Baaghi TV

Tag: drama

  • علی طاہر اور وجیہہ کی شادی کیسے ہوئی ؟

    علی طاہر اور وجیہہ کی شادی کیسے ہوئی ؟

    نعیم طاہر اور یاسمین طاہر کے بیٹے علی طاہر اور ان کی اداکارہ اہلیہ وجیہ طاہر نے ایک شو میں شرکت کی ہے اس میں انہوں نے بتایاہے کہ کیسے ان دونوں کی شادی ہوئی. وجیہہ نے کہا کہ ہماری شادی سے پہلے میری اور علی کی والدہ کی بہت زیادہ دوستی تھی ، لیکن میرا علی کے گھر آنا جانا نہیں تھا ، ایک بار ایسا ہوا کہ میری اور علی کی دور کی فیملی نے ایک پلان کیا ، اور سب علی کے گھر اکٹھے ہوئے ، وہاں سب نے کہا کہ علی اور وجیہہ ڈانس کریں ہم نے ایک گانے پر ڈانس کیا ، سب نے بہت پسند کیا وہ میری اور علی کی پہلی ملاقات تھی . اس کے بعد میری والدہ

    نے کہا کہ میں علی سے ٹیوشن پڑھا کروں ، میں ٹیوشن پڑھنا شروع ہوئی تو اس دوران ہم نے ایک دوسرے سے شادی کرنےکا فیصلہ کر لیا. ڈیڑھ سال کے اندر ہماری شادی ہو گئی. علی نے کہا کہ ہمارے درمیان خطوط بازی بھی ہوتی رہی اور مجھے بعد میں پتہ چلا کہ مجھے جو وجیہہ کے نام سے خط آتے تھے وہ اسکی خالہ لکھتی تھیں. لیکن ہماری شادی جب ہوئی تو اس کے بعد ہمارے درمیان زیادہ محبت بڑھی جو آج تک قائم ہے.

  • فواد خان کالے رنگ کے کپڑے کیوں پہنتے ہیں ؟‌

    فواد خان کالے رنگ کے کپڑے کیوں پہنتے ہیں ؟‌

    دنیا بھر میں مقبولیت رکھنے والے اداکار فواد خان نے اپنے حالیہ انٹرویو میں کہا ہے کہ میں کالا رنگ اس لئے پہنتا ہوں کیونکہ اس میں انسان زرا پتلا لگتا ہے. میں نے چونکہ دا لیجنڈ آف مولا جٹ کرنے کے لئے بہت زیادہ وزن بڑھایا تھا لہذا ابھی تک میں اپنے وزن کو کنٹرول نہیں کر سکا. اس لئے میں شلوار قمیض زیب تن کرتا ہوں اور کالے رنگ میں انسان پتلا لگتا ہے اس لئے میری کوشش ہوتی ہےکہ کالا رنگ ہی پہن لوں. اس انٹرویو میں انہوں نے کہا کہ میری فلم دا لیجنڈ آف مولا جٹ کو جتنی پذیرائی لوگوں نے دی ہے میں اس کے لئے شکر گزار ہوں. انہوں نے کہا کہ منی

    بیک گارنٹی ہر لھاظ سے ایک مختلف فلم ہے شائقین کو ضرور پسند آئیگی. یاد رہے کہ فواد خان کو ڈرامہ سیریل ہمسفر سے کامیابی ملی تھی اس کے بعد انہوں نے بالی وڈ میں بھی کام کیا اور وہاں بھی اپنی صلاحیتوں کا لوہا منوایا. آج فواد خان کا شمار پاکستان اور بھارت کے نمبر ون آرٹسٹوں میں ہوتا ہے. فواد خان نے منی بیک گارنٹی میں مزاحیہ کردار کیا ہے دیکھنا یہ ہے کہ فواد خان شائقین کی منی نیک گارنٹی کو کتنی پذیرائی دیتے ہیں.

  • درفشاں نے اپنے فون سے آن لائن شاپنگ ایپس کیوں ڈیلیٹ کر دیں؟‌

    درفشاں نے اپنے فون سے آن لائن شاپنگ ایپس کیوں ڈیلیٹ کر دیں؟‌

    اداکارہ در فشاں نے اپنے حالیہ انٹرویو میں کہا ہے کہ میں کنجوس نہیں‌ہوں‌لیکن پیسے اور چیزوں کی قدر کرتی ہوں. میں ایک سوٹ جب تک بیس بار پہن نہ لوں نیا نہیں‌خریدتی. انہوں نے کہا کہ میں نے اپنے فون سے آن لائن شاپنگ ایپس بھی ڈیلیٹ کر دی ہیں اور میں چاہتی ہوں کہ جو ہے بس اسی میں گزارا کیا جائے جب ضروری ہو مارکیٹ جا کر خریداری کر لی جائے. درفشاں سلیم نے یہ بھی کہا کہ میری عمر اس وقت 27 سال ہے اور میری بہن رامین مجھ سے سات سال چھوٹی ہے وہ مجھ سے چھوٹی ہونےکے باوجود مجھے مشورے دے رہی ہوتی ہے ، اور

    مجھے سمجھا رہی ہوتی ہے کہ میں کیا کروں اور کیا نہ کروں ، میری بہن مجھ سے چھوٹی ہو کر بھی بہت زیادہ سمجھدار ہے. انہوں نے کہا کہ میں اپنی بہن کے ساتھ اپنے دل کی ہر بات شئیر کرتی ہوں وہ مجھے سمجھاتی بھی ہے ، میں اور میری بہن ایک دوسرے کے ساتھ اپنے کپڑے بھی شئیر کرلیتی ہیں. اداکارہ نے کہا کہ میں نے قانون کی تعلیم حاصل کی ہے لیکن اداکاری کا شوق مجھے ایکٹنگ میں لے آیا ، آج میں جس بھی مقام پر ہوں اس سے کافی مطمئن ہوں گوکہ مجھے کام کے زریعے ابھی اور آگے جانا ہے.

  • عائشہ عمر کو گالیاں دینے والا شخص کون تھا؟‌

    عائشہ عمر کو گالیاں دینے والا شخص کون تھا؟‌

    معروف اداکارہ عائشہ عمر نے اپنے حالیہ انٹرویو میں بتایا ہے کہ میری جس لڑکے کے ساتھ شادی کے لئے بات پکی ہوئی تھی وہ مجھے بہت زیادہ گالیاں دیتا تھا، مجھ پر تشدد کرتا تھا، تاہم جب اس نے جسمانی تشدد کرنا شروع کیا تو میں نے اس سے سارے رشتے ختم کردئیے. عائشہ عمر نے کہا کہ انسان کو چاہیے وہ اس انسان کے ساتھ زندگی گزارے جو اسکو عزت دے سکے اور مارے پیٹے نہیں. عائش عمر کا یہ انٹرویو کلپ سوشل میڈیا پر وائرل ہو رہا ہے ، اور سوشل میڈیا صارفین نے اندارے لگانا شروع کر دئیے کہ آخر وہ کون تھا، یوں یہ بات چل نکلی کہ عائشہ عمر کا تعلق نورجہاں کے پوتے سکندر رضوی کے ساتھ رہا ہے یقینا وہ انہیں گالیاں دیتا ہوگا، جب یہ بات زیادہ

    سوشل میڈیا پر گردش کرنے لگی تو عائشہ عمر کو میدان میں آنا پڑا دوبارہ اور انہوں نے کلئیر کیا کہ میری جس سے شادی طے ہوئی تھی وہ ہمارے فیملی فرینڈ کا بیٹا تھا ، سکندر رضوی کے ساتھ میرا نام نہ جوڑیں اور نہ ہی ان کے بارے میں ایسی کوئی بات کی جائے. یوں عائشہ عمر نے اپنے اور سکندر رضوی کے ماضی کے تعلق پر بات کرنے والوں کے منہ بند کر دئیے.

  • سٹیج ایکٹر انور علی نے کام کیوں چھوڑا ؟

    سٹیج ایکٹر انور علی نے کام کیوں چھوڑا ؟

    سٹیج ایکٹر انور علی جنہوں نے ببو برال ، امان اللہ ، مستانہ و دیگر کے ساتھ یادگار سٹیج پلیز کئے، نوے کی دہائی میں ان کے سٹیج پلیز بہت زیادہ مقبول رہے ، فیملیاں بڑی تعداد میں سٹیج کا رخ کیا کرتی تھیں، لیکن اچانک ہی انور علی سٹیج سے بہت زیادہ دور ہو گئے اور دوبارہ کبھی مڑکر سٹیج کی طرف نہیں آئے. انور علی نے بہت برسوں کے بعد ایک انٹرویو دیا ہے اور اس میں انہوں نے کھل کر وجہ بیان کی ہے کہ وہ کیوں سٹیج سے دور ہوئے، انور علی نے کہا ہے کہ میں نے سٹیج کا بہت اچھا دور دیکھا لیکن جب سٹیج پر گندی جگت بازی شروع ہوئی ،فحش ڈانسز

    شروع ہوئے تو میں نے سٹیج کرنا ہی چھوڑ دیا. انہوں نے یہ بھی کہا کہ جب میں شہرت کی بلندیوں پر تھا میں نے تب بھی کبھی نماز نہیں چھوڑی تھی ، اور نماز آج بھی پڑھتا ہوں، جب میں سٹیج سے الگ ہوا تو میں نے دین کی تبلیغ شروع کر دی. میری نماز نے میرا بہت ساتھ دیا، جب سٹیج چھوڑا تو میں‌نے چھوٹا موٹا کاروبار کر لیا ، آج اسی کاروبار سے پیسے آتے ہیں اور باعزت طریقے سے میرا گزارا ہو رہا ہے. میرا سٹیج پر واپس آنے کا کوئی ارادہ نہیں ہے.

  • میرا شوہر میرا بہترین دوست تھا حنا خواجہ

    میرا شوہر میرا بہترین دوست تھا حنا خواجہ

    سینئر اداکارہ حنا خواجہ نے اپنے حالیہ انٹرویو میں کہا ہے کہ میرے شوہر میرے بہترین دوست تھے ، میرا اور ان کا ساتھ تیس سال تک رہا، اس دوران میں نے بہت کچھ سیکھا. انہوں نے کہا کہ میرے شوہر کینسر میں مبتلا ہو گئے تھے ، سوا سال تک ان کی خدمت کی اور اس کے بعد وہ دنیا سے رخصت ہو گئے ، ان کا دنیا سے چلے جانا میرے لئے ایسے تھا جیسے کہ میری زندگی ختم ہو گئی ہو. لیکن میرے شوہر نے مجھے ہمیشہ یہی بات کہی کہ اپنی زندگی کو جیو ، اور کبھی دل چھوڑ کر نہ بیٹھو ، پریشان مت ہو ، حنا نے کہا کہ میں نے تو یہی سیکھا ہے کہ جتنا ہو سکے اپنے لائف پارٹنر کو وقت دیں اس کے ساتھ اپنے وقت کو یادگار بنائیں. میرے شوہر نے مجھے ہمیشہ بہت زیادہ

    سپورٹ کیا ، بہت سارے ایسے کام ہوتے تھے جن کو کرنے سے میری جان کو خطرہ ہو سکتا تھا لیکن میں نے خطرہ مول صرف شوہر کی سوپرٹ کی وجہ سے لیے. میرے شوہر جب ہسپتال میں تھے تو میں نے ایک سال تک کام نہیں کیا ، میرے شوہر نے مجھے رضا مند کر کے دوبارہ کام کرنا شروع کیا . وہ کہا کرتے تھے کہ خود کے کام کو کبھی بریک نہ لگائو ہو سکتا ہے کہ آپ کا ایسا کرنے سے کسی کو نقصان ہوجائے.

  • پاکستانی ڈرامے کے بارے میں ثانیہ سعید کا بڑا بیان

    پاکستانی ڈرامے کے بارے میں ثانیہ سعید کا بڑا بیان

    سینئر اداکارہ ثانیہ سعید جو کہ حقیقت کے قریب اداکاری کرنے کی وجہ سے جانی جاتی ہیں، انہوں نے آج تک جتنے بھی کردار کئے ہیں ان میں انہوں نے کمال اداکاری کرکے شائقین کا دل موہ لیا ہے. ثانیہ سعید اپنی ذات میں اکیڈمی کی حیثیت رکھتی ہیں. انہوں نے اپنے حالیہ انٹرویو میں کہا ہے کہ پاکستانی ڈرامے کا دنیا بھر میں مقابلہ نہ کل کیا جا سکتا تھا نہ آج کیا جا سکتا ہے. یہاں تک کہ انڈیا بھی ہمارے ڈراموں کا مقابلہ نہیں کر سکتا.انہوں نے کہا کہ ہمارے ڈراموں نے آج تک اپنے کلچر اور روایات کو نہیں چھوڑا ، ہماری سٹوری لائن اتنی اچھی ہوتی ہے کہ ہر گزرتی

    قسط کے ساتھ اسکی دلچپسی بڑھتی جا تی ہے. ثانیہ سعید نے یہ بھی کہا کہ نئے آرٹسٹ بہت ہی باصلاحیت ہیں ان کی اداکاری رونگھٹے کھڑے کر دیتی ہے. میں تو حیران ہوں کہ نئے آرٹسٹ کیسے بغیر ٹریننگ کے اتنی اچھی اداکاری کر لیتے ہیں. میں تو نئے فنکاروں کے کام سے بہت متاثر ہوں ، یہاں تک کہ آج کل کے رائٹرز بھی بہت اچھا لکھ رہے ہیں. آج بھی ہمارا ڈرامہ پوری دنیا میں شوق سے دیکھا جاتا ہےآخر کوئی وجہ ہے تو ایسا ہے.

  • فاطمہ آفندی کا موبائل چھیننے کی واردات

    فاطمہ آفندی کا موبائل چھیننے کی واردات

    ٹی وی ڈراموں کی اداکارہ فاطمہ آفندی اپنی خوبصورتی اور اداکاری کی وجہ سے جانی جاتی ہیں، وہ کم مگر معیاری کام کرنے کو ترجیح دیتی ہیں. انہوں نے تابش ہاشمی کے ساتھ اپنے ایک انٹرویو میں‌کہا ہے کہ میرے پاس جو موبائل تھا وہ پرانا ہو گیا تھا میں اپنے شوہر سے کہتی رہی کہ جب گم ہوجائیگا تب نیا دلائو گے تو انہوں نے مجھے نیا موبائل لے دیا ، پرانا تو گم نہ ہوا لیکن نیا گم ہو گیا. اداکارہ نے بتایاکہ میں ایک جگہ شوٹنگ کررہی تھی ، دن بھر ہم سب وہاں‌شوٹنگ کرتے رہے رات کو جب پیک اپ ہوا میں اپنی گاڑی میں جا کر بیٹھ گئی ، لائن پرڈیوسر نے ایک دم

    میری گاڑی کا شیشہ ناک کرنا شروع کر دیا ، مجھے سمجھ نہیں آرہی تھی وہ ایسا کیوں کررہا ہے جب شیشہ اتارا تو پتہ چلاکہ اسکے پیچھے ڈاکو ہیں ، لہذا میں نے اپنا موبائل ان کو دیدیا ، اورپھر میرے لائن پرڈیوسر نے مجھے کہا کہ آپ تو ہمیں مروانے لگی تھیں اگر شیشہ نہ نیچے کرتیں اور موبائل نہ دیتیں. فاطمہ نے کہا کہ یوں میرے منہ سے کہی ہوئی بات ہی پوری ہو گئی اور میرا موبائل چھینا گیا.

  • ثروت گیلانی کو کس سے اور کیا ہے گلہ ؟‌

    ثروت گیلانی کو کس سے اور کیا ہے گلہ ؟‌

    منجھی ہوئی اداکارہ ثروت گیلانی جو کہ ایک بڑی فین فالونگ رکھتی ہیں حقیقت کے قریب اداکاری ان کا خاصا ہے. ثروت جیسا کہ بہت سارے موضوعات پر بات کرتی رہتی ہیں ھال ہی میں انہوں نے زہنی صحت کے مسائل کو اجاگر کیا ہے اس پر بات کی ہے. انہوں نے کہا ہے کہ ہمارے ہاں ہر موضوع پر ڈرامہ بنتا ہے لیکن ذہنی صحت کے جیسے مسائل کو بالکل ہی نظر انداز کر دیا جاتا ہے، حالانکہ میڈیا اس میں اہم کردار ادا کر سکتا ہے لیکن اسکا کردار اس معاملے میں زیرو نظر آرہا ہے. ثروت گیلانی نے کہا کہ آج کل کا ماحول گھٹا ہوا ہے ، سوسائٹی میں ڈپریشن کا

    مرض تیزی سے بڑھ رہا ہے ، ایسے میں زہنی صحت بھی متاثر ہورہی ہے ، یہی وقت ہے کہ ہم میڈیا کے زریعے ایسے مسائل کو اجاگر کریں ان پر بات کریں ، چونکہ ہم فنکار ہیں لہذا ہماری بات لوگ زیادہ سنتے ہیں اسلئےہمارا فرض ہے کہ ہم ایسے موضوعات پر اپنی اداکاری اور کہانیوں کے زریعے بات چیت کریں اور میڈیا ہمارا ساتھ دے. ثروت گیلانی نے کہا کہ میں رائٹر سے بھی کہوں گی کہ وہ ایسے مسائل پر لکھیں اور چینلز مالکان ان کو ہائی لائٹ کریں .

  • اذیکا ڈینئل اداکاری سے پہلے کیا کرتی تھیں؟‌

    اذیکا ڈینئل اداکاری سے پہلے کیا کرتی تھیں؟‌

    اداکارہ اذیکا ڈینئل نے اپنے حالیہ انٹرویو میں انکشاف کیا ہے کہ میں جب اداکاری میں آئی تو اس سے پہلے ائیر ہوسٹس تھی ، اس سے بھی پہلے میں ایک سکول ٹیچر تھی. انہوں نے کہا کہ میں نے ائیر ہوسٹس کی جاب کو بہت انجوائے کیا تھا، یہاں تک کہ ٹیچنگ کو بھی انجوائے کیا تھا. میں نے زندگی میں جو بھی کام کیا دل لگا کر کیا. اداکاری کرنا اچھا لگتا ہے لیکن مجھے کردار ہی منفی دئیے جاتے ہیں ، اور مجھے زیادہ کام آفر ہوتا بھی نہیں ہے. اگر آفر ہوتا ہے تو ایک جیسا کام ہی آفر ہوتا ہے اس لئے میں نے فیصلہ کر لیا ہے کہ میں کم مگر معیاری کام کروں گی. یاد رہے کہ اذیکا ڈینئل نے انڈسٹری سے مایوس ہو کر اداکاری کو خیرباد کہنے کا فیصلہ کر لیا تھا اور کہا تھا کہ

    میں انڈسٹری کے رویے سے شدید مایوس ہوں، یہاں گروپس بنے ہوئے ہیں اور میں کسی گروپ کا حصہ نہیں ہوں. اذیکا ڈینئل کافی عرصے سے کسی بھی پراجیکٹ میں نظر نہیں آ رہیں. انہوں نے ابھی تک جتنا بھی کام کیا ہے اس سے اپنی پہچان تو بنا لی ہے لیکن منفرد کام نہیں‌کر سکیں جو کہ ان کے مطابق ان کو آفر نہیں‌ہوتا.