اداکارہ سونیا حسین کے انٹرویو کا ایک کلپ وائرل ہو رہا ہے، جس میں وہ کہہ رہی ہیں کہ فنکار ملینز میں پیسے لیکر کسی کی بھی شادی میں دلہن یا دلہا کا دوست بن کر جاتے ہیں اور تصاویر بنواتے ہیں. انہوں نے کہا کہ لیکن میں ایسا نہیں کرتی حالانکہ مجھے بہت بار ایسی آفر ہو چکی ہے. انہوں نے مزید یہ بھی کہا کہ میری فلم ٹچ بٹن جو کہ گزشتہ برس ریلیز ہوئی تھی ، اس کے کچھ بہت ضروری سینز کاٹ دئیے گئے، جس کی وجہ سے کہانی پر بہت زیادہ اثر پڑا.لیکن اس کے باوجود فلم نے بہت اچھا بزنس کیا. سونیا حسین نے کہا کہ فلم کی کاسٹ کے ساتھ کام کرکے بہت مزا آیا.
انہوں نے بالی وڈ اداکارہ پریانکا چوپڑا کو بہترین اداکارہ قرار دیتے ہوئے کہا کہ اگر انہیں ان کے ساتھ جڑواں بہن کے کردار کی پیش کش ہوئی تو وہ ضرور ان کے ساتھ کام کریں گی۔انہوں نے اس تاثر کو مسترد نہیں کیا کہ وہ پریانکا چوپڑا کی ہم شکل نہیں۔یاد رہے کہ فلم کی ریلیز سے پہلے جتنی بھی پرموشنز ہوئیں اس میں سونیا حسین بالکل بھی نظر نہیں آئیں تھیں، اسکی بڑی وجہ یہ تھی کہ عروہ نے سونیا کو ان کے پیسے نہیں دئیے تھے ، بعد ازاں یہ معاملہ حل کر لیا گیا، اور سونیا چند ایک پرموشنز کا حصہ بنی. ٹچ بٹن باکس آفس پر بہت اچھا بزنس نہیں کر سکی تھی.
