Tag: crime movies

کراچی :شہرقائد کے علاقے یوسف پلازہ کے قریب پولیس نے ملزم عاطف کو گرفتار کرلیا۔ ملزم خواتین کو شادی کا جھانسہ دیکر ان سے فراڈ کرتا تھا۔پولیس کے مطابق ملزم عاطف کو لیاقت آباد وومن پولیس نے یوسف پلازہ کے قریب فلیٹ پر چھاپہ مار کر گرفتار کیا۔ پولیس کے مطابق ملزم کے موبائل فون سے متعدد لڑکیوں کی تصاویر برآمد ہوئی ہیں، جب کہ ملزم عاطف کے نکاح ناموں کی تصدیق کا عمل بھی جاری ہے۔

ملزم کے خلاف متاثرہ لڑکی کی جانب سے ایف آئی آر درج کروائی گئی تھی۔ درج درخواست میں لڑکی کا کہنا تھا کہ ملزم اس کے گھر کے قریب واقعہ فلیٹ میں رہتا تھا، جہاں سے دونوں کی جان پہچان شروع ہوئی۔ بعد ازاں لڑکا ایک روز مجھے اچانک گاڑی میں بیٹھا کر لے گیا اور دو نامعلوم افراد اور مولوی کے ہمراہ مجھ سے نکاح کیا، جس پر میں راضی تھی۔

ایف آئی آر کے متن کے مطابق مذکورہ لڑکی کی جانب سے جب رخصتی کا مطالبہ کیا گیا تو ملزم عاطف نے ٹال مٹول سے کام لینا شروع کردیا اور اکثر اوقات تشدد کا نشانہ بھی بناتا۔ بات لڑکی کے رشتے داروں تک پہنچی تو پتا چلا کہ ملزم نے علاقے کی دیگر خواتین کو بھی شادی کا جھانسہ دے کر نکاح کیا ہے۔ملزم کو جمعرات 23 فروری کو عدالت میں پیش کیا گیا، جس کے بعد ملزم کو دو روزہ جسمانی ریمانڈ پر پولیس کے سپر کردیا گیا ہے۔

موصول اطلاعات کے مطابق ملزم عاطف گھر پر اکیلا رہتا تھا۔ گھر والوں کو یہ کہہ کر غائب رکھتا تھا کہ وہ نائٹ ڈیوٹی کرتا ہے۔ دوران تفتیش ملزم کا کہنا تھا کہ وہ کوئی مستقل ملازمت نہیں کرتا ہے۔ رپورٹ کے مطابق ملزم کی عمر 32 سال ہے۔

کراچی:گرین لائن بس کوحادثے میں خواتین سمیت 8 افراد زخمی ہوگئے۔کراچی کے علاقے ناگن چورنگی کے قریب گرین لائن بس تیز رفتاری کے باعث فٹ پاتھ پر چڑھ گئی۔ بس فٹ پاتھ پر ٹکرانے سے بس کے اگلے حصے کو نقصان پہنچا۔

حادثے میں خواتین سمیت 8 افراد معمولی زخمی ہوئے جنہیں اسپتال منتقل کردیا گیا۔ گرین لائن بس حادثے پر انتظامیہ کی جانب سے جاری بیان میں کہا گیا ہے کہ ٹریک کو کلیئر کرکے سروس بحال کردی گئی۔ حادثے کی تحقیقات شروع کردی گئی ہیں۔ بس کے اندر اور ٹریک پر نصب کیمروں سے مدد لی جائیگی۔

ترجمان گرین لائن بس کے مطابق حادثے میں مسافر محفوظ رہے تاہم ڈرائیور کو شیشے سے ٹکرانے کی وجہ سے گہری چوٹیں آئی ہیں۔ جدید بسیں حفاظت کے اعلیٰ معیار سے لیس ہیں جس کی وجہ سے کوئی سنگین نقصان نہیں ہوا۔ بریک فیل ہونا خارج از امکان ہے۔

کراچی گرين لائن بس سروس کے آدھے ادھورے منصوبے نے کسی حد تک ٹرانسپورٹ کےمسائل کم کردئیے تاہم اب ابھی بہت کام باقی ہے۔کراچی میں چند ماہ قبل گرین لائن بس سروس کے آغاز کے ساتھ ہی کراچی میں جدید ٹرانسپورٹ سسٹم کی بنیاد رکھ دی گئی۔ تاہم لیکن ٹاورکےبجائےنمائش تک نامکمل ٹریک اورفیڈر بسیں نہ چلنے کے باعث شہری اس انقلابی سہولت سے پوری طرح فائدہ نہیں اٹھا پارہے ہیں۔

نجی کمپنيوں کے بائيک رائیڈرز نے اس مسئلے کا حل اپنی سروس دےکر نکال ليا ہے۔ گرين لائن اسٹيشنز کے باہر مسافروں کو ان کی اگلی منزل پر پہنچانے کيلئے بائیک رائیڈرز موجود ہوتے ہيں۔اس وقت گرين لائن کا استعمال کرنے والوں ميں موٹرسائيکل سواروں کی تعداد بڑھتی جارہی ہے جو اپنی موٹرسائيکليں بس اسٹيشن کے باہر کھڑی کرکے اے سی بس ميں آرام دہ اور باکفايت طريقے سے منزل پر پہنچتے ہيں۔

شہر کےپہلےميگا ٹرانسپورٹ پروجيکٹ پر اس وقت روزانہ 50 ہزارمسافر سفرکررہےہيں۔انتظاميہ رش کوديکھتے ہوئے محدود اسٹيشنز پر رکنے والی ايکسپريس سروس شروع کرنے کی بھی منصوبہ بندی کررہی ہے۔گرین لائن بس سروس کے مختلف اسٹيشنز پر برقی زينے کام نہيں کررہے ہيں جبکہ لفٹس کے فعال نہ ہونے کی وجہ سے بزرگ اور معذور مسافروں کو بھی پريشانی کا سامنا ہے۔

کراچی: کورنگی کے نجی اسپتال میں ڈاکوؤں نے عملے کو لوٹ لیا۔کراچی کے علاقے کورنگی میں واقع نجی اسپتال میں ڈاکو گھس گئے جنہوں نے عملے سے موبائل فون چھینے اور باآسانی فرار ہوگئے۔

ویڈیو میں ڈاکوؤں کے چہرے واضح ہونے کے باوجود بھی کوئی ایک ملزم گرفتار نہ کیاجاسکا۔دوسری جانب سائٹ سپرہائی وے بروہی گوٹھ میں مبینہ پولیس مقابلے میں ایک ڈاکو ہلاک ہوگیا۔

ادھر لیاری کھڈا مارکیٹ میں ڈکیتی مزاحمت پرفائرنگ سے دو افراد شدید زخمی ہوگئے جن میں ایک مبینہ ڈاکو شامل تھا جب کہ یاسین آباد میں شہریوں نے ڈاکو کو قابوکرلیا اور پھر تشددکے بعدپولیس کے حوالے کردیا۔

کراچی میں اسٹریٹ کرمنلز نے روزگار کی تلاش میں دن بھر سڑکوں پر دھکے کھانے والے رکشہ ڈرائیور کو بھی نہ بخشا۔

کراچی میں ابوالحسن اصفہانی روڈ پر اسٹریٹ کرمنلز نے رکشہ ڈرائیور سے اسلحہ کے زور پر 16 ہزار روپے اور موبائل فون چھین لیا۔رکشہ ڈرائیور نے واردات کی تفصیلات بتاتے ہوئے کہا کہ میں سواری چھوڑنے گلی میں آیا ، واپس جاتے ہوئے دو ملزمان نے پستول دکھا کر روکا۔

ڈرائیور کے مطابق ملزمان نے میرے پاس رکھے 16ہزار اور موبائل چھین لیا۔