Baaghi TV

Tag: drama

  • مدیحہ افتخار نے شادی کے بعد اپنے شوہر سے کیا کہا ؟‌

    مدیحہ افتخار نے شادی کے بعد اپنے شوہر سے کیا کہا ؟‌

    اداکارہ مدیحہ افتخار جنہوں نے شادی کے بعد اداکاری کو چھوڑ دیا انہوں نے اپنےحالیہ انٹرویو میں‌کہا ہے کہ میں جب کام کررہی تھی تو مجھے گھر بیٹھنے والی خواتین پر بہت زیادہ رشک آتا تھا ، مجھے لگتا تھا کہ وہ ایک پرسکون زندگی گزاررہی ہیں اور میں کام کررہی ہوں، شادی کے بعد جب میرے شوہر نے کہا کہ تم اداکاری کو جاری رکھ سکتی ہو تو میں نے ان سے کہا کہ نہیں اب میں گھر بیٹھ کر پر سکون زندگی گزارنا چاہتی ہوں، انہوں‌نے کہا کہ میں نے یہ سن رکھا تھا کہ اداکار کبھی اداکاری نہیں چھوڑ سکتا لیکن میں خود کو دیکھوں تو مجھے لگتا ہے کہ غلط

    ہے یہ بات اداکار اداکاری چھوڑنے کا ٹھان لے تو چھوڑ دیتا ہے. انہوں نے کہا کہ میں‌نے بہت کام کیا ، میں شادی کرکے گھر بسانا چاہتی تھی جب میری شادی ہو گئی ہے تو یقینا میں گھر ہی بیٹھنے کو ترجیح دوں گی اس لئے میں نے فیصلہ کر لیا ہے کہ اب اداکاری نہیں کرنی بس گھر داری کرنی ہے اور گھر میں ہی رہنا ہے. یاد رہے کہ مدیحہ افتخار نے کم مگر معیاری کام کیا ہے ،مدیحہ ایک بڑی فین فالونگ رکھتی ہیں انہوں نے جب اداکاری چھوڑنے کا اعلان کیا تو ان کے مداح افسردہ ہو گئے.

  • پہلے پروگرام کے تین ہزار روپے ملے رباب ہاشم

    پہلے پروگرام کے تین ہزار روپے ملے رباب ہاشم

    اداکارہ رباب ہاشم نے اپنے حالیہ انٹرویو میں کہا ہےکہ میں نے پہلی جاب دس سال کی عمر میں کی تھی ، اور مجھے اس کے تین ہزار روپے ملے تھے ، میں نے ٹی وی پر بچوں کے پروگرام سے شروعات کی ،اسی کے لئے پہلا آڈیشن بھی دیا تھا اور خوش قسمتی سے میرا انتخاب بھی کر لیا گیا تھا، رباب ہاشم نے ایک سوال کے جواب میں کہا کہ میں نے ہمیشہ وہ کردار کئے ہیں جو مجھے مطمئن کرتے ہیں ہاں بہت سارے کردار ہیں جو ابھی آفر ہی نہیں ہوئے اگر ہوں تو یقینا میں کروں‌گی میں منفرد کام کرنے کی خواہاں ہوں. رباب ہاشم نے مزید کہا کہ میں کم مگر معیاری کام کرنے

    کو ترجیح دیتی ہوں. یاد رہے کہ رباب ہاشم نے نہایت کم عرصے میں شوبز انڈسٹری میں اپنی پہچان بنائی تاہم انہوں نے کیرئیر کے عروج پر ہی شادی کر لی ، اب رباب کافی عرصے سے ڈراموں میں نظر نہیں آرہی ، تاہم ان کے مداح ان کو پھر سے ٹی وی سکرینز پر دیکھنا چاہتے ہیں. رباب ہاشم نے اپنے ابھی تک کہ کیرئیر میں سنجیدہ کردار ہی کئے ہیں ، کامیڈی کرداروں میں نہ ہونے کے برابر نظر آئی ہیں.

  • فریال محمود نے خواتین کو غلط کیوں کہہ دیا

    فریال محمود نے خواتین کو غلط کیوں کہہ دیا

    ڈرامہ آرٹسٹ فریال محمود نے کہا ہے کہ اکثر میرے سننے میں آتا ہے کہ مرد بہت برے ہوتےہیں وہ خواتین کو ہراساں کرتے ہیں اور یہ چیز شوبز انڈسٹری میں بہت زیادہ پائی جاتی ہے، لیکن میں اس چیز سے اتفاق نہیں کرتی کیونکہ مرد نہیں بلکہ عورتیں بھی بری ہوتی ہیں وہ بھی ہراساں کرتی ہیں وہ خود مردوں‌کو ڈھیل دیتی ہیں تو مرد بھی آگے بڑھتا ہے. مرد کبھی بھی عورت کی اجازت کے بغیر آگے نہیں بڑھتا نہ ہی اسکو دوستی کی آفر کرتا ہے. فریال محمود نے کہا کہ میں نے تو بہت ساری مرکزی کردار کرنے والی ہیروئنز کو بھی دیکھا ہے وہ خود ڈائریکٹروں اور پرڈیوسروں

    کے ساتھ اپنی تصاویر لیکر سوشل میڈیا پر شئیر کرتی ہیں اور پھر کہتی ہیں کہ ہمیں فلاں نے یہ کہہ دیا فلاں نے وہ کہہ دیا. انہوں نے یہ بھی کہا کہ شوبز انڈسٹری میں ایمانداری کے ساتھ چلنا اور کام کرنا بہت زیاہ ممکن ہے. انڈسٹری میں گروپس بنے ہوئے ہیں اور جو بھی کسی گروپ کا حصہ بنتا ہے اسکو کام مل جاتا ہے باقیوں کو کام نہیں‌ملتا. جبکہ میں کسی قسم کی گروپ بندی ٔپر یقین نہیں رکھتی میرا ایمان ہے کہ جو کام آپ کے نصیب میں ہو وہ آپ کو مل کر رہی رہتا ہے.

  • ندا یاسر رنگ گورا کرنے کے لئے کیا کرتی ہیں؟

    ندا یاسر رنگ گورا کرنے کے لئے کیا کرتی ہیں؟

    اداکارہ اور میزبان ندا یاسر کی تصاویر اکثر سوشل میڈیا پر گردش کرتی رہتی ہیں ان تصاویر میں ان کی رنگت کو لیکر سوشل میڈیا پر کافی بحث ہوتی ہے ، یہ بھی کہا جاتا ہےکہ اداکارہ رنگ گورا کرنے والی انجیکشنز لگواتی ہے، اس لئے ٹی وی پر بہتر نظر آتی ہے ، جبکہ تصاویر میں کالی نظر آتی ہیں. اس ساری بحث پر ندا یاسر نے دے دیا ہے جواب انہوں نے کہا ہے کہ میری رنگت آج بھی سانولی ہے اور میں نے کبھی رنگ گورا کرنے والے انجیکشنز نہیں‌لگوائے ہاں انہیں‌ پیتی ضرور ہوں، انہوں نے یہ بھی کہا کہ میں جو انجیکشنز پیتی ہوں ان کا نام گلوٹا تھائیون یہ جلد کے

    لئے بہت مفید ہوتے ہیں . ندا یاسر نے کہا کہ میرے کالج کے دنوں کی تصاویر سوشل میڈیا پر بہت زیادہ بحث کی جاتی ہے، تومیں بتا دوں کہ یہ تصاویر ان دنوں کی ہیں جب میں بسوں‌ پر کالج جایا کرتی تھی، کسی قسم کا کوئی سن بلاک نہیں لگاتی تھی ، نہ فیشل لیتی تھی ، اب میں سن بلاک لگاتی ہوں ، اعلی فیشلز لیتی ہوں اپنی جلد کا خیال رکھتی ہوں اس لئے کچھ بہتر نظر آتی ہوں لیکن میں ابھی تک سانولی ہی ہوں‌لیکن انجیکشن لگواتی نہیں پیتی ہوں. ایسا کوئی بھی کر سکتا ہے.

  • اچھی زندگی کیسے گزاری جا سکتی ہے دانش تیمور نے بتا دیا

    اچھی زندگی کیسے گزاری جا سکتی ہے دانش تیمور نے بتا دیا

    اداکار دانش تیمور نے اپنے حالیہ انٹرویو میں میاں بیوی کے رشتے پر بات کرتے ہوئے کہا ہےکہ شوہر اگر بیوی کا ساتھ دے تو وہ خوش ہوتی ہے، اگر وہ اس کی زمہ داریوں کو بانٹے تو بیوی کے دل میں اس کی قدر بڑھ جاتی ہے. دانش تیمور نے یہ بھی کہا کہ میاں بیوی گاڑی کے دو پہیے ہیں صرف یہ کہنے کی حد تک نہیں ہونا چاہیے بلکہ سمجھنا بھی چاہیے. لڑائی جھگڑا ہر رشتے میں ہوتا ہے میاں بیوی کے رشتے میں بھی یہ سب چلتا رہتا ہے لیکن اس کا مطلب یہ نہیں ہے کہ کسی معاملے پر اختلاف رائے ہے تو اس کو دونوں طرف سے انا کا مسئلہ بنا لیا جائے. شوہر کو چاہیے کہ وہ بیوی کی اور بیوی کو چاہیے کہ وہ شوہر کی ذمہ داریوں کو بانٹ لیں اچھے برے وقت میں‌ایک دوسرے کا ساتھ دیں تو رشتہ مضبوط ہوجاتا ہے.

    انہوں نے کہا کہ مجھے اس سوچ سے نفرت ہے کہ بیوی گھر میں غلام بن کر رہے اور شوہر حکم چلاتا رہے ، بھئی بیوی کیوں‌غلام بن کر رہے؟‌بیوی آپ کے گھر کو بناتی سنوارتی ہے آپ کے بچوں کو پالتی ہے ، آپ کا ٰخیال رکھتی ہے بلکہ اسکی تو قدر ہونی چاہیے. میں ایسی سوچ کو سپورٹ نہیں کرتا جو عورت کو غلام سمجھتی ہے.

  • غربت سہی ہے اسلئے کسی غریب کو دیکھ کر دل دکھ جاتا ہے صبا قمر

    غربت سہی ہے اسلئے کسی غریب کو دیکھ کر دل دکھ جاتا ہے صبا قمر

    اداکارہ صبا قمر جو کہ ملک کی نامور اداکارہ ہیں ، صبا قمر کا شمار آج سب سے زیادہ معاوضہ لینے والی اداکارائوں میں ہوتا ہے ، انہوں نے اپنے ھالیہ انٹرویو میں کہا ہے کہ میرا تعلق ایک بہت ہی غریب گھرانے سے تھا ، ہم نے جس غربت میں وقت گزارا اسکو بیان کرنا لفظوں میں تو ممکن ہی نہیں ہے. میں نے کبھی اپنے ماضی کو فراموش نہیں کیا ، نہ میں کبھی بھولی ہوں کہ ہم کن حالات میں تھے ،آج میرے پاس سب کچھ ہے ، لیکن جو وقت گزارا ہے اسکو دل اور دماغ کبھی نہیں بھولا. انہوں نے کہا کہ میں جب کسی غریب کو دیکھتی ہوں تو دل دکھتا ہے تکلیف ہوتی ہے ،

    سیاستدان جب کہتے ہیں کہ اس سال اتنے کروڑ لوگ غربت کی لیکر کے نیچے چلے جائیں گے تو اس پر دل پریشان ہوتا ہے، آج ملک کس نہج پر پہنچ گیا ہے اور ہم آپسی لڑائیوں سے ہی نہیں نکلتے ، سیاستدان آپ کے جھگڑے ختم کریں تو عوام پر کوئی توجہ دے نا، ایسا لگتا ہے کہ سیتدانوں کو عوام سے کوئی غرض نہیں ہے بس ان کو صرف اپنے ہی مفادات کا تحفظ کرنا ہے عوام جائے بھاڑ میں . خدا اس ملک پر رحم کرے .

  • صوفیہ احمد آج کل کہاں ہیں‌؟

    صوفیہ احمد آج کل کہاں ہیں‌؟

    اداکارہ صوفیہ احمد جو کہ اداکارہ تو اچھی تھیں لیکن وہ سکینڈلز کی زد میں رہیں ، صوفیہ آج کل امریکہ میں مقیم ہیں‌، انہوں نے اپنے ایک حالیہ انٹرویو میں کہا ہے کہ امریکہ جیسے ملک میں رہنا یہاں‌زندگی بسر کرنا آسان نہیں ہوتا. پاکستان میں تو ہم عیش سے رہتے ہیں ، خود اٹھ کر پانی پینا بھی محال لگتا ہے، ہر کام کرنے کےلئے نوکر گھر میں موجود ہوتے ہیں لیکن امریکہ جیسے ملک میں ایسا نہیں ہوتا ، یہاں ہر کام خود اکیلے کرنا پڑتا ہے اور یہاں تک کہ واش رومز تک خود صاف کرنے پڑتے ہیں. انہوں نے کہا کہ میں نے پاکستان اپنے خاندان کی کفالت کے لئے چھوڑا میں

    امریکہ میں جاب کررہی ہوں ، اور میری جاب بہت مشکل ہے. یہاں پاکستان کی طرح نہیں ہے کہ جاب پر لیٹ آگئے جلدی چلے گئے ، جہاں گھنٹہ کے حساب سے اجرت ملتی ہے اور جتنا کام کریں اتنی ہی اجرت ملتی ہے باقی کے پیسے کٹ جاتے ہیں. پاکستان میں انصاف نہیں ہے لیکن یہاں اس ملک میں انصاف ہونے کے ساتھ ساتھ انسانی حقوق کی مکمل پاسداری کی جاتی ہے. میں خوش ہوں جہاں ہوں اور جو بھی کررہی ہوں.لوگوں کو پاکستان میں لگتا ہےکہ باہر کے ملکوں میں بہت مزے ہوتے ہیں ایسا نہیں‌ہے بلکہ یہاں کی زندگی نہایت ہی مشکل ہے.

  • عورت کو ہی ولن اور ہیرو دکھایا جا رہا ہے نبیل قریشی

    عورت کو ہی ولن اور ہیرو دکھایا جا رہا ہے نبیل قریشی

    سینئر اداکار نبیل نے ڈراموں کی موجودہ صورتحال پر بات کرتے ہوئے کہا ہے کہ موجود ہ دور کے ڈراموں کا کینونس بہت چھوٹا ہو گیا ہے اب ڈراموں میں عورت کو ہی ہیرو اور عورت کو ہی ولن دکھایا جا رہا ہے۔ جو کہ مناسب بات نہیں ہے، ہر طرح کا کردار ہر ایکٹر کو ملنا چاہیے۔ انہوں نے کہا کہ تکنیکی اعتبار سے ڈرامہ اچھا ہو گیا ہے لیکن ویسے ڈرامے کا معیار تھوڑا نیچے آیا ہے۔ ریٹنگ کے چکر نے ڈرامے کو برباد کردیا ہے۔ ریٹنگ کی خاطر خواتین کو رلایا جاتا ہے، ڈرامہ بنانے والوں کو لگتا ہے کہ عورت کو رلائیں گے تو ہی ریٹنگ آئیگی لہذا عورت کو رلایا جاتا

    ہے اور کہانی کو کامیاب بنانے کی کوشش کی جاتی ہے۔ نبیل قریشی نے کہا کہ ہم نے جس دور میں کام کیا تب کہانیوں کے مضبوط ہونے پر فوکس کیا جاتا تھا صرف عورت کو رلانا ہے اس پر زور نہیں رکھاجاتا تھا۔ نبیل نے کہا کہ اس کے باوجود پاکستان میں ڈرامہ آج بھی اچھا بن رہا ہے اور پوری دنیا میں اسکو پسند کیا جاتا ہے۔نبیل نے مزید کہا کہ ہمارے ہاں فنکار بہت زیادہ باصلاحیت ہیں، مشکل سے مشکل کردار بھی زبردست انداز میں نبھاتے ہیں۔جونئیر فنکاروں کی فنکارانہ صلاحیتیں دیکھ کر میں حیران رہ جاتا ہوں۔

  • ڈرامے میں تبدیلی کیسے لائی جا سکتی ہے درفشاں نے بتا دیا

    ڈرامے میں تبدیلی کیسے لائی جا سکتی ہے درفشاں نے بتا دیا

    اداکارہ درفشاں نے اپنے حالیہ انٹرویو میں کہا ہے کہ ڈرامہ کی کہانیاں یکسانت کا شکار ہیں ایسا گلہ کرنے والے پہلے یہ بتائیں کہ کیا وہ مختلف کہانیاں دیکھنے کو تیار ہیں؟ یکسانیت کا شکار کہانیاں تب بدلیں گی جب مختلف کہانیاں دیکھنے کےلئے لوگ زہنی طور پر تیار ہوجائیں گے. اداکارہ نے کہا کہ میں ایک ہی قسم کے کردار بار بار کرنا پسند نہیں کرتی، لیکن کیا کیا جائے ہمارے ہاں کردار ہی ایسے لکھے جا رہے ہیں کہ جن میں بہت زیادہ ورائٹی نہیں ہوتی، ایسے میں ، رہ جاتا ہے باقی یہ کہ ہمیں جو کہانی آفر کی جا رہی ہے اس کی کہانی کتنی مضبوط ہے. لہذا میں

    کوئی بھی ڈرا مہ سائن کرنے سے پہلے اسکی کہانی کی مضبوطی کو دیکھتی ہوں کیونکہ ڈرامہ چلتا ہی اچھی کہانی کے سر پر ہے. انہوں نے کہا کہ میں ہر طرح کے کردار کرنا چاہتی ہوں، ہمارے ہاں ایک بہت بڑا مسئلہ ہے کہ ایک اداکار اگر کسی منفی کردار میں ہٹ ہوجائے تو پھر اسکو اسی میں ہی بار بار کاسٹ کیا جاتا ہے یہ غلط وریہ ہے اسکو تبدیل ہونے کی ضرورت ہے.ہر آرٹسٹ کو ہر طرح کے کردار ملنے چاہیں تاکہ وہ اپنی صلاحیتوں کو آزما سکے.

  • سعیدہ امتیاز کس رشتے پر یقین نہیں رکھتیں ؟

    سعیدہ امتیاز کس رشتے پر یقین نہیں رکھتیں ؟

    اداکارہ و ماڈل سعیدہ امتیاز نے حال ہی میں انسٹاگرام پر سوال و جواب کا ایک سیشن رکھا جس میں‌انہوں نے مداحوں کے مختلف سوالوں کے جوابات دئیے ان سے کسی نے پوچھا کہ آپکا بوائے فرینڈ ہے تو اس پر انہوں نے کہا کہ میں بوائے فرینڈ اور گرل فرینڈ کے رشتے پر یقین نہیں رکھتی ، مجھے ایسا کوئی رشتہ پسند ہی نہیں ہے ، میں جب بھی کسی سے منگنی کروں گی تو آپ سب کو ضرور بتائوںگی ، لیکن میں منگنی ایسے انسان کے ساتھ نہیں کر سکتی جس کے حوالے سے مجھے خود کوئی تسلی نہ ہو، جب تک میں کسی کو مکمل طور پر پرکھ نہیں لوں‌ گی منگنی

    نہیں کروں گی انہوں نے کہا کہ میں چھپا کر رشتے چلانے کی قائل نہیں ہوں. یاد رہے کہ سعیدہ امتیاز کے حوالے سے گزشتہ دنوں ایک خبر آئی تھی کہ وہ انتقال کر گئی ہیں لیکن بعد میں اداکارہ نے بیان دیا کہ یہ سب جھوٹی خبر تھی جو کسی نے انسٹاگرام اکائونٹ ہیک کرکے پھیلائی لیکن اس واقعہ کے چند دن کے بعد ہی اداکارہ نے انسٹاگرام کا استعمال بھی شروع کر دیا کہا جاتا ہے کہ سعیدہ نے شہرت حاصل کرنے کی خاطر اپنی موت کی جھوٹی خبر پھیلائی .