معروف اداکارہ نادیہ خان نے پچھلے دنوں ڈرامہ سیریل جنت سے آگے پر جم کر تنقید کی اور کہا کہ ڈرامہ اس قدر بورنگ ہے کہ دیکھنے کو دل ہی نہیں کیا ، دو اقساط نہایت ہی مشکل سے دیکھیں. اس ڈرامے کے ڈائریکٹر حسیب حسن نے اس تنقید پر رد عمل دیتے ہوئے نادیہ خان کا نام نہیں لیا لیکن ان کو ان ڈائریکٹ خوب سنا دی ہیں. ہدایت کار نے لکھا کہ معروف شخصیات کے پاس طاقت ہوتی ہے کہ وہ ٹی وی یا سوشل میڈیا کے ذریعے عوام کی ذہن سازی کریں، لیکن اکثر بےاحتیاطی برتتے ہیں۔ ہم ڈراموں کے ذریعے یہ سکھاتے ہیں کہ کسی بھی اقدام کا کیا نتیجہ نکل سکتا ہے۔
انہوں نے مزید لکھا کہ ”عوام کو آگاہی دینے کے لئے ہم اچھے اور برے دونوں قسم کے کردار دکھاتے ہیں”، قومی ہیروز کو بھی دکھاتے ہیں اور کرپٹ پولیس یا سیاست دان کو بھی، اس وقت تو کوئی آکر یہ نہیں کہتا کہ ’کیلیں چُب رہی ہیں۔حسیب حسن نے مزید تنقید کرتے ہوئے کہا کہ شوبز شخصیات کو پیسے دے کر تنقید کرنے کے لیے بٹھایا گیا ہے تو تخلیقی تجزیہ پیش کریں.یوں حسیب حسن نے لے لیا ہے نادیہ خان کو آڑھے ہاتھوں.
