اداکار فرحان سعید نے بھارتی میڈیا کے ساتھ گفتگو کرتے ہوئے کہا ہے کہ پاکستان میں آج بھی معیاری ڈرامہ بن رہا ہے اور اس کی کہانیاں حقیقت کے قریب ہوتی ہیں یہی وجہ ہیں کہ ان کو بھارت میں پسند کیا جا رہا ہے. ہمارے ڈرامے آج بھی بھارت میںمقبول ہیں. انہوں نے ایک سوال کے جواب میں کہا کہ انڈیا میںجو ڈرامے بنتے ہیں وہ 450 اقساط پر مشتمل ہوتے ہیں. اور ان کی کہانیوں کا حقیقت بالکل بھی کوئی تعلق نہیں ہوتا، انہوں نے کہا کہ اگر بھارت میں ایسے ڈرامے بنائے جاتے ہیں تو اس کی وجہ یہ ہوسکتی ہے کہ لوگ آج بھی انہیں دیکھ رہے ہیں، اسی طرح وہاں پاکستانی ڈراموں کو بھی دیکھنے اور پسند کرنے والے ہیں۔
فرحان سعید نے کہاکہ ”میں کردار اور پراجیکٹس بہت سوچ سمجھ کر سائن کرتا ہوں”، جہاں تک فلاپ یا ہٹ کا تعلق ہے تو آڈینز کے مزاج کا کچھ پتہ نہیں چلتا کہ ان کو کب کیا اچھا لگ جائے اور بعض اوقات تو بہت اچھی چیز بھی نہیں چلتی تو یہ تو چلتا رہتا ہے. یاد رہے کہ فرحان سعید نہ صرف اچھے اداکار ہیں بلکہ بہترین گلوکار بھی ہیں ، انہوں نے عروہ حسین کے ساتھ شادی کی ، ان کی شادی اتار چڑھائو کا شکار رہی لیکن یکبار پھر یہ دونوںہنسی خوشی زندگی بسر کررہے ہیں.
