Tag: current news

اسلام آباد:وزیرداخلہ راناثناء اللہ کا کہنا ہے کہ پہلے مارشل لاء ایڈمنسٹریٹر اسمبلیوں کو توڑا کرتے تھےاوراب سیاسی آمرتوڑرہاہے۔پنجاب اسمبلی کی تحلیل کے حوالےسےاپنے ایک بیان میں وزیرداخلہ نے کہا کہ اسمبلیوں کو وقت سےپہلے توڑناغیرجمہوری اور غیر آئینی کام ہے، ہم نے کوشش کی تاکہ ریکارڈ پررہے ہم نےاس غیرجمہوری عمل میں ساتھ نہیں دیا۔

کراچی الیکشن، ایم کیو ایم کا تاخیر کا مطالبہ، کب ہوں گے کچھ نہیں کہہ سکتا، شرجیل…

راناثنااللہ نے کہا کہ بعض معاملات آئینی اور قانونی ہونے کے باوجود نامناسب ہوتے ہیں، اگر الیکشن ہوتے ہیں تو بھرپور انداز میں لڑیں گے اور کامیاب ہوں گے۔انہوں نے مزید کہا کہ عمران خان نے ضد، انا اور جھوٹے بیانیے کی خاطرسائفروالا معاملہ چلایا، عوام میں جائیں گے توعمران خان کےکالےکرتوت سامنےرکھیں گے،

جس نے پاکستان کو چلانا ہے وہ اسٹیبلشمنٹ کے ساتھ نہیں لڑسکتا،عمران خان

وزیرداخلہ کے مطابق وزیراعظم کی کوششوں سےملکی معیشت بحرانی کیفیت سے باہر نکل آئے گی مگر ایک بدبخت شخص ملکی معیشت کو بحرانی کیفیت میں لے جانا چاہتاہے۔دوسری جانب میڈیا سے گفتگو میں وزیراعلیٰ کی سمری پروہی ہوگا جو آئین وقانون کہتاہے، ہم الیکشن سے گھبرانے والے نہیں۔ آخرمیں جوعمران خان کے ساتھ ہوناہےپھرپتہ لگے گا۔

وزیراعظم کے دورہ یو اے ای پر مشترکہ اعلامیہ جاری

دوسری طرف گورنرپنجاب محمد بلیغ الرحمان نے پنجاب اسمبلی کےانتخابات 12 اپریل کو کرانے کی تجویز پیش کر دی، اسمبلی تحلیل کرنے کی سمری پر آج رات دستخط کیے جانے کا امکان ہے۔

ذرائع کے مطابق گورنر پنجاب محمد بلیغ الرحمان کی پنجاب اسمبلی کی تحلیل کے حوالےسےآئینی ماہرین سےمشاورت مکمل ہو گئی، گورنرپنجاب آج رات وزیراعلیٰ پنجاب کی سمری پردستخط کرسکتے ہیں،جس کےبعد پنجاب اسمبلی آج رات ہی تحلیل ہونے کا امکان ہے۔گورنرپنجاب محمد بلیغ الرحمان نے وزیر اعظم کو پنجاب اسمبلی کےانتخابات 12اپریل کو کرانے کی تجویز پیش کر دی۔

واضح رہے کہ وزیراعلیٰ پنجاب چودھری پرویز الٰہی نے گزشتہ رات پنجاب اسمبلی تحلیل کرنے کی سمری گورنر پنجاب کو ارسال کی تھی۔

اسلام آباد:چیف شماریات ڈاکٹر نعیم الظفر کاکہناہے کہ نئی ڈیجیٹل مردم شماری مارچ میں شروع ہوگی اوراپریل میں مکمل ہوگی۔اسلام آباد میں میڈیا سے گفتگو میں ممبر شماریات سرور گوندل کے ہمراہ میڈیا سے گفتگو میں ڈاکٹر نعیم الظفر کا کہنا تھا کہ ڈیجیٹل مردم شماری پر34ارب روپےخرچ ہوں گے جبکہ گزشتہ مردم شماری پر17ارب روپے کےاخراجات آئےتھے۔

اس مرتبہ مردم شماری سب کیلئے قابل قبول ہو گی،سعید غنی

چیف شماریات نے کہا کہ مردم شماری کےلیے ایک لاکھ21 ہزار شمار کنندگان کی خدمات حاصل کی گئی ہیں جبکہ ڈیجیٹل مردم شماری کیلئے ایک لاکھ 26 ہزار ٹیبلٹ خریدے گئے ہیں۔ڈاکٹر نعیم الظفر کا کہنا تھا کہ نئی مردم شماری میں فوج صرف سیکیورٹی فراہم کرےگی، مردم شماری کیلئے سیاسی جماعتوں کو اعتماد میں لیا گیا۔انہوں نے کہا کہ 6 ماہ یا اس سے زائد عرصہ کسی جگہ قیام کرنے والوں کوشمارکیاجائے گا۔ کہا مردم شماری میں غیرملکی شہریوں کو بھی شمار کیا جائے گا تاہم غیرملکیوں سے ان کی شہریت پوچھی جائے گی۔

ڈیرہ غازی خان: ڈویژن میں ساتویں ڈیجیٹل خانہ اور مردم شماری کا تیسرا مرحلہ 7 جنوری…

اس موقع پر ممبر شماریات سرور گوندل کا کہنا تھا کہ نئی مردم شماری کیلئے قومی شناختی کارڈ کی شرط نہیں ہوگی جبکہ مردم شماری کے ساتھ اکنامک ڈیٹا کا فریم ورک بھی تیار کیا جائے گا۔

برطانیہ میں سب سے تیزی سے پھیلنے والا مذہب اسلام:مردم شماری رپورٹ جاری

اس سے چند دن  پہلےسندھ کے صوبائی وزیر، سعید غنی نے کہا تھا  کہ ڈیجیٹل مردم شماری اچھا قدم ہے،اس کی اہمیت کو سمجھتے ہیں،2017 میں جو خدشات تھے وہ اب نہیں ہونگے،

سعید غنی کا کہنا تھا کہ صوبوں کے درمیان ہم آہنگی ہوگی توہم بہترمنصوبہ بندی کرسکیں گے،سندھ حکومت ادارہ شماریات سے مکمل تعاون کرے گی،کراچی سمیت سندھ کی گنتی بہترکی جائے گی،مردم شماری ترقی کی بنیاد ہے،ماضی میں کیے گئے مردم شماری پر اعتراضات اٹھائے گئے،صوبوں کے درمیان اعتماد کی فضا قائم ہونی چاہیے،مردم شماری میں گزشتہ اعتراضات کو ختم کرنا ہوگا مردم شماری ایسی ہو جس میں کسی کو بھی اعتراضات نہ ہو،مردم شماری کو قومی فریضہ سمجھ کر کیا جائے،مردم شماری کی بنیاد پر وسائل کی تقسیم اور قومی اسمبلی میں نمائندگی ملتی ہے ، اس مرتبہ مردم شماری سب کیلئے قابل قبول ہو گی، بدقسمتی سے ملک میں وقت پر مردم شماری نہیں ہوتی،

پیپلز پارٹی کے رہنما، صوبائی وزیر سعید غنی کا مزید کہنا تھا کہ سی سی آئی میں بھی وزیراعلیٰ سندھ نے مردم شماری کا معاملہ اٹھایا، مردم شماری سے بلدیاتی الیکشن پر اثر نہیں پڑے گا،مردم شماری مکمل ہونے کے بعد ہی نئی حلقہ بندیاں ہوں گی،

کراچی: امریکی سفارت خانے نے سیاحتی اور کاروباری ویزوں میں توسیع کے خواہش مند پاکستانی شہریوں کے لیے انٹرویو کی چُھوٹ میں مزید توسیع کردی۔
میڈیا رپورٹس کے مطابق امریکی سفارت خانے کی جانب سے جاری بیان میں کہا گیا ہے کہ یہ فیصلہ کسٹمر سروس کو بہتر بنانے کی کوششوں کے سلسلے میں کیا گیا ہے۔

یہ سہولت بی ون یا بی ٹو سیاحتی اور کاروباری ویزوں کے حامل ایسے افراد کے لیے ہے جن کے ویزوں کے میعاد 48 ماہ میں ختم ہو چکی ہے۔علاوہ ازیں ویزہ انٹرویو میں چُھوٹ میں توسیع سے صرف وہ درخواست دہندگان فائدہ اُٹھاسکیں گے جو دوسری یا تیسری بار توسیع کروانا چاہ رہے ہیں۔

پہلی بار ویزا کی درخواست دینے والے اس سہولت سے فائدہ نہیں اُٹھاسکیں گے۔وزیر خارجہ بلاول بھٹو زرداری نے امریکی وزیر خارجہ انٹونی بلنکن کا انٹرویو چُھوٹ میں توسیع دینے پر شکریہ ادا کیا۔

بھارتی وزیر اعظم کے دورہ پاکستان کے حوالہ سے خبروں پر دفترخارجہ کا ردعمل

پاکستان وزارت خارجہ کے جاری کردہ بیان کے مطابق بلاول بھٹو زرداری نے دارالحکومت واشنگٹن میں انتھونی بلنکن کے ساتھ اس سلسلے میں ملاقات کی تھی ۔ مذاکرات میں دو طرفہ تعلقات اور افغانستان سمیت علاقائی مسائل پر بات چیت کی گئی۔ دونوں وزراء نے باہمی تعلقات کے مثبت بہاو پر اطمینان کا اظہار کیا ہے۔

وزیر خارجہ بلاول بھٹو زرداری نے سیلاب زدگان کے لئے 97 ملین ڈالر امداد پر امریکہ کا شکریہ ادا کیا ۔