Baaghi TV

Tag: drama

  • داتا دربار شوٹنگ کے لئے فضا علی گئیں تو انکے ساتھ کیا ہوا؟‌

    داتا دربار شوٹنگ کے لئے فضا علی گئیں تو انکے ساتھ کیا ہوا؟‌

    اداکارہ فضا علی نے اپنے حالیہ انٹرویو میں بتایا ہے کہ ایک بار وہ اداکار سمیع خان اور پوری ٹیم کے ساتھ داتا دربار کے پیچھے ایک اور دربار ہے وہاں گئیں ، وہاں پہنچی تو بہت زیادہ رش تھا، لوگوں نے جب ہمیں دیکھا تو وہ وہاں دھاگہ باندھنا شروع ہو گئے. ہم نے کہا کہ آپ کیا کررہے ہو یہ ، تو کہنے لگے کہ ہماری خواہش ہے کہ آپ دونوں کی شادی ہوجائے، میں نے ان سے کہا کہ میں شادی شدہ ہوں اور سمیع خان نے بھی ان سے کہا کہ میں بھی شادی شدہ ہوں آپ لوگ کیا کررہے ہیں ایسا نہ کریں. لیکن لوگ منع نہیں ہوئے اور دھاگہ باندھتے رہے اور کہتے رہے کہ آپ دونوں کی شادی ہوجائے. میں نے گھبرا کر سمیع خان سے کہا کہ مجھے اپنی شادی خراب ہوتی دکھائی دے رہی

    ہے صرف میری ہی نہیں تمہاری شادی بھی مجھے خراب ہوتی دکھائی دے رہی ہے. بعد میں ایسا ہوا ، میری شادی خراب ہو گئی لیکن سمیع خان کی بچ گئی. فضا علی نے کہا کہ ایسی جگہوں پر جا کر شوٹ کرنا آسان نہیں ہوتا لوگ نہیں سمجھتے ایسی باتوں کو ، وہ جو ٹی وی پر کردار دیکھتے ہیں تو سمجھتے ہیں کہ شاید ان کا حقیقت میں تعلق ہے.

  • میرے سابقہ شوہر نے کبھی مجھے بیوی والا رتبہ نہیں دیا فضا علی

    میرے سابقہ شوہر نے کبھی مجھے بیوی والا رتبہ نہیں دیا فضا علی

    اداکارہ فضا علی جنہوں نے چند سال پہلے اپنے شوہر سے طلاق لی ہے. دونوں کی ایک بیٹی ہے ان کے سابقہ شوہر کا نام فوادفاروق تھا. اپنی ذاتی زندگی کو پہلی بار ڈسکس کرتے ہوئے انہوں نے کہا کہ جب میں نے شادی کی تو آنکھوں میں سپنے تھے گھر بسانے کے ، اچھی بیوی اور ماں بننے کے، میں ماں بنی اچھی بیوی بنی ، لیکن مجھے بیوی ہونے کا رتبہ نہ مل سکا. میرے شوہر نے ہمیشہ مجھے اگنور کیا، اس نے کبھی مجھے مارا نہیں ، لیکن اپنی زندگی میں مصروف رہے ، میں شوٹنگز کرتی کام کرتی گھر آتی شوہر کی توجہ کی ضرورت ہوتی تھی وہ مجھے توجہ نہیں دیتا تھا، اسکو اپنے کام اپنے تعلقات بہت عزیز تھے وہ انہی میں‌مصروف رہتا تھا. فواد کو شاید ایک بیوی کی

    ضرورت ہی نہیں تھے پتہ نہیں انہوں نے مجھ سے شادی کیوں کر لی. میں ترستی رہی میاں بیوی کے رشتے کو شوہر کی توجہ کو ، پھر ایک وقت ایسا آیا کہ مجھے سوچنا پڑا اور میں نے اپنے شوہر سے علیحدگی کا فیصلہ کر لیا شوہر کے ساتھ رہ کر بھی ایسی ہی زندگی تھی جیسی ابھی ہے. تو ٹھیک ہے وہ خوش ہے تو میں بھی خوش ہوں. بیٹی کو پال رہی ہوں‌کام کررہ ہوں.

  • سارا خان کو فلک شبیر سے کیا ہے گلہ

    سارا خان کو فلک شبیر سے کیا ہے گلہ

    اداکارہ سارا خان جنہوں نے فلک شبیر کے ساتھ شادی کی ، دونوں کی ایک بیٹی بھی ہے. فلک اور سارا حال ہی میں ندا یاسر کے شو میں شریک ہوئے . وہاں ان سے مختلف سوال ہوئے. سارا خان نے کہا کہ مجھے فلک سے کسی قسم کا گلہ نہیں ہے لیکن جب سے بیٹی پیدا ہوئی ہے اسکو مجھ سے زیادہ اہمیت دیتے ہیں. کام سے جب گھر واپس آتے ہیں توآتے ساتھ ہی پہلے بیٹی کو اٹھاتے ہیں اسکو پیار کرتے ہیں. مجھے اس سے ملنے کے بعد ملتے ہیں تو مجھے بہت غصہ آتا ہے کہ پہلے مجھے اہمیت دیتے تھے اب بیٹی کو دیتے ہیں. میں اکثر فلک سے کہتی ہوں کہ بیٹی کو میں نے پیدا کیا ہے لہذا زندگی بھر سب سے پہلے میں ہی رہوں گی. فلک نے اس پر کہا کہ میں جب کام سے آتا

    ہوں سارا دن بیٹی کو مس کرتا ہوں‌لہذا گھر آتے ہی بیٹی کو دیکھنے اور ملنے کا دل کرتا ہے اس لئے اس کو اٹھا لیتا ہوں. لیکن جب میں نے دیکھا کہ سارا تو سنجیدہ ہو رہی ہے تو میں‌اب زرا احیتاط کرتا ہوں. بیٹی اور سارا دونوں کو ایک جیسی اہمیت دیتا ہوں. سارا نے اس پر کہا کہ فلک کو چاہیے کہ وہ مجھے ہر حال میں اہمیت دیں چاہے میرے مقابلے میں کوئی بھی رشتہ ہو.

  • نازش جہانگیر کو کیسا شوہر چاہیے؟ اداکارہ نے بتا دیا

    نازش جہانگیر کو کیسا شوہر چاہیے؟ اداکارہ نے بتا دیا

    اداکارہ نازش جہانگیر جو اس وقت زیادہ چرچا میں آئیں جب ان کا نام اداکار محسن عباس حیدر کے ساتھ جڑا اور ان کا گھر ٹوٹنے کی وجہ ان کو قرار دیا گیا. تاہم اداکارہ نے ہمیشہ اس بات سے انکار کیا ہے اور کہا ہے کہ میں نے کسی کا گھر نہیں توڑا. اداکارہ نے ھال ہی میں ہوئے اپنے ایک انٹرویو میں کہا ہے کہ عشق خدا اور ماں باپ کے ساتھ ہو سکتا ہے لیکن محبت ایک بہت ہی خوبصورت جذبہ ہے یہ کسی بھی لڑکی کو اس کے شوہر کے ساتھ ہونی چاہیے. میں چاہتی ہوں کہ زندگی میں ایک بار مجھے محبت ضرور ہو اور ہو بھی مجھے میرے شوہر کے ساتھ .

    انہوں نے کہا کہ میری زندگی میں جو آئے وہ میرے جیسا ہونا چاہیے ، میرے جیسا ہو گا تو چل جائیگا ، انہوں نے یہ بھی کہا کہ لڑکا خاندانی اور نسلی ہونا چاہیے اور اگر وہ اپنی ماں کے ساتھ پیار کرتا ہوگا اور اسکی آنکھ میں‌آنسو دیکھ کر گھبرائے گا تو یقینا وہ ہر عورت کی عزت کریگا اور اسکی آنکھ میں‌آنسو آئے یہ برداشت نہیں کریگا . مجھے بس ایسا ہی انسان چاہیے. نازش نے کہا کہ سکینڈلز تو بنتے ہی رہتے ہیں مجھے انکی بالکل پرواہ نہیں میں اپنے مزاج کی بندی ہوں جو ٹھیک لگے وہ کرتی ہوں. کسی کا پریشر نہیں لیتی .

  • مجھے خواتین سے اختلاف ہے گل رعنا

    مجھے خواتین سے اختلاف ہے گل رعنا

    سینئر اداکارہ گل رعنا نے کہا ہے کہ مجھے خواتین سے شدید اختلاف ہے کیونکہ وہ ان چیزوں سے ہی باہر نہیں نکلتیں کہ یہ چیز کہاں سے لی وہ چیز کہاں سے لی ہائے تمہارا جوڑا بہت خوبصورت ہے تمہاری جوتی بہت پیاری ہے. خدا کے لئے ان چیزوں سے نکلیں زندگی اسے بہت آگے کی چیز ہے. اداکارہ نے کہا کہ خواتین کے پاس سارے حقوق تو ہیں اور ان کو کتنے حقوق چاہیں سارے رائٹس رانگ کر دئیے اب اور کیا چاہیے. انہوں نے یہ بھی کہا کہ میں بہت جلد چیزیں محسوس کر لیتی ہوں اور یہ صلاحیت میری خداداد ہے . ویسے تو ہر صلاحیت ہی خدادا ہوتی ہے

    انسان کا اپنا کمال نہیں ہوتا. انہوں نے کہا کہ آپ اگر چاہتے ہو کہ دنیا آپ کے ساتھ اچھا سلوک کرے تو پہلے آپ خود دنیا کے ساتھ ویسا ہی سلوک کریں جیسا خود کے لئے چاہتے ہیں. ایسا نہیں ہونا چاہیے کہ آپ سب کو باتیں کریں اور خود کے لئے ایک بھی بات برداشت نہ کریں. آج کل کی سیاست اس کی بہترین مثال ہے ، ہر کوئی دوسرے کو غلط کہہ رہا ہے اور خود کے بارے میں سمجھ رہا ہے کہ وہ ٹھیک ہے. آپ کی بات تب سنی جائیگی جب آپ کے پیمانے اپنے اور دوسروں کے لئے ایک ہوں گے.

  • پہلی بار خانہ کعبہ دیکھا تو دعا کرنا بھول گئی لائبہ خان

    پہلی بار خانہ کعبہ دیکھا تو دعا کرنا بھول گئی لائبہ خان

    چھوٹی سکرین کی اداکارہ لائبہ خان نے اپنے حالیہ انٹرویو میں کہا ہے کہ میں نے بہت چھوٹی عمر میں نماز قرآن کے ساتھ ناطہ جو ڑ لیا تھا. میری عمر محض دس برس تھی جب میں قرآن مجید حفظ کیا، میری بہت خواہش تھی کہ میں خانہ کعبہ دیکھوں، اور میں اس طرح کے خواب اکثر دیکھا کرتی تھی کہ میں خانہ کعبہ میں موجود ہوں. انہوں نے یہ بھی انکشاف کیا کہ مجھے خواب میں حضور پاک کی زیارت ہوئی ، اور جب میں اٹھی تو مجھے لگا کہ جیسے میں نے سچ میں دو جہان کے مالک کی زیارت کر لی ہے. لائبہ خان نے کہا کہ جب مجھے عمرہ کرنے کا موقع ملا تو میں خوشی

    سے گئی اور جیسے ہی خانہ کعبہ پہنچی اور اسکو دیکھا تو اس کے سحر میں کھو گئی اور میں بالکل ہی یہ بھول گئی کہ مجھے دعا بھی کرنی ہے. انہوں نے کہاکہ پہلی بار خانہ کعبہ کو دیکھ کر میرے کیا جذبات تھے ان کو الفاظ میں بیان کرنا مشکل ہے لائبہ خان نے کہا کہ میرا کام اور میرا حفظ قرآن ہونا دو الگ چیزیں ہیں. مجھے جب بھی موقع ملتا ہے میں اپنی عبادت میں مشغول ہو جاتی ہوں. واضح رہے کہ اداکارہ لائبہ خان نے کم عرصے مین ڈرامہ انڈسٹری میں اپنی پہچان بنائی ہے.

  • مجھے 40 برس ہو گئے کام کرتے لیکن پرائیڈ آف پرفارمنس نہیں دیا گیا عذرا آفتاب کا گلہ

    مجھے 40 برس ہو گئے کام کرتے لیکن پرائیڈ آف پرفارمنس نہیں دیا گیا عذرا آفتاب کا گلہ

    سینئر اداکارہ عذرا آفتاب جو کہ کئی دہائیوں سے شوبز انڈسٹری کی خدمت کررہی ہیں انہوں نے حال ہی میں کہا ہے کہ مجھے چار دہائیوں سے زیادہ ہو چلا ہے ڈراموں میں کام کرتے ہوئے بلکہ کوئٹہ انڈسٹری کے سب ہی فنکار مجھے ڈرامہ انڈسٹری کی ماں سمجھتے ہیں ، افسوس کہ اتنا لمبا سفر اس انڈسٹری میں ، میں نے کاٹ لیا لیکن ابھی تک مجھے پرائیڈ آف پرفارمنس سے نوازا نہیں گیا. انہوں نے کہاکہ میں‌اپنی پوری زندگی شوبزانڈسٹری میں گزار دی اپنی زندگی کا ایک بڑا حصہ ڈراموں میں کام کرتے ہوئے گزر گیا ہے. لیکن آج تک کسی قسم کا ایوارڈ نہیں دیا گیا. اس بار بھی میرا

    نام پرائیڈ آف پرفارمنس کے لئے دیا گیا لیکن مجھے ایوارڈ نہیں ملا .انہوں نے کہا کہ ایوارڈ کسی بھی آرٹسٹ کی ھوصلہ افزائی کےلئے ہوتا ہے لیکن آج تک میری اس قسم کی حوصلہ افزائی نہیں کی گئی. واضح رہے کہ اداکارہ عذرا آفتاب نے 1990ء میں پی ٹی وی کے ڈراموں سے اپنی زندگی کا آغاز کیا انہوں نے لاگ، منزل، محب روٹھ جائے تو، فرض اور ہزاروں خواہشیں، آسمانوں پے لکھا میں اہم کردار نبھا کر شائقین کے دل جیت لئے انکی جاندار آواز اور مضبوط چہرے کے تاثرات ان کا خاصا ہیں.

  • صرحا اصغر نے بچے کی پیدائش کے محض دو ماہ کے بعد ورک آئوٹ کیوں شروع کردیا ؟

    صرحا اصغر نے بچے کی پیدائش کے محض دو ماہ کے بعد ورک آئوٹ کیوں شروع کردیا ؟

    اداکارہ صرحا اصغر اپنے ورک آئوٹ اور خوبصورت ڈانس کی وجہ سے کافی مشہور ہیں. وہ اکثر اداکارہ رابعہ کلثوم کے ساتھ ڈانس وڈیوز میں نظر آتی ہیں. صرحااصغر نے شادی اور بچے کی پیدائش کے بعد شوبز کا کام تو روک دیا لیکن انہیں اپنی فٹنس کا غم کھایا جا رہا تھا کہ کسی طرح سے وہ پھر سے فٹ ہو جائیں. صرھا اصغر بتاتی ہیں کہ انہوں نے بیٹے کی پیدائش کے محض دو ماہ کے بعد ورک آئوٹ اس لئے شروع کر دیا کیونکہ انہیں ڈپریشن ہورہا تھا، کہ میرا وزن بہت زیادہ بڑھ گیا ہے، کب میں اسے کنٹرول کروں گی یا کم کروں گی ، سو میرے بیٹے نے رات کو جیسے

    ہی سونا شروع کیا تو میں نے طے کر لیا کہ بس اب جم جانا ہے لہذا میں نے جم جانا شروع کر دیا. اور اب میں نے کافی حد تک اپنا وزن کم کر لیا ہے. انہوں نے کہا کہ انسان خود کو فٹ رکھے تو وہ ذہنی طور پر بھی مطمئن رہتا ہے اور وہ اچھے سے پرفارم کرتا ہے. انہوں نے کہا کہ میرے بیٹے کو اسکی نانی سنبھالتی ہیں اور میں اپنے کام کرتی رہتی ہوں. صرحا اصغر نے یہ بھی کہا کہ میں نے کام کو بریک لگائی ہوئی ہے بہت جلد مکمل طور پر کام شروع کر دوں گی .

  • زارا نور عباس نے کر دیا ایک بڑا گلہ

    زارا نور عباس نے کر دیا ایک بڑا گلہ

    سینئر اداکارہ اسماء عباس نے اپنے ایک انٹرویو میں کہا ہے ہمارے ہاں ایک بہت عجیب چیز ہے کہ ہیروئین شادی کر لے تو اسکو کام ملنا کم ہوجاتا ہے، اور اگر وہ حاملہ ہوجائے تو برینڈز اور پرڈیوسرز اس کے ساتھ کام کرنا ہی چھوڑ دیتے ہیں. زارا نور عباس نے کہا کہ ایسا نہیں ہونا چاہیے.انہوں نے یہ بھی کہا کہ شادی بچوں اور رنگت کا تعلق ٹیلنٹ اور کام سے نہیں جوڑا جانا چاہیے. یہ کیا بات ہوئی کہ کسی نے شادی کر لی ہے تو اس ہیروئین کو کام ہی نہیں دینا. انہوں نے کہا کہ تعصب ہر جگہ ہوتا ہے بالی وڈ میں بھی ہے ، ہمارے ہاں زرا ان سے کم ہے لیکن ہوتا ضرور ہے

    . انہوں نے کہا کہ میں نے اس طرح کے بہت سارے کیسز دیکھے ہیں اور میرا کچھ ذاتی تجربہ بھی ہے. انہوں نے یہ بھی کہا کہ شادی انسان کو وقت پر کر لینی چاہیے انسان کے کام پر اسکا فوکس ہوجاتا ہے اور وہ زندگی کو ایک الگ نظریے سے دیکھنا شروع ہوجاتا ہے. زارا نور عباس نے کہا کہ مجھے سیاست میں دلچپسی اس حد تک ہے کہ ملک میں کیا ہو رہا ہے اور کیا چل رہاہے. انہوں نے کہا ہر کسی کو اپنی مرضی کے مطابق کسی بھی سیاستدان کو سپورٹ کرنے کا حق حاصل ہے اس چیز کا احترام کیا جانا چاہیے.

  • جب آڈیشن میں موٹاپے کی وجہ سے رد کرتے تھے تو دکھ ہوتا تھا قدسیہ علی

    جب آڈیشن میں موٹاپے کی وجہ سے رد کرتے تھے تو دکھ ہوتا تھا قدسیہ علی

    اداکارہ قدسیہ علی جو جب شوبز انڈسٹری میں آئیں تو ان کا کافی زیادہ وزن تھا ، لیکن اب انہوں نے اپنا وزن حد درجہ کم کر لیا ہے. قدسیہ علی نے اپنے حالیہ انٹرویو میں کہا ہے کہ میں جب بھی آڈیشن دینے جاتی تھی تو مجھے کہا جاتا تھا کہ تمہارا تو وزن بہت زیادہ ہے اسکو کم کرو ورنہ کام نہیں‌ملے گا. مجھے بہت دکھ ہوتا تھا جب صرف اس وجہ سے مجھے ریجیکٹ کر دیا جاتا تھا کیونکہ میرا وزن زیادہ تھا. میں نے ہمت نہ ہاری اور لگی رہی . میں نے کسی کے کہنے پر یا کام ھاصل کرنے کے لئے وزن میں کمی نہیں کی ،مجھے جب لگا کہ خود فٹ اور صحتمند رکھنے

    کےلئے وزن میں کمی کرنی چاہیے تو میں نے کرلی. انہوں نے کہا کہ ہمارے ہاں‌ہی رنگت اور جسمامت کی بناء پر لوگوں کو ریجیکٹ کیا جاتا ہے باہر کے ملکوں میں ایسا نہیں ہوتا وہاں توکام کی مہارت کو دیکھا جاتا ہے. انہوں نے کہا کہ وزن میں کمی اور وزن کی وجہ سے ریجیکٹ ہونا کافی تکلیف دہ رہا لیکن میں نے بہت کچھ سیکھابھی. قدسیہ نے کہا کہ میرے پاس اب خود کام چل کر آرہا ہے اب مجھے آڈیشن میں‌رد بھی نہیں کیا جاتا.