Baaghi TV

Tag: drama

  • شادی نہ کرنے کے معاملے پر ماریہ واسطی بول پڑیں

    شادی نہ کرنے کے معاملے پر ماریہ واسطی بول پڑیں

    ہمارے ہاں‌ لڑکی یا لڑکے جس کی بھی شادی نہ ہوئی ہو اسکو سوالات کرکر کے ہی پریشان کر دیا جاتا ہے. کہ شادی کیوں نہیں کی کب شادی کرو گے وغیرہ وغیرہ . اور شوبز سٹارز کے ھوالے سے تو خاص کر اس پر بہت زیادہ بات کی جاتی ہے. اب ماریہ واسطی جنہوں نے ابھی تک شادی نہیں کی ان سے اکثر یہ سوال کیا جاتا ہے کہ آپ نے شادی کیوں نہیں کی کب شادی کریں گی تو ماریہ واسطی بول پڑی ہیں شادی کے معاملے پر. انہوں نے صاف صاف کہا ہے کہ میں سمجھتی ہوں کہ جوڑے آسمانوں پر بنتے ہیں ، اور میرے نصیب میں بھی اگر خدا نے کسی انسان کو لکھا ہو

    گا تو وہ مجھے مل جائیگا. میرا بہت ایمان ہے کہ جو قسمت میں‌لکھا ہو وہ ہو کر رہتا ہے. ابھی تک شادی نہ ہونے کی مجھے کوئی پریشانی نہیں ہے ہاں لیکن لوگوں‌کو بہت پریشانی ہے کیونکہ جہاں جاتی ہوں یہ سوال ضرور کیا جاتاہے. اداکارہ نے کہا کہ میں کام میں مصروف ہوں کوئی سمجھ میں آیا تو کر لوں گی شادی، میں زاتی طور پر ان لوگوں‌کو پسند کرتی ہوں جو دوسرے کے ساتھ مخلص رہیں لہذا مخلص انسان ملا تو بالکل شادی کرں گی ، یوں شادی نہ ہونے کا سوال کرنے والوں کو دیدیا ہے ماریہ واسطی نے کھل کر جواب.

  • نئی سیریز سیاہ کا ٹریلر جاری

    نئی سیریز سیاہ کا ٹریلر جاری

    منفرد کہانی پر مشتمل ڈرامہ سیریل سیاہ کا ٹریلر جاری کر دیا گیا ہے، س کی کاسٹ میں عدنان صدیقی، فیصل قریشی، حرا مانی، ہانیہ عامر، عثمان خٓلد بٹ، شاہ ویر جعفری، ارسلان نصیر اور دیگر نامور ستارے شامل ہیں. ڈرامہ سیریز میں ایک منفرد کہانی پیش کی جارہی ہے جس کی ہر قسط ایکشن وسنسنی، خوف و کامیڈی، خونی اور نفسیاتی سنسنی وغیرہ شامل ہیں۔آئی آر کے فلمز کی ملٹی ورسز انٹرٹینمنٹ کے اشتراک سے پیش کی جانے والی سیریز کی ہر قسط مختلف معروف رائٹرز کی لکھی ہوئی اور مختلف ڈائریکٹرز کی زیر ہدایت پیش کی جائے گی جبکہ اس کے پرویوڈسر عمران رضا کاظمی اور حریم فاروق ہیں۔جادو اور سنسنی کا احساس لئے، سیاہ کی ہر قسط میں حقیقت کا تاریک روپ پیش کیا جائے گا

    جس میں صوفیانہ رنگ بھی شامل ہے۔اسٹار کاسٹ سے سجی یہ سیریزناظرین کیلئے زندگی کے چکروں سے اس طرح آشنا کرے گی اور وہ ہر قسط میں سچائی دریافت کرسکیں گے۔ حریم فاروق اس کے حوالے سے کہتی ہیں کہ اس پروجیکٹ میں حصہ لینا اور کچھ نیا تخلیق کرنا میری خوش نصیبی ہے۔ پاکستان جدید انداز کا مواد پیش کرنے میں تیزی سے آگے بڑھ رہا ہے اور سیاہ اس ہدف کو حاصل کرنے میں پہل کرنے والا قدم ہے۔

  • مدیحہ امام نے شادی کر لی

    مدیحہ امام نے شادی کر لی

    پاکستانی ڈراموں کی معروف اداکارہ مدیحہ امام جو اپنی خوبصورت اداکاری کی وجہ سے پہچانی جاتی ہیں انہوں نے شادی کر لی ہے، گزشتہ روز ان کی شادی کی تصاویر انٹرنیٹ پر وائرل ہوئیں ان تصاویر میں دیکھا جا سکتا ہے کہ اداکارہ خوبصورت لال رنگ کے جوڑے میں اپنے شوہر کے ساتھ دکھائی دے رہی ہیں، ان کے شوہر شکل سے پاکستانی نہیں لگتے، تاہم اداکارہ مدیحہ امام نے اپنی شادی کی خبر خود اپنے مداحوں کے ساتھ اپنے انسٹاگرام اکائونٹ پر شئیر کی . انہوں نے بتایا کہ ہماری شادی یکم مئی کو انجام پائی ، لیکن انہوں نے اس پوسٹ میں اپنے دولہے کا زکر نہیں

    کیا کہ وہ کہاں کے ہیں یا ان کا تعلق کس ملک سے ہے . اداکارہ نے نہایت خوشی کا اظہار کرتے ہوئے اپنے مداحوں سے دعائوں کی درخواست کی انہوں نے لکھا کہ میرے مداح مجھے نئی زندگی کی شروعات پراپنی دعاؤں میں یاد رکھیں۔واضح رہے کہ مدیحہ امام کے کریڈٹ پر کم مگر معیاری کام ہے انہوں نے آج تک جتنا بھی کام کیا ہے وہ اس سے بے حد مطمئن ہیں انہوں‌نے دھانی،مقدر،زخم،عشق جلیبی،دل مومن،بابا جانی،دشمن جاں جیسے ڈراموں میں اداکاری کے جوہر دکھائے، ویسے تو ان کی آن سکرین جوڑی بہت سے اداکاروں کے ساتھ سراہی جاتی ہے لیکن محب مرزا کے ساتھ انہیں دشمن جاں میں بہت زیادہ پسند کیا گیا.

  • میرا دل جیسا کرے گا میں ویسے ہی کروں گی صنم جنگ

    میرا دل جیسا کرے گا میں ویسے ہی کروں گی صنم جنگ

    اداکارہ صنم جنگ نے کہا ہے کہ میں سوشل میڈیا پر تب کوئی چیز اپلوڈ کرتی ہوں جب میرا دل چاہتا ہے، اور میں پرواہ نہیں کرتی کہ کوئی کیا کہہ رہا ہے ، لیکن اس کے باوجود اگر کوئی نیگیٹو کمنٹ کرے تو برا لگتا ہے دماغ وہیں اٹک کر رہ جاتا ہے ، بہت دیر تک نیگیٹو کمنٹس کا اثر مجھ پر رہتا ہے. انہوں نے کہا کہ سوشل میڈیا کی تو پتہ نہیں دنیا کیسی ہے کسی کے بارے میں کچھ بھی بول دیتے ہیں. میری تین بار طلاق کروا دی صرف اسلئے کیونکہ میرا شوہر کام کے سلسلے میں باہر رہتا ہے اور میں اپنے کام کے سلسلے میں زیادہ پاکستان میں رہتی ہوں تو لوگوں نے خود سے ہی

    یہ گمان کر لیا کہ طلاق ہو گئی ہے اور کئی بار مجھے وضاحت دینا پڑی کہ ایسا کچھ نہیں ہوا. صنم نے کہا کہ میاں بیوی دیر سے ملیں تو لڑائیاں‌کم ہوتی ہیں اور ایک دوسرے سے ملنے کی چاہت بھی زیادہ ہوتی ہے. جب میرے شوہر نے کام سے مہینوں بعد گھر آنا ہوتا ہے تو ہم دونوں‌بہت خوش ہوتے ہیں میں گھر کا پینٹ نیا کرواتی ہوں ، ہر چیز سیٹ کرتی ہوں میری بہن مجھے کہا کرتی ہے کہ ایسا لگ رہا ہے کہ جسیے تم لوگ پہلی بار مل رہے ہو تیاریاں تم اس قسم کی کرتی ہو.

  • عثمان خالد بٹ نارض ہو گئے کس سے اور کیوں؟‌

    عثمان خالد بٹ نارض ہو گئے کس سے اور کیوں؟‌

    اداکار عثمان خالد بٹ جو کہ ایک بڑی فین فالونگ رکھتے ہیں ان کے والد کا ھال ہی میں انتقال ہوا ، ان کے والد کے انتقال کے بعد جہاں ان کے قریبی دوستوں اور رشتہ داروں نے ان کے ساتھ افسوس کا اظہار کیا وہیں انہیں کسی نے بھیج دیا ایک طویل تعزیتی پیغام. عثمان خالد بٹ نے اس پیغام پر غصے اور ناراضگی کا اظہار کیا ، انہوں نے ایک ٹویٹ کے زریعے اپنے مداحوں کے ساتھ شئیر کیا کہ میرے والد کا انتقال ہوا ہے. میں شدید پریشان اور اداس ہوں ، ایسے میں مجھ سے تین لمبے لمبے پیراگرافوں پر مشتمل ایک تعزیتی نوٹ موصول ہے. انہوں نے یہ لکھ کہا کہ ابو کے

    انتقال کے بعد ہونے والی سب سے غیر متوقع مزاحیہ چیزوں میں سے ایک یہ تھی کہ مجھے تین پیراگراف پر مشتمل ایک تعزیتی پیغام ملا جس کا مجھے 99.9 فیصد یقین ہے کہ یہ ChatGPT سے لکھوایا گیا پیغام تھا۔ عثمان خالد بٹ نے اپنے ٹوئٹ میں یہ نہیں بتایا کہ انہیں یہ طویل پیغام کس نے بھیجا تھا۔عثمان خالد بٹ نے جب یہ ٹویٹ کی تو سوشل میڈیا صارفین نے ان سے کمنٹ باکس میں پوچھا کہ نام تو بتائیے یہ حرکت کس سمجھدار نے کی ہے لیکن عثمان خالد بٹ نے نام لینے احیتراظ کیا .

  • یمنہ زیدی نے اپنے مداح کو انسٹاگرام چھوڑنے کا کیوں کہا ؟‌

    یمنہ زیدی نے اپنے مداح کو انسٹاگرام چھوڑنے کا کیوں کہا ؟‌

    یمنہ زیدی پاکستانی ڈرامہ انڈسٹری کی اس وقت وہ اداکارہ ہیں جو حقیقت کے قریب اداکاری کرنے کی وجہ سے اپنے سے جونئیرز اور سینرز کی پسندیدہ ہیں. یمنہ زیدی جب بھی کوئی کردار کرتی ہیں اس میں کچھ الگ اور منفرد ہی ہوتا ہے. ان کی بہترین اداکاری کے مداح تو ثانیہ سعید جیسے سینئر فنکار بھی ہیں. اداکارہ انسٹاگرام پر کافی متحرک رہتی ہیں اور اکثر اپنے مداحوں کو جواب بھی دیتی ہیں. انہوں نے حال ہی میں‌اپنے انسٹاگرام اکائونٹ پر اپنی ایک تصویر شئیر کی ، ان کے ایک مداح نے اس تصویر کو لائک کرتے ہوئے لکھا کہ یمنہ زیدی پلیز میرے لئے دعا کیجیے

    کیونکہ میرا پیپر ہے. یمنہ زیدی نے اپنے اس مداح کو جواب دیا اور کہا کہ آپ پلیز انسٹاگرام کو چھوڑ دیں اور پڑھائی پر توجہ دیں . یمنہ زیدی کے اس مشورے کو بہت زیادہ سراہا گیا اور سوشل میڈیا پر تبصرے ہوئے کہ یمنہ زیدی اپنے مداحوں کو مفید مشورے دیتی ہیں ان کی باتوں کا نہ صرف جواب دیتی ہیں بلکہ ان کی عزت بھی کرتی ہیں.واضح رہے کہ یمنہ زیدی نے ابھی تک فلموں میں‌کام نہیں کیا لیکن اداکارہ کا کہنا ہے کہ وہ بہت جلد فلموں میں بھی نظر آئیں گی.

  • نادیہ خان آج کے ڈرامے سے سخت ناراض

    نادیہ خان آج کے ڈرامے سے سخت ناراض

    اداکارہ و میزبان نادیہ خان آج کل سوشل میڈیا پر بھی کافی متحرک ہیں اور انٹرویوز بھی دے رہی ہیں، اپنے حالیہ انٹرویو میں انہوں نے بات کی ہے آج کے ڈرامے کی . انہوں نے کہا ہے کہ آج ہمارے ہاں جو ڈرامہ بن رہا ہے اسکو فیملی کے ساتھ بیٹھ کر نہیں دیکھا جا سکتا. آج کے ڈرامے میں عورت شادی شدہ ہونے کے باوجود مردوں کو دھوکہ دے رہی ہے. ہمارے ڈراموں میں غیر اذدواجی تعلقات کو بڑھاوا دیا جا رہا ہے. عورت شادی شدہ ہونے کے باوجود غیر مردوں سے تعلق بناتیی ہے یہ دکھایا جا رہا ہے. نادیہ خان نے کہا کہ ایک وقت تھا عورت کو ڈراموں میں کود مختار

    دکھایا جاتا تھا اسکو مضبوط دکھایا جاتا تھا. آج یا تو اسے مار کھانے والی کمزور عورت دکھایا جاتا ہے یا افئیر چلانے والی دکھایا جاتا ہے. کہانیاں لو اسٹوری ، افئیرز ، طلاقوں میں پھنس کر رہ گئی ہے. نادیہ خان نے مزید یہ بھی کہا کہ پاکستانی ڈراموں میں محبت دھوکہ دہی کے علاوہ مجھے تو کچھ نظر نہیں آتا ، اور حیرت ہے کہ ایسی کہانیوں کو پرموٹ کیوں کیا جا رہا ہے.یاد رہے کہ نادیہ خان گزشتہ کئی برس سے اداکاری سے دور ہیں اور بطور میزبان بھی شازو ندر ہی نظر آتی ہیں .

  • ژالے سرھدی کس بات سے ہوتی ہیں پریشان ؟‌

    ژالے سرھدی کس بات سے ہوتی ہیں پریشان ؟‌

    ٹی وی اداکارہ ژالے سرحدی نے کہا ہے کہ میری ایک بیٹی ہے اور میں اسکے ساتھ بہت خوش ہوں ، میرے تین حمل ضائع ہونے کی وجہ سے مجھے ہائپو تھائیراڈ ہوا ہے، اسکی وجہ سے میں مزید بچے تاحال پیدا نہیں کر سکی، اور مجھے اس چیز کا افسوس ہے کہ میں مزید بچے پیدا نہیں کر سکی . لیکن ظاہر ہے اس کا اظہار میں ساری دنیا کے ساتھ نہیں کر سکتی. ژالے سرحدی نے کہا کہ لیکن لوگ جینے نہیں‌دیتے وہ جان بوجھ کر ایسے سوالات کرتے ہیں کہ جس سے میرا دل دکھ جاتا ہے. جب کسی کو پتہ چلتا ہے کہ میری ایک بیٹی ہے تو مجھ سے پوچھا جاتا ہے کہ ایک ہی بیٹی کیوں، مزید بچے کیوں نہیں؟ اداکارہ ہو اس لئے تم مزید بچے پیدا نہیں کرنا چاہتی. حالانکہ یہ کسی کا مسئلہ نہیں ہونا چاہیے کہ میری ایک بیٹی ہے پانچ

    بچے ہیں . اور ویسے بھی یہ اخلاقی لحاظ سے بھی درست نہیں ہے کہ ہم کسی سے کہیں کہ تمہارے ہاں اولاد کیوں نہیں ہے اگر ہے تو صرف ایک ہی بچہ کیوں ہے. ہو سکتا ہے کوئی خاتون صحت کے مسائل سے گزز رہی ہو. لیکن ہمارے ہاں سوال کرنے والے بالکل بھی خیال نہیں کرتے جو کہ بہت ہی غلط ہے.

  • ہمایوں سعید کس لڑکی کو دیکھنے ٹرین میں جا پہنچے

    ہمایوں سعید کس لڑکی کو دیکھنے ٹرین میں جا پہنچے

    اداکار و پرڈیوسر ہمایوں سعید نے اپنے ایک انٹرویو میں انکشاف کیا ہے کہ انہیں پہلی محبت 18 سال کی عمر میں ہوئی تھی ، ہمایوں سعید بتاتے ہیں کہ وہ لڑکی ان کے ساتھ والے گھر میں رہتی تھی ، اس پر ایک دن نظر پڑی تو وہ مجھے بہت اچھی لگی، پھر میں ہر روز بالکنی میں جا کر کھڑا ہوجاتا کہ شاید وہ آجائے اور میں اسکو دیکھ سکوں . ایک آدھ بار اس نے مجھ پہ نظر ڈالی تو مجھے خوش فہمی ہو گئی کہ وہ بھی مجھے پسند کرتی ہے. لیکن ایسا نہیں تھا. ایک دن ایسا ہوا کہ وہ ٹرین پر اپنی سہلیوں کے ساتھ کہیں‌جا رہی تھی ، میں بھی اسکے پیچھے پیچھے اسٹیشن جا پہنچا ، میں

    اسکو ایک بار خدا حافظ کہنا چاہتا تھا لیکن وہ اگلی بوگی میں تھی ،میں اسکو ہاتھ بھی نہیں ہلا سکتا تھا. میں نے کوشش کرکے ٹرین پر چڑھ گیا کہ کسی طرح خدا حافظ بول دوں لیکن میں اس تک نہ پہنچ سکا ، مجھے مجبورا ٹرین سے اترنا پڑا. اور گھر واپس آگیا ، میرے پاس پیسے تو ان دنوں میں ہوتے نہیں تھے اس لئے بہت مشکل سے گھر پہنچا. ہمایوں سعید نے کہا کہ میں آج اس واقعہ کو یاد کرتا ہوں تو بے وقوفی معلوم ہوتی ہے.

  • شوہر نے غصے میں طلاق دے دی تھی حنا دلپذیر

    شوہر نے غصے میں طلاق دے دی تھی حنا دلپذیر

    معروف اداکارہ حنا دلپذیر نے اپنے حالیہ انٹرویو میں بیان کر دی ہے اپنی زندگی کی وہ داستان جس کو سن کر ہر کسی کا دل پسیج جائے. انہوں نے کہا کہ میری شادی 1992 میں ہوئی تھی ، اور میری پسند کی شادی تھی ، ہم دونوں بہت خوش تھے ، ہمارے درمیان کسی قسم کے اختلافات نہیں تھے ، لیکن ایک دن کسی بات پر میرے شوہر کو غصہ آیا اور انہوں نے مجھے طلاق دیدی. حنا دلپذیر نے کہا کہ میرا شوہر بہت اچھے دل کا انسان تھا وہ اچھے سے پیش آتا تھا اور کبھی مارتا پیٹتا یا گالیاں نہیں دیتا تھا. لیکن ایک دن پتہ نہیں اسکو کیا ہوا کہ اس نے مجھے غصے میں آکر طلاق

    دیدی. انہوں نے کہا کہ جب مجھے میرے شوہر نے طلاق دی اس وقت میرے بچے کی عمر چار سال تھی. میں بہت پریشان ہوئی لیکن قسمت کا فیصلہ سمجھ کر قبول کر لیا شاید ہمارا ایک دوسرے کے ساتھ اتنا ہی ساتھ تھا. لیکن حنا نے یہ امید بھی ظاہر کی کہ میرا سابق شوہر جہاں بھی ہو گا خیریت سے ہوگا اور ایک اچھی زندگی گزار رہا ہوگا. واضح رہے حنا دلپذیر نے کامیڈی میں اپنا ایک نام اور مقام بنایا ہے. ان کی بے ساختہ اداکاری ہی ان کی پہچان ہے.