Baaghi TV

Tag: crime news

  • کے پی او حملہ:ملک کے مختلف علاقوں میں سی ٹی ڈی اور قانون نافذ کرنے والے اداروں کا آپریشن جاری

    کے پی او حملہ:ملک کے مختلف علاقوں میں سی ٹی ڈی اور قانون نافذ کرنے والے اداروں کا آپریشن جاری

    کراچی : حملہ آوروں کے سہولت کاروں کی گرفتاری کے لیے ملک کے مختلف علاقوں میں سی ٹی ڈی اور قانون نافذ کرنے والے اداروں کا آپریشن جاری ہے۔

    باغی ٹی وی: کراچی پولیس آفس پر حملے کے معاملے پرکاؤنٹر ٹیررازم ڈیپارٹمنٹ (سی ٹی ڈی) کی ٹیم سہولت کاروں کی موجودگی کی اطلاع پر جامشورو پہنچ گئی، سہولت کاروں کے حوالے سے ٹیکنیکل بنیادوں سے ملنے والی معلومات پر جامشورو میں کارروائی کی گئی ہے۔

    دوسری جانب پولیس ذرائع کے مطابق کراچی پولیس آفس پر حملے کے دوران مارے گئے مزید 2 دہشت گردوں کے خاندانوں کی تلاش شروع کردی گئی شمالی وزیرستان سے تعلق رکھنے والے دونوں دہشت گردوں کی شناخت ہوگئی ہے، دونوں دہشت گردوں کا اسٹیٹس آئی ڈی پیز کا ہے۔

    پولیس ذرائع کے مطابق دہشت گرد زالے نور کا تعلق مداخیل تحصیل دتہ خیل، شمالی وزیرستان سے تھا، خودکش حملہ آور مجید نظامی کا تعلق بھی وزیرستان کی تحصیل دتہ خیل سے تھا، پولیس آفس حملے میں ہلاک تیسرے دہشت گرد کفایت اللہ کا تعلق لکی مروت سےتھا۔

    دریں اثنا آپریشن میں ہلاک دہشت گرد کفایت اللہ کے لکی مروت میں واقع گھر پر چھاپا مارا گیا تھا، پولیس اور قانون نافذ کرنے والے اداروں نے وانڈا امیر خان تھانہ صدر کی حدود میں چھاپا مارا اور کفایت اللہ سے متعلق تفتیش کی۔

    دہشتگرد کفایت اللہ کے اہلخانہ نے پولیس کو بتایا کہ کفایت اللہ کو گھر میں باندھ کر رکھا گیا تھا۔کفایت اللہ گھر سے 5 ماہ قبل فرار ہوگیا تھا، ہمارا خیال تھا کہ کفایت اللہ افغانستان فرار ہوا ہے، حملےکے بعد پتہ چلا کہ کفایت اللہ پاکستان میں ہی تھا۔

    پولیس ذرائع کے مطابق کفایت اللہ کی عمر 22 سے23 سال تھی، دہشتگرد کفایت اللہ تربیت یافتہ اورافغانستان آتا جاتا رہا، کفایت اللہ افغانستان میں بھی لڑتا رہا، ہلاک دہشتگرد کا تعلق کالعدم ٹی ٹی پی کے ٹیپوگل گروپ سے تھا، کفایت اللہ خیبرپختونخوا میں بھی پولیس پرحملوں میں ملوث تھا۔

  • کراچی پولیس آفس پر حملہ،اعلیٰ سطحی اجلاس طلب

    کراچی پولیس آفس پر حملہ،اعلیٰ سطحی اجلاس طلب

    کراچی: آئی جی سندھ غلام نبی ممین نے کراچی پولیس آفس پر حملے کے حوالے سے آج اعلیٰ سطحی اجلاس طلب کر لیا ہے۔

    باغی ٹی وی: اجلاس میں سندھ بھر میں سیکیورٹی معاملات کا جائزہ لیا جائے گا، صوبے میں سیکیورٹی کو ہائی الرٹ رکھا گیا ہے،اجلاس میں سی ٹی ڈی، اسپیشل برانچ اور فارن سیکیورٹی سیل کے افسران شریک ہوں گے۔

    اس کے علاوہ ٹریننگ، فنانس، ایس ایس یو اور ریپڈ رسپانس فورس کے حکام بھی اجلاس میں شریک ہوں گے جبکہ اجلاس میں زونل ڈی آئی جیز، رینج ڈی آئی جیز اور سندھ بھر کے ایس ایس پیز بھی طلب کیے گئے ہیں۔

    دوسری جانب کراچی پولیس آفس کے اطراف کی جیو فینسنگ کے ذریعے تحقیقات شروع کر دی گئی جیو فینسنگ میں حملے کے وقت 100 سے زائد نمبروں کو مشکوک قرار دیا گیا، تمام نمبروں کے کوائف اور دیگر ضروری معلومات حاصل کی جا رہی ہیں۔

    پولیس ذرائع کا کہنا ہے کہ 10 سے 12 نمبر حملے کے بعد سے بند ہیں، بند نمبروں سے بیرون شہر کا بھی کال ڈیٹا ملا ہے۔

    واضح رہے کہ کراچی پولیس چیف کے دفتر پر گزشتہ روز ہونے والے دہشت گرد حملے کی تحقیقات کیلئے ڈی آئی جی ذوالفقار لاڑک کی سربراہی میں 5 رکنی کمیٹی بھی قائم کی گئی ہے۔

    پانچ رکنی کمیٹی کراچی پولیس آفس پر ہونے والے حملے کی تحقیقات اور تفتیش کرے گی جبکہ کمیٹی کے چیئرمین معاملے کی تحقیقات میں تعاون کیلئے مزید ممبرز کو بھی شامل کر سکتے ہیں۔

  • ترکش ائیر کی پرواز کی ہنگامی صورتحال کے باعث استنبول میں ایمرجنسی لینڈنگ

    ترکش ائیر کی پرواز کی ہنگامی صورتحال کے باعث استنبول میں ایمرجنسی لینڈنگ

    انقرہ:استنبول سے ماسکو کیلئے روانہ ہونے والی ترکش ائیر کی پرواز میں ہنگامی صورتحال پیدا ہونے پر طیارے کو واپس استنبول میں اتار لیا گیا۔ایوی ایشن ذرائع کے مطابق ترکش ائیرلائن کی پرواز TK-415 ہفتے کی سہ پہر استنبول سے ماسکو کیلئے روانہ ہوئی، بلغاریہ کی فضائی حدود میں ساحلی شہر برگاس کے قریب 29 ہزار 900 فٹ کی بلندی پر اچانک طیارے کے کیبن میں ہوا کا دباؤ کم ہونا شروع ہوا جس کے باعث طیارہ تیزی سے بلندی کھونے لگا۔

    دبئی سےڈھاکاجانیوالی پرواز میں مسافر دل کا دورہ پڑنےسےانتقال کرگیا

    ایوی ایشن ذرائع کے مطابق محض تین منٹ کے دوران طیارے کی بلندی 20 ہزار فٹ کم ہوکر 10 ہزار فٹ پر آ گئی، پائلٹ نے ائیر ٹریفک سے رابطہ کر کے ہنگامی صورتحال ڈیکلیئر کی جس کے بعد ائیر ٹریفک کنٹرولر نے پائلٹ کو واپس استنبول میں ہنگامی لینڈنگ کرنے کی ہدایات دیں۔ایوی ایشن ذرائع کے مطابق پائلٹ سمندر پر نچلی پرواز کرتے ہوئے واپس استنبول پہنچا اور روانگی کے ٹھیک 51 منٹ بعد سہہ پہر 3:50 منٹ پر طیارہ استنبول ائیرپورٹ پر بحفاظت لینڈ کر گیا۔

    سعودی عرب سے کراچی پہنچے والا عمرہ زائر ائرپورٹ پر انتقال کرگیا

    کل ایسے ہی پاکستان کے شہرکراچی میں دبئی سے ڈھاکا جانیوالی غیر ملکی ایئر لائنز کی پرواز میں مسافر دل کا دورہ پڑنے سے انتقال کرگیا، جس کا تعلق بنگلہ دیش سے تھا، کپتان نے کراچی میں ہنگامی لینڈنگ کی تاہم مسافر کو بچایا نہ جاسکا۔سی اے اے حکام کے مطابق دبئی سے ڈھاکا جانیوالی غیر ملکی ایئرلائنز کی پرواز میں ایک مسافر کی طبعیت خراب ہوئی جس کے باعث کپتان نے کراچی ایئرپورٹ کے ٹریفک کنٹرولر سے رابطہ کیا اور ایمرجنسی لینڈنگ کی اجازت طلب کی۔

    سول ایوی ایشن کے مطابق طیارے کو ہنگامی لینڈنگ کی اجازت دی گئی اور مسافر کیلئے ڈاکٹرز اور ایمبولینس کا بھی انتظام کیا گیا تاہم لینڈنگ کے دوران ہی مسافر انتقال کرگیا۔ترجمان کا کہنا ہے کہ ایمرجنسی لینڈنگ کے بعد ڈاکٹرز نے مسافر کی جانچ کی اور بتایا کہ متوفی کو دل کا دورہ پڑا تھا، جس کے باعث اس کا انتقال ہوگیا۔سی سی اے کے مطابق انتقال کرنے والے مسافر کا تعلق بنگلہ دیش سے تھا، جس کا جان شاب شیخ اور عمر 48 سال تھی۔

    واضح رہے کہ چند روز قبل بھی کراچی ایئرپورٹ پر سعودی عرب سے عمرہ کی سعادت حاصل کرکے آنیوالا مسافر امیگریشن کاؤنٹر پر دل کا دورہ پڑنے سے انتقال کر گیا تھا۔

  • کراچی پولیس آفس پر حملےکا مقدمہ سی ٹی ڈی تھانے میں درج

    کراچی پولیس آفس پر حملےکا مقدمہ سی ٹی ڈی تھانے میں درج

    کراچی پولیس آفس (کے پی او) پر حملےکا مقدمہ کاؤنٹرٹیررازم ڈیپارٹمنٹ (سی ٹی ڈی) تھانے میں درج کرلیا گیا-

    باغی ٹی وی: مقدمہ صدر تھانے کے ایس ایچ او کی مدعیت میں درج کیا گیا ہے،پولیس حکام کے مطابق مقدمہ الزام نمبر 20، 18 فروری کو شام4 بج کر 30 منٹ پر درج کیا گیا، مقدمے میں دہشت گردی، قتل اور اقدام قتل سمیت دیگر دفعات شامل ہیں مقدمے میں دھماکا خیز مواد 3 اور 4 کی دفعہ بھی شامل کی گئی ہے۔

    کراچی پولیس آفس پر حملہ کرنیوالے 2 دہشتگردوں کی شناخت ہوگئی

    مقدمےکے متن کے مطابق ایس ایچ او کا کہنا ہےکہ شام 7 بج کر 15منٹ پر وائرلیس کے ذریعے حملےکی اطلاع ملی، 7 بج کر 20 منٹ پرجائے وقوع پر پہنچا اور نفری طلب کی، ڈی آئی جی عرفان بلوچ کی سربراہی میں دہشت گردوں کے خلاف آپریشن ترتیب دیا گیا۔

    متن کے مطابق حملےمیں تین دہشت گرد ملوث تھےایک دہشتگرد چوتھی منزل پر جوابی کارروائی میں مارا گیا، ایک دہشت گرد نے تیسری منزل پر خود کو دھماکے سے اڑایا، تیسرا دہشت گرد بھی چھت پرجوابی کارروائی میں مارا گیاکارروائی میں مارےگئے دونوں دہشت گردوں نے بھی خود کش جیکٹ پہنی ہوئی تھی، خودکش دھماکا کرنے والے دہشت گرد کے اعضا ملے ہیں۔

    کراچی پولیس آفس حملے میں ملوث دہشتگرد کے گھر پر چھاپہ، اہلخانہ کےچونکا دینےوالے…

    مقدمےکے متن کے مطابق دہشت گرد صدر پولیس لائن کے قریب بنے فیملی کوارٹر کی عقبی دیوار پر لگی تارکو کاٹ کر داخل ہوئے، 3 دہشت گرد گاڑی میں سوار ہوکر پولیس صدر لائن پہنچے تھےصدر پولیس لائن کے قریب کھڑی کار کو تحویل میں لے لیا ہے-

    مقدمےمیں کہا گیا کہ کارسوار دہشتگردوں کے ساتھ 2 دہشت گرد موٹرسائیکل پر بھی آئے تھے، موٹر سائیکل پر آئے دہشت گردوں نےکار سوار دہشت گردوں کو کے پی او کی نشاندہی کی تھی، دہشتگردوں سے 5 دستی بم ، 2خودکش جیکٹس ملیں جنہیں ناکارہ بنایا گیا۔

    مقدمے میں کہا گیا کہ حملے میں رینجرز اور پولیس کے 4 افراد شہید ہوئے، حملے میں 18 افراد زخمی ہوئے، حملے کی ذمہ داری کالعدم تحریک طالبان نے سوشل میڈیا کے ذریعے قبول کی-

    ہلاک دہشتگردوں سے 2 خودکش جیکٹس، 8 دستی بم اور 3 گرنیڈ لانچر ملے، بم ڈسپوزل اسکواڈ

  • اے این ایف کی کارروائیاں،2 خواتین سمیت 7 افراد گرفتار ،ایک ہزار کلو سے زائد منشیات برآمد

    اے این ایف کی کارروائیاں،2 خواتین سمیت 7 افراد گرفتار ،ایک ہزار کلو سے زائد منشیات برآمد

    اسلام آباد: اینٹی نارکوٹکس فورس (اے این ایف) کی ملک کے مختلف علاقوں میں منشیات فروشوں کیخلاف کارروائیاں ،2خواتین سمیت 7 منشیات اسمگلر گرفتار ،ایک ہزار کلو سے زائد منشیات برآمد –

    باغی ٹی وی: ترجمان اے این ایف کے مطابق اے این ایف اور اے ایس ایف نے اسلام آباد ایئرپورٹ پر مشترکہ کارروائی کی،ریاض جانے والے ملزم سے 820 گرام ہیروئین برآمد ہوئی، اسلام آباد ترنول ٹول پلازہ کے قریب گاڑی سے 43 کلو 200 گرام چرس اور 7 کلو افیون برآمد ہوئی-

    ٹھٹھہ : بدنام زمانہ منشیات فروش گرفتار،2کلو 980 گرام چرس برآمد

    ترجمان کے مطابق اے این ایف اور ایف سی کی خیبر میں مشترکہ کارروائی میں پاک افغان بارڈر پر 29 کلو چرس برآمد ہوئی،کر اچی مین سپر ہائی وے پر خاتون سے 1 کلو ہیروئن اور 900 گرام آئس برآمد ہوئی-

    ترجمان کے مطابق ایک اور کارروائی میں گوادر میں درختوں میں چھپائی گئی 25 کلو چرس ، 10 کلو ہیروئن اور 150 کلو آئس برآمد ہوئی علاوہ ازیں چمن میں کارروائی کرتے ہوئے 586.8 لیٹر زممنوعہ کیمیکل برآمد کرلیا گیا،کوئٹہ شہر ہزار گنجی میں کارروائی کرتے ہوئے کار سے 105 کلو چرس برآمد کرلی گئی-

    قصور: ڈی پی او کی مختلف مقامات پر کھلی کچہریاں

    ترجمان اے این ایف کے مطابق تربت میں کارروائی کے دوران خالی مکان سے 490 کلو چرس برآمد ہوئی،گرفتار مُلزمان کیخلاف انسدادِ منشیات ایکٹ کے تحت مقدمات درج کر کے مزید تفتیش کی جا رہی ہے-

  • کراچی پولیس آفس حملے میں ملوث دہشتگرد کے گھر پر چھاپہ، اہلخانہ کےچونکا دینےوالے انکشافات

    کراچی پولیس آفس حملے میں ملوث دہشتگرد کے گھر پر چھاپہ، اہلخانہ کےچونکا دینےوالے انکشافات

    پشاور: کراچی پولیس آفس (کے پی او) کے آپریشن میں ہلاک دہشت گرد کفایت اللہ کے لکی مروت میں واقع گھر پر چھاپا مارا گیا ہے۔

    باغی ٹی وی : پولیس ذرائع کے مطابق پولیس اور قانون نافذ کرنے والے اداروں نے وانڈا امیر خان تھانہ صدر کی حدود میں چھاپا مارا، دہشتگرد کفایت اللہ کے گھروالوں سےتفتیش کی گئی-

    باہمی اعتماد، عوام کی مرضی اور تمام اسٹیک ہولڈرز کے درمیان ہم آہنگی کی ضرورت ہے،آرمی چیف

    اہلخانہ نے پولیس کو بتایا کہ کفایت اللہ کو گھر میں باندھ کر رکھا گیا تھا کفایت اللہ گھر سے 5 ماہ قبل فرار ہوگیا تھاہمارا خیال تھا کہ کفایت اللہ افغانستان فرار ہوا ہے، حملےکے بعد پتہ چلا کہ کفایت اللہ پاکستان میں ہی تھا۔

    پولیس ذرائع کے مطابق کفایت اللہ کی عمر 22 سے23 سال تھی، دہشتگرد کفایت اللہ تربیت یافتہ اورافغانستان آتا جاتا رہا، کفایت اللہ افغانستان میں بھی لڑتا رہا، ہلاک دہشتگرد کا تعلق کالعدم ٹی ٹی پی کے ٹیپوگل گروپ سےتھاکفایت اللہ خیبرپختونخوامیں بھی پولیس پرحملوں میں ملوث تھا۔

    ذرائع کے مطابق کراچی پولیس آفس پر حملہ کرنے والے تینوں دہشت گردوں کی شناخت ہوگئی ہےخودکش دھماکا کرنے والا دہشت گرد زالا نور شمالی وزیر ستان سے تعلق رکھتا تھا جب کہ سکیورٹی فورسز سے مقابلے میں مارا گیا دہشت گرد کفایت اللہ لکی مروت کا رہائشی تھا۔

    کراچی پولیس آفس حملہ:تحقیقات کیلیے پانچ رکنی کمیٹی تشکیل

    تیسرے دہشت گرد مجید کے بارے میں معلوم ہوا ہےکہ اس کا تعلق شمالی وزیرستان کے علاقے دتہ خیل سے ہے۔

    دوسری جانب کراچی پولیس چیف کے دفتر پر حملے کی تحقیقات کے لیے 5 رکنی تحقیقاتی کمیٹی بنا دی گئی ہے آئی جی سندھ غلام نبی میمن نے کراچی پولیس آفس پر ہونے والے حملے کی تحقیقات کیلیے کمیٹی تشکیل دے دی جس کی سربراہی ڈی آئی جی سی ٹی ڈی ذوالفقار لاڑک کریں گے۔

    علاوہ ازیں تحقیقاتی کمیٹی میں ڈی آئی جی ساؤتھ اور ڈی آئی جی سی آئی اے، ایس ایس پی طارق نواز اور انچارج سی ٹی ڈی عمر خطاب بھی شامل ہیں اعلامیے کے مطابق کمیٹی دہشت گردوں کے سہولت کاروں کی نشاندہی کرے گے۔

    اُدھر وفاقی وزیر داخلہ رانا ثنا اللہ نے خدشہ ظاہر کیا ہے کہ ’کراچی پولیس آفس پر حملے میں بیرونی ہاتھ بھی ملوث ہوسکتا ہے، تحقیقات میں اس نقطے پر بھی غور کیا جائے گا-

    آرمی چیف جنرل عاصم منیر کا کراچی پولیس آفس کا دورہ

  • باہمی اعتماد، عوام کی مرضی اور تمام اسٹیک ہولڈرز کے درمیان ہم آہنگی کی ضرورت ہے،آرمی چیف

    باہمی اعتماد، عوام کی مرضی اور تمام اسٹیک ہولڈرز کے درمیان ہم آہنگی کی ضرورت ہے،آرمی چیف

    کراچی: چیف آف آرمی اسٹاف جنرل سید عاصم منیر نے وزیر اعلیٰ سندھ کے ہمراہ کراچی پولیس آفس کا دورہ کیا-

    باغی ٹی وی :پاک فوج کے شعبہ تعلقات عامہ (آئی ایس پی آر) کے مطابق دورہِ کراچی کے موقع پر سی او اے ایس اور وزیراعلیٰ سندھ مراد علی شاہ کو کور ہیڈ کوارٹرز میں کراچی پولیس آفس (کے پی او) واقعے کے بارے میں بریفنگ دی گئی۔ علاوہ ازیں آرمی چیف نے کراچی پولیس آفس کا دورہ کیا۔

    آرمی چیف جنرل عاصم منیر کا کراچی پولیس آفس کا دورہ


    آئی ایس پی آر کے مطابق آرمی چیف نے کہا کہ دہشت گردوں کا کوئی مذہبی یا نظریاتی تعلق نہیں ہے، سیکورٹی فورسز کی توجہ صرف دہشت گردی کے خاتمے اور انٹیلی جنس پر مبنی آپریشنز پر ہے کوئی بھی قوم صرف کارروائیوں سے اس طرح کے چیلنجوں پر قابو نہیں پا سکتی، باہمی اعتماد، عوام کی مرضی اور تمام اسٹیک ہولڈرز کے درمیان ہم آہنگی کی ضرورت ہے۔

    واضح پیغام دے رہا ہوں ملک ڈیفالٹ نہیں کرے گا، صدر مملکت عارف علوی

    آئی ایس پی آر کے مطابق جنرل عاصم منیر نے کہا کہ پاکستانیوں نے ہمیشہ دہشت گردی اور انتہا پسندی کو اس کے تمام مظاہر میں مسترد اور شکست دی ہے، ہم ایک ساتھ مل کر مشترکہ خوشحال مستقبل کے لیے اس خطرے پر غالب آئیں گے۔

    آئی ایس پی آر کے مطابق وزیراعلیٰ سندھ اور آرمی چیف نے جناح پوسٹ گریجویٹ میڈیکل سینٹر کا بھی دورہ کیا اور پولیس اور پاکستان رینجرز سندھ کے زخمی جوانوں سے ملاقات کی اور ڈیوٹی کے دوران فوج، پولیس اور پاکستان رینجرز (سندھ) کی بہادری، حوصلے اور قربانیوں کو سراہا۔ قبل ازیں آمد پر کور کمانڈر کراچی نے آرمی چیف کا استقبال کیا۔

    ایف آئی اے نے پی ٹی آئی رہنما فرخ حبیب کو طلب کر لیا

  • کوئٹہ سے مبینہ خود کش بمبار خاتون گرفتار

    کوئٹہ سے مبینہ خود کش بمبار خاتون گرفتار

    کوئٹہ: محکمہ انسداد دہشت گردی نے سیٹلائٹ ٹاؤن میں کارروائی کرتے ہوئے مبینہ خود کش بمبار خاتون کو گرفتار کرلیا۔

    باغی ٹی وی: سی ٹی ڈی( کاونٹر ٹیریرزم ڈیپارٹمنٹ بلوچستان) نے لیڈز پارک سیٹلائٹ ٹاؤن بلاک 4 کوئٹہ میں ایک انٹیلیجنس بیسڈ آپریشن میں کالعدم تنظیم BLF سے تعلق رکھنے والی مبینہ خاتون خودکش بمبار مہابل کو گرفتار کر لیا سی ٹی ڈی کے مطابق گرفتارخاتون سے خود کش جیکٹ برآمد کرلی۔

    دہشتگرد کیسے داخل ہوئے؟کراچی پولیس آفس پر حملے کی ابتدائی رپورٹ تیار

    ترجمان سی ٹی ڈی بلوچستان کے مطابق مبینہ خودکش خاتون حملہ آور کا ہدف اہم تنصیبات اور سیکورٹی فورسز تھے،مبینہ خودکش بمبار خاتون کے قبضے سے خودکش جیکٹ برآمد جسمیں 4 سے 5 کلوگرام بارود بھرا ہوا تھا۔

    سی ٹی ڈی ترجمان کے مطابق مبینہ خاتون خودکش بمبار کے خلاف سی ٹی ڈی تھانہ میں مقدمہ درج کیا گیا خاتوں خودکش بمبار کو عدالت میں پیش کیا جائے گا،مبینہ خودکش بمبار سے نیٹ ورک کے دیگر افراد کی گرفتاری کے لیے تفتیش جاری ہے-

    عثمان بزدار کے فرنٹ مینوں کیلئے شکنجہ تیار،پولیٹیکل اسسٹنٹ اسدچانڈیہ کو اوایس ڈی بنادیاگیا

  • دوران سفررکشے میں خاتون کے ساتھ کی گئی اجتماعی زیادتی،بنائی گئی ویڈیو

    دوران سفررکشے میں خاتون کے ساتھ کی گئی اجتماعی زیادتی،بنائی گئی ویڈیو

    باغی ٹی وی کی رپورٹ کے مطابق 30 سالہ شادی شدہ خاتون کے ساتھ رکشہ میں اجتماعی زیادتی کی گئی ہے،. خاتون کو رکشے والے پر اعتماد کرنا مہنگا پڑ گیا، رکشہ ڈرائیور نے نہ صرف خود بلکہ اپنے دوستوں کو بھی بلا کر خاتون کو اجتماعی زیادتی کا نشانہ بنایا ہے اور ویڈیو بھی بنا لی ہے

    واقعہ بھارت کا ہے، گوالیار میں شادی شدہ خاتون جس کی عمر 30 برس ہے ،گھر سے باہر جانے کے لئے ایک ہی رکشے کا استعمال کرتی تھی، رکشہ ڈرائیور محلے دار تھا اسلئے وہ اس پر اعتماد کرتی تھی، رکشہ ڈرائیور کا نام ماجد تھا، 29 جنوری کو خاتون نے کہیں جانا تھا اس نے ماجد کو بلایا، اور اسکے ساتھ رکشے میں سوار ہو گئی،ماجد نے راستے میں گیس بھروانے کا کہا اور رکشے کو خاتون کے مطلوبہ مقام کی بجائے ویرانے جنگل میں لے گیا جہاں اس کا دوست بھی موجود تھا، ملزمان نے رکشے کے اندر ہی خاتون کو اجتماعی زیادتی کا نشانہ بنایا اور ویڈیو بھی بنا لی، پھر بلیک میل بھی کرتے رہے، ملزمان نے خاتون سے 23 ہزار روپے وصول کئے مزید مانگ رہے تھے اور ویڈیو وائرل کرنے کی دھمکی دے رہے تھے جس پر خاتون تھانے میں چلی گئی اور مقدمہ درج کروا دیا،

    بہوڑا پور پولیس نے واقعہ کا مقدمہ درج کر لیا ہے اور دونوں ملزمان کو گرفتار کر لیا ہے، ماجد خان اور چھوٹو نامی ملزمان نے اپنے جرم کا اعتراف کر لیا ہے، ملزمان نے پولیس کو بتایا کہ انہوں نے باقاعدہ منصوبہ بندی کے ساتھ خاتون کو موتی جھیل کے علاقے میں لے جا کر زیادتی کا نشانہ بنایا،

    سینیٹ اجلاس میں "فرح گوگی” کے تذکرے،ہائے میری انگوٹھی کے نعرے

    فرح خان بنی گالہ کی مستقل رہائشی ،مگرآمدروفت کا ریکارڈ نہیں، نیا سیکنڈل ،تحقیقات کا حکم

    فرح خان کیسے کرپشن کر سکتی ؟ عمران خان بھی بول پڑے

  • دہشتگرد کیسے داخل ہوئے؟کراچی پولیس آفس پر حملے کی ابتدائی رپورٹ تیار

    دہشتگرد کیسے داخل ہوئے؟کراچی پولیس آفس پر حملے کی ابتدائی رپورٹ تیار

    باغی ٹی وی کی رپورٹ کے مطابق شہر قائد کراچی میں کراچی پولیس آفس پر حملے کی ابتدائی رپورٹ تیار کر لی گئی ہے،

    کراچی پولیس چیف کے دفتر کے اطراف میں نصب سی سی ٹی وی کیمروں کی فوٹیجز حاصل کر لی گئیں،ابتدائی رپورٹ کے مطابق تین دہشت گرد شام سات بجکر 10 منٹ پر دہشتگرد مرکزی دروازے سے داخل ہوئے، ڈیوٹی پر موجود پولیس اہلکار نے جب روکا تو اسے زخمی کیا گیا،حملہ آور7 بجکر 15 منٹ پر پہلی منزل پر پہنچ چکے تھے، حملہ آوروں نے پہلی منزل پر گرنیڈ پھینکا جو دیوار سے ٹکرا کر باہر کی جانب گراونڈ فلور پر آ گرا، 7بجکر20 منٹ پر حملہ آوردوسری منزل پر پہنچ چکے تھے ،پہلی اور دوسری منزل پر حملہ آور خالی کمروں پر گولیاں برساتے رہے،ایک دھماکے کے نتیجے میں سی سی ٹی وی کیمروں کی مانیٹرنگ بھی اچانک بند ہو گئی،

    ایس ایس پی ایسٹ زبیر نذیر نفری کے ہمراہ سب سے پہلے کے پی او میں داخل پہنچے ڈی آئی جیز ناصر آفتاب، طارق دھاریجو، مقدس حیدر بھی 5 سے 10 منٹ میں کے پی او پہنچ گئے تھے ایس پی کلفٹن احمد چوہدری نے نچلی منزل پر موجود افسران ا ور اہلکاروں کو ریسکیو کیا،کراچی پولیس آفس حملے سے ملنے والا موبائل فون اور دہشت گردوں کا اسلحہ فرانزک کے لیے بھجوایا جائے گا،

    علاوہ ازیں پولیس نے کاروائی کرتے ہوئے دہشت گردوں کی جانب سے استعمال کی جانے والی گاڑی کے مبینہ مالک کو گرفتار کر لیا ہے، مالک کو بھینس کالونی سے گرفتار کیا گیا ہے، پولیس نے گاڑی کے مالک کا ابتدائی بیان بھی ریکارڈ کرلیا ہے، نجی ٹی وی کے مطابق شہری کا کہنا تھا کہ میں نے گاڑی ایک شو روم پرفروخت کردی تھی شوروم والوں نے گاڑی کس کو کی مجھےعلم نہیں

    دوسری جانب صدر مملکت ڈاکٹر عارف علوی نے جناح ہسپتال کراچی میں پولیس آفس حملے کے زخمیوں کی عیادت کی، صدر مملکت نے پولیس اور رینجر اہلکاروں کی بہا دری کی سراہا ،صدر مملکت نے اہلکاروں سے ان کی صحت کے بارے میں دریافت کیا ،صدر مملکت نے پولیس اور رینجر کے اہلکاروں کے ساتھ اظہارِ يكجہتی کیا،

    قبل ازیں سابق وزیراعظم عمران خان کا کہنا ہے کہ کراچی پولیس آفس پر کل کے دہشتگرد حملے کی شدید مذمت کرتا ہوں۔ ایک مرتبہ پھر ہماری بہادر پولیس کو نشانہ بنایا گیا ہے۔خصوصاً شہری مراکز میں دہشتگردی میں اچانک اضافہ انٹیلی جنس کی ناکامی اور ریاست کے ہاں دہشتگردی کے انسداد کی ایک واضح فعال حکمتِ عملی کے فقدان کو ظاہر کرتا ہے۔

    کراچی پولیس آفس پر دہشت گردوں سے مردانہ وار مقابلے کے دوران شہید ہونیوالے پولیس اہلکاروں غلام عباس اور سعید کے علاوہ امجد مسیح کی نماز جنازہ سینٹرل پولیس آفس کراچی میں ادا کردی گئی۔نمازجنازہ میں وزیر اعلٰی سندھ سید مراد علی شاہ،چیف سیکریٹری سندھ سہیل راجپوت کور کمانڈر کراچی لیفٹیننٹ جنرل بابر افتخار،آئی جی سندھ غلام نبی میمن،سینئر صوبائی وزیر سعید غنی،ایڈیشنل آئی جی کراچی جاوید اختر اوڈھو کے علاوہ،زونل ڈی آئی جیزکراچی،ڈی آئی جیز، سیکیورٹی، آر آر ایف،سی پیک ضلعی ایس ایس پیز کراچی سی پی او میں تعینات سینئر پولیس افسران و ملازمین اور شہداء کے ورثاء نے شرکت کی۔

    آئی جی سندھ نے شہداء کے ورثاء سے ہمدردی اور تعزیت کا اظہار کرتے ہوئے شہداءکوداد شجاعت دی اور انکی محکمانہ خدمات کو خراج عقیدت پیش کیا۔انکا کہنا تھا کہ دہشت گردانہ حملے کے خلاف سیسہ پلائی ہوئی دیوار کی مانند کھڑے ہوکر ملک اور سماج دشمن عناصر کو دندان شکن جواب دینا اور انھیں جہنم واصل کرنا اب پولیس کی جرأت اور بہادری کا سنہری باب بن چکا ہے۔انہوں نے شہداء کے ورثاء کو تسلی دیتے ہوئے کہا کہ دکھ کی اس گھڑی میں مجھ سمیت پوری سندھ پولیس آپکے ساتھ ہے آپ خود کو ہر گز تنہا نہ سمجھیں آپکی داد رسی کرنا اور مسائل و مشکلات کو حل کرنا محکمہ پولیس سندھ کی ذمہ داری ہے۔آئی جی سندھ نے موقع پر موجود سینئر پولیس افسران کو ہدایات دیں کہ شہداء کے قانونی ورثاء کے لیئے مروجہ مراعات کی بابت تمام ترقانونی و دستاویزی امور کو جلد سے جلد پایہ تکمیل تک پہنچایا جائے۔

    خاتون پولیس اہلکار کے کپڑے بدلنے کی خفیہ ویڈیو بنانے پر 3 کیمرہ مینوں کے خلاف کاروائی

    جنسی طور پر ہراساں کرنے پر طالبہ نے دس سال بعد ٹیچر کو گرفتار کروا دیا

    ایم بی اے کی طالبہ کو ہراساں کرنا ساتھی طالب علم کو مہنگا پڑ گیا

     قاری کی جانب سے بچوں کے ساتھ نازیبا حرکات کرنے پر گھر والوں نے تشدد کیا

    وزیراعلیٰ سندھ سید مراد علی شاہ کی آئی جی آفس آمد