وزیر اعلی پنجاب سردار عثمان بزدار کی ہدایت پر چاروں تحصیلوں میں کورونا ایس او پیز کیساتھ ریونیو عوامی خدمت کچہریوں کا انعقاد کیا گیا-
ڈپٹی کمشنر آغا ظہیر عباس شیرازی نے ڈسٹرکٹ ہیڈ کوارٹر پر جبکہ اسسٹنٹ کمشنرز نے تحصیلوں میں کچہریاں لگا کر سائیلین کے مسائل اور شکایات سنیں اور ان کے حل کیلئے موقع پر موجود افسران مال کو ہدایات دیں-اسسٹنٹ کمشنر بختیار اسماعیل بھی ان کے ہمراہ تھے-ریونیو عوامی خدمت کچہری کے دوران سائلین کی طرف سے درستگی ریکارڈ،فردات،انتقالات،
ڈومیسائل،انکم سرٹیفکیٹس بارے درخواستیں دی گئیں-ڈپٹی کمشنر اور اسسٹنٹ کمشنرز نے موقع پر درخواستوں پر عملدرآمد کرادیا-
اس موقع پر ڈپٹی کمشنر نے کہا کہ ریونیو خدمت کچہریوں کے ذریعے عوامی شکایات اور مسائل کا موقع پر ازالہ کیا جارہا ہے
درخواستوں پر عملدرآمد بارے خود بھی فیڈ بیک لیتا ہوں-
