پہنچ گئی، لاشوں کو تحویل میں لے لیا گیا۔
ممنوعہ اشیا کا استعمال:معروف جمناسٹ کھلاڑی پر21ماہ کی پابندی
واقعے کی ایک موبائل فوٹیج بھی منظر عام پر آئی ہے، جس میں دونوں ڈاکو مردہ حالت میں پڑے نظر آرہے ہیں اور ان کے جسم پر آگ لگی ہوئی ہے۔نیو کراچی میں شہریوں کے ہاتھوں جلائے گئے دونوں ڈاکوؤں کی شناخت کرلی گئی، ملزمان کا کرمنل ریکارڈ بھی سامنے آگیا ہے۔
پولیس کے مطابق شہریوں کے ہاتھوں مارا جانے والا ڈاکو نادر حسین 14 مقدمات میں پہلے بھی گرفتار ہوچکا ہے جب کہ دوسرا ڈاکو محمد عمران سرجانی تھانے میں ایک مقدمے میں گرفتار ہوچکا ہے۔
انسانی حقوق کمیشن نےشیخ رشید اورفواد چوہدری کےخلاف مقدمات ختم کرنےکامطالبہ کردیا
پولیس کا کہنا ہے کہ مارے گئے ڈاکوؤں کے قبضے سے ملنے والی موٹر سائیکل بھی سرجانی سے چوری کی گئی۔پولیس نے بتایا کہ زندہ جلائے جانے والے ڈاکو آج جبران نامی شہری کو لوٹ رہے تھے، جبران نے مزاحمت کی تو ڈاکوؤں نے پستول نکال لی تھی، پستول میں خرابی کے باعث گولی پھنس گئی اور چل نہ سکی، جس کے بعد ڈاکوؤں نے وہاں سے بھاگنے کی کوشش کی۔
بدمعاشوں، ٹارگٹ کلرز،شوٹرز اور بھتہ خور بچنے نہیں چاہئے، سی سی پی او کا حکم
واضح رہے کہ کراچی میں سال کے پہلے ماہ جنوری میں ڈکیتی کے دوران مزاحمت پر ڈاکوؤں نے فائرنگ کرکے 10 سے زائد شہریوں کو قتل کردیا۔
فروری 5, 2023
راولپنڈی میں خواجہ سرا کو پھندا لگا کر قتل کردیا گیا
راولپنڈی: تھانہ صادق آباد کے علاقے میں خواجہ سرا کی گھر سے پھندا لگی لاش ملی ہے جسے قتل کیا گیا ہے۔پولیس کے مطابق تھانہ صادق آباد میں خواجہ سرا کو پراسرار ِحالات میں قتل کردیا گیا، خواجہ سرا کر اس کے کمرے میں پھندا لگا کر مارا گیا ہے،
پولیس نے خواجہ سراؤں کے لیے مقرر رہائش گاہ کے انچارج کی مدعیت میں نامعلوم ملزم کے خلاف مقدمہ درج کرلیا ہے۔پولیس کے مطابق نامعلوم شخص آخری دفعہ مقتول خواجہ سرا کے ساتھ دیکھا گیا تھا جس کی تلاش جاری ہے۔
یاد رہے کہ کل وفاقی دارالحکومت کے سیکٹر ایف نائن پارک میں مسلح ملزمان نے لڑکی کو اسلحے کے زور پر اغوا کے بعد اجتماعی زیادتی کا نشانہ بنا ڈالا۔
پولیس کے مطابق اسلام آباد کے سب سے بڑے تفریحی فاطمہ جناح پاک میں دوست کے ساتھ آئی لڑکی کو دو مسلح ملزمان نے لڑکے کے ساتھ اغوا کیا اور اُنہیں تشدد کا نشانہ بھی بنایا بعد ازاں ملزمان لڑکی کو اسلحے کے زور پر جنگل میں لے گئے جہاں انہوں نے خاتون کو مبینہ طورپر اجتماعی زیادتی کا نشانہ بنایا۔
خاتون کے ساتھ زیادتی کے معاملے کا مقدمہ تھانہ مارگلہ میں درج کرلیا گیا ہے۔ پولیس کے مطابق متاثرہ خاتون دوست کے ساتھ پارک میں تھی جہاں دو ملزمان نے اسلحے کی نوک پر اُسے یرغمال بنایا اور اُسے جنگل کی طرف لے گئے۔
مقدمے کے متن میں لکھا گیا ہے کہ ملزمان نے مجھے جنگل میں لے جاکر زیادتی کا نشانہ بنایا اور معاملے کو چھپانے پر زور دیا، اگر کسی کو بھی اس بارے میں بتایا تو تمہیں جان سے مار دیں گے۔ اے ایس آئی تھانہ مارگلہ نے یقین دہانی کرائی ہے کہ پولیس ملزمان کو جلد از جلد گرفتار کرلے گی۔
فروری 5, 2023
موبائل چوری کا الزام؛16سالہ لڑکے نے 58 سالہ خاتون کو زیادتی کے بعد قتل کردیا
بھوپال: بھارتی ریاست مدھیہ پردیش میں 16 سالہ لڑکے نے جنسی زیادتی کا نشانہ بنانے کے بعد گھاس کاٹنے والے تیز دھار درانتی سے 58 سالہ خاتون کو قتل کردیا۔
تباہی کا منصوبہ ناکام، پولیس مقابلے میں دو دہشت گرد ہلاک اور چار گرفتار
بھارتی میڈیا کے مطابق ریاست مدھیہ پردیش میں ایک زیر تعمیر مکان سے پلاسٹک کے بڑے تھیلے میں خاتون کی لاش کے ٹکڑے ملے ہیں جن کے جسم کے نازک حصوں کو کاٹا گیا ہے۔ گھر سے ایک ہزار نقدی اور زیورات بھی غائب ہیں۔
جائیدادکیلئے سنگ دل باپ اور دادا نے 9 ماہ کی بچی کو قتل کردیا
خاتون کے اہل خانہ نے پولیس کو بتایا کہ نوجوان اس گھر میں ٹی وی دیکھنے آتا تھا اور دو سال قبل خاتون نے گھر سے موبائل غائب ہونے پر اسی نوجوان پر چوری کا الزام بھی عائد کیا تھا جس پر دونوں خاندانوں میں کافی جھگڑا بھی ہوا تھا۔پولیس کا کہنا ہے کہ خاتون کا شوہر اور بیٹا کسی کام سے شہر سے باہر گئے ہوئے تھے، ملزم اسی موقع کی تاک میں تھا۔ وہ گھر میں کسی بہانے سے داخل ہوا اور خاتون کے منہ پر پلاسٹک کی تھیلی چڑھا کر دم گھوٹ دیا۔
پشاور دھماکے کے مبینہ حملہ آور کی سہولت کار کے ساتھ تصاویر سامنے آگئیں
جب خاتون نیم مردہ حالت میں چلی گئیں تو نوجوان خاتون کو گھسیٹتا ہوا گھر کے اندرونی حصے میں لے گیا اور زیادتی کے بعد بیدردی سے قتل کردیا اور فرار ہوگیا۔پولیس نے نوجوان کو حراست میں لے لیا جس نے اپنے جرم کا اعتراف کرلیا۔ ملزم کو بچوں کی جیل منتقل کردیا گیا
فروری 5, 2023