چکوال: ضلع بھر میں جمعہ کا لاک ڈاﺅن ختم کر دیا گیا
چکوال:اب جمعہ کے دن سمیت ہفتہ کے ساتوں روز کارباری مراکز کھلے رہیں گے
چکوال: ڈپٹی کمشنر کیپٹن (ر) بلال ہاشم نے نوٹیفیکشن جاری کر دیا
کورونا ایس او پیز پر مکمل عمل درآمد کے ساتھ کاروبار جاری رکھنے کی اجازت دی گئی ہے.
اس سے پہلے پنجاب میں صرف ضلع چکوال میں جمعہ کو لاک ڈاؤن کا اعلان تھا اور تمام کاروبار بند ہوتے تھا.
ڈپٹی کمشنر بلال ہاشم نے کہا ہے کہ ضلع میں ڈرگ ایکٹ کا کامل نفاذ یقینی بنا کر صحت عامہ کا تحفظ ضلعی انتظامیہ کی اولین ترجیح ہے۔
انہوں نے کہا کہ ڈرگ ایکٹ کی خلاف ورزی میں ملوث پائے گئے میڈیکل سٹور مالکان کو قطعاً معاف نہیں کیا جائے گا۔
ڈپٹی کمشنر نے ڈرگ انسپکٹرز کو احکامات جاری کئے کہ عطائیت کا مکمل خاتمہ یقینی بنانے کے لئے سخت گیر کریک ڈاؤن مستقل طور پر جاری رکھاجائے۔
ڈپٹی کمشنر نے مزید کہا کہ ڈرگ سیل لائسنس اور کوالیفائڈ پرسن کے بغیر کسی میڈیکل سٹور پر ادویات فروخت نہیں کی جا سکیں گی۔
انہوں نے اجلاس کے دوران پیش کئے گئے ڈرگ ایکٹ کی خلاف ورزیوں پر مبنی کیسز کا مفصل جائزہ لیا اور کوالٹی کنٹرول بورڈ کی مشاورت سے قانونی کارروائی کے لئے فیصلے کئے.
حکومت پنجاب کی ہدایت پر 05 فروری یوم یکجہتی کشمیر کو بھر پور انداز میں منانے کے لئے ضلعی انتظامیہ نے تیاریاں شروع کردیں-
اس حوالہ سے ڈپٹی کمشنر آغا ظہیر عباس شیرازی کی زیر صدارت اجلاس میں ضلعی اور تحصیل سطح پر پروگرامز کی منصوبہ بندی کرلی گئی-ڈپٹی کمشنر نے سی ای او ایجوکیشن کو سکولوں میں تقرریری اور ملی نغموں جبکہ ڈی ایس او کو کھیلوں کے مقابلے کرانے کی ہدایت کی- انہوں نے لوکل گورنمنٹس کو یکجہتی کے حوالہ سے پینا فلیکسز اور پاکستان اور کشمیر کے جھنڈے اہم سڑکوں،چوکوں پر لگانے کا ٹاسک بھی دیدیا-
اس موقع ہر طے کیا گیا کہ 5 فروری کو سیمینار اور واک کا مرکزی پروگرام جناح لائیبریری میں ہوگا جبکہ تحصیلوں میں اسسٹنٹ کمشنرز کی زیر قیادت واکس ہونگی- اجلاس سے خطاب کرتے ہوئے ڈپٹی کمشنر نے کہا کہ یکجہتی کشمیر کے حوالہ سے تقریبات میں لوگوں کی کورونا ایس او پیز کے تحت شرکت یقینی بنائی جائے انہوں نے کہا کہ تقریبات کا مقصد دنیا کو پیغام دینا ہے کہ پوری پاکستانی قوم مظلوم کشمیری بھائیوں کیساتھ ہے- اجلاس میں اے ڈی سیز،اسسٹنٹ کمشنرز،محکموں کے ہیڈز نے شرکت کی-
وزیر اعلی پنجاب سردار عثمان بزدار کی ہدایت پر دیگر اضلاع کی طرح ضلع خانیوال کی چاروں تحصیلوں میں بھی ہرماہ کی یکم تاریخ کو باقاعدگی کے ساتھ ،،ریونیو عوامی خدمت کچہریاں،، لگائی جارہی ہیں
کمشنر ملتان ڈویژن ملتان جاوید اختر محمود نے اچانک تحصیل ہیڈکوارٹر میاں چنوں میں لگائی گئی ریونیو عوامی خدمت کچہری کا معائنہ کیا اور خدمت کچہری میں آنے والے سائلین کے مسائل خود سن کر موقع پر ان کے فوری ازالہ کے لیے متعلقہ ریونیو افسران کو احکامات دیے-
اس موقع پر ڈپٹی کمشنر آغا ظہیر عباس شیرازی ،اسسٹنٹ کمشنر میاں چنوں ذیشان ندیم بھی ان کے ہمراہ تھے۔ڈپٹی کمشنر آغا ظہیر عباس شیرازی نے کمشنر کو چاروں تحصیلوں میں لگائی جانے والی ریونیو خدمت کچہریوں میں عوامی مسائل کے حل بارے اقدامات سے آگاہ کیا ۔کمشنر جاوید اختر محمود نے اس موقع پر میڈیا سے گفتگو کرتے ہوئے کہا کہ حکومت پنجاب کی پالیسی کے تحت ڈویژن بھر میں ہرماہ کی یکم تاریخ کو باقاعدگی سے ریونیو عوامی خدمت کچہریاں لگائی جارہی ہیں
سائلین کی درخواستوں پر عمل درآمد بارے ڈپٹی کمشنرز سے خود فیڈبیک لیتا ہوں انہوں نے کہا کہ تمام افسران پر واضح کردیا ہے کہ اب ضلع میں کام کرنے والا افسر ہی رہے گا انہوں نے ایک سوال پر کہا کہ ٹی ایچ کیو ہسپتال میاں چنوں میں اس وقت پانچ ڈائیلاسز مشینیں فنکشنل ہیں ڈپٹی کمشنر کو مزید مشینوں کے لئے ڈونرسے رابطے کی ہدایت کردی ہے ۔کمشنر نے کہا کہ موسم بہار پر ڈویژن میں رنگا رنگ ثقافتی پروگرام ترتیب دیے جا رہے ہیں تمام اضلاع کے ضلعی انتظامیہ کو شجرکاری اور صفائی پر بھی خصوصی توجہ دینے کی ہدایات دی جا چکی ہیں ۔
کمشنر ملتان جاوید اختر محمود کا میاں چنوں کا اچانک دورہ.ٹراما سنٹر, ٹی ایچ کیو ہسپتال, کھلی کچہری, بلدیہ کا وزٹ…
کمشنر ملتان جاوید اختر محمود اور ڈپٹی کمشنر خانیوال آغا ظہیر عباس ملاقات کے دوران
ہسپتال کی بہتری. ٹراما سنٹر کی بلڈنگ کا وزٹ بھی کیا اور کھلی کچہری میں شہریوں کے مسائل سنے اور ان کو حل کرنے کے احکامات جاری بھی کیے
وزیر اعلی پنجاب سردار عثمان بزدار کی ہدایت پر حلقہ پی پی 209 کے عوام کو طبی سہولیات انکی دہلیز ہر فراہمی کے کیلئے بڑا اقدام اٹھاتے ہوئے
ڈپٹی کمشنر آغا ظہیر عباس شیرازی اور ایم پی اے فیصل اکرم نیازی نے چک 78 پندرہ ایل میں رورل ہیلتھ سنٹر کا سنگ بنیاد رکھ دیا- 30 بستروں پر مشتمل ہسپتال پر ساڑھے 15 کروڑ روپے لاگت آئیگی منصوبہ کی تکمیل کے لئے 22 ماہ کی ڈیڈ لائن مقرر کی گئی ہے جبکہ اس سہولت سے 1 لاکھ سے زائد آبادی مستفید ہوگی- افتتاحی تقریب سے خطاب کرتے ہوئے ایم پی اے فیصل اکرم نیازی نے کہا کہ یہ
منصوبہ علاقہ کے عوام سے وزیر اعلی پنجاب کی محبت کا عملہ ثبوت ہے حلقہ میں مزید ترقیاتی کام کرائے جائینگے انہوں نے کہا کہ موجودہ پنجاب حکومت دعوئوں نہیں کام پر یقین رکھتی ہے ماضی میں علاقہ کو نظر انداز کیا گیا
ڈپٹی کمشنر آغا ظہیر عباس شیرازی نے خطاب کرتے ہوئے کہا کہ
محکمہ بلڈنگز کے کو تعمیراتی کام وقت کے اندر مکمل کرنے کی ہدایت کردی ہسپتال کے فنشگنل ہونے کے بعد علاقہ کے عوام دہگر ہسپتالوں میں نہیں جانا پڑے گا- افتتاحی تقریب میں ایکسئین بلڈنگز ماجد چغتائی نے ڈپٹی کمشنر اور ایم پی اے کو بریفنگ دی- اس موقع پر اہل علاقہ کی بڑی تعداد بھی موجود تھی-
اسسٹنٹ کمشنر ذیشان ندیم میاں چنوں کی سربراہی میں تجاوزات کے خلاف آپریشن
چیف آفیسر میونسپل کمیٹی خداداد تارڑ نے اپنی نگرانی میں مختلف بازاروں سے تجاوزات کے خاتمے کیلئے آپریشن کیا. شہریوں کو خود سے تجاوزات ہٹانے کی بھی ہدایت کی گئی۔
حکومت پنجاب کی عوام دوست پالیسی کے تحت ایک قدم اور آگے بڑھتے ہوئےڈپٹی کمشنر کمشنرآغا ظہیر عباس شیرازی نے ای کچہری فیس بک لائیو سیشن میں تقریبا” ایک گھنٹہ شہریوں کے انفرادی اور اجتماعی مسائل سنے-
ای کچہری کے دوران شہریوں کی جانب سے سیوریج،تجاوزات،سرکاری رقبوں پر ناجائز قابضین، آوارہ کتوں کی بھرمار،_صفائی سمیت مختلف مسائل کی نشاندہی کی گئی- ڈپٹی کمشنر نے افسران کو مسائل کا فوری ازالہ کرکے رپورٹ کرنے کا حکم دیا- اس موقع پر شہریوں سے گفتگو کرتے ہوئے ڈپٹی کمشنر نے کہا کہ خانیوال کے لئے نیا سیوریج پلان بنایا جارہا ہے قبرستانوں اور موٹر وے انٹرچینجز لنکس روڈز پر صفائی لائٹنگ کے انتظامات کئے جائینگے-
انہوں نے کہا کہ تمام سرکاری محکموں کے افسران کو عوام کی خدمت کا سختی سے پابند کیا گیا ہے اسسٹنٹ کمشنرز کو بھی تحصیلوں میں کھلی کچہریاں لگانے کی ہدایت کردی ہے- ڈپٹی کمشنر نے مزید کہا کہ ضلع کے مسائل سے کبھی آنکھیں بند نہیں کیں دستیاب وسائل کے مطابق خدمت جاری رکھوں گا-
بڑھتی آبادی کی روک تھام کیلئے محکمہ بہبود آبادی خانیوال نے اقدامات تیز کردیئے- ڈپٹی کمشنر آغا ظہیر عباس شیرازی نے کی کارکردگی کا جائزہ لینے کیلئے اجلاس طلب
خانیوال بڑھتی آبادی کی روک تھام کیلئے محکمہ بہبود آبادی خانیوال نے اقدامات تیز کردیئے- ڈپٹی کمشنر آغا ظہیر عباس شیرازی نے کی کارکردگی کا جائزہ لینے کیلئے اجلاس طلب کرکے بریفنگ لی اور آگاہی سرگرمیوں میں تیزی لانے کی ہدایت کی-
اجلاس میں اے ڈی سی محمد اختر منڈھیرا،چاروں تحصیلوں کے اسسٹنٹ کمشنرز ذیشان ندیم، بابر سلیمان،بختیار اسماعیل،خرم حمید،ضلعی افسر محکمہ بہبود آبادی چوہدری مجیب ربانی، سی ای او تعلیم الطاف لڑکا،سماجی رہنما بسم اللہ ارم،سمیت محکمہ بہنود آبادی کے افسران نے شرکت کی- ضلعی افسر محکمہ بہبود آبادی چوہدری مجیب ربانی نے محکمانہ کارکردگی بارے بریفنگ دی- اجلاس سے خطاب کرتے ہوئے ڈپٹی کمشنر نے کہا کہ فلاحی مراکز پر ڈاکٹروں و عملہ کی حاضریاں یقینی بنائی جائیں آگاہی مہم میں علماء کرام کی شمولیت بھی یقینی بنائی جائے-
خانیوال ڈپٹی ڈائریکٹر اینٹی کرپشن خانیوال سید وسیم حسن کا ڈائریکٹر اینٹی کرپشن ملتان کی ہدایات کی روشنی میں اپنی ٹیم اور سول ڈیفنس آفیسر کے ہمراہ دبنگ کاروائی تحصیل خانیوال میں 12 غیر قانونی پٹرول پمپس سیل
ڈپٹی ڈائریکٹر اینٹی کرپشن خانیوال سید وسیم حسن کا ڈائریکٹر اینٹی کرپشن ملتان کی ہدایات کی روشنی میں اپنی ٹیم اور سول ڈیفنس آفیسر کے ہمراہ دبنگ کاروائی تحصیل خانیوال میں 12 غیر قانونی پٹرول پمپس سیل کردئیے اور تحصیل میاں چنوں میں 9 غیر قانونی پٹرول پمپس اور ساتھ ہی چک نمبر 56/15 ایل اور 85/15 ایل میں 201 کنال 4 مرلہ سرکاری اراضی ناجائز قابضین سے واگزار جسکی مالیت 4 کروڑ تیس لاکھ مالیت ہے جو واگزار کرواکر ریونیو ڈیپارٹمنٹ کے حوالے کر دی گئی
اس کے علاؤہ تحصیل کبیر والا کے مضافات میں ایس ڈی او اریگیشن کے ہمراہ 5 عدد موگے بھی چیک کئیے گئے جو ٹیمپرڈ پائے گئے جسکی وجہ سے پانی چوری کا سلسلہ جاری تھا جن کے خلاف محکمہ انہار کو فوری کاروائی کے احکامات جاری کئے گئے اس موقع پر ڈپٹی ڈائریکٹر اینٹی کرپشن سید وسیم حسن نے میڈیا کو بتایا کہ پنجاب حکومت کی ہدایت کے مطابق کسی غیر قانونی اور ایرانی پٹرول پمپ خصوصاً کسی قبضہ گروپ کو سرکاری اراضی پر قبضہ کی اجازت نہیں دی جاے گی اور ساتھ ہی ساتھ محکمہ انہار میں پانی کی ترسیل کے حوالے سے کاشتکاروں کے ساتھ ہونے والی زیادتی بھی کسی صورت برداشت نہیں کی جاے گی انہوں نے یہ بھی کہا کہ ڈایریکٹر اینٹی کرپشن ملتان نے احکامات جاری کئے ھیں کہ بلا امتیاز غیرقانونی طور پر پٹرول پمپ چلا کر سرکاری خزانے کو اور ناجائز قابضین سے سرکاری اراضی کا ایک ایک انچ واگزار کروایا جاے گا